သလွန်ထက်က တစ်ပြည်သူ... အမျိုးပျောက်မှာ စိုးကြောက်ပါတော့သည်...

ဦးအေးချို (မဟာဝိဇ္ဇာ) ၏ အမျိုးပျောက်မှာ စိုးကြောက်ပါတော့သည်


သလွန်ထက်က တစ်ပြည်သူ...














စာမျက်နှာ ၂၄-၃၁-သို့... Print this post

Read more...

Ajahn Jayasaro

Next BIG Event :

Ajahn Jayasaro,

former abbot of the International Forest Monastery

Dhamma Talk and Meditation

Monday 9th Nov. ‘09

At Baan Aree – click the image for details

*****************

*****************

Friday 6th – a number of us will be meeting for inexpensive lunch in Chula University at 11 am before going to the interesting talk by Georges Dreyfus (see below). Open to everyone. Meet 10:45 outside the building where the talk is, and we’ll walk over to the cafe.

(For a Calendar view of the below dates, go to our online )

November

• Sunday 1st – Tuesday 10th : 10 day Retreat in English/Thai with Myanmar master Sayadaw U Janaka. DETAILS
• Every Monday evening, throughout the year, Meditation and short discussion with the Shambhala group, near to MRT Sirikit station DETAILS
• Sunday 1st : WBU Forum with Richard Rubacher DETAILS
• Friday 6th: Georges Dreyfus will give another entertaining and interesting lecture at Chula University – back by popular demand! DETAILS
• Friday6th – Sunday 8th: Shambhala level one meditation course (Tibetan system) DETAILS (external link)
• Saturday 7th: Bhikkhuni Dhammananda talk at the Siam Society DETAILS
• Saturday 7th : Korean Seon club WILL meet as usual
• Monday 9th – Extra Special ‘Littlebang’ Event: Dhamma Talk with Ajahn Jayasaro. DETAILS
• Saturday 14th – Last chance this year to join the one day meditation workshop with Mike and Helge DETAILS
• Sunday 15th Healing meditation at Kathmandu Gallery DETAILS
• Sunday 22nd – Special event and Dhamma talk with an American monk ordained in the Korean Zen lineage DETAILS

Read more...

*မိမိကိုယ်ကို ဆုံးမခြင်း*

အမြင့်ရောက်တိုင်း အမြင်ကျယ်သည် မဟုတ်၊ အမြင်ကျယ်အောင် အားထုတ်ရင်တော့ အမြင့် ရောက်လိမ့်မယ်။

ကိုယ်ကြိုက်တာကိုယ်လုပ်၊ ကိုယ်ဖြစ်ကိုယ်ခံ။

လူဟာ များသောအားဖြင့် မိမိကိုယ်ကို မိမိ
• မလေးစားဘူး။
• မချစ်ဘူး။
• တန်ဖိုး မထားဘူး။
• ပြန်လည်စစ်ဆေးမှု မရှိဘူး။
• မစောင့်ရှောက်ဘူး။
• သနားရကောင်းမှန်း မသိဘူး။
• အမြင့်ရောက်ဖို့လောက်ပဲ အားထုတ်နေတယ်။
• အမြင်ကျယ်အောင် အားမထုတ်ဘူး။

မိမိကိုယ်ကို မိမိ
• လေးစား တန်ဖိုးထားပါ။
• ချစ်ခင်ပါ။
• ကြည်ညို တန်ဖိုးထားနိုင်အောင် အားထုတ်ပါ။
• အချိန်တွေ ဘယ်လောက်မှ မကျန်တော့ပါဘူး။
• ကျန်မယ့် သက်တမ်းက မရေရာပါဘူး၊ အဲဒါကို မျှော်မနေပါနဲ့။
• လက်ရှိမှာ သတိတရားနဲ့ ကွက်တိဖြစ်အောင် အားထုတ်ပါ။
• ၀ီရိယလေး စိုက်ပေးပါ။
• အပျော်အပါး၊ အမော်အကြွား၊ မတော်မတရားတွေနဲ့ အနေချောင်မနေပါနဲ့။
• အနေချောင်ရင်တော့ အသေ မချောင်နိုင်ပါဘူး။
• အသေချောင်အောင် နေရတဲ့ ကာလလေးကို တန်ဖိုးထားပါ။
• ၀ီရိယ ပြဌာန်းပြီး တစိုက်မတ်မတ် အားထုတ်ပါ။
• တိုက်တွန်းပါတယ်၊ နှိုးဆော်ပါတယ်။
• ကိုယ့်ကိုယ်ကိုလည်း ဆုံးမပါတယ်။
• အားထုတ်ကြပါ။ အားထုတ်ပါ။
• လက်ရှိရလာတဲ့ ဘ၀ကို တန်ဖိုးထား အားထုတ်လိုက်စမ်းပါ။

အပ္ပမာဒေန သမ္ပာဒေထ

လေးစားစွာဖြင့်
ဖိုးသား

11/4/2009, WED:, 5:00:06 PM

Read more...

ယမမင်းထံ အစစ်ခံခြင်း

၁။ အိုကွဲ့ ယောက်ျား၊ မောင်လူသား၊ ဘယ်တရားများ ကျင့်ခဲ့တယ်။
ကျွန်တော်မျိုးမှာ၊ လျှောက်စရာ၊ ဘယ်ဟာကိုမျှ မရှိတယ်။

၂။ ကုသိုလ်ကောင်းမှု၊ တစ်ခုခု၊ မပြုခဲ့လားကွယ်။
ယမရာဇာ၊ မေးသောခါ၊ ခမျာ မှိုင်၍နေရှာတယ်။

၃။ အမောင်ယောက်ျား၊ သတိထား၊ စဉ်းစားပါဦးကွယ်။
ဗုဒ္ဓမြတ်စွာ၊ သာသနာ၊ မထွန်းပါလားကွယ်။
ကျွန်တော်တို့ရွာ၊ သာသနာ၊ ထွန်းလှပါတော့တယ်။

၎။ ပဗ္ဗဇ္ဇိ၊ ဒုလ္လဘ၊ မရခဲ့လားကွယ်။
သာသနာစက်၊ ရဟန်းဘက်၊ စိတ်မျှ မကွက်တယ်။

၅။ ရဟန်းဖြစ်မှာ၊ မင်းဆရာ၊ မဟောပါလားကွယ်။
ကျွန်တော့်ဆရာ၊ ဟောပြရှာ၊ နားမှာမဝင်တယ်။
ကျွန်တော့်စိတ်မှာ၊ သည်အခါ၊ ရွာသာ ရောက်တော့တယ်။

၆။ ယောက်ျားစစ်ပ၊ လှလှရ၊ မင်းဘဝကို နှမြောတယ်။
လူတို့ပြည်ရွာ၊ အမောင့်မှာ၊ ဘာများလုပ်ခဲ့တယ်။
ကျွန်တော်မယား၊ စားဖို့များ၊ ကြိုးစား လုပ်ခဲ့တယ်။

၇။ အမောင်,အမောင်၊ ယောင်တောင်တောင်၊ အမောင် မှားခဲ့တယ်။
သဒ္ဓါဖြောင့်တန်း၊ ဒါနခန်း၊ ပြောစမ်းပါဦးကွယ်။
သားကြီးရှင်ဖြစ်၊ ကျွန်တော်စစ်၊ ညှစ်၍ လှူခဲ့တယ်။

၈။ လှူသောအခါ၊ စေတနာ၊ သုံးဖြာညီလားကွယ်။
သုံးချက်စေတနာ၊ နည်းလှပါ၊ မှန်စွာ လျှောက်တော့မယ်။
ကျွန်တော့်အလှူ၊ ကြွေးတွေပူ၊ ငွေကူ မျှော်မိတယ်။
ကူငွေနှင့်သာ၊ ငါလှူတာ၊ ထေမိပါရင် တော်ရော့မယ်။
ကျွန်တော်မျိုးမှာ၊ သည်လိုသာ၊ အောက်မေ့မိပါတယ်။

၉။ ယုတ်မြတ်မဟူ၊ စားသောက်သူ၊ ကြည်ဖြူပါလားကွယ်။
ငွေကူများရာ၊ လူချမ်းသာ၊ မျက်နှာလိုက်၍ ကျွေးခဲ့တယ်။
မျက်နှာနည်းပါး၊ လူမွဲများ၊ မလွဲသာကျွေး ကျွေးခဲ့တယ်။
လူချမ်းသာပင်၊ မဏ္ဍပ်ဝင်၊ ဖျာလျှင်သင်ဖြူး ခင်းပေးတယ်။
သည်ကို ဟိုကို၊ ကြွပါဆို၊ ဗျို့ဗျာမစဲ ခေါ်ခဲ့တယ်။
ကွမ်းဆေးလက်ဖက်၊ ဆီစက်စက်၊ ဝက်နှင့်ကြက်သား ကျွေးခဲ့တယ်။
ကျွန်တော်မျိုးမှာ၊ ငွေမျက်နှာ၊ သည်လိုဟာမှ သဒ္ဓါတယ်။

၁ဝ။ မင့်အလှူမှာ၊ ငွေတွေဟာ၊ နှမြောပါဘိကွယ်။
ပရိက္ခရာ၊ ဆောင်ရန်မှာ၊ ကောင်းစွာ လှူလားကွယ်။
ပရိက္ခရာ၊ ညံ့လှစွာ၊ ဖိုးချိုတာမှ ဝယ်ပေးတယ်။

၁၁။ လှူသောအခါ၊ ပစ္စည်းမှာ၊ စင်ကြယ်ပါလားကွယ်။
ကျွန်တော်လှူတာ၊ ပစ္စည်းမှာ၊ ခိုးတာများခဲ့တယ်။

၁၂။ ပစ္စည်းကုန်မှာ၊ မင်းလှူတာ၊ ဝမ်းနည်းပါလေတယ်။
ဘုန်းကြီးပင့်ခန်း၊ အလမ်းလမ်း၊ ပြောစမ်းပါဦးကွယ်။
အကျင့်သိက္ခာ၊ ရွေးချယ်ကာ၊ မြတ်ရာ ကိုယ်တော် ပင့်လားကွယ်။
သည်လိုဟာမှာ၊ မလေ့လာ၊ မျက်နှာ,နာမှ ပင့်ခဲ့တယ်။
နှုတ်ဆက်ခေါ်ငင်၊ မျက်နှာရွှင်၊ ပုဂ္ဂိုလ်ကောင်းလို့ ထင်ခဲ့တယ်။
သည်လိုဆရာ၊ ကျွန်တော့်မှာ၊ များစွာပင့်ခဲ့တယ်။
တို့အမျိုးပါ၊ တို့ဆရာ၊ တို့ရွာကိုယ်တော် ပင့်ဦးမယ်။
ပြောင်းနှင့်စပါး၊ မင်းတို့များ၊ ဘယ်လောက်ရလားကွယ်။
ကျောင်းကိုများသွား၊ ရယ်ဟားဟား၊ လက်ဖက် ကွမ်းစားတယ်။
ငှက်ပျော အုန်းသီး၊ ဒကာကြီး၊ မြည်းစမ်းပါဦးကွယ်။
သည်လိုခေါ်ဆို၊ မျက်နှာချို၊ ထိုပုဂ္ဂိုလ်ကိုမှ ပင့်ခဲ့တယ်။
ကျွန်တော်တို့ရွာ၊ လှူကြတာ၊ သည်လိုချည်းသာ ပင့်ကြတယ်။

၁၃။ အမောင်လှူတာ၊ ဗလချာ၊ တန်ပါဦးတော့ကွယ်။
အင်္ဂါငါးလီ၊ ပဉ္စသီ၊ ဆောက်တည်မြဲလားကွယ်။
သီလငါးပါး၊ ကျင့်တရား၊ ပျက်ပြားများခဲ့တယ်။
သက်သတ်ခိုးမှု၊ ကာမေသု၊ တစ်ခုမကျန် ပေါက်ခဲ့တယ်။
မုသားသေရည်၊ ဤနှစ်လီ၊ ဝသီရှိတိုင်း ကျင့်ခဲ့တယ်။

၁၄။ ဖြစ်ခဲလေစွ၊ လူ့ဘဝ၊ သနားလှတော့တယ်။
ကျွန်တော်ချည်းသာ၊ မဟုတ်ပါ၊ လူတကာလည်း ပျက်ကြတယ်။
မိန်းမတွေဟာ၊ ပျက်လိုက်တာ၊ ဈေးဝယ်တာတောင် ရန်ဖြစ်တယ်။

၁၅။ သည်မှတစ်ခန်း၊ ရှေ့သို့လှမ်း၊ မေးစမ်းပါဦးမယ်။
ဘုရား တရား၊ သံဃာများ၊ ဝပ်တွားပါလားကွယ်။
ဘုရားဖူးများ၊ တဟားဟား၊ ပျော်ပါးရအောင်လိုက်ဖူးတယ်။

၁၆။ လိုက်သောအခါ၊ မြတ်ဗုဒ္ဓါ၊ ကြည်ညိုလှစွာ ဖူးလားကွယ်။
ဗုဒ္ဓဂုဏော၊ စိတ်မစော၊ ရယ်မော စားသောက် ပြန်ခဲ့တယ်။

၁၇။ မာတာပိတ၊ မိနှင့် ဖ၊ ညွတ်တွား ခယ ပါလားကွယ်။
မညွတ်ခ,ဘဲ၊ ကျွန်တော်လည်း၊ ဆဲတောင် ဆဲသေးတယ်။

၁၈။ မှားစွမှားစွ၊ မောင်ဗာလ၊ သနားပါဘိကွယ်။
တရားတော်မှာ၊ ဒေသနာ၊ ကြားနာရဲ့လားကွယ်။
စိတ်ကမပါ၊ ရှက်လိုက်တာ၊ လူဆိုမှာကြောင့် နာဖူးတယ်။

၁၉။ နာသောအခါ၊ မင်းစိတ်မှာ၊ သဒ္ဓါကြည်နူး ရှိလားကွယ်။
ကယောင်ချောက်ချား၊ စိတ်ကသွား၊ တောထဲများတောင် ရောက်သေးတယ်။

၂ဝ။ ပုဂ္ဂိုလ်များစွာ၊ ဟောကြားပါ၊ သည်တစ်ခါလားကွယ်။
ကျွန်တော်မျိုးမှာ၊ သည်တစ်ခါ၊ လူမျက်နှာကြောင့် လိုက်သေးတယ်။

၂၁။ သည်တစ်ခါ,နာ၊ အမောင်မှာ၊ ကြည်ညိုပါလားကွယ်။
တရားလည်းချ၊ အိပ်ရေးဝ၊ ထ၍ ပြန်ခဲ့တယ်။
မိန်းမတွေဟာ၊ ငိုက်လိုက်တာ၊ ကျွန်တော့်ထက်တောင် သာသေးတယ်။

၂၂။ စံကျောင်းဝိဟာ၊ မြတ်သံဃာ၊ ဆည်းကပ်ပါလားကွယ်။
ဆွမ်း မုန့် ငှက်ပျော၊ ကျောင်းမှာပေါ၊ ရော၍လိုက်ဖူးတယ်။

၂၃။ လိုက်သောအခါ၊ ထေရ်သံဃာ၊ ရဟန္တာသို့ ထင်လားကွယ်။
ဘုန်းကြီးနားမှာ၊ မရောက်ပါ၊ တော်ရာချောင်က ခိုခဲ့တယ်။

၂၄။ ခိုသောအခါ၊ မင့်စိတ်မှာ၊ ကြည်ညိုပါလားကွယ်။
ကြည်ညိုဝေးကွာ၊ ကျွန်တော့်မှာ၊ စားစရာသာ ကြည့်ခဲ့တယ်။
သူရကာယ်ပင်၊ ကျိုးမမြင်၊ ဘုန်းကြီးကပင် နှမြောတယ်။
သည်လိုများပေ၊ ကျွန်တော်လေ၊ ဆိုတောင်ဆိုမိတယ်။
ကျွန်တော်ချည်းသာ၊ မဟုတ်ပါ၊ သူတကာလည်း ဆိုကြတယ်။

၂၅။ ကျောင်းပစ္စည်းများ၊ အမောင်အား၊ မစားမသောက် ကင်းလားကွယ်။
စားသည့်ထမင်း၊ ဝမ်းတောင့်တင်း၊ ကျောင်းကအနိုင် ဆင်းခဲ့တယ်။

၂၆။ စားသည်မယွင်း၊ ကျောင်းတလင်း၊ ခတ်ခြင်း တံမြက် လှည်းလားကွယ်။
မလှည်းမိပါ၊ ကျွန်တော့်မှာ၊ စားပြီး သောက်ခါ ပြန်ခဲ့တယ်။
ကျွန်တော်တို့ရွာ၊ လူတွေဟာ၊ သည်လိုချည်းသာ စားကြတယ်။

၂၇။ အမောင် ယောက်ျား၊ မင်းဖြစ်ငြား၊ သနားပါဘိတယ်။
ဥပုသ်စောင့်ခန်း၊ ရှေ့သို့လှမ်း၊ မေးစမ်းပါဦးမယ်။
ဥပုသ်အင်္ဂါ၊ အရိယာ၊ ဖြူစွာသီလ စောင့်လားကွယ်။
ဘုန်းကြီးများထံ၊ သီလခံ၊ ကြွက်ဆူညံအောင် ပြောခဲ့တယ်။

၂၈။ ပြောသောစကား၊ မင်းဖြစ်ငြား၊ တရားကြောင်းလားကွယ်။
လယ်,ယာ,ကျွဲ,နွား၊ ပြောင်းစပါး၊ သားမယားကြောင်း ပြောခဲ့တယ်။
စပ်မိစပ်ရာ၊ ပြောလိုက်တာ၊ နွားချင်းလဲရာ ရောက်သေးတယ်။
စကားမဆုံး၊ တစ်နေ့လုံး၊ အုံးအုံးကြွက်အောင် ပြောခဲ့တယ်။
သည်လိုနှင့်ပင်၊ နေသာဝင်၊ အိမ်လျှင်ပြန်ခဲ့တယ်။
ဥပုသ်စောင့်ရာ၊ ပြောကြတာ၊ မိုးမရွာကြောင်းသာ များကြတယ်။

၂၉။ သီလပြောက်ကြား၊ စောင့်လေငြား၊ မိုးကား ကွက်ကြားရွာတတ်တယ်။
မင်းတို့လူ့ဘောင်၊ သီလကြောင်၊ မိုးရှောင်ကွင်းတတ်တယ်။
မင်းတို့ဖြစ်ပုံ၊ အလုံးစုံ၊ အကုန်တွေးပကွယ်။
မင်းတို့စောင့်တာ၊ ဥပုသ်မှာ၊ ထမင်းဆာတာ သနားတယ်။
ဘာဝနာလမ်း၊ ကမ္မဋ္ဌာန်း၊ စီးဖြန်းပါလားကွယ်။
ဘာဝနာလမ်း၊ ကမ္မဋ္ဌာန်း၊ စီးဖြန်းနည်းခဲ့တယ်။

၃ဝ။ တရားစကား၊ အမောင့်အား၊ ဆွေးနွေးပါလားကွယ်။
တတ်သည်ဆိုလျှင်၊ ကျွန်တော်ပင်၊ အလွန်မေးချင်တယ်။

၃၁။ မေးသောအခါ၊ မင်းစိတ်မှာ၊ ဘာဝနာလားကွယ်။
မဖြေနိုင်က၊ အရှက်ရ၊ နာမည်ပျက်အောင် မေးခဲ့တယ်။
တစ်ခါတစ်ခါ၊ ကျုပ်တို့ရွာ၊ စာ စကားသာ ပြောကြတယ်။
သင်္ဂြိုဟ်ဘေးပေါက်၊ ကောက်သင်းကောက် ရောက်မိရောက်ရာ ငြင်းကြတယ်။
ကျွန်တော်ကတောင်၊ တတ်ဟန်ဆောင်၊ ဖောင်ဖောင်လန်အောင် ငြင်းခဲ့တယ်။

၃၂။ ငြင်းသောအခါ၊ မင်းစိတ်မှာ၊ ဘယ်လိုပါလဲကွယ်။
ကျွန်တော်ကပင်၊ ဂုဏ်လိုချင်၊ တတ်သည်ထင်အောင် ငြင်းခဲ့တယ်။
ကျွန်တော်တို့ရွာ၊ လူတွေဟာ၊ စာငြင်းတာနှင့် ရန်ဖြစ်တယ်။

၃၃။ အမောင်ယောက်ျား၊ လျှောက်စကား၊ အမှားတွေသာ များခဲ့တယ်။
အားကိုးစရာ၊ ကုသိုလ်မှာ၊ ဘယ်ဟာကိုမျှ မရှိတယ်။
တစ်ခုကိုမျှ၊ မေးမရ၊ ဝမ်းနည်းလှချေတယ်။
အမောင့်ဖြစ်ထွေ၊ သနားလေ၊ လူ့ပြည်မယား မကယ်တယ်။
မကယ်ဖြစ်တာ၊ မင်းတစ်ခါ၊ ကြမ္မာမှောက်တော့မယ်။
အမောင့်ဖြစ်ပုံ၊ အလုံးစုံ၊ အကုန်သနားတယ်။
ယမရာဇာ၊ မေးသောခါ၊ ခမျာမှိုင်၍ နေတော့တယ်။
သည်သောအခါ၊ ငရဲရွာ၊ ဆွဲကာချတော့တယ်။

ယမမင်းထံ အစစ်ခံ သံပေါက် နိဋ္ဌိတံ။


ကျမ်းကိုး ။ ။ အမတ်ကြီး ဦးပေါ်ဦး
ဒေ၀ဒူတ၀ဂ်၊ တိကနိပါတ်၊ အင်္ဂုတ္တိုရ်။

************************************************************************************

http://sandarthuriya.wordpress.com/ စန္ဒာသူရိယ ဆိုဒ်မှ....


ကိုဖိုးသား ပို့ပေးသော မေးလ်အား ထပ်ဆင့်ဖော်ပြပေးပါသည်။

ရွှေလမ်းငွေလမ်းဝင်းကြည်
၂၀၀၉ ခု၊နိုဝင်ဘာလ(၄)ရက်၊ည(၇)နာရီ ကူးယူ၏။

Read more...

သာသနာပြုနည်း

အနှစ်ကိုးပါး(အပိုင်း-၂၅)

ဗုဒ္ဓကို သားမက်တော်ချင်လို့တဲ့
ဆရာတော်ဘုရားကြီးက ''မနေနိုင်အောင် နှောင့် ယှက်တဲ့နေရာမှာ ဘုရားကိုယ်တော်မြတ်ကဲ့သို့ နေဖြစ် အောင်ကို နေပြရမယ်၊ ငါငယ်ငယ်တုန်းက ဇာတ်ကြည့်ဖူးတယ်''။
''ငယ်ငယ်တုန်းက ဇာတ်သွားကြည့်တော့ အဲဒီတုန်းက ဖိုးစိန်ကြီးဇာတ်၊ အဲဒီဇာတ်ထဲမှာ သာမာဝတီတို့၊ မာဂဏ္ဍီတို့ ဇာတ်ထုပ်ကိုခင်းတာ၊ ဥတေနမင်းဟာ သာမာဝတီမိဘုရားနဲ့ မာဂဏ္ဍီမိဖုရား မိဖုရားနှစ်ယောက် ထားတယ်''။
''မာဂဏ္ဍီဆိုတာ ပုဏ္ဏေးမကြီး၊ ဘုရားကိုယ်တော် မြတ်အပေါ်မှာ မကျေမနပ်ဖြစ်ပြီး ရန်ငြိုးပြင်းထန်တဲ့ မိဖုရားကြီး၊ သူ ရန်ငြိုးပြင်းထန်ပုံက ဒီလို။ သူက အချောအလှ''။
''ဘုရားကိုယ်တော်မြတ် ဒေသစာရီလှည့်ရင်းနဲ့ မာဂဏ္ဍီပုဏ္ဏားကြီးတို့နဲ့ တွေ့ကြတာ''။
''တွေ့တော့ မာဂဏ္ဍီပုဏ္ဏားကြီးက ဘုရားကို ကြည့်ပြီးတော့ 'သြော် လောကမှာ ဒါလောက်ချောတဲ့ ယောက်ျားဟာ ငါ့သားသမက်ဖြစ်ရင် ကောင်းလေစွ' လို့ စိတ်ကူးမိသတဲ့''။
''ငါ့သမက်ဖြစ်ရင် ကောင်းလေစွ၊ ငါ့သမီး ချောနဲ့ လက်ထပ်မယ်ဆိုပြီး၊ အိမ်ခပ်မြန်မြန် ပြန်ပြီးတော့ ဇနီး မယားခေါ်၊ သမီးအလှ မာဂဏ္ဍီကို အလှပြင်ပြီးတော့ သားအမိ သားအဖ သုံးယောက်သား ဘုရားဆီပြန်လာကြတာ''။
''ဘုရားဆီရောက်တော့ ဘုရားကို အပ်တယ်၊ 'အရှင်ဘုရား တပည့်တော်တို့ရဲ့ သမီးဟာ လောကမှာ အချောဆုံးမို့လို့ အချောဆုံးဖြစ်တဲ့ အရှင်ဘုရားနဲ့မှ တော်ပါတယ်၊ သမီး မာဂဏ္ဍီကို ယူတော်မူပါ'လို့ ဘုရားကို သမီး အပ်တယ်''။
'' ဒီတော့ ဘုရားကိုယ်တော်မြတ်က 'မစင်အပြည့် ထားတဲ့ အိုးကို ပန်းချီရေးထားသလို ငါ ထင်တယ်၊ ခြေ ထောက်နဲ့တောင်မှ နင့် သမီးကို ငါ မတို့ချင်ဘူး၊ ငါဘုရား ဖြစ်ကာစ ဗောဓိပင်နားမှာ မာရ်နတ်ကြီး သမီးသုံးယောက် လာအပ်တာတောင် ငါ လက်မခံခဲ့တာ၊ ဒါ့ကြောင့် နင့် သမီးကို ခြေဖျားနဲ့တောင် မတို့လိုဘူး'လို့ ဘုရားက မိန့် လိုက်တယ်''။
''သူကတော့ လောကမှာ အချောဆုံးသမီး၊ အမြတ် ဆုံးသမီးဆိုပြီးတော့ မြတ်မြတ်နိုးနိုးထား၊ ဘုရားက အဲဒီလို ပြောလိုက်တော့ ဘုရားကိုစိတ်ဆိုးပြီးတော့ ရန်ငြိုးထားတာ၊ အဲဒီမှာ မာဂဏ္ဍီပုဏ္ဏေးမလေးဟာ ဘုရားအပေါ်မှာ မကျေနပ်တာ''။
''ငါသာ တွန်းလှန်နိုင်တဲ့အချိန် တုံပြန်နိုင်တဲ့ အချိန်မှာ ဒီသိဒ္ဓတ္ထကို တုံ့ပြန်လိုက်ဦးမယ်လို့ ရန်ငြိုးထားပြီး တော့ ဘုရားရှင်ကိုယ်တော်မြတ် ကောသမ္ဗီပြည်အကြွမှာ အကြီးအကျယ် အနှောင့်အယှက်တွေပေးတာ၊ ဘုရား မနေ နိုင်အောင်လုပ်တယ်၊ လူငယ်တွေကို အရက်တိုက်၊ မြှောက် ပေးပြီးတော့ ဘုရားကို အဆဲခိုင်းတယ်''။
''သာမာဝတီကလဲ ခုဇ္ဇုတ္တရာရဲ့တရားကို နာပြီး တော့ သောတာပန်ဖြစ်တော့ ဘုရားကို သိပ်ပြီးတော့ ကြည် ညိုတယ်၊ မပြတ် မပြတ်တရားနာ၊ သင်္ကန်းတွေလှူ၊ ဒီလိုလုပ်နေတာ၊ ဥတေနမင်းက ဘုရားကို မကြည်ညိုသေးဘူး၊ အဲဒီ တော့ မာဂဏ္ဍီက အခွင့်ရတယ်''။
''သာမာဝတီတို့ မြတ်ဘုရားကို ဂရုစိုက်လေသမျှ မာဂဏ္ဍီ က ကုန်းတိုက်စရာ အကွက်ချည်း ဖြစ်ဖြစ်နေတယ်၊ ဘုရားကိုယ်တော်မြတ်နဲ့ သာမာဝတီဟာ တိတ်တဆိတ် ဖောက်ပြန်နေသလိုလို သူက ဥတေနမင်းကြီးကို သွားသွား ပြီးတော့ တိုက်တာ''။
''အဲဒီမှာ ဥတေနကလဲပဲ သူ့အသက်ထိရင် တော်သေးတယ်၊ မိဖုရားထိရင်တော့ အသက်ကို ထိတာထက် ဆိုးတယ်၊ ဟုတ်လား၊ အဲဒီတော့ ဥတေနကလဲ ဒေါသူပုန်ထတော့ ဘုရားကိုယ်တော်မြတ်ဟာ အဲဒီ ကောသမ္ဗီပြည်မှာ ဒုက္ခ ဖြစ်လိုက်တာ''။
''ဘုရားကိုယ်တော်မြတ် ကောသမ္ဗီမှာ မနေနိုင်အောင် မာဂဏ္ဍီက ကုန်းတိုက်ပြီးတော့ ဥတေနမင်းရဲ့ အကူအညီနဲ့ ဘုရားကို နှင်ထုတ်သလိုပဲတဲ့၊ တို့ သာသနာပြု ရဟန်းတော်တွေ အိန္ဒိယမှာ မနေနိုင်အောင် ဒီလိုလုပ်တဲ့ ပုဂ္ဂိုလ်တွေ အများကြီးပဲ''လို့ ဆရာတော်ကြီး ပြောပြတယ်။

သာသနာပြုပုဂ္ဂိုလ်များရဲ့ အရည်အချင်း
ဘာပဲဖြစ်ဖြစ် ဘုန်းကြီးတို့ သာသနာ့ဝန်ထမ်း ရှင် ရဟန်းများဟာ နောင်ခါးဆရာတော်ကြီးကို နမူနာယူပြီး ကိုယ့်တစ်နေရာတည်းမှာ မနေဘဲ လိုအပ်တဲ့နေရာမှာ နေဖို့, ဘာသာခြားတွေ ဘယ်လိုပင် နှောက်ယှက် နှောက်ယှက် ခုံခံကာကွယ်ဖို့, သည်းခံခြင်း ခန္တီနှင့် ဇွဲလုံ့လရှိဖို့ အထူး လိုအပ်လှပါတယ်။
ထိုကဲ့သို့ ခိုင်မာသောစိတ်ဓာတ်, ပြင်းထန်သော ဆန္ဒရှိမှသာလျှင် သာသနာတော်ကြီးဟာ ရေရှည်တည်တံ့ နိုင်မှာ ဖြစ်ပါတယ်။ ''ဘုရင့်နောင်ဖောင်ဖျက်နည်း''ဟာ သာသနာပြုနည်းများစွာထဲက သာသနာပြုနည်းတစ်မျိုး ပါပဲ။ နောက်မဆုတ်တဲ့စိတ်ဟာ သိပ်ပြီးတော့ လိုအပ်ပါ တယ်။

အနှစ်(၉)ပါး
ဒီတော့ နိဂုံးချုပ်အနေနဲ့ ပြောရအောင် အနှစ် ကိုးပါးဆိုတာ ''သုံးပါးရတနာ၊ သုံးသိက္ခာ၊ သုံးဖြာလက္ခဏာ'' ပါပဲ။ ရတနာ ၃-ပါး၊ သိက္ခာ ၃-ပါး၊ လက္ခဏာ ၃-ပါး။ ပေါင်း ၉-ပါး။
ဗုဒ္ဓဆိုတာ အလွန်တရာထူးခြားတဲ့ အတွေးအခေါ် ပညာရှင်တယောက်ပါဆိုတော့ ဗုဒ္ဓရတနာအပေါ်မှာ ယုံ မှားကြတယ်။
ဘုရားရတနာ ရှိတယ်ဆိုပေမယ့် အဲဒီ ဘုရား ကိုယ်တော်မြတ်ရဲ့ အပေါ်မှာ ခုနကပြောသလို မယုံတဝက် ယုံတဝက်နဲ့ ဘုရားကိုးကွယ်တာဆိုတော့ မပြည့်စုံသေးဘူး။
ဘုရားဟောတဲ့ ပိဋကတ်သုံးပုံတော့ လက်ခံပါတယ်။ သို့သော်တချို့ပိဋကတ်တွေဟာ လုပ်ကြံပြီးတော့ ရေးထည့်ထားတာဆိုပြီး ဓမ္မရတနာအပေါ်မှာ ယုံမှားကြတယ်။
ဓမ္မရတနာကို လက်ခံတယ်ဆိုပေမယ့်လဲပဲ တရား အကုန်လက်ခံတာ မဟုတ်ဘူး။ မဂ္ဂင်ရှစ်ပါး သစ္စာ လေးပါး လောက်ပဲ လက်ခံတယ်ဆိုတဲ့လူက အများကြီးပဲ။ ကျန်တဲ့ ပိဋကတ်တွေ အားလုံးဖယ်ပစ်တယ်။ ဒီလိုလဲ ရှိသေးတာ။
သံဃာလို့ဆိုပင်ဆိုသော်လည်း သိပ်မရှိဘူး။ ကမ္မ ဝါစာ မရှိဘူး ဆိုကတည်းက သံဃာဖြစ်ကို ဖြစ်မလာဘူး။ တိဘက်ဘုန်းကြီးတွေ သိမ်ထဲမှာ ရဟန်းဖြစ်တာမဟုတ်ဘူး။ကမ္မဝါစာ မလိုဘူး။ သူတို့နည်းနဲ့ သူတို့လုပ်ကြတာ။
ဘုန်းကြီးတို့ မြန်မာပြည်မှာတော့ အဲဒီ ၉-မျိုးစလုံး အကုန်ရှိတယ်။ အကုန်လုံးကို လက်ခံတယ်။ ဒါ့ကြောင့် အနှစ်ပြည့်တဲ့ တိုင်းပြည်မှာ လူဖြစ်ရတာ အနှစ်ပြည့်တဲ့လူ လာဖြစ်လို့ ကံကောင်းပါတယ်။ ကိုယ့်တန်ဖိုးကို နားလည် ကြပါ။ တန်ဖိုးရှိမှန်းသိမှလည်း တန်ဖိုးထားပါတယ်။
ရတနတ္တယံ စ လက္ခဏံ၊ သိက္ခတ္တယံ စ ထာပရံ။ တိတိဂုဏာ ဣမေ ဓမ္မာ၊ သာရာ ဟိ ပိဋကတ္တယေ။
ရတနတ္တယံ စ၊ ဘုရား၊ တရား၊ သံဃာဟု ဆိုအပ်သော ရတနာသုံးပါးလည်းကောင်း။ သိက္ခတ္တယံ စ၊ သီလ၊ သမာဓိ၊ ပညာဟု ဆိုအပ်သော သိက္ခာသုံးပါးလည်းကောင်း။ လက္ခဏံ လက္ခဏတ္တယံ စ၊ အနိစ္စ၊ ဒုက္ခ၊ အနတ္တလို့ ဆိုရ သည့် လက္ခဏာသုံးပါးလည်းကောင်း။ ဣတိ၊ ဤသို့။ တိတိ ဂုဏာ၊ သုံးသုံးလီ ဖြစ်ကြကုန်သော။ ဣမေဓမ္မာ၊ ဤတရား သည် ကား။ ပိဋကတ္တယေ၊ ဘုရားဟောဖော် ပိဋကတ်သုံးပုံ ပါဠိတော်၌။ သာရာဟိ သာရဧဝ၊ အနှစ်တရားတို့သည် သာလျှင်။ ဟောန္တိ၊ ကောင်းစွာမသွေ ဖြစ်ပါပေကုန် သတည်း။
''သာဓု သာဓု သာဓုပါဘုရား''။


ဆက်လက်ပြီး ဆုတောင်း-၆မျိုးတရားဆဆက်များကို တင်ပြသွားပါမည်။
သီတဂူစတား
၎-၁၁-၂၀၀၉

Read more...

ဂုဏ်တော် ၉ ပါး ဘုရားရှစ်ခိုး

ဂုဏ်တော် (၉) ပါး ဘုရားရှိခိုး

အစိန္တေယျ၊ အစိန္တေယျ၊ အပ္ပမေယျ၊ အပ္ပမေယျ၊ မကြံဆ မနှိုင်းယှဉ်ကောင်းသော ဂုဏ်တော်အပေါင်း အနန္တနှင့်၊ လုံးဝဥဿုံ ပြည့်စုံတော်မူပေသော မြတ်စွာဘုရား။

(၁) (က) အရဟံ၊ လွန်ကဲ ထူးမြတ်သော သီလဂုဏ်၊ သမာဓိဂုဏ်၊ ပညာဂုဏ်၊ ၀ိမုတ္တိဂုဏ်၊ ၀ိမုတ္တိဥာဏ ဒဿန ဂုဏ်တော်အပေါင်းနှင့် ပြည့်စုံတော်မူသောကြောင့်၊ လူနတ်ဗြဟ္မာ သတ္တ၀ါအပေါင်းတို့၏ ပူဇော်အထူးကို ခံယူတော်မူထိုက်သော မြတ်စွာဘုရား။

(ခ) အရ,ဟံ၊ ၀ါသနာနှင့်တကွ တထောင့်ငါးရာ ကိလေသာအညစ်အကြေးတို့မှ ကင်းဝေးစင်ကြယ်တော် မူပေသော မြတ်စွာဘုရား။

(ဂ) အရ,ဟံ၊ လောဘ၊ ဒေါသ၊ မောဟ အစရှိသော ကိလေသာ ရန်သူတို့ကို ပယ်သတ်တော်မူပြီးသော မြတ်စွာဘုရား။

(ဃ) အရ,ဟံ၊ သံသရာစက်၏ ထောက်အကန့်တို့ကို ချိုးဖျက်တော်မူပြီးသော မြတ်စွာဘုရား။

(င) အ,ရဟံ၊ မျက်မှောက် မျက်ကွယ် အချင်းခပ်သိမ်းစင်ကြယ်၍ ဆိတ်ကွယ်ရာ မရှိတော်မူသော မြတ်စွာဘုရား။

၂။ သမ္မာသမ္ဗုဒ္ဓေါ၊ သစ္စာလေးပါး ခပ်သိမ်းသောတရားတို့ကို သူတပါးထံ နည်းမခံဘဲ ကိုယ်တိုင်ဥာဏ်အဟုန်အစွမ်းဖြင့် စူးစမ်းရှာဖွေကာ မှန်ကန်စွာ သိတော်မူပေသော မြတ်စွာဘုရား။

၃။ ၀ိဇ္ဇာစရဏ သမ္ပန္နော၊ ၀ိဇ္ဇာမည်သော ဥာဏ်ထူး(၃)ပါး၊ ဥာဏ်ထူး(၈)ပါး၊ စရဏမည်သော အခြေခံအကျင့်တရား(၁၅)ပါးတို့နှင့် ပြည့်စုံတော်မူပေသော မြတ်စွာဘုရား။

၎။ (က) သုဂတော၊ သတ္တ၀ါတို့အား အကျိုးများကြောင်း ဟုတ်မှန်သောစကားကောင်းကိုသာ မြွက်ဆိုတော်မူတတ်ပေသော မြတ်စွာဘုရား။

(ခ) သုဂတော၊ မဂ္ဂင်ရှစ်ဖြာ၊ တင့်တယ်သောအမူအရာတို့ဖြင့် ကောင်းစွာသွားခြင်း ကောင်းစွာဖြစ်ခြင်း ရှိတော်မူသော မြတ်စွာဘုရား။

၅။ လောက၀ိဒူ၊ လောက၏အကြောင်းတရားအလုံးစုံကို အကုန်အစင် သိမြင်တော်မူပေသော မြတ်စွာဘုရား။

၆။ (က) အနုတ္တရော အမြင့်မြတ်ဆုံးဖြစ်သော သီလဂုဏ်၊ သမာဓိဂုဏ်၊ ပညာဂုဏ်၊ ၀ိမုတ္တိဂုဏ်၊ ၀ိမုတ္တိဥာဏ ဒဿနဂုဏ်တော်အပေါင်းနှင့် ပြည့်စုံတော်မူသောကြောင့် လောကဓါတ်အလုံး၌ အမြင့်မြတ်ဆုံး ဖြစ်တော်မူပေသော မြတ်စွာဘုရား။

(ခ) ပုရိသဓမ္မသာရထိ၊ ယဉ်ကျေးလိမ္မာ ပညာအသိမရှိကြသေး မပြည့်ဝသေး၍ ဆုံးမပေးထိုက်သော ပုဂ္ဂိုလ်တို့အား ယဉ်ကျေးလိမ္မာ ပညာပြည့်ဝ အချိုးကျအောင် ဆုံးမသွန်သင်တော် မူတတ်ပေသော မြတ်စွာဘုရား။

(ဂ) အနုတ္တရော ပုရိသ ဒမ္မသာရထိ၊ ဆုံးမထိုက်သော ပုဂ္ဂိုလ်တို့အား ညွှန်ကြားသွန်သင်ပဲ့ပြင်ဆုံးမမှု၌ အတုမရှိ အမြတ်ဆုံးဖြစ်တော်မူပေသော မြတ်စွာဘုရား။

၇။ သတ္တာဒေ၀ မနုဿာနံ၊ ချမ်းသာရကြောင်း လမ်းကြောင်းညွှန်ပြ ဆုံးမတော် မူတတ်၍ လူနတ်တို့၏ ဆရာမြတ်အစစ် ဖြစ်တော်မူပေသော မြတ်စွာဘုရား။

၈။ ဗုဒ္ဓေါ၊ သစ္စာလေးအစုံ တရားအလုံးစုံကို အကုန်အစင် သိမြင်တော်မူပေသော မြတ်စွာဘုရား။

၉။ ဘဂ၀ါ၊ ဘုန်းတော်အနန္တ ကံတော်အနန္တ ဥာဏ်တော်အနန္တ တန်ခိုးတော်အနန္တတို့နှင့် လုံးဝဥဿုံ ပြည့်စုံတော်မူပေသော မြတ်စွာဘုရား။

အရဟံ အစရှိသော ကိုးပါးသောဂုဏ်တော် ဆယ်ပါးသောဂုဏ်တော် အနန္တဂုဏ်တော် ကျေးဇူးတော်အပေါင်းတို့နှင့် ပြည့်စုံတော်မူသော သက်တော်ထင်ရှား သဗ္ဗညုမြတ်စွာဘုရားကို ဘုရားတပည့်တော်သည် ရိုသေမြတ်နိုး လက်အုပ်မိုး၍ ရှိခိုးပါ၏ မြတ်စွာဘုရား။



--------------------------------------------------
ဒေါက်တာ မြတ်ဥာဏ်+မ၀ါဝါခိုင်မင်း(အောင် သွားဘက်ဆိုင်ရာဆေးခန်း)၊ သမီးလေး မေမြတ်နိုးခိုင် မိသားစုမှ ဓမ္မဒါန လှူဒါန်းထားပါသည် ။

ကျန်းမာပျော်ရွှင်နိုင်ကြပါစေ.

Read more...

ရှင်အရဟံရဲ့ မြန်မာပြည်တရားဦး

အမေး။ ။ရှင်အရဟံက အနော်ရထာမင်းကို ပထမဆုံး ဟောတဲ့ တရားဦးများ ရှိရင် သိပါရစေပါဘုရား။
Dr. တင့်ဇင်ဦး
Men sfield, Endland
အဖြေ။ ။ ရှင်အရဟံရဲ့ တရားဦးကို ပြောမယ်ဆိုရင် ရှင်အရဟံနဲ့ အနော်ရထာမင်းတို့ တွေ့ဆုံကြပုံ စိတ်ဝင်စားစရာ ကောင်းပါတယ်။ စာဖတ်သူများလည်း ဗဟုသုတ ဖြစ်အောင် သူတို့နှစ်ဦးတွေ့ဆုံပုံလေးကို အကျဉ်းမျှ ဖေါ်ပြပေးလိုက်ပါတယ်။

အခါတစ်ပါး မြန်မာပြည်မှာ သာသနာထွန်းကားနိုင်ရန်အတွက် အရှင်အရဟံဟာ ပုဂံပြည်သို့ ကြွလာကာ မြို့နဲ့ မနီးမဝေး တောအုပ် တစ်ခုမှာ သီတင်းသုံးနေပါတယ်။
ထိုအခါသိကြားမင်းက ဘုရင်အနော်ရထာနဲ့ အရှင်အရဟံ တွေ့ဆုံနိုင်အောင် တောလယ်နေတဲ့ မုဆိုးတစ်ယောက်နဲ့ အရှင်အရဟံကို တွေ့ဖို့ ဖန်တီးပေးလိုက်ပါတယ်။ သူတို့နှစ်ဦး တွေ့ကြတဲ့အခါ မုဆိုးက ဒီလူဟာ ဘီးလူးလား၊ လူရိုင်းလား တစ်ခုခုဖြစ်နိုင်တယ်။ ဘုရင်ကို ဆက်သရရင်ကောင်းမယ်ဆိုပြီး၊ အရှင်အရဟံကို ဖမ်းယူကာ ဘုရင်ထံ ဆက်သလိုက်ပါတယ်။ အနော်ရထာမင်းက အရှင်အရဟံကို မြင်ကတည်းက ဣနြေ္ဒနဲ့ပြည့်စုံနေတာ မြင်ရတဲ့အတွက် ဒီပုဂ္ဂိုလ်ဟာ လူရိုင်းမဟုတ်နိုင်ဘူး၊ မြင့်မြတ်တဲ့ ပုဂ္ဂိုလ်ဖြစ်နိုင်တယ်။ လို့ ယူဆမိပါတော့ တယ်။
အနော်ရထာမင်းက အရှင်အရဟံအား အရှင်နဲ့ သင့်လျော်မဲ့နေရာမှာ နေနိုင်ထိုင်နိုင်ပါတယ် လို့ ပြောတော့ အရှင်အရဟံက ရာဇပလ္လင် ပေါ်မှာ နေတော်မူလိုက်ပါတယ်။ အနော်ရထာက ဒီပုဂ္ဂိုလ်ဟာ သာမန်ပုဂ္ဂိုလ် မဖြစ်နိုင်ဘူး။ မြတ်တဲ့ ပုဂ္ဂိုလ်ဖြစ်နေတာ သေချာပါတယ်။ လို့ တွေးပြီး အရှင်အရဟံကို မေးပါတယ်။
ဘုရင်။ ။ “ငါ့ရှင်က ဘယ်အမျိုးအနွယ်ဖြစ်ပါသလဲ၊ ဘယ်အရပ်က ကြွတော်မူလာခဲ့ပါသလဲ၊ ဘယ်သူရဲ့ အဆုံးအမကို ခံယူပါသလဲ”
ရှင်အရဟံ။ ။ ငါ့ရဲ့ အမျိုးအနွယ်က ဘုန်းတော်ခြောက်စုံ ဘဂဂုဏ်နဲ့ ပြည့်စုံတော်မူကာ အစိန္တေယျလေးပါးနဲ့ ပြည့်စုံတဲ့ သမ္မာသမ္ဗုဒ္ဓဘုရားရှင်ရဲ့ အမျိုးအနွယ်ဖြစ်တယ်။ ငါ့ရဲ့ဥပဇ္ဈာယ်ဆရာ အပေါင်းအဘော်ရှိ သံဃာတော်များ ရှိရာအရပ်က လာခဲ့ပါတယ်။ သမ္မာသမ္ဗုဒ္ဓဘုရားရှင်အရဲ့ အဆုံးအမကို ခံယူပါတယ်။
ဘုရင်။ ။ဒါဆိုရင် ဘုရားရှင် ဟောကြားတော်မူတဲ့ တရားတော် တစိတ်တဒေသထဲက တစ်ချို့ကို ဟောပြတော်မူပါဘုရား။
ရှင်အရဟံ။ ။ အပ္ပမာဒေါ အမတံ ပဒံ၊ ပမာဒေါ မစ္စုနော ပဒံ။
အပ္ပမတ္တာ နမိယန္တိ၊ ယေပမတ္တာ ယထာမတာ။
(အပ္ပမာဒ မမေ့မလျော့တဲ့ သတိတရားရှိသူဟာ မသေရာဖြစ်တဲ့ နိဗ္ဗာန်ရဲ့ အကြောင်းဖြစ်တယ်။ မေ့လျော့တဲ့သူက သေခြင်းရဲ့ အကြောင်းဖြစ်တတယ်။ မမေ့မလျော့နေသူဟာ မသေကြပါ။ မေ့လျော့နေသူကျတော့ အသက်ရှင်သော်လည်း သေသောသူနဲ့ မခြားပါ။) လို့ အရှင်အရဟံက အပ္ပမာဒ တရားတော်ကို အနော်ရထာမင်းအား ရှေးဦးစွာ ဟောကြားတော်မူခဲ့ပါတယ်။
(သာသနာလင်္ကာရစာတမ်း)

Read more...

Algebra သင်ခန်းစာ

သားကြီးက ဒီနှစ် P5 လို့ ခေါ်တဲ့ Primary 5 ပါ။ နောက်နှစ်ဆိုရင် P6… PSLE လို့ ခေါ်တဲ့ Primary School Leave Examination ဖြေရမှာပါ။ ဒီမှာတော့ ကျောင်းသား၊ မိဘ၊ ဆရာ အားလုံး လှုပ်လှုပ်ရွရွနဲ့ စိတ်လှုပ်ရှားစရာကောင်းတဲ့ စာမေးပွဲတခုပါ။ အခု သားကြီး P5 Semester 2 စာမေးပွဲ ဖြေနေပါပြီ။ ဒီနေ့တော့ သူက “မေမေ သားကို မုန့်ဖိုးပိုပေးလိုက်ပါ…သားတို့ ဆရာမက စာမေးပွဲပြီးတာနဲ့ ကျောင်းမပိတ်ခင်ထိ ရတဲ့ အချိန်မှာ P6 အတွက် Algebra စသင်တော့မယ်တဲ့ သားတို့ကို Book Shop က စာအုပ်ဝယ်ခိုင်းထားတယ်” လို့ ဆိုလာပါတယ်။
ဒီမှာတင် အဖေက “သားတွေ့လား P6 က အရေးကြီးတယ်။ လာလာ သားကို အဖေ Algebra သင်ပေးမယ်..” ဆိုပြီး
“ဒီမှာ သား စာအုပ်တအုပ် ရှိတယ်။ ဗူးတဗူးလည်း ရှိတယ်။”
“ဟော စာအုပ်တအုပ် ထပ်ထည့်လိုက်မယ်”
“စာအုပ် ဘယ်နှစ်အုပ် ဖြစ်သွားသလဲ?”
သားကြီး က “နှစ်အုပ်”
“အေး တအုပ်က ‘a’, နှစ်အုပ်ဆိုတော့ ...”
“‘2a’”
“ဗူးတဗူးက ‘b’, နှစ်ဗူးဆိုတော့…”
“‘2b’”
“‘a’ နဲ့ ‘b’ နဲ့ ပေါင်းတော့” ( ‘c’ ဒါက သားငယ်က ၀င်ပြောတာပါ။ ကျမကတော့ သားငယ် အဖြေကို ရီနေရပါပြီ)
သားကြီး - “ဘယ်ပေါင်းလို့ ရမလဲ အမျိုးမှ မတူတာ။ Value ဆိုရင်တော့ ပေါင်းလို့ရတာပေါ့”
“အေး ဟုတ်တယ်”
“တကယ်က သားတို့ P1ကတည်းက သင်ပြီးပါပြီ…Triangle ပုံလေးတွေ Rectangle ပုံလေးတွေနဲ့လေ…
Triangle က ဘယ်နှစ်ခု
Rectangle က ဘယ်နှစ်ခု” လို့ ဆက်ပြောပါတယ်… သားကြီးကတော့ ဘယ်အရာမဆို ခပ်ပေါ့ပေါ့ပဲ
သူ့အဖေက ဆက်ပြီး
“‘a’ နဲ့ ‘b’ ပေါင်းတာ ဟာ ‘b’ နဲ့ ‘a’ ပေါင်း တာနဲ့ တူတယ်...ဒီတော့
a + b = …”
“b + a” လို့ သားကြီးက ပြန်ဖြေပါတယ်
“အေး ဟုတ်တယ်”
“a + b = b + a ဆိုတာ Mathematic မှာ law လို့ခေါ်တယ်...။ Commutative Law တဲ့”
ဒီမှာတင် သားငယ်က
“Mother in Law ဆိုတာ ဘာတုန်း” လို့ ထမေးပါတော့တယ်။
(ဟုတ်တယ်လေ သူလည်း သူသိတာ သူဝင်ပြောရတာ)
“မေမေ့ကို မေး” ဆိုပြီး အဖေက ဆက်နေပြန်ပါတယ်။
“(a + b) + c ဟာ a + (b + c) နဲ့ ညီတယ်ဆိုတာကိုရော သားသိလား အဲ့ဒါ အရေးကြီးတယ် Associative Law လို့ ခေါ်တယ် ဒါသိပ်အရေးကြီးတယ်။”
“သိတယ်” ဆိုပြီး ပြောပြောဆိုဆို သားကြီးက အခန်းထဲက ထွက်သွားပါပြီ။
ဒီမှာ တင် ကျမက “ဘာ.. ဘာ.. (a + b) + c = a + (b + c) ဟုတ်လား…” တွေကနဲ ခဏ စဉ်းစားပြီးမှ “အော် တူမှပေါ့ အားလုံးပေါင်းတာကိုး” လို့ ဆိုလိုက်မိတော့…
“မင်းတို့တွေ အဲ့ဒါ ခက်တာပဲ ဘာမဆို လွယ်လွယ်လေး လွယ်လွယ်လေးနဲ့၊ သူများတွေလို အသေးစိတ် သေသေချာချာ ဂဃနဏ စူးစမ်းလေ့လာချင်စိတ်မရှိဘူး။ သူများတွေက တူတယ်ဆိုရင် ဘာ့ကြောင့်တူတယ်ဆိုတာ အရေးတယူ စဉ်းစားနေတဲ့ အချိန်မှာ..” ဆိုပြီး လက်ချာက ကျမဖက်လှည့်လာပါတော့တယ်။
“အောင်မလေးတော် ကျမကလည်း လွယ်တယ်လို့ မပြောပါဘူး။ အပေါင်းမလို့ တူတာပေါ့ လို့ ပြောတာပါ။ အခြား ဟာဆိုရင်တော့ ဘယ်လာတူနိုင်ပါ့မလဲ” လို့ နှုတ်လန်ထိုးလိုက်တော့မှ
“အင်း” ဆိုပြီး ဆရာကြီး ကွန်ပြူတာဖက် မျက်နှာလှည့်ပြီး အသံတိတ်သွားတော့တယ်။

ဒီကနေ့ သင်ခန်းစာ ဒီမှာတင်ပြီးပါပြီ။ ။

Read more...

Angry Asian Buddhists

a partial, personal, response to Jaed Coffin's 'A Chant To Soothe Wild Elephants'

Among the huge number of Buddhist blogs is one I often look at called Angry Asian Buddhist. It's maintained by someone called Arun, who also writes on the group blog Dharma Folk. And whilst I think that Arun often goes a little too far (he recently compared making a mistake over an unfamiliar name with the bombing of Vietnam), I generally think he makes some excellent arguments.

His latest post on Dharma Folk addresses the assumption made by many that western Buddhism is white Buddhism, whereas in fact, he points out, "most Western Buddhists are of Asian heritage" and that "common sense tells me that I can be Asian and a Western Buddhist without being a contradiction". In this, I fully agree with Arun and with his insistence on avoiding sloppy thinking.

The inaccurate assumption that all western Buddhism is white is amazingly common, and I recently came across a good example of how it might arise in a beautifully written memoir by Jaed Coffin entitled A Chant To Sooth Wild Elephants. The book recounts Jaed's American upbringing and the three months he spent in a temple in Thailand trying to resolve the conflict he felt between his western background and his Thai heritage.

From the very start this is a personal and honest account of Jaed's struggles and is full of eloquent snapshots of the conflict within him. Standing in the non-Thai line at Bangkok airport he describes how he was desperate to distance himself from the backpackers around him, and how, when on the streets of Bangkok, he'd speak in his loudest Thai to ensure that other foreigners knew he wasn't one of them.

And, like so many new arrivals in an exotic new country, he romanticises everything, even the kids playing in the street - "so much happier than American kids" he says. And when he is asked about American Buddhism, Jaed replies "I started thinking of all the meditation retreats and workshops run by white men with long beards and attractive women with fit yoga bodies. 'Yes.' I said. 'There is some Buddhism... it is expensive'."

Jaed, young and with little previous interest in Buddhism, had never actually been to any of the retreats or workshops he'd pictured in his mind. Neither had he been to any of the American Thai temples. His image of white men and expensive retreats was an instant dismissal brought about not from experience, but because he wished to see only negative things about the west, as if by doing so he could become more authentically Thai.

"I found shallow joy in scoffing at my liberal white classmates for romanticizing third-world cultures", he writes at the beginning of the book, unaware that the romanticisation was entirely his. This is evident from his assumptions about the happiness of the kids playing in puddles, kids that likely never get to see a dentist or any kind of specialist doctor, to his romantic involvement with a village girl against the specific warnings of his Thai family.

In fact, he even toys with the idea of staying in Thailand, marrying her, and building a life there. Entirely unaware of course that, unlike America where his mother settled and was given full rights, it would be unlikely that as an American citizen he'd be allowed to ever fully integrate into Thai society. At one point Jaed asks "Was Thai-ness a measure of blood?" If he'd stayed he'd have discovered the official answer to that question.

Here I need to say a little more about why I found this book so fascinating, and how it links to Arun's blog posts. Like Jaed's father, I lived in Thailand, married, and returned to live in the west. Once in England, my wife was granted permanent residency, with no need to renew or extend her visa, no need to register with any authorities, and no need to obtain a work permit. In fact, she is now eligible to apply for British citizenship. All good.

In contrast, at the end of our relationship, I once again returned to Thailand where, despite being a spouse and father of Thai citizens and working for a Thai university, I have to renew my visa and work permit every year. I also have to undergo Alien Registration every ninety days and am fined almost a week's wages if I miss the deadline. My visa becomes invalid if I change employer, and there are only a small number of jobs I can legally apply for.

Arun writes that "in North America, Asian Americans... have had to wrestle with the perception of being perpetual foreigners" and I suspect he's right. However, for non-Thais in Thailand this is no mere perception. The official system is specifically designed to ensure that those without Thai blood remain forever foreign. I have western friends here who speak fluent Thai and have Thai grandchildren, but who have to live with the life-long insecurity of official outsider status.

For me this no longer matters, my future is now elsewhere. For my son, he's eligible for Thai citizenship but he'll have much the same journey as Jaed. I hope one day he'll visit his Thai brother (my stepson) and the rest of his Thai family and spend some time ordained. I hope he'll appreciate the answer his mother will give him, in similar words to Jaed's no doubt, when he asks about his background: "Do what you want. But do not forget that I [gave] you many opportunities". And I hope he learns, as Jaed did, that finding the Buddha is not a question of race or place.

Links:

Angry Asian Buddhist

Dharma Folk: Is Western Buddhism White?

Read more...

ဥပုသ်နေ့နှင့်စပ်၍ မှတ်သားဖွယ်

လပြည့်, လကွယ်, ရှစ်ရက်နေ့တို့ကို ဥပုသ်နေ့ဟု ဘုရားရှင် သတ်မှတ်ဟောကြားခဲ့သလော...?

လူအများ ဥပုသ်စောင့်ကြတဲ့အခါ လပြည့်, လကွယ်, ရှစ်ရက် အဲဒီ သုံးရက်ကိုသာ ဥပုသ်နေ့ဖြစ်သည်၊ ဥပုသ်စောင့်ရမည်ဟုယူကာ ကျောင်းကန်ဘုရားသို့ ဥပုသ်စောင့်သွားကြခြင်းသည် မြတ်စွာဘုရားသခင်က ဒီသုံးရက်ကို ဥပုသ်နေ့ဖြစ်သည်၊ ဥပုသ်စောင့်ရမည်ဟု သတ်မှတ် ဟောကြားထားခဲ့ခြင်းလား။

လူအများ ဥပုသ်စောင့်သုံးရန်အတွက် ရက်ကို သတ်မှတ်ပြီး ဘယ်နေ့ ဘယ်ရက်များဟာ ဥပုသ်နေ့ဖြစ်သည်၊ ထိုနေ့ ထိုရက်တို့၌ ဥပုသ်သီတင်း စောင့်သုံးကြရမည်ဟု ဟောကြားတော်မူထားတာ ပိဋကတ်တော်မှာ မပါ၊ မရှိပါဘူး။ ကိုယ်က သီတင်းသီလစောင့်သုံးချင်လို့ ဥပုသ်စောင့်တဲ့နေ့ဟာ ကိုယ့်အတွက် ဥပုသ်နေ့ ဖြစ်တာပါပဲ။ လပြည့်, လကွယ်, ရှစ်ရက် သီတင်းမှသာ ဥပုသ်နေ့ဖြစသည် ဥပုသ်စောင့်ကောင်းသည်ဟု နေ့ရက် သတ်မှတ်ချက်နဲ့ ဘုရား မဟောကြားခဲ့ပါဘူး။
ဒါဖြင့် ဆရာတော်အချို့ လပြည့်, လကွယ်, ရှစ်ရက် သီတင်းဥပုသ်နေ့၌ နတ်မင်းကြီးများက ဥပုသတ်စောင့်သူစာရင်း လိုက်ယူမှတ်သားကြတယ်၊ တစ်လမှာ အဲဒီဥပုသ်နေ့ လေးရက် လေးသီတင်း လောက်တော့ ဥပုသတ်စောင့်ကြရမည်ဟု ဘုရားမြတ် ဟောကြားတော်မူကြောင်းနဲ့ ဟောပြောဆုံးမ ပေးနေကြတာဟာ ပိဋကတ်တော်မှာ မပါတဲ့ တရားစကားတွေပဲလား၊
အဲဒါတော့.. မြတ်စွာဘုရားရှင်က လပြည့်, လကွယ်, ရှစ်ရက်နေ့တို့ဟာ လူများ သီတင်းသီလစောင့်ရမည့် ဥပုသတ်နေ့လို့ ဟောကြားကြောင်း ပိဋကတ်တော်မှာ မပါလို့ မဟုတ်ပါဘူး၊ ပါ ပါတယ်၊ ဒါပေမယ့် အဲဒီ ပါတဲ့ စကားရပ် ပေါ်ထွက်လာရင်း အကြောင်းမှန်ကတော့ ရှေးသရောအခါက နတ်တို့၏ ဘုရင်ဖြစ်သော သိကြားမင်းသည် “စတုမဟာရာဇ်နတ်မင်းကြီးများ ဖြစ်ကြကုန်သော ဓတရဋ္ဌ၊ ၀ိရူဠက၊ ၀ိရူပက္ခ၊ ကုဝေရ” ခေါ်သော ဝေဿ၀ဏ် နတ်မင်းကြီး လေးယောက်တို့က လူ့ပြည်သို့ လှည့်လည်၍ ဥပုသ်သီတင်းစောင့်သုံးခြင်းရှိကြကုန်သော သူတော်ကောင်းတို့၏ စာရင်းကို ကောက်ယူ ရေးမှတ်ကြကာ သိကြားအင်းအား တင်ဆက်လျှောက်ထားကြတာကို” ခံယူလျက် သိကြားမင်းက တဆင့် တာဝတိံသာနတ်တို့အား ဟောကြားပုံက..

“အို.. နတ်အပေါင်းတို့ လူ့ရွာလောက၌ လူအများသည် စာတုဒ္ဒသီ= တစ်ဆယ့်လေးရက် (ရက်မစုံ) ဥပုသ်နေ့၊ ပန္နရသီ= တစ်ဆယ့်ငါးရက် လပြည့်, လကွယ်၊ အဋ္ဌမီ=ရှစ်ရက်သီတင်းနဲ့ ပါဋိဟာရိယခေါ်သော လူတို့ စောင့်သုံးလိုသည့်နေ့တို့၌ ဥပုသ်သီတင်းစောင့်သုံးခြင်း ပြုကြကုန်၏”ဟု သိကြားမင်းက နတ်တို့အား ပြောကြားတဲ့ အကြောင်း စကားရပ်ကို မြတ်စွာဘုရားက တဆင့်အားဖြင့် လူတို့အား ဟောကြားထားခြင်းသာ ဖြစ်ပါတယ်။
အဲဒါကတော့ ပိဋကတ်တော်မှာပါတဲ့ ဘုရားဟော စကားတော်ပါ။ အဒီ စကားရပ်တွေထဲမှာ ဆန်းစစ်ကြည့်လိုက်ရင် ဥပုသ်နေ့ရက်နဲ့ ပတ်သက်ပြီး မြတ်စွာဘုရားသခင်က လပြည့်, လကွယ်, ရှစ်ရက်နေ့တို့ဟာ ဥပုသ်နေ့ ဖြစ်တယ်၊ ဥပုသ်သီတင်းစောင့်ကြရမယ်၊ အဲဒီနေ့ရက်များမှာ စောင့်တဲ့သူမှာသာ ဥပုသ်ရမယ်ဆိုတဲ့ သတ်မှတ်ချက် ဟောကြားချက် စကားတစ်ခွန်း၊ တစ်ပါဒမှာ မပါပါဘူး၊ ကိုယ်စောင့်သုံးနိုင်သလောက် ကောင်းကျိုး ချမ်းသာရမှာချည်းပဲ ဖြစ်ပါတယ်။ စောင့်ချင်တဲ့ နေ့မှာ ဥပုသတ်သီတင်း စောင့်နိုင်ပါတယ်။
အမှန်ကတော့ အခုဖော်ပြခဲ့တဲ့ ဥပုသ်နေ့ အမည်အမျိုးမျိုးတွေဟာ ရှေးရှေး ပေါရာဏ သူဟောင်း လူဟောင်း သူတော်ကောင်းတို့က သူတို့စောင့်သုံးလို့တဲ့ နေ့မှာ ဥပုသ်သီတင်းစောင့်သုံးကြပြီးတော့ စတုဒ္ဒသီ (၁၄-ရက်ဥပုသ်နေ့)၊ ပန္နရသီ (၁၅-ရက် ဥပုသ်နေ့)၊ အဋ္ဌမီ (၈-ရက် ဥပုသ်နေ့)၊ ပါဋိဟာရိယ (စောင့်သုံးလိုသည့်နေ့၌ ဥပုသ်စောင့်ခြင်း) ဟူ၍ ဥပုသ်နေ့တွေကိ သူတို့ သတ်မှတ်ခေါ်ဝေါ်ခဲ့ကြတဲ့ ဥပုသ်နေ့ အမည်အမျိုးမျိုးတွေကို အစွဲပြုကာ မြတ်စွာဘုရားကတဆင့် ဟောကြားထုတ်ဖော်ခြင်းမျှသာ ဖြစ်တယ်လို့ မှတ်ကြရမှာပါ။ ဤနေ့ ဤရက်များမှသာ စောင့်သုံးရမည်၊ အခြားနေ့များ၌ ဥပုသ်သီတင်း မစောင့်ရဟု မြတ်စွာဘုရားက နေ့ရက်ကို မသတ်မှတ် မဟောကြား မဆုံးမခဲ့ဘူးဆိုတာကကို မှတ်သားရမှာပါ။
အထက်ပါစကားရပ်များနှင့် ပတ်သက်၍ ဘုရားဟောဖော် သာဓကများကတော့...
သုတ္တန္တပိဋက၊ သုတ်မဟာဝါပါဠိတော်၊ မဟာသုဒဿနသုတ်အဖွင့် ဋီကာဆရာတော်ဖွင့်ပြထားတာကို တင်ပြပါမယ်..
ဥပေါသထံ ၀ုစ္စတိ အဋ္ဌင်္ဂသမန္နာဂတံ၊
သဗ္ဗဒိဝသေသု ဂဟဋ္ဌေဟိ ရက္ခိတဗ္ဗသီလံ။
“ဥပုသ်ဆိုတာ ဘယ်နေ့မှာ မဆို ကိုယ်စောင့်လိုသော နေ့တို့၌ လူတို့သည် စောင့်သုံးဆောက်တည်နိုင်သော အင်္ဂါ ရှစ်ပါးနဲ့ ပြည့်စုံတဲ့ သီလကို ဆို၏”ဟု မိန့်ဆို ဆုံးဖြတ်တော်မူထားပါတယ်။ အဲဒါဟာ ကျမ်းဂန်စကားပါပဲ။

ဒီပါဠိစကားရပ်ထဲမှာ အဋ္ဌင်္ဂ (၈)ပါးသီလလို့ပဲ ဆိုထားတယ်။ တကယ်လို့ န၀င်္ဂ (၉- ပါးသီလ)၊ ဒသင်္ဂ ( ၁၀-ပါးသီလ)တို့ကို လူပုဂ္ဂိုလ်တွေ မစောင့်သုံးကောင်းဘူးလားဆိုတော့၊ မဟုတ်ပါဘူး၊ စောင့်သုံးကောင်းပါတယ်။ ကုသိုလ်ဆိုတာ များလေး ကောင်းလေပါပဲ။ ၉-ပါးသီလ၊ ၁၀-ပါးသီလတင်မကပါပဲ တတ်နိုင်ရင် (၂၂၇) သွယ်သော ရဟန်းတော်တွေ စောင့်ထိန်းတဲ့ သီလတွေကိုလည်း စောင့်သုံးနိုင်ပါတယ်။

ကျမ်းကိုး-- သုတ်မဟာဝါ
သုတေသန သမ္မာမဂ္ဂင်္ဂ ပဉှာကျမ်း

Read more...

ဘာသာရေး ပြဿနာ ( ၉၀ )

( ဘဒ္ဒန္တ တိလောကသာရ ဖြေသည် )

(မေး) ( သေခါနီးအချိန်)
အရှင်ဘုရား၊ လူ့လောကတွင် လူတဦးသည် တဘ၀လုံး မကောင်းမှုဒုစရိုက်ကို ပြုလုပ်လာခဲ့သည်။ သို့သော် သေခါနီးကာလ တဒင်္ဂလေးမှာ အလှူဒါန အမျှပေးဝေသောအခါ သာဓုခေါ်နိုင်ခြင်းသည် ကောင်းရာသုဂတိသို့ သွားပါမည်လား။
တသက်လုံး စိတ်ကောင်းထားကာ အလှူဒါနဖြင့် မွေ့လျော်ခဲ့ပြီး သေခါနီး တဒင်္ဂလေးမှာ ဇောစိတ်ကြောင့် အယူလွဲမှား၍ အသက်ဆုံးခဲ့လျှင် ဒုဂ္ဂတိဘုံသို့ သွားပါမည်လား။ ဖြေကြားတော်မူပါဘုရား။
(ဦးလှကျော်-ပညာရေး-ငြိမ်း၊ ကျောက်ဖြူမြို့ )

(ဖြေ)
ပါကဒါန ပရိယာယ-ကံလေးပါးတွင် အာသန္နကံ ဟူသည်မှာ သေခါနီး၌ အောက်မေ့အပ် ပြုအပ်သော ကံဖြစ်၍ အားနည်းလင့်ကစား အာစိဏ္ဏကံ-စသော အားကြီးသော ကံများကို ဖြတ်၍ အကျိုးပေးတတ်ပါသည်။
နွားခြံ၌ နွားအများရှိရာ နွားအိုကြီးသည် ခြံဝင်၌ အားနည်း၍ နောက်ဆုံးမှ ၀င်ရသော်လည်း ခြံထွက်တွင် အပေါက်ဝနှင့် နီးသဖြင့် ရှေးဦးစွာ ထွက်နိုင်သကဲ့သို့ ဖြစ်ကြောင်း ဥပမာပြပါသည်။
ထို့ကြောင့် သေခါနီး၌ အောက်မေ့အပ်၊ ပြုအပ်သောကံသည် အကျိုးပေးတတ်သဖြင့် သေခါနီး၌ တရားစာပေ ရွတ်ဖတ်ပေးခြင်း၊ ဟောပြောပေးခြင်း၊ ကုသိုလ်ပြုပေးခြင်း စသည်ဖြင့် မိတ်ဆွေကောင်း လိုအပ်ကြောင်း သတိပြုအပ်ပါသည်။
********************************************************************************

(မေး) ( သောတာပန်နှင့် ခုနစ်ဘ၀)
အရှင်ဘုရား၊ တပည့်တော်မ ရိုသေစွာ လျှောက်ထားအပ်ပါသည်။ သောတာပန်ဖြစ်ပြီးသူ တဦးသည် ဗြဟ္မာ့ပြည်၊ နတ်ပြည်၊ လူ့ပြည်၌ ခုနစ်ဘ၀ ကျင်လည်ပြီးမှ နိဗ္ဗာန်သို့ တက်လှမ်းရသည်ဟု မှတ်သားရဘူးပါသည်။ ဗြဟ္မာနှင့် နတ်တို့၏ သက်တမ်းသည် အလွန်ရှည်လျားသောကြောင့် နိဗ္ဗာန်သို့ရောက်ရန် အချိန်ပိုကြာမြင့်သည်ဟု ထင်ပါသည်။ ထိုခုနစ်ဘ၀ကို လူ့ပြည်၌ ကျင်လည်ပါက နိဗ္ဗာန်သို့ မြန်မြန်ရောက်နိုင်မည်ဟု ထင်မိပါသည်။ ထို့ကြောင့် သောတာပန်ပုဂ္ဂိုလ် တဦးအနေဖြင့် နတ်ပြည်၊ ဗြဟ္မာပြည် တို့သို့မရောက်ရန် မည်သို့ကျင့်ကြံသင့်သည်ကို ဖြေကြားပေးတော်မူပါဘုရား။
( မနီနီ-မော်လမြိုင်)

( ဖြေ )
သောတာပန်ဖြစ်သောပုဂ္ဂိုလ်သည် ဧကဗီဇိ သောတာပန်၊ ကောလံကောလ သောတာပန်၊ သတ္တက္ခတ္တုပရမ သောတာပန်-ဟု သုံးမျိုးရှိရာ မနီနီမေးမြန်းထားသော ခုနစ်ဘ၀ ကျင်လည်ရသည့် သောတာပန်မှာ ဉာဏ်အနုံ့ဆုံး သောတာပန်ဖြစ်၍ သောတာပန်ဖြစ်သူတိုင်း မဟုတ်ပါ။

ဘုံစဉ်စံခေါ် ၀ဋ္ဋာဘိရတ သောတာပန်များမှာ ထို့ထက်ပင် ကြာပါသေးသည်။ ၀ိသာခါ၊ အနာထပိဏ် စသည် ၇-ဦးရှိပါသည်။ ခုနစ်ဘ၀ လူ့ပြည်၊ နတ်ပြည်၌ ကျင်လည်သော သတ္တက္ခတ္တုပရမ သောတာပန် မဖြစ်လိုက သကဒါဂါမ်စသည်ဖြစ်ရန် ဆက်လက်ကျင့်သုံးသွားရန်သာ လိုပါသည်။

သောတာပန်စသည့် အရိယာပုဂ္ဂိုလ်များ နတ်ပြည်၊ ဗြဟ္မာ့ပြည်တို့၌ ဖြစ်က နတ်ပြည်၊ ဗြဟ္မာ့ပြည်တို့တွင် သူတို့ရှိနေသမျှ သာသနာ ပွင့်လင်းနေပါသည်။ ပုထုဇဉ် သူတော်ကောင်း နတ်ဗြဟ္မာများမှာ ထိုသောတာပန်စသော နတ်ဗြဟ္မာများနှင့်တွေ့၍ တရားနာကြားကာ နတ်ပြည်၊ ဗြဟ္မာ့ပြည်များမှာပင် မဂ်ဖိုလ်ရနိုင်ပါသည်။
*********************************************************************************

(မေး) ( ရှင်မပြုဘဲ ရဟန်းခံ၍ ရ-မရ)
အရှင်ဘုရား၊ ရှင်သာမဏေ ပြုမနေဘဲ လူဝတ်လူစားအနေမှ သိမ်ဝင်၍ ရဟန်းခံလျှင် ရဟန်း ဖြစ်-မဖြစ် သာဓကပြ၍ ဖြေကြားပေးတော်မူစေလိုပါသည်ဘုရား။
(ဦးဝိလာသ-ကျ-ပ-ထ-အင်းစိန်မြို့နယ်)

(ဖြေ)
သာမဏေပြုရာတွင် ဆံရိတ်ခြင်း၊ သင်္ကန်းဝတ်ခြင်း၊ သရဏဂုံကို ဥဘတောသုဒ္ဓိ ပီသစေခြင်း အင်္ဂါ ၃-ပါးညီမှသာ သာမဏေဖြစ်သော်လည်း ရဟန်းခံရာ၌ကား ဆံမရိတ်ဘဲ လူဝတ်ဖြင့် သိမ်ဝင်၍ ကမ္မ၀ါစာဖတ်လျှင် ရဟန်းဖြစ်ပါသည်။ သာဓကမှာ- ဥပဇ္ဈာယော စေ ကေသမဿုံ သြရောဟနာဒီနိ အကတွာ ပဗ္ဗဇ္ဇတ္တံ သရဏာနိ ဒေတိ နရုဟတိ ပဗ္ဗဇ္ဇာ၊ ကမ္မ၀ါစံ ၀ါစာပေတွာ ဥပသမ္ပာဒေတိ ရုဟတိ ဥပသမ္ပဒါ၊ အပတ္တစီဝရာနံ ဥပသမ္ပဒါသိဒ္ဓိ ဒဿနတော။ (၀ဇိရဗုဒ္ဓိ)

ဆံမရိတ်ဘဲ လူဝတ်ဖြင့် ရဟန်းခံရာ၌ ကမ္မ၀ါစာ၏ သတ္တိကြောင့် ရဟန်းဖြစ်နိုင်ကြောင်း ဖော်ပြပါအတိုင်း အဆိုရှိသော်လည်း တသာသနာလုံး အစဉ်အလာ ထုံးတမ်းမရှိခဲ့သဖြင့် အဆန်းထွင်၍ မပြုလုပ်သင့်ကြောင်း ဆရာသမားတို့ ဆုံးမတော်မူခဲ့ကြသည်။
********************************************************************************

(မေး) ( ကျောင်းနှစ်ကျောင်း၌ ၀ါကပ်ခြင်း)
အရှင်ဘုရား၊ ကမ္မဋ္ဌာနာစရိယ ဆရာတော်တပါးသည် ပြီးခဲ့သော ဒုတိယ၀ါဆိုလပြည့်ကျော် ၁-ရက်နေ့က ညနေ ၃-နာရီတွင် အသစ်ဆောက်လုပ်လှူဒါန်းသော ကျောင်းတွင် ၀ါဆိုပြီး ညနေ ၄-နာရီတွင် မိုင် ၁၀၀-ခန့်ဝေးသော အခြားမြို့က ၄င်း၏မူလရှိပြီး ကျောင်းသို့ကားဖြင့် ပြန်ကြွပြီး ထပ်မံ ၀ါဆိုပါသည်ဘုရား။ တ၀ါတွင်း၌ နှစ်ကျောင်းတပြိုင်နက် ၀ါဆိုသည်မှာ ၀ိနည်းတော်အရ သင့်-မသင့် ဖြေကြားတော်မူပါဘုရား။
(မောင်အောင်သူ-တောင်သာမြို့နယ်)

(ဖြေ)
သာသနာတလျှောက်လုံး တ၀ါတွင်း၌ ကျောင်းအရာမ်နှစ်ခု ကျောင်းတိုက် နှစ်တိုက်၌ ၀ါဆိုရခြင်းမည်သည် မရှိ။ ကျောင်းတကျောင်း၌သာ ၀ါဆိုရသည်။ ဘုရားလက်ထက်က သာကီဝင်မင်းသား ဥပနန္ဒသည် ကျောင်း ၂-ကျောင်း၊ ၃-ကျောင်း၌ တကျောင်းတွင် ၀ါဆို၍ အခြားတကျောင်း၌ တောင်ဝှေးကိုထားခြင်း၊ အခြားတကျောင်း၌ ဖိနပ်ကိုထားခြင်း စသည်ဖြင့် နှစ်ကျောင်း သုံးကျောင်းလုံး အနေပြသည့်သဘောမျိုး ပြုလုပ်သည်။ ထိုအပြုအမူကို ဘုရားရှင် ကဲ့ရဲ့တော်မူကာ ကျောင်းတကျောင်း၌သာ အမြဲဝါဆိုနေသင့်ကြောင်း အကြောင်းအားလျော်စွာ ကိစ္စထူးရှိက ခုနစ်ရက်အတွင်း ၀ါပန်၍ သွားနိုင်ခွင့်ရှိကြောင်း ပညတ်ပါသည်။

အကြောင်းအားလျော်စွာ ပုရိမ၀ါ ပျက်သွားက ဒုတိယ ပစ္ဆိမ၀ါကို တနေရာ၌ ထပ်မံဝါကပ်သင့်ကြောင်းသာ ရှိပါသည်။ ပုဂ္ဂိုလ်တပါးတည်းဖြစ်လျက် နှစ်ကျောင်း ၀ါဆိုခြင်းမှာ လာဘသက္ကာရသိလောကမှုမျိုးသာဖြစ်၍ မပြုလုပ်အပ်ကြောင်း၊ အပြစ်မကင်းကြောင်း မှတ်သားအပ်ပါသည်။
********************************************************************************

(မေး) (စာမတတ်သူ)
အရှင်ဘုရား၊ တပည့်တော်မ ရိုသေစွာ လျှောက်ထားအပ်ပါသည်။ တပည့်တော်မ အသက်ခုနစ်ဆယ်ကျော်သည် ဗုဒ္ဓဘာသာ မြန်မာစကားသာတတ်ပြီး စာအရေး အဖတ် မတတ်ပါ။ တပည့်တော်မလို လူတွေ တရားထိုင်လို့ ရပါသလား။ လူတွေ ဟောပြောနေတဲ့ ၀ိပဿနာအဓိပ္ပါယ်ကို သိချင်ပါတယ်။ သာသနာတော်နဲ့ ကြုံရကျိုးနပ်ချင်ပါတယ် ဘုရား။ သနားသဖြင့် အမြန်ဆုံး ဦးစားပေးဖြေကြားပေးတော်မူပါဘုရား။
(ခုစာကို သားမှတဆင့် ရေးလျှောက်ပါသည်ဘုရား)
(ဒေါ်အေး-လွိုင်ကော်)

(ဖြေ)
စာတတ်သည်ဖြစ်စေ၊ မတတ်သည်ဖြစ်စေ၊ ကမ္မဋ္ဌာန်းဆရာပြောသမျှ နားထောင်ပြီး ခိုင်းသမျှ လုပ်တတ်၊ ကျင့်ကြံတတ်ဖို့သာ လိုပါသည်။ အသက်ပင် သေပေ့စေ ဆရာခိုင်းတာ မှန်သမျှ လုပ်မည်ဟု သဘောထား၍ အားထုတ်ကြသူတို့မှာ ပို၍ပင် တရားအမြင် မြတ်ပါသည်။ အချို့စာတတ်၍ ငါသိလုပ်ကာ ဆရာပြောတိုင်းမလုပ်၍ ဉာဏ်အရောက်ပင် နှေးတတ်ပါသေးသည်။

ထို့ကြောင့် စာမတတ်သော်လည်း ကြုံရာတရားစခန်းတွင်ဝင်၍ အားထုတ်ကြည့်ပါ။ ပေါက်ရောက်နိုင်ပါသည်။ ဖြစ်နိုင်လျှင် ရန်ကုန်မင်္ဂလာဗျူဟာအသင်းချုပ်မှ ကြီးမှူးကျင်းပပေးနေသည့် လယ်တီဆရာတော်ဘုရားကြီး၏ နည်း အနာဂါမ်ဆရာသက်ကြီး၏ တပည့်၊ မဟာသဒ္ဓမ္မဇောတိကဓဇ ဆရာကြီးဦးသန်း ဦးဆောင်ပြသနေသည့် ခုနစ်ရက် တရားစခန်းများသို့ လာရောက်၍ ဆက်သွယ်အားထုတ်သင့်ကြောင်း ဖြေကြားအပ်ပါသည်။
*********************************************************************************

(မေး) ( ရွတ်ဆိုသော ပရိတ်ဂါထာများ )
အရှင်ဘုရား၊ တပည့်တော်သည် သမန္တာ နိဒါန်းမှစ၍ ပုဗ္ဗဏှသုတ် နိဂုံးအထိ သုတ်ပရိတ်တော်များကို နံနက်တကြိမ် ညတကြိမ် ၂-ကြိမ် ရွတ်ဖတ်ပူဇော်ပါသည်။ ထို့ပြင် အောက်ပါ ဘုရားရှင်တို့၏ ဂုဏ်တော်များကိုလည်း သီကုံးဖွဲ့ဆိုထားသည့် ဂါထာများကို ရွတ်ဖတ်ပူဇော်ပါသည်။( ဟု ရေးသားပြီးနောက် ၄င်းရွတ်ဆိုသော ဂါထာများ၏ အစများကို တော်တော်များများ ရေးပြပြီး) အထက်ပါဂါထာများအား ရွတ်သင့်-မရွတ်သင့် မြတ်မင်္ဂလာမှ ပြန်ကြားဖြေဆိုပေးတော်မူပါဘုရား။
( မြတ်သူ-ရန်ကုန်)

(ဖြေ)
ပရိတ်ကြီး ၁၁-သုတ်ကို နံနက်-ည အမြဲရွတ်ဆို ပူဇော်နေသည်ဆို၍ သာဓုခေါ်ပါသည်။ ထို့နောက် ဆက်၍ ရွတ်ဆိုရသော ဂါထာများ၊ သုတ်များမှာ အချို့ မရွတ်ဆိုသင့်သော လောကီအစီအရင်များ ပါနေ၍ အောက်ပါတို့ကိုသာ ရွတ်ဆိုသင့်ပါသည်။
၁။ ဒိဝါတပတိ အာဒိစ္စော-စသော ဂါထာ
၂။ သိရသ္မိံ မေ ဗုဒ္ဓသေဋ္ဌော-စသော ဂါထာ
၃။ ဓာရဏ ပရိတ်
၎။ ပရိမိတ္တဇာလသုတ်
********************************************************************************

(မေး) ( တပါးသီလအကြောင်း)
အရှင်ဘုရား၊ ဗုဒ္ဓဘာသာဝင်ပီပီ ငါးပါးသီလကို မြဲမြံစွာ မကျိုးမပေါက်အောင် စောင့်ထိန်းမှသာ အကျိုးထူးတရား ခံစားရကာ လိုရာဆန္ဒပြည့်ဝသည်ဟု ယုံကြည်ကြပါသည်။ သို့သော် တပါးသီလဖြင့် စောင့်ထိန်းရင်လည်း နတ်ဘုံ၊ နတ်ဗိမာန်စသော ကောင်းကျိုးတရားများ ခံစားရသည်ဟု အချို့ပုဂ္ဂိုလ်တွေ ပြောဆိုငြင်းခုံနေကြပါသည်။ ကျမ်းဂန်အထောက်အထား ရှိပါသလား။ သို့မဟုတ် ပေါ့ပျက်သိမ်ဖျင်း လူပျင်းလူပျက်တို့၏ စကား ဖြစ်ပါသလား။ ဖြေကြားပေးတော်မူပါဘုရား။
( မွန်းကိုကို-ရွှေကူ)

(ဖြေ)
ဗုဒ္ဓဘာသာ ဟုတ်သည်ဖြစ်စေ၊ မဟုတ်သည်ဖြစ်စေ၊ လူမှန်လျှင် ငါးပါးသီလကို အပြည့်အ၀စောင့်ထိန်းကြရပါသည်။ ငါးပါးသီလထဲမှ တပါးပျက်လျှင်ပင် အပြစ်ရှိပါသည်။ အပေါ့ဆုံးဟုထင်ရသော မုသာဝါဒ-လိမ်လည်ပြောဆိုတတ်သူပင် ယင်းမုသာဝါဒကို ကမ္မပထမြောက် ကျူးလွန်ခြင်းကြောင့် အခြားကံများက မကယ်နိုင်။ အပါယ်လေးပါးသို့ ကျရောက်နိုင်ပါသည်။ သီလလေးပါး မပါဘဲ တပါးသာ ဆောက်တည်ခြင်းကြောင့် နတ်ရွာသုဂတိသို့ ရောက်နိုင်သည်ဟူသော တရားသဘော ဟောထားချက်မရှိ။ တပါးသီလ၀တ္ထုအကြောင်းမှာ ပုံပြင်စကားတခုသာ ဖြစ်သည်ဟု မှတ်သားစေလိုပါသည်။
*********************************************************************************

(မေး) ( မဟာမြတ်မုနိနှင့် အတူ သုံးဆူ)
အရှင်ဘုရား၊ ဗုဒ္ဓမြတ်စွာဘုရားရှင် လက်ထက်တော်အခါက ဘုရားရှင်၏ ရင်ငွေ့တော်ဖြင့် သွန်းလုပ်ပူဇော်ခဲ့သော ယခုမန္တလေးမြို့ မဟာမြတ်မုနိနှင့်အတူ သုံးဆူကို သွန်းလုပ်ခဲ့သည်ဟု ကြားသိရဖူးပါသည်။ ထိုကျန်ရှိသော သုံးဆူ၏ဘွဲ့တော်အမည်နှင့်တကွ သီတင်းသုံးရာ မြို့အမည်များကို စေတနာရှေ့ထား၍ ဖြေကြားပေးတော်မူပါဘုရား။
( မောင်လင်းအောင်-မော်လမြိုင်မြို့)

(ဖြေ)
မဟာမြတ်မုနိ ဘုရားကြီးနှင့်အတူ သွန်းလုပ်ခဲ့သည်ဆိုသော ၃-ဆူမှာ သမိုင်းအရ
၁။ မဟာမုနိ။ ( ယခု ရခိုင်ပြည်နယ် ကျောက်တော်မြို့ မူလ မဟာမုနိနေရာတွင် သီတင်းသုံးသည်။)
၂။ ရန်အောင်မြင် မုနိ။ (ယခု ဇလွန်မြို့တွင် သီတင်းသုံးသည်။ ပြည်တော်ပြန်ဘုရားဟု တွင်သည်။)
၃။ ရွှေဘုံသာ မုနိ။ (ယခု ပြည်မြို့ တဖက်ကမ်း ပန်းတောင်းမြို့နယ်ရှိ ရွှေဘုံသာစေတီတော်အတွင်း၌ ဌာပနာထားသည်။) ဤသို့ မှတ်သားသင့်ပါသည်။

( မြတ်မင်္ဂလာ ၂၀၀၂-ခု ဖေဖော်ဝါရီလ )

Read more...

အင်္ဂါသုံးမျိုးတို့နှင့် ပြည့်စုံသော ဈေးသည်သည်...

ဒုတိယ ပါပဏိကသုတ် - (အိမ်ဈေးသည်)

ရဟန်းတို့ အင်္ဂါသုံးမျိုးတို့နှင့် ပြည့်စုံသော ဈေးသည်သည် မကြာမီပင်လျှင် စည်းစိမ်တို့၌ များခြင်း ပြန့်ပြောခြင်းသို့ ရောက်၏။

အဘယ်သုံးမျိုးတို့နည်းဟူမူ-

ရဟန်းတို့ ဤလောက၌ ဈေးသည်သည်

၁... မျက်စိအမြင် ရှိ၏၊
၂... ဉာဏ်နှင့်ယှဉ်သော ဝီရိယထူး ရှိ၏၊
၃... အမှီကောင်းနှင့် ပြည့်စုံ၏။

၁...
ရဟန်းတို့ အဘယ်သို့လျှင် ဈေးသည်သည် မျက်စိအမြင်ရှိသနည်း၊ ရဟန်းတို့ ဤလောက၌ ဈေးသည်သည် ''ဤကုန်ပစ္စည်းကို ဤသို့ဝယ်၍ ဤသ့ေို ရာင်းသော် အရင်းအနှီး ကား ဤမျှလောက် ဖြစ်လတ္တံ့၊ အမြတ် အစွန်းကား ဤမျှလောက် ဖြစ်လတ္တံ့'' ဟု ဤသို့ ရောင်းကုန် ပစ္စည်းကို သိ၏။ ရဟန်းတို့ ဤသို့လျှင် ဈေးသည်သည် မျက်စိအမြင်ရှိ၏။

၂...
ရဟန်းတို့ အဘယ်သို့လျှင် ဈေးသည်သည် ဉာဏ်နှင့်ယှဉ်သော ဝီရိယထူး ရှိသနည်း၊ ရဟန်းတို့ ဤလောက၌ ဈေးသည်သည် ကုန်ပစ္စည်းကို ဝယ်ခြင်းငှါလည်းကောင်း၊ ရောင်းခြင်းငှါ လည်းကောင်း ကျွမ်းကျင်၏။ ရဟန်းတို့ ဤသို့လျှင် ဈေးသည်သည် ထူးသော ဉာဏ်နှင့်ယှဉ်သော ဝီရိယထူးရှိ၏။

၃...
ရဟန်းတို့ အဘယ်သို့လျှင် ဈေးသည်သည် အမှီကောင်းနှင့် ပြည့်စုံသနည်း၊
ရဟန်းတို့ ဤလောက၌ ဈေးသည်ကို ကြွယ်ဝကုန် များသောဥစ္စာရှိကုန် များသော အသုံးအဆောင် ရှိကုန်သော သူကြွယ် တို့သည်လည်းကောင်း၊ သူကြွယ်သား တို့သည်လည်းကောင်း ''ဤဈေးသည်ကား မျက်စိအမြင်လည်းရှိ၏၊ ဉာဏ်နှင့် ယှဉ်သော ဝီရိယထူးလည်း ရှိ၏၊ သားသမီးတို့ကို လုပ်ကျွေးခြင်းငှါ လည်းကောင်း၊ ငါတို့အား ရံခါရံခါ အတိုးပေးဆပ်ခြင်းငှါလည်းကောင်း စွမ်းနိုင်၏'' ဟု သိကုန်၏။ ထိုသူကြွယ် သူကြွယ်သားတို့သည် ထို ဈေးသည်ကို ''အချင်းဈေးသည် ငါ၏အထံမှ ဤကုန်စည်ပစ္စည်းတို့ကို ယူ၍ သားမယားကိုလည်း လုပ်ကျွေးလော့၊ ငါတို့အား လည်း ရံခါရံခါ အတိုးပေးဆပ်ပါလော့'' ဟု ကုန်စည်ပစ္စည်းဖြင့် ဖိတ်ကြား ကုန်၏။ ရဟန်းတို့ ဤသို့လျှင် ဈေးသည်သည် အမှီကောင်းနှင့် ပြည့်စုံ၏။

ရဟန်းတို့ ဤအင်္ဂါသုံးမျိုးတို့နှင့် ပြည့်စုံသော ဈေးသည်သည် မကြာမီပင်လျှင် စည်းစိမ်တို့၏ များခြင်း ပြန့်ပြောခြင်းသို့ ရောက်၏။

ရဟန်းတို့ ဤအတူသာလျှင် တရားသုံးမျိုးတို့နှင့် ပြည့်စုံသော ရဟန်းသည် မကြာမီပင်လျှင် ကုသိုလ်တရားတို့၌ များမြတ်ခြင်း ပြန့်ပြောခြင်းသို့ ရောက်၏။

အဘယ်သုံးမျိုးတို့နည်းဟူမူ-

ရဟန်းတို့ ဤသာသနာတော်၌ ရဟန်းသည်...

၁... ပညာ မျက်စိ အမြင်ရှိ၏၊
၂... ဉာဏ်နှင့်ယှဉ်သော ဝီရိယထူးရှိ၏၊
၃... အမှီကောင်းနှင့် ပြည့်စုံ၏။

၁...
ရဟန်းတို့ အဘယ်သို့လျှင် ရဟန်းသည် (ပညာ) မျက်စိ အမြင်ရှိသနည်း၊
ရဟန်းတို့ ဤသာသနာတော်၌ ရဟန်းသည် ''ဤကား ဆင်းရဲတည်း'' ဟု ဟုတ်မှန်သော အတိုင်း သိ၏၊ ''ဤကား ဆင်းရဲ ဖြစ်ကြောင်းတည်း'' ဟု ဟုတ်မှန်သော အတိုင်း သိ၏၊ ''ဤကား ဆင်းရဲချုပ်ရာ 'နိဗ္ဗာန်'တည်း'' ဟု ဟုတ်မှန်သော အတိုင်း သိ၏၊ ''ဤကား ဆင်းရဲချုပ်ရာ 'နိဗ္ဗာန်' သို့ရောက်ကြောင်း အကျင့်တည်း'' ဟု ဟုတ်မှန်သော အတိုင်း သိ၏။ ရဟန်းတို့ ဤသို့လျှင် ရဟန်းသည် (ပညာ) မျက်စိ အမြင်ရှိ၏။

၂...
ရဟန်းတို့ အဘယ်သို့လျှင် ရဟန်းသည် ဉာဏ်နှင့် ယှဉ်သော ဝီရိယထူးရှိသနည်း၊ ရဟန်းတို့ ဤသာသနာတော်၌ ရဟန်းသည် အကုသိုလ်တရားတို့ကို ပယ်ခြင်း ကုသိုလ်တရားတို့ကို ဖြစ်စေခြင်းငှါ ထက်သန် သော လုံ့လရှိသည် ဖြစ်၍ နေ၏၊ အားအစွမ်းနှင့် ပြည့်စုံ၏၊ မြဲမြံသော လုံ့လ ရှိ၏၊ ကုသိုလ်တရား တို့၌ တာဝန်ကို ပစ်ချမထား။ ရဟန်းတို့ ဤသို့လျှင် ရဟန်းသည် ဉာဏ်နှင့်ယှဉ်သော ဝီရိယ ထူးရှိ၏။

၃...
ရဟန်းတို့ အဘယ်သို့လျှင် ရဟန်းသည် အမှီကောင်းနှင့် ပြည့်စုံသနည်း၊ ရဟန်းတို့
ဤသာသနာတော်၌ အကြားအမြင်များကုန် ပါဠိတော်ကို နှုတ်တက်ဆောင်ကုန် သုတ္တန်ကို ဆောင်ကုန် ဝိနည်းကို ဆောင်ကုန် ပါတိမောက်ကို ဆောင်ကုန်သော ရဟန်းတို့သို့ ရံဖန် ရံခါ ချဉ်းကပ်၍ ''အသျှင်ဘုရား ဤပါဠိကား အဘယ်သို့ပါနည်း၊ ဤပါဠိ၏ အနက်ကား အဘယ်သို့ပါနည်း'' ဟု မေးမြန်း၏၊ စိစစ်၏၊ ထို ဗဟုသုတရှိကြသော အသျှင်တို့သည် ထိုရဟန်းအား မဖွင့်အပ်သေးသည်ကို လည်း ဖွင့်ပြကုန်၏၊ မပေါ်လွင်သေးသည် တို့ကိုလည်း ပေါ်လွင်စေကုန်၏၊ များပြားကုန်သော ယုံမှားခြင်း၏ အကြောင်းတရား တို့၌ ယုံမှားမှုကို ပယ် ဖျောက်ကုန်၏။ ရဟန်းတို့ ဤသို့လျှင် ရဟန်းသည် အမှီကောင်းနှင့် ပြည့်စုံ၏။ ရဟန်းတို့ ဤတရားသုံးမျိုးတို့နှင့် ပြည့်စုံသော ရဟန်းသည် မကြာမီပင်လျှင် ကုသိုလ်တရားတို့၌ များမြတ် ခြင်း ပြန့်ပြောခြင်းသို့ ရောက်၏ဟု မိန့်တော်မူ၏။ 20

၁ဝ - ဒုတိယ ပါပဏိကသုတ်၊ ရထကာရဝဂ်၊ တိကနိပါတ်၊ အင်္ဂုတ္ထိုရ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

မိုက်ရိုင်းတာ ဘယ်သူလဲ... (အရှင်နာရဒ၊ ဟိုပင်)

အရှင်နာရဒ၊ ဟိုပင်၏

မိုက်ရိုင်းတာ ဘယ်သူလဲ...

Read more...

အဘိဓမ္မာညဝါကျမ်းများနှင့် ညဝါအကြောင်း သိကောင်းစရာများ

“ညဝါဆိုဖို့ မောင်တို့
တောင်မြို့ကို သွား။
သူ့စနစ်က
သူ့ခေတ်တံခွန်ထူလို့မို့
တလူလူ ဝင့်ကာကြွားတယ်
ရှားတဲ့လူသား။”

အမရပူရတောင်မြို့ကို အဘိဓမ္မာညဝါဘက်တွင် သူမတူ တတ်မြောက်အောင် ပို့ချပေးသော မြို့တော်ဖြစ်သောကြောင့် အဘိဓမ္မာညဝါမြို့တော်ဟု အသိအမှတ်ပြုခြင်း ခံရလေသည်။

ပခုက္ကူမြို့ဆိုလျှင် ပိဋကတ်ပင်လယ် နိကာယ်သမုဒ္ဒရာကြီးတွေကို တစ်ဖက်ကမ်းရောက် ပေါက်မြောက်အောင် ပို့ဆောင်ကူးခတ်ပေးသော မြို့ဟူ၍ အသိအမှတ်ပြုခြင်း ခံရပြီး၊ ယခင်တချိန်က တကယ် တော်ခဲ့ ကျော်ခဲ့သော ဆရာတော်များမှ နိကာယ်စာဝါကြီးခေါ် ကျမ်းကြီးများကို ဖောက်ပေးခဲ့သည်။ ကျမ်းအိပ်များကို နှိုးပေးခဲ့ပါသည်။

မန္တလေးမြို့တော်ကြီးကိုမူ ကူးနည်းခတ်နည်း နိဿရည်းမျိုးစုံ ကုံလုံကြွယ်ဝ အတတ်ပညာစုံ ရသော ဌာနကြီးဟူ၍ အသိအမှတ် ပြုကြရပါသည်။

ညဝါဟု ခေါ်ကြသော စာဝါများမှာ -
(၁) မာတိကာဓာတုကထာ
(၂) ယမိုက်ကျမ်း
(၃) ပဋ္ဌာန်းကျမ်း ဟု သုံးမျိုး သုံးစား ရှိပါသည်။

ညဝါဆိုသည်မှာ ညပိုင်းကာလကျမှ စာမကြည့်ဘဲ အလွတ်ဆိုရသော စာဝါ ဖြစ်သည်။
ထို့ကြောင့် ညဝါဟု ခေါ်ကြ၏။
အဘိဓမ္မာသဘောသဘာဝများ ဖြစ်သည်။
ညပိုင်း၌ ဆိုနိုင်ဖို့ရာ နေ့လယ်ပိုင်းကပင် ဆိုရိုးစာတို့ကို အလွတ်နှုတ်တက်ရအောင် ကျက်ထားရ၏။
အဓိပ္ပာယ်ကိုမူ ညကျမှ ဆရာသမားက ပြောပြပေးသည်။

ဆရာကြီးဦးအုန်း
အမရပူရမြို့၌ ဆရာကြီးဦးအုန်းသည် အဘိဓမ္မာဘက်တွင် လေးစားထိုက်သော ပုဂ္ဂိုလ်ကြီးတစ်ဦး ဖြစ်သည်။
ရဟန်းသံဃာတော်များပင် ဆရာကြီးထံသို့ ဝိုင်းအုံရောက်လာကြသည်။
ဤဆရာကြီးဦးအုန်းကို အကြောင်းပြု၍ပင် အမရပူရမြို့ကိုလည်း ရဟန်းသံဃာ အဘိဓမ္မာလောက၌ မသိသူ မရှိသလောက် ဖြစ်သွားရသည်။
အဘိဓမ္မာညဝါမြို့တော်ဟူ၍ အသိအမှတ် ပြုတော်မူကြသည်။

အမရပူရမြို့နှင့် ဝန်းကျင်တစ်ခုလုံး သံဃာတော်တို့ဖြင့် ဖုံးလွှမ်းနေပြီး ဘယ်နေရာသွားသွား စာကျက်သံတွေ ကြားနေကြရ၏။
ကြားရသော အသံတို့မှာလည်း -

…… ကုသလတိက်ကို ဟောတော်မူသည်၏ အခြားမဲ့၌ ဝေဒနာတိက်ကို ဟောတော်မူ၏။
ဟောဟန်ကား ..
ဝေဒနာတိက်ကို ဟောတော်မူသည်၏ အခြားမဲ့၌ ဝိပါကတိက်ကို ဟောတော်မူ၏။
ဟောဟန်ကား ..
တိက်ကိုဟောတော်မူသည်၏ အခြားမဲ့၌ ဒုက်ကို ဟောတော်မူ၏။
ဟောဟန်ကား …….

ဤသို့ စသည်ဖြင့် ကြားရသူတို့၏ နားမှာ ‘ဟောဟန်ကား’တွေ မိုးမွှန်နေတော့၏။
ထို့ကြောင့် ထိုခေတ်က ပြောရိုးဆိုစဉ်တစ်ခု တွင်ခဲ့၏။
‘ဟောဟန်ကား’အသံတွေ ကျောင်းခန်းမှာ ကိန်းဝပ်ခိုအောင်းနေလို့ တောင်မြို့က စာသင်တိုက်ကြီးတွေရဲ့ တံခါးတွေကို ဖွင့်လိုက်ရင် ‘ဟောဟန်ကား’လို့တောင် မြည်ပါသတဲ့။

ထိုစကားနှင့်စပ်လျက်ပင် မန္တလေးရွှေမြို့တော်ကြီးကလည်း ပိဋကတ်ပင်လယ်ရေပြင်ကြီးကို ကူးခတ်ရာတွင် အရေးကြီးလှသည့် သဒ္ဒါအရာ၌ ကျော်ကြားပါသတဲ့။
သဒ္ဒါဘက် ကျွမ်းကျင်တဲ့ ဆရာတော်တွေက သဒ္ဒါတွေ ပို့ချမှု များလွန်းလို့ သဒ္ဒါဓာတ်တွေ ဝင်နေပုံကို ပြောပြကြပါတယ်။
ရေတွင်းကြီးတွေက အတောင် အစိတ်သုံးဆယ် နက်တာ၊ စက်သီးကြိုးကြီးတွေနဲ့ ရေငင်တဲ့အခါ ‘ဝုတ္တ ကတ္တား၊ ဝုတ္တ ကတ္တား’လို့ မြည်သတဲ့။
အဲဒီနောက် တံခါးပေါက်ကြီးတွေ ဖွင့်လိုက်ပြန်တော့ ‘တတြာ ယမာဒိ’လို့ မြည်ပြန်သတဲ့။

ပခုက္ကူမြို့ကျပြန်တော့ ပါဠိတော်ကြီးတွေ၊ အဋ္ဌကထာ ဋီကာကြီးတွေ၊ ပိဋကတ်သုံးသွယ် နိကာယ်ငါးရပ် တဖက်ကမ်းရောက် ကျမ်းတွေပေါက်အောင် ပို့ချပေးတဲ့နေရာမှာ အစဉ်အလာ ကျော်ကြားခဲ့ရပါ၏။
ပို့ချရင်း ပါဠိမှား၊ ပါဠိမှန်ကိုလည်း ပြင်ဆင် ဆုံးဖြတ်လေ့ရှိပါသည်။
ပခုက္ကူဆရာတော်ကြီးများလည်း ကျွမ်းကျင် တတ်မြောက်တော်မူကြသည့်အတိုင်း ပါဌ်မှားတစ်ခုကို တွေ့ပြီဆိုလျှင် ရဲရဲကြီးပင် ‘ပါဌ်ပျက်’လို့ ဆိုလေ့ ဆုံးဖြတ်လေ့ ရှိကြပါသည်။
ထို့ကြောင့်ပင် ပခုက္ကူကျောင်းတိုက်ကြီးများမှ တံခါးများကို ဖွင့်လိုက်လျှင် ‘ပါဌ်ပျက်’လို့ မြည်ပါတယ်ဟု ပြောဆိုမှု ပြုခဲ့ပါသည်။


+++++
စာညွှန်း
ပုလဲဖြူ (ငါ့သရောက်)၏ “အဘိဓမ္မာညဝါကျမ်းများနှင့် ညဝါအကြောင်း သိကောင်းစရာများ”
အပ္ပမာဒ ဓမ္မရသ မဂ္ဂဇင်း၊ အတွဲ (၁၀) အမှတ် (၂)၊ ၂၀၀၉ ခု ဖေဖော်ဝါရီလ

(ဦးအုန်းဓာတ်ပုံကို ဦးကျော်သိန်းပြုစုသော ‘မိုးကုတ်ဆရာတော်ဘုရားကြီး၏ ထေရုပ္ပတ္တိနှင့်ကျင့်စဉ်’စာအုပ်မှ ယူသည်။)

Read more...