သောကမုန်ညှင်းစေ့များ
“ချစ်သမီး ကိသာဂေါတမီ သင်၏ သားကို ဆေးကုရန် အတွက် လူ မသေဖူးသော သူ၏ အိမ်ထောင်မှ မုန်ညှင်းစေ့ ကို ရအောင် ရှာခဲ့လော့”
ဗုဒ္ဓ
ဗုဒ္ဓ
၀၇-၀၄-၂၀၁၀ နံနက် ၁၀း၁၅ နာရီ
တိဘက်တက္ကသိုလ်စာသင်ခန်း
တစ်ဦးတည်းသော သားကို ဆုံးရှုံးရလေသည့် မိခင်တစ်ယောက်၏ သောကမီးတောက်များက စာသင်ခန်း လေးထဲထိ တောက်လောင်မသွားအောင်တော့ သတိကြီးစွာ ထားလိုက်ရ၏။ ကိသာဂေါတမီရှာဖွေသည်က ရင်သွေးငယ်၏ သေခြင်းတရားကို ရှင်သန်ထမြောက်လာအောင်ကုသပေးမည့် မသေဆေးဖြစ်သည်။ ဗုဒ္ဓအရှင်က သောကပျောက်ဆေးပေးလိုက်သည်။
၀၈-၀၄-၂၀၁၀
မော်ဒန်တောရ
နောက်တစ်ပတ်လေယာဉ်ဖြင့် ပြန်ကြမည့် မိတ်ဆွေများက သူ့နေထိုင်ရာတောရလေးသို့ ရောက်လာကြသည်။ အိမ်ပြန်ခြေလှမ်းများအတွက် တက်ကြွနေကြသည်က သူ့အိမ်လွမ်းစိတ်ကို အညှောက်ပေါက်သွားစေ တော့ သည်။ သို့နှင့် “ရဟန်းတစ်ပါးရဲ့အိမ်”ကို ကောက်ရေးဖြစ်သည်။ မိတ်ဆွေရဟန်းတစ်ပါး၏ ကွန်မင့်စာ သားလေးက ပိုပြီးဆွေးသွားစေ၏။
၀၉-၀၄-၂၀၁၀ ညနေ ၀၅း၂၀ နာရီ
မိဂဒါဝုန်အိမ်သစ်
မောင်စိတ်ကောင်းရှိရာ မိဂဒါဝုန်အိမ်သစ်ဆီ သူရောက်သွားခဲ့သည်။ ကျေးဇူးတင်စကားပြောဖြစ်သည်။ သူက အိမ်ကိုသာ လွမ်းနေတာ ဖုန်းတော့ ပုံမှန်ဆက်လေ့ရှိသူမဟုတ်။ ရဟန်းတစ်ပါး၏ ညာဉ်ပင်ဖြစ်လိမ့်မည်။ ဘာပဲဖြစ်ဖြစ် ရွာလေးဆီ ဖုန်းဆက်ဖြစ်သွားသည်။ ဖခင်ကြီးနှင့် စကားပြောခွင့်ရသည်။
သာကြမာကြပါရဲ့လား မေးခွန်းများအဆုံးတွင်“ အဖေတို့ အမေတို့တော့ မာကြပါရဲ့၊ မောင်ပဉ္ဇင်း တူတော် မောင် အငယ်ဆုံးကောင် မောင်ဝေဖုန်းကတော့ မန္တလေးဆေးရုံကြီးမှာ ရောက်နေပြီ။ ဖျာပုံက ရွာပြန်လာတာ ရာသီကြမ်းတာ မခံနိုင်လို့ ရုတ်တရက်ဖြစ်တာပဲ၊ ထန်းတပင်ဆေးခန်းကနေ ရွှေဘိုဆေးရုံ၊ အဲဒါ သတိပြန် မလည်လို့ ဒီနေ့ပဲ မန္တလေး ဆေးရုံကြီးကို ပို့လိုက်ပြီ။ မောင်ပဉ္ဇင်းနှမဆီကို ဖုန်းဆက်ပြီး အားပေး စကားပြော လိုက်ပါဦး။”
မောင်ဝေဖုန်း ကျန်းမာရေးဆိုပါလား။ သူ့နှမဆီသို့ ဖုန်းဆက်နှိပ်လိုက်သည်။ တစ်ဆွေလုံးတစ်မျိုးလုံးများမှ တစ်လုံးတည်းသာရှိသော ဖုန်းလေးကို သူ့နှမက ပိုင်ဆိုင်ထားပါလေသည်။ သူ့နှမက မြစ်ဝကျွန်းပေါ် ဖျာပုံမြို့လေးတွင် စီးပွားရေးအသေးစားလေးလုပ်နေသည်ဟုတော့ ကြားရသည်။ သူ့နှမလေးက စီးပွားရေး အဆင်ပြေဟန်လည်း တူပါသည်။ သားလေးနှစ်ယောက်နှင့် ပျော်နေသောမိခင်တစ်ယာက်အဖြစ် လွန်ခဲ့သော နှစ်က မုဒိတာဖြစ်စွာ သူတွေ့ခဲ့ရသည်။
သားလေးနှစ်ယောက်၏ အမည်များကိုတော့ သူကိုယ်တိုင်မှည့်ပေးခဲ့ရသည်။ နက္ခတ်ဗေဒင်များနှင့် မကျွမ်းဝင် သော်လည်း သူ့နှမ၏ တောင့်တချက်ကိုငြင်းပယ်မရခဲ့။ သူ့နှမက မွေးသမျှကလေးများ၏ နာမည်ကို အကိုဘုန်းကြီးသာ ကမ္ဗည်းထိုးရမည်တဲ့။ သို့နှင့် ဆန်းကျမ်းလာနည်းနိသျများဖြင့် အမည်ကင်ပွန်းတပ်ပေး ခဲ့ရသည်။
စနေသားဦးအကြီးကောင်ကိုတော့ မောင်ထင်ညီမင်းစံ၊ ဗုဒ္ဓဟူးသားအငယ်ကောင်ကိုတော့ မောင်ဝေဖုန်းညီညီစံ၊ အဖေက ညီညီထွန်း အမေက စန္ဒာဆိုတော့ မိဘနှစ်ပါး၏ ဗြဟ္မစိုရ်အရိပ်ထိုးကျစေနိုင်သည့်နာမည်လေးများကို သူရွေးချယ်ပေးခဲ့သည်။ အငယ်ကောင်ကို နာမည်ပေးရမည့်အချိန် လွန်ခဲ့သောနှစ်က စင်ကာပူတွင် ရောက်နေခဲ့သည့်သူ့ကို သူ့နှမက မျှော်နေခဲ့ပါသည်။ သူပြန်မလာမချင်း မည်သည့်နာမည်ကိုမှ အတည်မပြု၊ သူပြန်လာသည့်အချိန်ထိစောင့်မည်။ အော် မောင်ဝေဖုန်းညီညီစံ ကျန်းမာပါစေ။ ကလေးက ခုမှ တစ်နှစ်ခွဲသာ သာလောက်ပဲ ရှိဦးမည်ထင်သည်၊ ရောဂါအမြန်ပျောက်ပါစေ၊
“ ဟလို ”
“ဟလို”
“အေး ကလေးအခြေအနေဘယ်လိုလဲ ငါ့နှမ”
“ မကောင်းလောက်တော့ပါဘူး ဦးဇင်းရယ်”
စိတ်အားလျှော့သည့်အသံဖြစ်သော်လည်း နှမငယ်၏ မိခင်သောကတွင် ခွန်အားတစ်ရပ်ကိုတော့ ခံစားမိသည်။ ငြင်းပယ်ခွင့်မရှိသော၊ခုခံကာကွယ်ခြင်း၏ အခြားတစ်ဘက်တွင် ရှိသော သဘာဝခေါ်သံများနှင့်ပတ်သက်လျှင် သူသည်လည်း မျှဝေစာနာခြင်းမှအပ မည်သို့မှ အစွမ်းအစမရှိ၊ မေတ္တာပို့ဆုတောင်းခြင်းသည်လည်း အချိန် နှောင်းလျှင် အားကောင်းလှသော မှီခိုရာမဖြစ်နိုင်ပြန်ပါ။
အော် မောင်ဝေဖုန်းလေး ပြန်လာကျန်းမာပါစေ...။
၁၀-၀၄-၂၀၁၀ နံနက် ၀၅း၃၀ နာရီ
မော်ဒန်တောရ
မမျှော်လင့်ချင်သောတယ်လီဖုန်းခေါ်သံဖြစ်သည်။ နှမငယ်နှင့်အတူ ရှိနေသော အမကြီး၏ အသံဖြစ်သည်။ ပထမဆုံးကြားရသော ရှိုက်သံသည် လက်နက်ချလိုက်ပြီဖြစ်ကြောင်းသေချာခဲ့ပါပြီ။ “ ဦးဇင်းရေ ဝေဖုန်းလေး မရှိတော့ဘူး” ။
လူ့ဘ၀ရာသီတွင် ပြက္ခဒိန်နှစ်ပတ်မလည်လိုက်ရရှာသော၊ လူ့ဘ၀၏ တန်ဖိုးကို အသိတရားရှိစွာ တို့ထိခွင့်မ ရခဲ့လေသော မောင်ဝေဖုန်းလေး ကောင်းရာသုဂတိလားပါစေ၊
သူစိုးရိမ်သွားသည်က ကျန်ရစ်ခဲ့သည့်သူ့နှမငယ်ဖြစ်သည်။ ကိသာဂေါတမီလိုမျိုး သောကမုန့်ညှင်းစေ့တွေ လိုက်ကောက်နေလေမလား၊ တစ်ဘက်မှရှိုက်သံများဖြင့် ရုတ်တရက်ဖုန်းချသွားသည့်အခါ သူက ဖုန်းကို ပြန်ကိုင်လိုက်ရပြန်ပါသည်။
“ အမကြီးရေ မိဒါလေးကိုပဲ ဂရုစိုက်လိုက်ပါဟာ”။
သူကသာ ပြောလိုက်ရသည်။ ဖြစ်နိုင်လျှင် မောင်ဝေဖုန်းလေးအတွက် မုန့်ညှင်းစေ့လေးတွေ နှမငယ်နှင့် အတူ ရှာဖွေပေးချင်မိသေးတော့သည်။ အော် သောကမုန့်ညှင်းစေ့များ။
(မောင်ဝေဖုန်းညီညီစံ သံသရာခရီးဖြောင့်ပါစေသား)
ခုမှ အိမ်ကို သတိရနေပေါ့။
ဟိုက ဖေတို့မေတို့လည်း အိုလှပေါ့။ လွမ်းဖော်ရနေသေးတာပဲ အိမ်လွမ်းသူဖြစ်သွားရောပေါ့။