ထိုင်းဆရာတော်ဘုရားကြီး ဖရအာဂျန်မန်း သို့မဟုတ် Acariya Mum

သာသနာကို လက်ဆင့်ကမ်း သယ်ဆောင်တော်မူခဲ့ကြသည့် ဆရာတော်သံဃာတော်များ ပရိယတ္တိဝန်ဆောင် ပဋိပတ္တိဝန်ဆောင်သံဃာတော်များစွာ အနက် (1870-1949 ) ကာလမှာ ထင်ရှားကျော်ကြားခဲ့တဲ့ ထိုင်းဆရာတော်ကြီး ဖရအာဂျန်မန်းအကြောင်းကို ပြောပြလိုပါတယ်.

ထိုင်းနိုင်ငံမှာံ ပရိယတ္တိသံဃာတော်များ မြန်မာနိုင်ငံလောက်ထွန်းပေါက်ခြင်း မရှိခဲ့ပေမယ့် ပဋိပတ္တိသံဃာတော် အတော်များများ နေလိုလလို ထွန်းပေါက်ခဲ့ကြတာကို သမိုင်းမှတ်တမ်းများအရ သိရပါတယ်။

ထိုင်းဆရာတော်ကြီး. ဖရအာဂျန်မန်း အမှုးပြုတဲ့ ရဟန်းမြတ်များဟာ မြန်မာနိုင်ငံတောင်တန်းများပေါ်နှင့် လောနိုင်ငံတောင်တန်းများပေါ်မှာ် နှစ်ပေါင်းများစွာနေပြီး ဂူများစွာ ကျိန်းစက်လျက် တရားများ ပြင်းပြင်းထန်ထန် အားထုတ်ခဲ့ကြပါတယ်၊

ဖရအာဂျန်မန်းဟာ သူရဲ့ လက်ရင်းငယ် သံဃာတစ်ပါးအား သူတွေ့ရှိခဲ့တဲ့ ကိုယ်တွေ့အဖြစ်အပျက်များကို အမြဲပြောကြားခဲ့ပါတယ်၊ ဒါပေမယ့်လဲ သူ့မှာ စိုးရိမ်စိတ်ကတော့ ရှိနေခဲ့ပါတယ်. သူ့ကိုယ်တွေ့ အဖြစ်အပျက်တွေကို ပြောပြနေရင် မယုံကြည်တဲ့ သူတွေရှိနေမယ်ဆိုတာပါပဲ၊ ( ဘုရားလက်ထက်တော်အခါကလဲ အရှင်မဟာမောဂ္ဂလာန်နဲ့ အရှင်လက္ခဏတို့က သူတို့တွေ့မြင်တဲ့ ဂိဇ္ဈကိုဋ်တောင်စောင်းက ပြိတ္တာတွေ အကြောင်းလျှောက်တဲ့အခါ ငါဘုရား စောစောကပင် မြင်တော်မူကြောင်း သို့သော် မျက်မြင်သက်သေမရှိလို့ မပြောဆိုသေးတာဖြစ်ကြောင်း မြတ်စွာဘုရား ပြန်လည်မိန့်ကြားရတဲ့ သာဓကတွေအများကြီးရှိပါတယ်၊ )

ဒါကြောင့်တပည့်ဖြစ်သူ âcariya Mahà Boowa ¥àõasampannoကိုသူပျံတော်မူရင် သူ့ကိုယ်တွေ့ဖြစ်စဉ်တွေကို စာအုပ်ရေးသားပါလို့ မိန့်မှာတော်မူခဲ့ပါတယ်.. တပည့်ဖြစ်သူကလဲ စာမျက်နှာပေါင်း ၆၈၀ ကျော်ခန့်ရှိ စာအုပ်တအုပ်ကို ရေးသားခဲ့ပါတယ်။.

ဆရာတော်အာဂျန်မန်းကို ထိုင်းနိုင်ငံအရှေ့မြောက်ပိုင်းမှာ မွေးဖွားခဲ့တာပါ။
မိသားစုကိုးယောက်မှာ အကြီးဆုံးသားဖြစ်ပြီး အသက် ၁၅ နှစ်မှာ ကိုရင်ဝတ်ခဲ့ပါတယ်။ ကိုရင်ဝတ်နဲ့ ၂ နှစ်လောက် တရားကျင့်ကြံ အားထုတ်ခဲ့ပြီး မိဘအလုပ်ဖြစ်တဲ့ တောင်သူအလုပ်ကို ကူညီလုပ်ကိုင်ဖို့် သူ့ကို လူထွက်ခိုင်းခဲ့ပါတယ်
အသက် ၂၂ နှစ်အရွယ်မှာ မိဘများကို ခွင့်ပန်ပြီး ရဟန်းဘောင်သို့ ၀င်ခဲ့ပြန်ပါတယ်၊ ရဟန်းဘ၀ကို ရောက်ပြီဆိုတာနဲ့ ကမ္မဋ္ဌာန်း ၀ိပဿနာကို နေ့စဉ်မပြတ်အားထုတ်ခဲ့တယ်။ ထိုင်းနိုင်ငံ အလယ်ပိုင်း တောကလည်းနက် ရေတံခွန်များ ဂူများပေါများတဲ့ နခနရုတ်ဒေသကို သွားရောက်ပြီး သာယာတဲ့ ဂူကြီးတခုကိုတွေ့တော့ ဒီမှာပဲ တရားအားထုတ်တော့မယ်ဆိုပြီး တောင်ခြေမှာ ရှိတဲ့ ဒကာတချို့ကို ပြောပါတယ်.. ဒကာ ဒကာမတွေက ဒီဂူမှာ တရားအားမထုတ်ပါနဲ့ ဒီဂူမှာ တရားအားထုတ်တဲ့ သံဃာတော်တွေ ရုတ်တရက် ပျံလွန်တော်မူကြတယ်ဘုရား အခုဆိုရင် ပျံတော်မူတာ လေးပါးတောင် ရှိနေပါပြီလို့ လျှောက်ထားပြီး ဒီဂူမှာ တရားအားမထုတ်ရန် တားမြစ်ကြပါတယ်.

ဆရာတော် ဖရအာဂျန်မန်းကတော့ သတ္တ၀ါဆိုတာ တနေ့သေရမှာပဲ ရဟန်းဘ၀နဲ့ တရားရှုမှတ်ပြီးသေတာ ပိုပြီးမြင့်မြတ်ပါတယ် လို့ အမိန့်ရှိကာ ဒီဂူမှာပဲ ပထမည ဒုတိယည တတိယည သုံးညလွန်မြောက်ခဲ့ပါတယ်. ဆရာတော်အတွက်လဲ အေးချမ်းသာယာစွာ တ၇ားများ ပွားများအားထုတ်နိုင်ခဲ့တယ်

စတုတ္ထညမှာတောူ့ ဆရာတော့် ၀မ်းတွင်းက ပူလောင်လာပြီး ဓာတ်များမရပ်မနား သွားပါတော့တယ်. ကာယဂတာသတိ ကမ္မဋ္ဌာန်းကို ပွားများနေရာက ဝေဒနာကို ပြောင်းပြီး ရှုမှတ်ခဲ့ရာ ကိုယ်တွင်းမှာတောက်ပြောင်တဲ့ အလင်းရောင်ကို ရှုမြင်ရပြီး ခန္ဓာကိုယ်မှာလဲ ပေါ့ပါးလာကာ. ဝေဒနာလည်း ကင်းပျောက်ပြီး နေထိုင်၍ အလွန်ကောင်း တရားပွား၍ အလွန်ကောင်းလာပါတယ်။

ထိုစဉ်အခါတွင် ဂူကြီးထဲကို ခန္ဓာကိုယ်ကြီးမားတဲ့ သတ္တ၀ါကြီး ၀င်လာပါတယ် နတ်လား ဘီးလူးလား မခွဲခြားနိုင်ပါဘယး ပြီးတော့ ဒီသတ္တ၀ါကြီးက ဆရာတော့်ကို ပြောပါတယ်.. သူဟာ ဒီတောတောင်မှာ တန်ခိုးအာဏာကြီးတဲ့ တောင်စောင့်ဘီးလူးကြီးပါတဲ့..ဒီလိုပြောပြီး သူ့လက်ထဲမှာပါလာတဲ့ တင်းပုတ်ကြီးကို ပြပြီး ဒီတင်းပုတ်နဲ့ ဆင်ကိုတောင် မြေကြီးထဲဝင်သွားအောင် ၀င်သွားအောင် ရိုက်သတ်ခဲ့ဖူးကြောင်း ဒီဂူထဲကို လာပြီးတရားအားထုတ်တဲ့ သံဃာလေးပါးကိုလည်း ဒီတင်းပုတ်နဲ့ ရိုက်သတ်ခဲ့တာ ဖြစ်ကြောင်းလျှောက်ထားပါတယ်......

.အခုလဲ ဆရာတော်အနေနဲ့ ဒီဂူကနေ ချက်ချင်းထွက်သွားပါ..ထွက်မသွားရင် ဒီတင်းပုတ်ကြီးနဲ့ ရိုက်သတ်ပစ်မည် ဖြစ်ကြောင်းလျှောက်ထားပါတယ်… ဆရာတော် အာဂျန်ချမ်းကတော့ ကြောက်ရွံမှုမရှိ တည်ငြိမ်တဲ့လေသံနဲ့… အသင်ဘီလူး… သတ္တ၀ါမှန်ရင် တနေ့သေကြရမှာပါ… ရဟန်းဘ၀နဲ့ မြတ်စွာဘုရားရဲ့ တရားတွေကို ပွာများအားထုတ်ရင်း ကိလေသာစစ်တပ်ကို အောင်နိုင်ဖို့ ဒီဂူကို ရောက်လာခြင်းသာဖြစ်ပါတယ်၊

သင့်ကို နှောင့်ယှက်ဖို့ ရောက်လာတာမဟုတ်ဘဲ ငြိမ်းချမ်းစွာ အားထုတ်ဖို့လာတာဖြစ်ပါတယ်…သင်ပြောသလို သင်ဟာတကယ် တန်ခိုးကြီးတယ်ဆိုရင် သင့်ကိုယ်တွင်းက ကိလေသာတွေကို အောင်နိုင်အောင် ဖြိုခွင်းနိုင်သူ ဖြစ်ပါရဲ့လား…သင် သတ်လိုက သတ်ပါ.. ငါ့အတွက်တရားပွားများရင်း မြတ်သောသေခြင်းနဲ့ သေရမှာမို့ ငါ့မှာ ကြောက်ရွံစရာ လုံးဝမရှိပါဘူး သင်ကသာ ရဟန်းမြတ်ကို သတ်လို့ ဒုက္ခကြီးစွာ ရလိမ့်မယ်. မမိုက်ပါနဲ့ ကောင်းမှုကုသိုလ်များ အားထုတ်ပါဟု တရားဟောလိုက်တော့ ဒီတောင်စောင့်ဘီလူးကြီးဟာ သေးငယ်သွားပြီး ဆရာတော်ကို ဦးချကန်တော့ပါတယ်.

ပြီးတော့ ဒီဂူမှာပဲ ဆက်ပြီးတရားအားထုတ်ပါလို့ လျှောက်ထားပြီး ပျောက်ကွယ်သွားပါတယ်၊ နောက်ပိုင်းမှာတော့ သူ့ရဲ့ တပည့်တပန်းတွေကို ပါခေါ်လာပြီး ဆရာတော်ထံမှာ တရားတွေ နာကြားပါတယ်၊. ရုက္ခစိုးပေါင်း ထောင်သောင်းများစွာလည်း ဆရာတော့်တရားကို နာယူဖို့ လာရောက်ကြပါတယ်၊


ဆရာတော် ကမ္မဋ္ဌာန်းစတင်ပွားများစဉ်က သူ့ဆရာ အာဂျန်စောက ၀င်သက်ရှုသည့်အခါ ဗု ဟူ၍မှတ်ပြီး ထွက်သက်မှာ ဓော ဟုမှတ်ရန် ပြောပြထားလို့ စိတ်ကိုမလွှင့်စေပဲ ဗုဓော ဗုဓော ဟု ပွားများသလို၊ လမ်းလျှောက်ရာတွင်လည်း ဘယ်ခြေတွင် ဗု ဟုမှတ်ကာ ညာခြေတွင် ဓော ဟု မှတ်ကာပွားများအားထုတ်တယ်။ ဒီလို သုံးလလောက် ပြင်းပြင်းထန်ထန် အားထုတ်လိုက်တော့ ပိုးလောက်တွေ လူသေကောင်တွေ အလောင်းကောင်တွေ့မြင်ရတော့ ဆရာဖြစ်သူ အာဂျန်စောကို လျှောက်ဖြစ်ပါတယ်.. ဆရာက
ကာယဂတာ သတိပဋ္ဌာန်ကို ပွားများအားထုတ်ဖို့ လမ်းညွှန်ပြတယ်။ တခါတရံ ဦးခေါင်းမှအောက်သို့ နှလုံး အသည်း အူ စသည်များကို စူးစိုက်ပြီး ပွားများအားထုတ်ပါတယ်၊ တခါတရံ ကျောကိုသာ အာရုံစူးစိုက်လျက်၎င်း တခါတရံ ဆံပင်ကိုသာ အာရုံစူးစိုက်လျက်၎င်းပွားများအားထုတ်ပါတယ်

ဒီကမ္မဋ္ဌာန်းကို ပျံလွန်တော်မူသည်အထိ ပွားများအားထုတ်ပြီး ဘယ်သောအခါမှ စိတ်ကို ကိုယ်တွင်းမှ ထွက်မသွားအောင် စိတ်ကို သတိဖြင့်ထားကြောင်းကို လည်းမိန့်ကြားပါတယ်၊

. နုနယ်စဉ်က စိတ်မှာ စူးစမ်းလိုစိတ်များ ပေါ်ပေါက်ခဲ့ဖူးတယ်၊ တနေ့မှာတော့ စိတ်ပျံလွင့်သွားပြီး ငရဲဘုံသို့ ရောက်သွားခဲ့တယ်။ ငရဲမှာ ခံစားနေရတဲ့ သူတွရဲ့ ဆင်းရဲမှုဝေဒနာတွေကို မြင်တွေ့ရပြီး သံဝေဂရ ငေးမောနေမိခဲ့တယ်။ အဲဒီနေ့မှာ မွန်းလွဲသွားလို့ ဆွမ်းမစားလိုက်ရပါဘူး

တခါမှာလည်းစိတက်ပျံလွင့်ပြီး နတ်ဘုံသို့ရောက်သွားပါတယ်. နတ်ဘုံမှာလည်း နတ်သားများက သူ့အား အရေးတယူ ကြည့်ရှုခြင်းမရှိကြောင်း သွားမြဲ လာမြဲ အလုပ်များ လုပ်ဆောင်နေကြကြောင်း သူတို့ဘာသာ နေကြကြောင်း တွေ့ရှိခဲ့တယ်လို့ မိန့်တော်မူပါတယ်၊

ဤဖြစ်ရပ်များကို သူ၏ဆရာ အာဂျန်စောအား လျှောက်ထားတဲ့အခါ ဆရာတော်က မင်းစိတ်ဟာ မျောက်စိတ်လိုပဲ ဟိုရောက် ဒီရောက်နဲ့ ကိုယ်ထဲက စိတ်ကို ဘယ်တော့မှ အပြင်မထွက်စေနဲ့လို့ ငါပြောထားသားပဲ ဟု မိန့်တော်မူလိုက်ပါတယ်၊
ဖရအာဂျန်မန်းဟာ် ကာယဂတာသတိပဋ္ဌာန်ကို ပွားများလို့ အတော်အတန် အသားကျပြီး မိမိကိုယ်ကို ယုံကြည်အားထားမှု ရှိလာတဲ့အခါ မြောက်ဖက်ဒေသသို့ တပါးတည်းကြွလာခဲ့တယ်

. နောက်ပိုင်း မြန်မာပြည်ဖက်ကိုကူးလာပြီး တောနက်နယ်စပ်တခုတွင် တရားများ ငါးနှစ်တိုင်တိုင် အားထုတ်ခဲ့တယ်။ ထိုစဉ်က မြန်မာကျေးရွာများမှ ဒကာ ဒကာမများနှင့် စကားပင်ပြောကြားနိုင်ခဲ့တယ်၊ ဒုတိယကမ္ဘာစစ်ကြီးဖြစ်တဲ့်အခါ ထိုင်းနိုင်ငံဘက်သို့ ပြန်ကြွလာခဲ့တယ်။ တောအထပ်ထပ် တောင်အထပ်ထပ်ကို ဖြတ်ကျော်ပြီးသုံးရက် သုံးည တိုင်တိုင်ကြွလာခဲ့တယ်

. ကျမ်းဂန်များမှာ ရုက္ခစိုးများက ဒီလို ရဟန်းတော်တွေကို ဆွမ်းကပ်ကြောင်းဖတ်ဖူးပေမယ့် ငါ့မှာ တစ်ယောက်မှ မရှိဟု စဉ်းစားလျက် ကျောက်ဖျာ တစ်ခုပေါ်မှာ အနားယူနေခိုက် ဘယ်သူမှန်းမသိရတဲ့ လူရည်သန့်တစ်ဥိးက ဆရာတော့်အား ဆွမ်းကပ်ပါတော့တယ်

. ဆရာတော်ကလည်း ဆွမ်းကို လက္ခံပြီး ဘယ်အရပ်က လာပါသလဲ ဟုမေးရာ မည်သို့မျှ ပြန်မပြောပဲ ခမ်းလှမ်းလှမ်းကို လက်ညှိုးထိုးပြပြီး လမ်းလျှောက်သွားပါတယ်. ဆွမ်းမှာလည်းအလွန်အရသာရှိတယ်. ဆရာတော်ကလည်း တောကြီးမျက်မည်းထဲ အိမ်တွေမရှိပါပဲ ဘယ်ကလာသလဲလို့ သိချင်တာနှင့် ထိုလူသွားရာကို ကြည့်နေရာ ခပ်လှမ်းလှမ်း သစ်ပင်တပင်ရင်းရောက်တော့ ပျောက်ကွယ်သွားပါတော့တယ်၊


ဆ၇ာတော်အာဂျန်ချမ်းဟာ ကမ္မဋ္ဌာန်းနှင့်သာ မွေ့လျော်လေ့ရှိတယ်။ ညဖက်မှာ နတ်ဒေ၀ါများ နဂါးများ လာရောက် တရားနာလေ့ရှိပါတယ်။်။ ဆရာတော်ဟာ် တနေရာ တဒေသတွင် ကြာကြာ သီတင်းသုံးတော်မမူပါဘူး။ ဇင်းမယ်နယ်ဖက်မှာတော့ ကြာကြာသီတင်းသုံးပါတယ်.

ဇင်းမယ်နယ်ဖက်မှာ် ဒေ၀တာများ များပြားစွာလာရောက်တရားနာယူကြသည်ကို သတိပြုမိကြောင်း အရှေ့မြောက်ပိုင်းတွင် ဒေ၀တာများ မများပဲ နဂါးများ လာရောက်သည်ကများပြားကြောင်း မှတ်တမ်းမှာ ဖော်ပြထားပါတယ်။ နဂါးတွေဟာ ညဖက် ၁၀ နာရီမှ ၁၁ နာရီခန့်တွင် လာရောက်တရားနာလေ့ရှိသလို ၊ဒေ၀တာများကတော့ ညသန်းခေါင်ယံအချိန်မှ လာရောက်ကြပြီး နံက်မိုးသောက် ၂ နာရီခန့်ရှိမှ ပြန်လေ့ရှိကြောင်း အမိန့်ရှိတော်မူပါတယ်.

နတ်များ နဂါးများဟာ် အလွန်စည်းကမ်းသေ၀ပ်ကြသလို တရားနာယူသည့်အခါမှာ် လူများကဲ့သို့လှုပ်ရှားခြင်းမရှိပဲ နာယူကြပါတယ်။ နတ်များဟာ လာရောက်တဲ့အခါ ဆရာတော်ကို သုံးပတ်လှည့်၍ ကန်တော့ကြတယ်၊ တည်ငြိမ်စွာ တရားနာပြီးသည့်အခါ သာဓု သုံးကြိမ်ခေါ်ကြပြီး နောက်သို့ ရွေ့လျားသွားကြပြီး တခဏချင်းပင်လျှင် ၀ါဂွမ်းပုံလေးကဲ့သို့ဖြစ်ပြီး လျင်မြန်စွာ ကောင်းကင်၌ ပျောက်ကွယ်သွားကြပါတယ်၊

တခါက နဂါးမင်းနှင့် နဂါးပရိသတ်များ နေ့စဉ်ရက်ဆက် တရားနာလာကြပါတယ် လာတဲ့်အခါ နဂါးမင်းက သူ့ရဲ့ ရာဇပလ္လင်ကိုပါ ယူလာပြီ်း သူ၏ ရာဇပလ္လင်ပါ သူ့ပရိသတ်နဲ့ တရားနာယူပါတယ်။ သူသောက်ဖို့ယူလာတဲ့ ရေကို ဆရာတော် အာဂျန်ချန်းကို အရင်ဆက်ကပ်ပြီးမှ သူသောက်လေ့ရှိပါတယ်။သုတ္တန်ဒေသနာတော်နှင့် အောင်ခြင်းရှစ်ပါး တရားကို နတ်များအလွန်နှစ်သက်ကြတယ်လို့ အမိန့်ရှိပါတယ်။ ပဋိပတ်စခန်းကို ကျွမ်းကျင်စွာ ကျင့်ကြံတော်မူတဲ့ ဆရာတော် ဖရအာဂျန်ချမ်းဟာ ၁၉၄၉ခုမှာ လူ့ဘ၀ဇာတ် သိမ်းတော်မူပါတယ်၊။


ဆရာတော်ကြီးရဲ့ ကိုယ်တွေ့ ထူးဆန်းထွေလာ ပရလောကကမ္ဘာကို သိရှိနိုင်ဖို့ ဒီစာအုပ်မူရင်းမှာ ဆက်လက်ဖတ်ရှုနိုင်ပါတယ်၊
Ven. Acariya Mun - Spiritual Biography + photos

Posted by yawcommunity at 11:10 AM

Read more...

နည်းပြ ဝိပဿနာ သင်ခဏ်းစာ အပိုင်း (၇)

သတိပေး တိုက်တွန်းချက်-ရှစ်လုံးဘွဲ့ကဗျာ


ဒုလ္လဘတဲ့ ကြုံရလူ့ရွာ၊
သာသနာကြီး အပြီးကြုံလာ၊
ဤမျှခွင့်ကောင်း မနှောင်းစေရာ၊
စဉ်းစားရင်း မောင်မင်းရက်တွေကြာ။
စဉ်းစားရင်း မယ်မင်းရက်တွေကြာ။


ကြိုးစားပါကွဲ့ မာတဲ့အခါ၊
ဘာကိုငဲ့၍ ကြာတဲ့နေဒါ၊
ဒီလင်ဒီသား မယားကိုညှာ၊
သူညှဉ်းဆဲ ဆင်းရဲရက်တွေကြာ။

ခန္ဓာကိုယ်မှာ ဒီလိုအသိဉာဏ်မျိုးတွေ တစ်ခါမှ မရရှိသေးခင် နိဗ္ဗာန်ကို ရပါလို၏၊ ရောက်ရပါလို၏ လို့ ကုသိုလ်လုပ်တိုင်းလုပ်တိုင်း ဆုကိုချည်းတောင်းနေပါလျှင် နိဗ္ဗာန်နှင့် ဝေလာဝေး အဝေးကြီးရှိပါသေးသတဲ့။ သုတ္တန်ဒေသနာတော်နည်းအားဖြင့် ရတော့ရပါလိမ့်မယ်၊ ဝိပဿနာဉာဏ်မပါဘဲ နိဗ္ဗာန်ကို ဘယ်နည်းနဲ့မှ မရနိုင်ပါဘူး။ တောင်းတမှုပတ္ထနာချက်ဖြစ်လို့ မရရှိဘူးလို့တော့ မဆိုနိုင်ပါဘူး၊ သုတ္တန် ဒေသနာတော် နည်းအားဖြင့် ရတော့ရပါလိမ့်မည်၊ သို့သော် မည်သို့သောအချိန်ကြာမှ ရနိုင်မှန်းမသိနိုင်ပါဘူးနော်။ အကယ်၍ အကြောင်းညီညွှတ်ပြန်လျှင်လည်း ဝိပဿနာဉာဏ်မပါဘဲ နိဗ္ဗာန်ကို မရနိုင်၊ မရောက်နိုင်ပါဘူး။ ဆုတောင်းပြီး ပြုတဲ့ ဝိဝဋ္ဋနိဿိတ ကုသိုလ်သည် နိဗ္ဗာန်ကို ရောက်အောင် မပို့နိုင်သော်လည်း ပို့နိုင်သော ၊ ဝိပဿနာကို ဆက်ပေးလိုက်တာဖြစ်ပါတယ်။ ဒါကြောင့် နိဗ္ဗာန်ကို ဆုတောင်း၍ ပြုတဲ့ ဝိဝဋ္ဋနိဿိတကုသိုလ်ကို ဝိပဿနာကို ဆက်ပေးလိုက်တာဖြစ်တဲ့အတွက် ဆက်သွယ်ရေးဒါန လို့ ခေါ်ကြနိုင်ပါတယ်။


ယခုအခါ တရားအလုပ်အားထုတ်နေတဲ့ ယောဂီတို့ ခန္ဓာမှာ ဝိပဿနာဉာဏ်အမြင်တွေ ရရှိနေကြပြီဖြစ်လို့ နိဗ္ဗာန်ကို ရပါလို၏၊ ရောက်ရပါလို၏ လို့ ဆုတောင်းနေဖွယ် မလိုတော့ဘူးနော်။

ဟောပြပြီးခဲ့တဲ့အတိုင်း အသိထူး အမြင်ထူး အယူထူး ဉာဏ်ထူးတွေရရှိအောင် ဝိပဿနာတရားကို ကြိုးစားအားထုတ်ကြပါ၊ ကြိုးစားအားထုတ်ကြတဲ့အတိုင်း ဝိပဿနာဉာဏ်တွေ အဆင့်ဆင့်တက်လှမ်းနိုင်ကြ၍ နောက်ဘဝ နောက်ခန္ဓာတွေ မရွေ့ မပြောင်းရတော့ဘဲ ဒီဘဝ ဒီခန္ဓာမှာ နိဗ္ဗာန်ကို ရရှိနိုင်တယ်ဆိုတာကို ယောဂီများ သေချာစွာ ယုံကြည်ကြပါ။ ဒီလို ဘုရားသာသနာအတွင်းမှာ နိဗ္ဗာန်ကို ရနိုင်ဖို့ ဘယ်မျှကောင်းလိုက်ပါ သလဲ။ အကယ်၍များ သာသနာအတွင်းမှာ ဝိပဿနာတရားကို ကြိုးစားအားထုတ်ကြပါလျှက် နိဗ္ဗာန်ကို မရနိုင်ဘူးဆိုရင် မြတ်စွာဘုရားကိုယ်တော်မြတ်ကြီး ပွင့်တော်မူလာရခြင်း အကျိုးကို မခံစားရဘူးတဲ့၊ သာသနာတော်ထားတော်မူခဲ့ခြင်းသည်လည်း အကျိုးမရှိတော့ဘူးတဲ့နော်။ မြတ်စွာဘုရားကိုယ်တော်မြတ်ကြီး ပွင့်တော်မူလာရခြင်း အကျိုးတရားကတော့ သတ္တဝါတွေ နိဗ္ဗာန်ကို ရရန်ဖြစ်ပါတယ်။ မြတ်စွာဘုရား ပရိနိဗ္ဗာန် စံဝင်သွားသော်လည်း သာသနာတော်ထားတော်မူခဲ့ခြင်းကလည်း အတိုချုပ်အားဖြင့် သတ္တဝါတွေ နိဗ္ဗာန် ရရန်ဖြစ်ပါတယ်။


မြတ်စွာဘုရား လက်ထက်တော်က ပဋာစာရီ၊ ကိသာဂေါတမီ၊ သန္တတိအမတ် စသည့် ပုဂ္ဂိုလ်တွေသည် (၁၀)၊ (၁၅)ရက် စခန်းဝင်နေစရာမလိုပါဘဲ တစ်ပုဒ်တစ်ဂါထာမျှတရားနာကြားရယုံဖြင့် မဂ်ဉာဏ်၊ ဖိုလ်ဉာဏ် နိဗ္ဗာန်ကို ရရှိသွားကြပါတယ်။ ပါရမီဉာဏ်ရင့်နေသော ပုဂ္ဂိုလ်တွေသည် တရားနာရင်း ဝိပဿနာအလုပ် အားထုတ်မှု ပါသွားသောကြောင့် မဂ်ဉာဏ်၊ ဖိုလ်ဉာဏ် နိဗ္ဗာန်ကို ရောက်ရှိသွားကြတာဖြစ်ပါတယ်။

ပါရမီခေါ်သော အသိဉာဏ်တွေက ရင့်ကျက်ပြီးသားဖြစ်တဲ့အတွက် တရားကို အကျဉ်းမျှ ဟောပြတာနှင့် ခန္ဓာမှာ သိမြင်သဘောပေါက်ပြီးသား ဖြစ်သွားကြတာဖြစ်ပါတယ်။ ဒီလို ခန္ဓာမှာ သိမြင်သွားခြင်းသည် ဝိပဿနာအလုပ် ဖြစ်ပါတယ်။ ဒါလောက်ဆိုရင် တရားရှုသူယောဂီအပေါင်း သဘောပေါက်နားလည်နိုင်ကြပြီ ဖြစ်ပါသဖြင့် တရားသိမ်းကြစို့နော်။


ဤသို့အားဖြင့် တရားအားမထုတ်တတ်သေးသောသူများကို အားထုတ်တတ်ပါစေ၊ မသိသေးသောသူများကို သိကြပါစေ၊ မရှင်းသေးသော သူများလည်း ရှင်းကြပါစေ-ဆိုတဲ့ သဘောမျိုးဖြင့် ဂရုဏာသန်သန်ထား မေတ္တာတွေများများဖြင့် ဟောကြားလိုက်တာကို ကြားနာကြရတဲ့ သင်သူတော်ကောင်း အပေါင်းတို့မှာ တရားအားထုတ်ကာ သဘောပေါက်ကြ၍ ရှင်းရှင်းလင်းလင်းဖြစ်ကြပါလျှင် ညီညီညာညာ အားရပါးရ စိတ်ပါလက်ပါနှင့် ကြားလောက်သောနေရာ ဌာနတိုင်းက တရားတော်ကို ကောင်းချီးပေးသောအားဖြင့် သာဓု သုံးကြိမ် ခေါ်ဆိုနိုင်ကြပါစေကုန်သတည်း။

သာဓု…..သာဓု…..သာဓု။

(ဤတရားစာပေများကို ရေးသားလှူဒါန်းရသော အမြတ်ဆုံးသောကောင်းမှုများဖြင့် အနန္တကျေးဇူးတော်အရှင် ဘဝနတ်ထံဝင်စံတော်မူပြီးသော မူလကသစ်ဝိုင်ဆရာတော်ဘုရားကြီးနှင့်တကွ ကသစ်ဝိုင်ဆရာတော်ဘုရားများ အားလုံးကို လေးစားကော်ရော်ပူဇော်အပ်ပါသည်။


နောက်တင်မည့်ပိုစ့်တွင် မူလကသစ်ဝိုင်ဆရာတော်ဘုရားကြီးဟောကြားတော်မူသော နာမရူပ ပရိစ္ဆေဒဉာဏ် နှင့် ဒိဋ္ဌိဝိသုဒ္ဓိတရားတော်ကို ကုသိုလ်ပြုသွားပါမည်ဖြစ်ပါသည်။)

Posted by အောင်မင်းခေါင်ကုန်းမြေ ဓမ္မရိပ်သာ (ကသစ်ဝိုင် ၀ိပဿနာ) at 5:35 PM

Read more...

တပည့်တော် စောင်းဟောတယ် ပြောမှာပဲဘုရား... (ဓမ္မဒူတ အရှင်ပညာဇောတ (မေး-ဖြေ))

ဓမ္မဒူတ အရှင်ပညာဇောတ (မေး-ဖြေ) ၂-မှ...

တပည့်တော် စောင်းဟောတယ် ပြောမှာပဲဘုရား...

Posted by monk at 11:04 AM

Read more...

တတိယသံဂါယနာတင် ပုံပြင်မဟုတ်ပါ သမိုင်း...

သာသနာတော် သန့်ရှင်းတည်တံ့ ပြန့်ပွားရေး...

မြောင်းမြမြို့ ပဇ္ဇောတာရုံ စာသင်တိုက် မှော်ဘီမြို့ သာသနာ့ဝန်ဆောင်ကျောင်းတိုက်
နာယကဆရာတော် အရှင်ကုမာရ

သိမှတ်ဖွယ်ရာ ထေရ၀ါဒသာသနာ တတိယသံဂါယနာတင် ပုံပြင်မဟုတ်ပါ သမိုင်း...

Posted by monk at 5:32 PM

Read more...

ဗုဒ္ဓအလိုကျဒါနပြုနည်း... (အရှင်ဇ၀န) vcd

မေတ္တာရှင် ဆရာတော် အရှင်ဇ၀န...

နိဗ္ဗာန်ရောက်ကြောင်းတရားကောင်း...

ဗုဒ္ဓအလိုကျဒါနပြုနည်း... (အရှင်ဇ၀န) vcd

Posted by monk at 9:15 PM

Read more...

ဆရာကြီး ရွှေဥဒေါင်း၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် (၃)

ရဟန်းပြုဖူးခြင်း

ကျွန်ုပ်မှာ `တရားသမား `တစ်ယောက်၏ နာမည်မျိုးထွက်ခဲ့ပုံ ရသော်လည်း မိရိုးဖလာအားဖြင့် `တရားသမား ` မိဘနှစ်ပါးတို့ မှ ပေါက်ဖွားခဲ့၍ မဂ်ဆိုက် ဖိုလ်ဆိုက် အားထုတ်ခဲ့သော ဆရာတော်ကြီးတစ်ပါး၏
တပည့်ဖြစ်သည်။ တစ်ဖက်တွင် ဆရာတော်ဘုရားနှင့် မိဘနှစ်ပါးတို့ ၏ အကျင့်သီလနှင့် သြ၀ါဒသည် လည်းကောင်း၊ အခြားတစ်ဖက်တွင် အဖော်အပေါင်းနှင့် ခပ်ပျော်ပျော် နေချင်တတ်သည့် ကျွန်ုပ်၏ ၀ါဒနာသည်လည်းကောင်း လွန်ဆွဲသကဲ့သို့  ဖြစ်ခဲ့ရာတွင် တစ်ဖက်တစ်လှည့်စီ ပါခဲ့မိသည်။ သို့ သော်
လူတစ်ယောက်၌ အဆိုးနှင့် အကောင်း ယှဉ်တွဲလျက်ရှိရာတွင် (အကောင်းချည်းသက်သက်ဆိုသောလူမှာ တကယ်ရှားလိမ့်မည်ထင်သည် ) အဆိုးဘက်က ပို၍နာမည်ထွက်ခြင်းမှာ လောက၏ ဓမ္မတာဖြစ်၏ ။ သို့ ဖြစ်၍ ‘‘ ပျော်ချင်တတ်သောရွှေဥဒေါင်း ’’ ဟူ၍သာ လူသိများဟန်ရှိ၍ သားမယားကို စွန့် ပစ်ပြီး ရဟန်းပြု၍
အားထုတ်ခဲ့ဖူးသော အဖြစ်ကိုမူ လူသိနည်းပုံ ရသည်။ သို့ သော် ၃၅နှစ်အရွယ်တွင် ရဟန်းပြုပြီး မဂ်တရား ဖိုလ်တရားအတွက် အကြိတ်အနယ်အားထုတ်ခဲ့ဖူးခြင်းကား အမှန်ဖြစ်ပါသည်။ သို့ သော် တောရကျောင်း တစ်ကျောင်း၌ငှက်ဖျား ဖျား၍ မိဘများ၏ တောင်းပန်ချက် အရ ၅၂ ရက်နှင့်ပင်လူဝတ်လဲခဲ့ရပေသည်။

နှစ်သက်သောနည်းများ

ရဟန်းပြုခဲ့စဉ်က အထက်ပါ ငယ်ဆရာတော်၏ နည်းနာနိသျှအတိုင်းသော်လည်းကောင်း၊ ထို့ နောက် ဤခေတ်တွင် ပေါ်ပေါက်လျက်ရှိသော (မဂ်ပေါက်ဖိုလ်ပေါက်ဆိုသည့်) နည်းနာနိသျှအမျိုးမျိုးအတိုင်းသော် လည်းကောင်၊ ကျင့်ကြံအားထုတ်ခဲ့ဖူးရာ ကျွန်ုပ်အနှစ်သက်ဆုံးသောနည်းမှာ စိတ္တာနုပဿနာခေါ် ၀ိပဿနာ ရှုနည်းနှင့် မာလုကျပုတ္တနှင့် ဗာဟိရတို့ အား ဗုဒ္ဓကိုယ်တော်တိုင် ညွှန်ပြသည့် “ဒိဋ္ဌေဒိဋ္ဌမတ္တံ” နည်းပင်ဖြစ်ပါသည်။

စိတ္တာနုပဿနာရှုပုံ

ကျွန်ုပ်သည် စိတ္တနုပဿနာရှုမှတ်ရာ၌ အတွင်းနှင့်အပြင် (အာရုံနှင့်အာရမ္မဏိက) တိုက်မိခြင်းဖြစ်ပေါ်လာသည့် (၀ိဥာဏ်) စိတ်ကိုသိအောင် ကြိုးစားပါသည်။ ဥပမာ မျက်စိနှင့် အဆင်းတိုက်မိသော အခါ “မြင်စိတ်” ဖြစ်လာခြင်းကိုသိ၍၊ နားနှင့်အသံတိုက်မိသောအခါ “ကြားစိတ်” ဖြစ်လာသည်ဟု သိအောင် သတိပြုကာ စောင့်ကြည့်ပါသည်။ ဒွါရခြောက်ပါးရှိသည့်အနက် မျက်စိ၊ နား၊ နှာခေါင်း၊ လျှာ၊ ကိုယ်ကာယတည်းဟူသော ဒွါရများ၌ တိုက်မိခြင်းထက် မနောဒွါရနှင့် ဓမ္မာရုံတို့ တိုက်မိခြင်းသည် အကြိမ်ပေါင်းများစွာပိုမိုသည်ဟု တွေ့ ရပါသည်။ (ဆိုလိုရင်းမှာ လူသတ္တ၀ါသည် ကြံစည်စိတ်ကူးနေခြင်းများဖြင့် အချိန်ကုန်ကြရသည်ဟု သိရသည်ဟူလို) ယင်းကဲ့သို့ စိတ်ဖြစ်တိုင်း သိအောင်ရှုမှတ်ရာတွင် ပထမ၌ တစ်ခုတည်းသောစိတ်ကလေးသည် မြင်ချည်တစ်ခါ၊ ကြားချည်တစ်လှည့်၊ စဉ်းစားချည်တစ်ဖုံ၊ တောင်ခုန်မြောက်ခုန် ခုန်လျက်ရှိသည်ဟု မှတ်ထင်မိပါသည်။

သဲလွန်စရခြင်း

ထိုကဲ့သို့ သတိမြဲမြဲရှုမှတ်၍ တစ်နှစ်ခွဲခန့် ကြာရှိသောအခါ တစ်နေ့ သ၌ ကျွန်ုပ်သည် တစ်စုံတစ်ခုကို ကြည့်လျက် ရှိစဉ် တစ်ယောက်သောသူက ကျွန်ုပ်၏နာမည်ကို ခေါ်လိုက်သည်နှင့် ရုတ်ကနဲ လှည့်ကြည့်လိုက်ရာတွင် ဘွားကနဲ အသိဉာဏ်တစ်ခု ပေါ်လာ၍ ဒိတ်ကနဲဖြစ်သွားပါသည်။ ကျွန်ုပ်သိလိုက်ရသည်မှာကား အသံကြား၍လှည့်ကြည့်လိုက်သော တစ်ခဏတွင် “မြင်စိတ်” ချုပ်သွား၍ “ကြားစိတ်” ဖြစ်ပေါ်လာသည်ဟူသော အသိဉာဉ်ပင်ဖြစ်သည်။ ကျွန်ုပ်မှာထိုအသိဉာဏ်ကြောင့် အလန့် တကြားနှင့် တအံ့တသြ ဖြစ်သွားမိပါသည်။ ဤတွင်တစ်ခုတည်းသောစိတ်က ဤမှထိုမှ ခုန်နေခြင်းမဟုတ်။ တစ်အာရုံအပြီးတွင် ကုန်ဆုံးသွာ၍ အခြားတစ်အာရုံတွင် အသစ်ဖြစ်လာသည်ဟု ထိုးထွင်း၍ သိမြင်လိုက်ခြင်းဖြစ်သည်။ ဤတွင် ငယ်စဉ်က ဆရာတော်ဘုရားသင်ကြားခဲ့သည့် “ဓူရင်္ဂမံ ဧကစာရံ” ဟူသောပါဠိတော်အရ တစ်ခုချုပ်ပြီးမှ တစ်ခုဖြစ်ခြင်းဆိုသည်ကို အသည်းနှလုံးတည်းမှ သဘောကျနိုင်သဖြင့် အကြီးအကျယ် ၀မ်းသာမိပါတော့သည်။ ထိုအချိန်မှစ၍ ကျွန်ုပ်မှာ စိတ်အကြောင်းကို လက်တွေ့ သိမြင်ခြင်းနှင့် ပတ်သတ်၍ သဲလွန်စရခဲ့ပါသည်။

ဥဒယဗ္ဗယဉာဏ်ပေါ်ခြင်း

စာပေသမားဝိုင်းတစ်ခုတွင် စကားစပ်မိသည်နှင့် ဤအဖြစ်အပျက်ကို ပြောပြမိရာ “ခင်ဗျားကစိတ်အကြောင်းကို ခုမှသိတာကိုးဗျ။ မြတ်စွာဘုရားက ဓူရင်္ဂမံ-ဧကစာရံ အသရိရံ-ဂူဟာသယံ လို့  ဟောထားတယ် မဟုတ်ဘူးလားဗျ” ဟု ၀ိုင်း၍ပြောကြသည်။ ဤသို့ သောအခြင်းအရာမျိုးကြောင့် “စာသမားများ” နှင့် ဆွေးနွေးခြင်းကို ကျွန်ုပ်ရှောင်ကွင်းခဲ့ခြင်းဖြစ်သည်။ သို့ သော် ၄င်းတို့ အနက် တစ်ယောက်သောသူက စဉ်းစားဉာဏ်ရှိပုံရသည်။ ထိုသူက “ခင်ဗျားဖြစ်ပုံ ကောင်းတယ်ဗျ။ စိတ်၏ ဖြစ်ပျက်ခြင်းသဘောတရားကို ယထာဘူတကျကျ မြင်လိုက်ခြင်းဖြစ်လို့ မို့  ဥဒယဗ္ဗယဉာဏ်လို့ ခေါ်ထိုက်တယ်ဗျ။ နောက်နောင် ဘ၀များမှာ ဒီဉာဏ်ဟာ ခင်းဗျာ့အဖို့  မဂ်အခြေဖိုလ်အခြေဖြစ်ပြီး အထောက်အပံ့ဖြစ်စေနိုင်ပါတယ်” ဟုပြောဖော်ရပါသည်။ ကျွန်ုပ်သည် ဥဒယဗ္ဗယဉာဏ်ပေါ်ခြင်းကို လက်ခံသော်လည်း နောင်ဘ၀များကျကာမှ အထောက်အပံ့ဖြစ်ရမည် ဆိုချက်ကိုမူ ၀မ်းထဲက ကျိတ်၍ ပြုံးမိပါတော့သည်။

Posted by The Bliss Of Emancipation at 2:57 AM

Read more...

သူငယ်တော်တောရ ဆရာတော်၏ နေ့ စဉ်ဟောပြ သြ၀ါဒ (၆)

တရား နဲ့  မတရား

မိမိနှာသီးဖျားမှာ စိတ်စိုက်ပြီးမှတ်နိုင်မှ တရား၊ မမှတ်နိုင်ရင် မတရား။ တရားမဟုတ်ရင် မတရားပဲပေါ့။ တစ်နည်းပြောရရင် မှတ်နိုင်တော့တရား၊ မမှတ်နိုင်တော့ အလကား။
အကျိုးမရှိသော အသက်ရှင်ခြင်းပဲ။

ဓမ္မသဘော

ဘုန်းကြီးတို့  သူတော်စင်တွေ ဓမ္မသဘောဟာ အင်မတန် ဆန်းကြယ်တယ်။
အိမ်မှာနေရင် အဟုတ်သား၊ မှတ်ကြည့်မှ ခက်မှန်းသိတယ်။
မှတ်နေရင်းကနေ ကြံစည်တယ်၊ စဉ်းစားတယ်၊ တွေးတောတယ်၊ အတွေးနယ်ချဲ့ တယ်၊
အမှတ်ပျောက်တယ်၊ အမှတ်လွတ်တယ်၊ ဒီလိုမဟုတ်လား။

တရားရချင် ထိန်းလို့ ပေး

မိမိစိတ်ကို ထိန်းချုပ်မှုမရှိဘဲ လွှတ်ထားရင် အကုသိုလ်စိတ်တွေ ၀င်တတ်တယ်။
ရှုမှတ်ပွားများမှု လွတ်နေရင် တရားရမှုဝေးမယ်။
ဒါကြောင့် - ဆိုးသွမ်းနေတဲ့ မိမိစိတ်ကလေးကို တရားရချင်ရင် သတိနဲ့ အမြဲ ထိန်းချုပ်ပေးရမယ်။

Posted by The Bliss Of Emancipation at 3:14 AM

Read more...

နှစ်သက်မိသော ဇင် ပုံပြင်များ (၉)

Egotism

---

The Prime Minister of the Tang Dynasty was a national hero for his success as both a statesman and military leader. But despite his fame, power, and wealth, he considered himself a humble and devout Buddhist. Often he visited his favorite Zen master to study under him, and they seemed to get along very well. The fact that he was prime minister apparently had no effect on their relationship, which seemed to be simply one of a revered master and respectful student.

One day, during his usual visit, the Prime Minister asked the master, "Your Reverence, what is egotism according to Buddhism?" The master's face turned red, and in a very condescending and insulting tone of voice, he shot back, "What kind of stupid question is that!?"

This unexpected response so shocked the Prime Minister that he became sullen and angry. The Zen master then smiled and said, "THIS, Your Excellency, is egotism."

Posted by The Bliss Of Emancipation at 3:31 AM

Read more...

သရက်သီးနှင့်တူသော ပုဂ္ဂိုလ်လေးယောက်...

စတုက္ကပုဂ္ဂလပညတ်

ထိုမာတိကာပုဒ်၌
သရက်သီးနှင့်တူသော ပုဂ္ဂိုလ်လေးယောက်တို့သည် အဘယ်တို့နည်း...

စိမ်းလျက် မှည့်ရောင်ရှိသော သရက်သီး၊ မှည့်လျက် စိမ်းရောင်ရှိသော သရက်သီး၊ စိမ်းလျက် စိမ်းရောင် ရှိသော သရက်သီး၊ မှည့်လျက် မှည့်ရောင်ရှိသော သရက် သီးဟူ၍ သရက်သီးတို့သည် လေးမျိုးရှိကုန်၏၊

ဤ အတူပင်လျှင် သရက်သီးနှင့် တူသော ဤပုဂ္ဂိုလ်လေးယောက်တို့သည် လောက၌ ထင်ရှားရှိကုန်၏၊

လေးယောက်တို့ဟူသည် အဘယ်တို့နည်း၊

၁... စိမ်းလျက် မှည့်ရောင်ရှိသော သရက်သီးနှင့်တူသောပုဂ္ဂိုလ်၊
၂... မှည့်လျက် စိမ်းရောင်ရှိသော သရက်သီးနှင့်တူသော ပုဂ္ဂိုလ်၊
၃... စိမ်းလျက် စိမ်းရောင်ရှိသော သရက်သီးနှင့် တူသော ပုဂ္ဂိုလ်၊
၎... မှည့်လျက် မှည့်ရောင်ရှိသော သရက်သီးနှင့်တူသော ပုဂ္ဂိုလ်တို့တည်း။

၁...
အဘယ်သို့လျှင် ပုဂ္ဂိုလ်သည် စိမ်းလျက် မှည့်ရောင်ရှိသော သရက်သီးနှင့် တူသ နည်း၊ ဤလောက၌ အချို့သော ပုဂ္ဂိုလ်၏ ရှေ့သို့တက်ခြင်း၊ နောက်သို့ဆုတ်ခြင်း၊ တူရူကြည့်ခြင်း၊ တစောင်းကြည့်ခြင်း၊ ကွေးခြင်း၊ ဆန့်ခြင်း၊ ဒုကုဋ် သပိတ် သင်္ကန်း ဝတ်ရုံယူဆောင်ခြင်းသည် ကြည်ညိုဖွယ်ရှိ၏၊ ထိုကြည်ညို ဖွယ်ရှိသော ပုဂ္ဂိုလ်သည် ''ဤလောဘကြဉ်သော ခန္ဓာငါးပါးသည်ကား ဆင်းရဲတည်း'' ဟူ၍ ဟုတ်မှန်သော အတိုင်း မသိ၊ ''ဤလောဘသည်ကား ဆင်းရဲ ဖြစ်ကြောင်းတည်း'' ဟူ၍ ဟုတ်မှန်သောအတိုင်း မသိ၊ ''ဤနိဗ္ဗာန်သည်ကား ဆင်းရဲချုပ်ရာတည်း'' ဟူ၍ ဟုတ်မှန်သော အတိုင်းမသိ၊ ''ဤမဂ္ဂင်ရှစ်ပါးသည်ကား ဆင်းရဲချုပ်ရာ (နိဗ္ဗာန်) သို့ ရောက်ကြောင်း အကျင့်တည်း'' ဟူ၍ ဟုတ်မှန် သောအတိုင်း မသိ၊ ဤသို့ ကြည်ညိုဖွယ်ရှိလျက် အမှန်တရား မသိသော ပုဂ္ဂိုလ်သည် စိမ်းလျက်မှည့် ရောင်ရှိသော သရက်သီးနှင့် တူ၏၊

ထိုသရက်သီးသည် စိမ်းလျက် မှည့်ရောင်ရှိသကဲ့သို့ ဤသို့ ကြည်ညိုဖွယ်ရှိလျက်
အမှန်တရားကို မသိသော ပုဂ္ဂိုလ်ကို ထိုသရက်သီးနှင့် တူ၏ဟူ၍ မှတ်အပ်၏။

အဘယ်သို့လျှင် ပုဂ္ဂိုလ်သည် မှည့်လျက် စိမ်းရောင်ရှိသော သရက်သီးနှင့် တူသ နည်း၊ ဤလောက၌ အချို့သော ပုဂ္ဂိုလ်၏ ရှေ့သို့တက်ခြင်း၊ နောက်သို့ဆုတ်ခြင်း၊ တူရူကြည့်ခြင်း၊ တစောင်းကြည့်ခြင်း၊ ကွေးခြင်း၊ ဆန့်ခြင်း၊ ဒုကုဋ် သပိတ် သင်္ကန်းဝတ်ရုံ ယူဆောင်ခြင်းသည် ကြည်ညိုဖွယ် မရှိ၊ ထိုကြည်ညိုဖွယ် မရှိသော ပုဂ္ဂိုလ်သည် ''ဤလောဘကြဉ်သော ခန္ဓာငါးပါးသည်ကား ဆင်းရဲတည်း'' ဟူ၍ ဟုတ်မှန်သောအတိုင်း သိ၏၊ ''ဤလောဘသည်ကား ဆင်းရဲဖြစ်ကြောင်းတည်း'' ဟူ၍ ဟုတ်မှန်သောအတိုင်းသိ၏၊ ''ဤနိဗ္ဗာန်သည်ကား ဆင်းရဲ ချုပ်ရာတည်း'' ဟူ၍ ဟုတ်မှန်သောအတိုင်း သိ၏၊ ''ဤမဂ္ဂင်ရှစ်ပါးသည်ကား ဆင်းရဲချုပ်ရာ နိဗ္ဗာန်သို့ရောက်ကြောင်း အကျင့်တည်း'' ဟူ၍ ဟုတ်မှန်သောအတိုင်းသိ၏၊ ဤသို့ ကြည်ညိုဖွယ် မရှိဘဲ အမှန်တရားကို သိသော ပုဂ္ဂိုလ်သည် မှည့်လျက် စိမ်းရောင် ရှိသောသရက်သီးနှင့် တူ၏၊

ထိုသရက်သီးသည် မှည့်လျက် စိမ်းရောင် ရှိသကဲ့သို့ ဤသို့ ကြည်ညိုဖွယ်မရှိဘဲ
အမှန်တရားသိသော ပုဂ္ဂိုလ်ကို ထိုသရက်သီးနှင့် တူ၏ဟူ၍ မှတ်အပ်၏။

၃...
အဘယ်သို့လျှင် ပုဂ္ဂိုလ်သည် စိမ်းလျက် စိမ်းရောင်ရှိသော သရက်သီးနှင့် တူသနည်း၊ ဤလောက၌ အချို့သော ပုဂ္ဂိုလ်၏ ရှေ့သို့တက်ခြင်း၊ နောက်သို့ ဆုတ်ခြင်း၊ တူရူကြည့်ခြင်း၊ တစောင်းကြည့်ခြင်း၊ ကွေးခြင်း၊ ဆန့်ခြင်း၊ ဒုကုဋ် သပိတ် သင်္ကန်း ဝတ်ရုံ ယူဆောင်ခြင်းသည်လည်း ကြည်ညိုဖွယ် မရှိ၊ ထိုကြည်ညိုဖွယ် မရှိသော ပုဂ္ဂိုလ်သည် ''ဤလောဘကြဉ်သော ခန္ဓာငါးပါး သည်ကား ဆင်းရဲတည်း'' ဟူ၍ ဟုတ်မှန်သောအတိုင်း မသိ။ပ။ ''ဤမဂ္ဂင် ရှစ်ပါးသည်ကား ဆင်းရဲချုပ်ရာ (နိဗ္ဗာန်)သို့ ရောက်ကြောင်း အကျင့်တည်း'' ဟူ၍ ဟုတ်မှန်သောအတိုင်း မသိ၊ ဤသို့ ကြည်ညိုဖွယ်လည်း မရှိ၊ အမှန်တရား ကိုလည်း မသိသော ပုဂ္ဂိုလ်သည် စိမ်းလျက် စိမ်းရောင်ရှိသော သရက်သီး နှင့်တူ၏၊

ထိုသရက်သီးသည် စိမ်းလျက် စိမ်းရောင်ရှိသကဲ့သို့ ဤသို့ ကြည်ညိုဖွယ်လည်း မရှိ၊ အမှန်တရားကိုလည်း မသိသော ပုဂ္ဂိုလ်ကို ထိုသရက်သီးနှင့် တူ၏ဟူ၍ မှတ်အပ်၏။

၎...
အဘယ်သို့လျှင် ပုဂ္ဂိုလ်သည် မှည့်လျက် မှည့်ရောင်ရှိသော သရက်သီးနှင့် တူသနည်း၊ ဤလောက၌ အချို့သောပုဂ္ဂိုလ်၏ ရှေ့သို့တက်ခြင်း၊ နောက်သို့ ဆုတ်ခြင်း၊ တူရူကြည့်ခြင်း၊ တစောင်းကြည့်ခြင်း၊ ကွေးခြင်း၊ ဆန့်ခြင်း၊ ဒုကုဋ်သပိတ်သင်္ကန်း ဝတ်ရုံယူဆောင်ခြင်းသည် ကြည်ညိုဖွယ်ရှိ၏၊ ထိုကြည်ညို ဖွယ် ရှိသော ပုဂ္ဂိုလ်သည် ''ဤလောဘကြဉ်သော ခန္ဓာငါးပါးသည်ကား ဆင်းရဲ တည်း'' ဟူ၍ ဟုတ်မှန်သော အတိုင်း သိ၏။ပ။ ''ဤမဂ္ဂင်ရှစ်ပါးသည်ကား ဆင်းရဲချုပ်ရာ (နိဗ္ဗာန်)သို့ ရောက်ကြောင်း အကျင့်တည်း'' ဟူ၍ ဟုတ်မှန်သောအတိုင်း သိ၏၊ ဤသို့ ကြည်ညိုဖွယ်လည်းရှိ အမှန်တရားကိုလည်း သိသော ပုဂ္ဂိုလ်သည် မှည့်လျက် မှည့်ရောင်ရှိသော သရက်သီးနှင့် တူ၏၊

ထိုသရက်သီးသည် မှည့်လျက် မှည့်ရောင်ရှိ သကဲ့သို့ ဤသို့ ကြည်ညိုဖွယ်လည်းရှိ အမှန်တရားကိုလည်းသိသော ပုဂ္ဂိုလ်ကို ထိုသရက်သီးနှင့် တူ၏ဟူ၍ မှတ်အပ်၏။ 159

လောက၌ ထင်ရှားရှိသော သရက်သီးနှင့် တူသော ပုဂ္ဂိုလ်လေးယောက်တို့သည် ဤသည်တို့ပေတည်း။

၎ - စတုက္ကပုဂ္ဂလပညတ်၊ နိဒ္ဒေသ၊ ပုဂ္ဂလပညတ်ပါဠိတော်၊ အဘိဓမ္မာပိဋက။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

ပုဏ္ဏားနှစ်ယောက် တို့သည်...

ပဌမ ဒွေဗြာဟ္မဏသုတ်

ထိုအခါ ဖွားမြင်သည်မှ အသက်တစ်ရာ့နှစ်ဆယ်ရှိ၍ အိုမင်း ကြီးမြင့် အရွယ်ရင့် ကာ ဆင့်ဆင့်လွန်မြောက် အဆုံးအရွယ်သို့ ရောက်ကုန်သော ပုဏ္ဏားနှစ်ယောက် တို့သည် မြတ်စွာ ဘုရား အထံသို့ ချဉ်းကပ်ကြကုန်ပြီးလျှင် မြတ်စွာဘုရားနှင့်အတူ ဝမ်းမြောက်ဝမ်းသာ နှုတ်ဆက် ပြောဆိုကြ ကုန်၏၊

ဝမ်းမြောက်ဖွယ် အမှတ်ရဖွယ်စကားကို ပြောဆိုပြီးဆုံးစေ၍ တစ်ခုသော နေရာ၌ ထိုင်ကြပြီးလျှင် မြတ်စွာ ဘုရားအား-
''အသျှင်ဂေါတမ အကျွန်ုပ်တို့သည် ဖွားမြင်သည်မှ အသက်တစ်ရာ့နှစ်ဆယ်ပင် ရှိကြ၍ အိုမင်း ကြီးမြင့် အရွယ်ရင့်ကာ ဆင့်ဆင့်လွန်မြောက် အဆုံးအရွယ်သို့ ရောက်ကြပါကုန်ပြီ၊ ထို အကျွန်ုပ်တို့ကား ဒုဂ္ဂတိဘေးမှ စောင့်ရှောက် တားမြစ် ကြောင်း ကောင်းမှု ကုသိုလ်ကိုမူ မပြုလုပ်ကြရ ပါကုန်သေး၊ အသျှင် ဂေါတမသည် အကျွန်ုပ်တို့အား ရှည်ကြာလေးမြင့် အစီးအပွါးရှိခြင်း ချမ်းသာခြင်းငှါ ဖြစ်နိုင် ရာသော သွန်သင် ဆုံးမခြင်း ဖြင့် သွန်သင် ဆုံးမတော်မူပါ'' ဟု လျှောက်ထားကြ ကုန်၏။

ပုဏ္ဏားတို့ သင်တို့သည် ဖွားမြင်သည်မှ အသက်တစ်ရာ့နှစ်ဆယ်ရှိကုန်၍ အိုမင်း ကြီးမြင့် အရွယ်ရင့်ကာ ဆင့်ဆင့်လွန်မြောက် အဆုံးအရွယ်သို့ စင်စစ် ရောက်ကြ ကုန်၏။ သင်တို့သည် ဒုဂ္ဂတိဘေးမှ စောင့်ရှောက် တားမြစ်ကြောင်း ကောင်းမှု ကုသိုလ်ကိုမူ မပြုလုပ်ကြရကုန်သေး၊ ပုဏ္ဏားတို့ အိုခြင်း နာခြင်း သေခြင်းသည် ဤသတ္တလောကကို အဆင့်ဆင့် ပို့ဆောင်အပ်၏။ ပုဏ္ဏားတို့ အိုခြင်း နာခြင်း သေခြင်းသည် သတ္တလောကကို ဤသို့ အဆင့်ဆင့် ပို့ဆောင်အပ်သည် ရှိသော် ဤမျက်မှောက်ဘဝ၌ ကိုယ်ဖြင့်စောင့်စည်းခြင်း၊ နှုတ်ဖြင့် စောင့်စည်းခြင်း၊ စိတ်ဖြင့် စောင့်စည်းခြင်းသည် တမလွန်ဘဝသို့ ပြောင်းသွားသူ၏ ခိုကိုးရာ ပုန်းအောင်းရာ မှီခိုရာ ကိုးကွယ်ရာ လဲလျောင်းရာ ဖြစ်၏ ဟု (မိန့်တော်မူ၏)။

(အို နာ သေရေး ဒုက္ခဘေးတို့သည်) ဇီဝိတိနြေ္ဒကို အဆင့်ဆင့် ပို့ဆောင်အပ်၏၊ (သတ္တဝါတို့၏) အသက်သည် တိုတောင်းလှ၏၊ အိုခြင်းတရားသည် အဆင့်ဆင့် ပို့ဆောင် အပ်သော သတ္တဝါအား ကိုးကွယ်ရာတို့ မည်သည် မရှိနိုင်ကုန်၊ သေခြင်း တရား၌ ဤမည်သော ဘေးကို (ပညာမျက်စိဖြင့်) မြင်အောင် ရှုလျက် ချမ်းသာကို ဆောင်စွမ်းနိုင်သော ကုသိုလ် ကောင်းမှု တို့ကို ပြုရာသတည်း။

ဤမျက်မှောက်ဘဝ၌ ...
ကိုယ် နှုတ် စိတ်ဖြင့် စောင့်စည်းခြင်းသည် လည်းကောင်း၊
အသက်ဝိညာဉ် ရှင်နေစဉ် ကောင်းမှုကို ပြုခြင်းသည် လည်းကောင်း၊
တမလွန်လောကသို့ ပြောင်းသွားသူအား ချမ်းသာခြင်းငှါ ဖြစ်သတည်း။52

၁ - ပဌမ ဒွေဗြာဟ္မဏသုတ်၊ ဗြာဟ္မန၀ဂ်၊ တိကနိပါတ်၊ အင်္ဂုတ္တိုရ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

ဘုရားနဲ့ အရိယာတွေကို ဆန့်ကျင်နေသူတွေ

ဒီခေါင်းစဉ်ထဲက သူတွေထဲမှာ အခုစာရှုသူရော ကျွန်တော်ရော ပါပြီးသားပါ။ဒါတကယ်ပါ။

ဝတ်ကျေတန်းကျေ ဆိုတဲ့စကား လူတိုင်းနားလည်ကြပါတယ်။ကဲ ခင်များတို့ ကျွန်တော်တို့

ဆန့်ကျင်လား မဆန့်ကျင်ဘူးလား သိရအောင်ဒီအချက်လေးတွေနဲ့ ချိန်ကိုက်ကြည့်ကြပါစို့။

ဘုရားကဟောကြားထားတာတွေအများကြီးပါနော်။လိုက်နာတဲ့အချက်ကို လက်ချိုးတွက်

ကြည့်ပါအုန်း။

(၁) မနက်မိုးလင်းတာနဲ့ ဘုရား တရားကိုသတိရလား၊ ဘာကိုသတိရလဲလို့။

(၂) ဘာအလုပ်တွေလုပ်လုပ် ကိုယ် ဘယ်လိုစိတ်ထားနဲ့ လုပ်နေတာလဲ တွေးပါအုန်း။

( ငါကောင်းဖို့ ငါ့မိသားစု ငါ့တိုင်းပြည် ကောင်းဖို့တွေပဲလား။)

(၃) တစ်ရက် (၂၄) နာရီမှာ ၀ိပဿနာပွားများတာ နာရီဘယ်လောက်ရှိလဲ။ကဲဗျာ အခုအရွယ်

အထိ ပေါင်းကြည့်ပါအုန်း။တစ်ရက် တစ်နာရီလုပ်တယ်ထားအုန်း။(၁၀)တန်းလောက်မှ စလုပ်တယ်ပေါ့။

အသက် (၁၇)နှစ် ပေါ့။တစ်ရက်တစ်နာရီ ၊ တစ်နှစ် (၃၆၅)နာရီပေါ့။အခု အသက်(၂၅)ပဲထားပါအုန်းဗျာ။

ဒါဆိုတရာလုပ်ချိန် စုစုပေါင်း(၄)လ ပဲရှိသေးတယ်။ဒါနေ့စဉ်လုပ်တဲ့သူနော်။ခင်များတို့ ကျွန်တော်တို့

နေ့စဉ်လုပ်ခဲ့လား။ဒါကို မဟာဗောဓိမြိုင်ဆရာတော်ဘုရားက အခုမှ တရားနယ်ပယ်မှာ လသားပဲရှိသေး

တယ်တဲ့။လူ့သက်တမ်းတစ်ဝက်ကျိုးနေပြီ။နေမွန်းတည့်နေပြီ။ဘ၀ခရီးတစ်ဝက်ရောက်နေပြီ။တရားနယ်

ပယ်မှာ အမိဝမ်းကတောင်မလွတ်သေးပါဘူးနော်။ဘုရားက ခန္ဓာချုပ်ငြိမ်းတော်မမူမီ မှာခဲ့ပါတယ်။မမေ့

မလျှော့တဲ့သတိနဲ့နေကြလို။ဘုရားစကားနားထောင်ကြလား ခင်များတို့ကျွန်တော်တို့။ဘုရားရှေ့ကြလေးစား

လိုက်တာ ကြည့်ညိုလိုက်တာတဲ့။ကွယ်ရာကြ ဆန့်ကျင်ရေးသမားလုံးလုံးဖြစ်လို့။ဒါလေးကို ဝေဘူဆရာတော်

ဘုရားကြီးက “မင်းတို့ ဘုရားကိုကြည်ညိုသဒ္ဓါရှိတယ်ဆိုတာ ကိုယ့်အိမ်လာတဲ့သူ ပြုစုတဲ့သဒ္ဓါလောက်ပဲရှိတာကိုး

ဘယ်အကျိုးကြီးမလဲတဲ့။တကယ်ယုံကြည် တကယ်အကျိုးပေးပါတယ်တဲ့။တစ်ခါက တပည့်ဒကာကြီးကို

ပြောပါသတဲ့ ဒကာကြီး လမ်းမှာ ငွေထုပ်ကြီးကောက်ရရင်ဘယ်လိုလုပ်မလဲပေါ့။ဒီတော့ ဒကာက တပည့်တော်

ပိုင်ရှင်ရှာလို့မတွေ့ရင် ယူမှာပါဘုရားတဲ့။ကဲဒါဆို တစ်လမ်းလုံး ဒါမျိုးငွေထုပ်တွေ ကောက်မရချင်ဘူးလားလို့

မေးပါသတဲ့။အဲလိုရချင်ရင်တဲ့ နေ့စဉ် ဘုရားစင်ရှေ့မှာထိုင် ရိုရိုသေသေယုံယုံကြည်ကြည်နဲ့သာ ပူဇော်နေပါတဲ့

အဲဒါ ငွေထုပ်တွေ ကောက်ရနေတာနဲ့ အတူတူပါပဲတဲ့”။ ကဲ ခင်များတို့ အဲဒီလောက်ယုံကြည်လား ဘုရားကို။

နောက် မိုးကုတ်ဆရာတော်ဘုရားကြီးက “ခင်များတို့ကပြောကြတယ် လူဆိုတာ ဒီလိုပဲ ရှာစားနေရတာပဲဘုရား

လို့၊ ခင်များတို့ ရှာစားတဲ့ဘက်ကပဲ နားလည်တာကိုး မရှာဘဲချမ်းသာနေတဲ့ဘက်ကို နားမလည်တော့ ကိုယ်

နားလည်တာပဲ အသားယူပြောနေတာကိုး၊ ရှာစားရတဲ့ကိစ္စရှိရင် မရှာပဲပြီးတဲ့ကိစ္စလည်း ရှိရမယ်။”ဒီမိန့်ကြား

ချက်ကိုရော ခင်များတို့ ကျွန်တော်တို့ တကယ်ယုံကြည်ကြလား။ကဲခင်များတို့ ကျွန်တော်တို့ နားထောင်တဲ့

ဖက်ကလား ဆန့်ကျင်တဲ့ဘက်ကလား စဉ်းစားကြရအောင်ဗျာ။

ဒီစကားလေးဘယ်တော့မှ မမေ့လိုက်ကြပါနဲ့။ “မသိတုန်းက မသိသလိုနေလာခဲ့တာ ကိစ္စမရှိဘူး။သိပြီးတဲ့

အခါကျတော့ ပြင်ဖို့ဆင်ဖို့ အချိန်ရောက်ပြီ။အချိန်ဆွဲလေလေ မှားချက်သန်လေလေပဲ။ကိုယ်သေရင်

အပါယ်တွန်းချမဲ့ တရားတွေ ၀မ်းထဲရှိလျှက်နဲ့ နှောက်နှေးတဲ့အလုပ် လုပ်နေရင် ဒီထက်မိုက်တာ ရှာ

မတွေ့တော့ဘူး။တစ်ဘ၀ တစ်နပ်စာငဲ့နေတာနဲ့ တစ်သံသရာလုံးအရေး နစ်နာသွားလိမ့်မယ်။”လို့

မိုးကုတ်ဆရာတော်ဘုရားကြီးမှာကြားခဲ့ပါတယ်။ဒီဘ၀ဟာ ခင်များတို့ ကျွန်တော်တို့အတွက် နောက်ဆုံး

ဘ၀ပါနော်။ဒီတစ်ခါမှ တရာမတွေ့ရင် ကျောက်ခဲရေကျသလို အပါယ်ကတက်ရမှာကိုးမဟုတ်ပါဘူးဗျာ။

စေတနာဖြင့် သတိသံဝေဂ ရနိုင်ကြပါစေ။

သိင်္ခ

Read more...

အီကွေတာ-ပိတောက်ပွင့်များ-သိှု့-(ပညာဒါနအစီအစဉ်)

အီကွေတာ-ပိတောက်ပွင့်များ-သိှု့-(ပညာဒါနအစီအစဉ်)

ဤလှပသော စကားလုံး လေးသည်ကျွန်မဖန်တီးထားသောစကားလုံးမဟုတ်ပါ။ ကွယ်လွန် ခဲ့ပြီ ဖြစ်သော မျက်စိပါရဂူ စာရေးဆရာ ဒေါက်တာရဲနိုင် မဂ္ဂဇင်းတစ်စောင်တွင် မျှဝေရေးသားခဲ့သော ဝတ္ထုခေါင်းစဉ် စကားလုံး အဆန်းလေးဖြစ်၍ အတွေး အခေါ်လေးကိုပါမှတ်မိနေဖြစ်ပါသည်။ ဟိုတနေ့ကတော့ ကျွန်မ၏အတွေးကို သိနေသည့်အလား ဒေါက်တာလွမ်းဝေ(အလှတရား)က သူ၏ဆရာဒေါက်တာရဲနိုင် သဘောကောင်းကြောင်း အစဖေါ်ပြောကြားဖြစ်ခဲ့သေးသည်။

ဆရာသည် တာဝန်တစ်ခုဖြင့် စင်္ကပူ နိုင်ငံသို့ ရောက် ခဲ့ပုံရပါသည်။အီကွေတာ ရပ်ဝန်းဒေသဖြစ်သော စင်္ကပူ ၏ ထာဝစဉ် ပူနွေး စွတ်စိုသော ရာသီဥတု ကြောင့် မြန်မာနိုင်ငံ၌--- တစ်နှစ်တွင် သည် တစ်လ၊တစ်လတွင် တစ်ရက် တည်း--ရယ်လို့ တင်စားတန်ဘိုးထားသော ပန်းပိတောက်တို့သည် ပေါပေါသောသော လှိုင်ဘော လယ် အောင်ပွင့် နေတတ်ပါသည်။သည်ဖြစ်စဉ်ကိုမြင်တွေ့ ရသလို--အကြောင်းကြောင်း သောအ ကြောင်း တွေအကြောင်းပြုပြီး ဆရာဝန်က ဓာတ်ခွဲခန်းလက်ထောက်လုပ်ရသလို၊ ကျောင်းဆရာမ ကလည်း Casher ဝင်လုပ်ရတာမျိုး ကို အီကွေတာပိတောက်ပွင့် များလို့ဆရာက တင်စားခဲ့ဘူး ပါသည်။

ကျွန်မသည် ဝေဖန် ဆန်းစစ်နိုင်သော Social Scienceပညာရှင် လည်းမဟုတ်ပါသဖြင့်…မည်သို့မှ မှတ်ချက် မပေး နိုင်ပါ။သို့သော်လည်း ပညာရေးနှင့်ပတ်သက်နေ သည့်အတွက် အီကွေတာ ပိတောက် များ ဘဝ လမ်းကြောင်းပြောင်းနိုင်ကြောင်း ကိုတော့ စိတ်ဝင်တစား ဆွေးနွေး ချင်မိပါသည်။ ကျွန်မသည် အ သက် တော်တော်လေးကြီးမှ ပညာသင်ဆု များရရှိကာ ဘွဲ့လွန်ပညာရေးကို သင်ယူခွင့်ရခဲ့ပါသည်။ ကျွန်မနှင့်အသက်တန်းတူ များမရှိ နိုင်လောက်ဘူး လို့ထင်ပေမဲ့ အရွယ်တူ ကျောင်းပြန်တက်သော သူများကြုံတွေ့ရပါသည်..။

သူတို့ကတော့ ဘွဲ့ရ၊ မိသားစုအတွက် နိုင်ငံခြားတွင်အီကွေတာ ပိတောက် လုပ်၍ ငွေရှာခဲ့ ကြသည်။ငွေစုမိတော့ အ်ိမ်ထောင်ပြု ငွေထပ်ရှာ ရမဲ့ အချိန် မှာ တစ်ခါက အီကွေတာ ပိတောက်လို အပင်ပန်းမခံ ချင်တော့ လို့ ဘွဲ့လွန်ပညာရေး ကို ပြန်သင်ယူပါသည် တဲ့။ ကျွန်မ က ပညာ သင်ဆု ဖြင့်ကျောင်းတက်သည်။သူတို့က စုဆောင်းထားသည် များကို ထုခွဲ၍ ကျောင်းပြန် တက်ကြသည်။ဘဏ္ဍာရေးရလဒ် ကတော့ တူတူပဲလို့ ဆိုကြပါသည်။

ကျွန်မ၏ ထိုထိုသူငယ်ချင်းများ၏ ခံစားချက်နှင့်ဘဝအမြင် အခြေပြုလို့ ကို မျှဝေချင်ပါသည်။ ဤ ဘလော့ဂါ လောကထဲရောက်တော့ အီကွေတာပိတောက် လုပ်၍ မိဘလုပ်ကျွေးနေသူများ၊အရည် အသွေးရှိ သောလူငယ်၊လူရွယ်လေးများစွာရှိနေကြတာ ကျွန်မတွေ့ရပါသည်။ ရည်မှန်းချက် ပန်းတိုင်များ စွာရှိကြပါလိမ့်မည်..။နာမကျန်းသည့် မိခင်ကြီးအတွက်၊ ကျောင်းတက်နေသော မောင်ညီမများအတွက် ၊မိသားစုရဲ့စီးပွားရေး ပြဿနာ များအတွက် ပေးဆပ်နေကြတာ လည်း များစွာ ရှိနေပါလိမ့် မည်။

ထိုအီကွေတာပိတောက်ပွင့်ကလေးများကို ရှားပါး အဘိုးတန်စေလိုလှပါသည်။ဘွဲ့လွန်ပညာရေးကို လက်လှမ်း မမီနိုင်သော ပင်မြင့်စံ၊ပန်းတစ်ပွင့် ရယ်လို့ မယူဆစေလိုပါ..။ ကျွန်မအတွေ့အကြုံ အရ တော့ မြန်မာ များသည် မညံ့ကြပါ။အရှေ့တောင်အာရှတွင် အိန္ဒိယပြီးလျင် အင်္ဂလိပ်စာ အတော် ဆုံး ရယ်လို့ သတ်မှတ်ခံရသည်။

အခုဥရောပတွင်ကျောင်းတက်ပြန်တော့လည်း Italian English, Greece English, South American English,East Europe English,African English, Scandinavian English များကို ကြုံတွေ့ဘူးပါသည်။သူများ အတင်းလည်း မပြောတတ်ပါမပြောချင်ပါ။မြန်မာတွေတော်ပါသည်လို့သာ ကိုယ့်ငါးချဉ်ကိုယ်ချဉ် လိုက်ပါရစေ။

အခုလို ဘလော့တစ်ခု ဖန်တီးနိုင်သည်အထိ ကွန်ပျူတာ ကိုအသုံးပြု တတ်လျှင် Power Point Presentation,Thesis ,Assignment, Term Paper များကိုလည်းအခက်အခဲမရှိ ဆောင်ရွက် နိုင်ကြပါလိမ့်မည်ဆိုတာကျွန်မ ယုံကြည်အာမခံပါသည်။

မိသားစု အတွက် တစုံ တစ်ခုသော အတိုင်းအတာအထိ တာဝန် ကျေပြွန်ပြီးလျှုင်တော့ အီကွေတာ ပိတောက်ဘဝ မှ အီကွေတာမှာ ဖန်လုံအိမ်ဖြင့်တန်ဘိုးထားစိုက်ပျိုးရသော Tulips ပန်းလေးများ အဖြစ် ကျန်ရှိသော ဘဝရဲ့ နေ့စွဲများကို ဖြတ်သန်းသွားစေ လိုသည်မှာကျွန်မ ၏ စေတနာအမှန်ပါ။

ဆွဲဆောင်သိမ်းသွင်းရတာ တော်တော် လေးတော့ ရှည်သွားပါပြီ..။ ကျောင်းပြန်တက်လိုသူများ ကံကောင်းလျှင် Scholarship များလည်းရနိုင်ကြပါမည်။ အီကွေတာ ပိတောက်လုပ်၍ ရသောငွေကို မိဘဆွေမျိုးများထောက်ပံ့၊ လိုအပ်သောနေရာများကို လှူဒါန်းကြတာ။ ပြည်ပရောက်မှ ဘာသာရေးလုပ်ငန်းများကို ပိုလုပ်ကြ၊ သာသနာပြုပုဂ္ဂိုလ် များကို လှူဒါန်းကြ ဖြင့်ကုသိုလ် ထုထည် ကြီးမား နေသည်ကို ကိုးစားရဲဝံ့နိုင် ပါသည်။

ပထမဦးစွာ ရရှိထားသော (Education Background, Working Experience, Hobby)တို့ကိုဖော်ပြလျက် ဤEmail(thitsaralin@gmail.com)သို့">thitsaralin@gmail.com)သို့တိုင်ပင် ဆွေးနွေးနိုင်ပါသည်။ အောက်ပါ ပညာရှင်များ ထံမှ အကြံဉာဏ်တောင်းခံ ဖြေကြားကူညီ ကာပညာရေးဝန်ဆောင်မှု ဒါနပြုပါရစေ..။

အကြံပေးအဖွဲ့

၁။ဦးသောင်းထွဋ် (Outstanding Award Recipient,ITE, Singapore)
၂။ဒေါက်တာထွန်းလင်းမိုး (Cornell University, USA)
၃။ဒေါက်တာနီတာနွယ် (Kansai University, Japan)
၃။ဒေါက်တာအေးအေးခင် (University Putra Malaysia,UPM)
၎။ဒေါက်တာမသန်းခင် (Shinawatra University, Bangkok, Thailand)
၅။ဒေါ်စန္ဒာသန့် (Manager-Mekong Institute,Thailand)
၆။မလွင်လွင်အောင် (AIT GOLD MEDALIST-2005)
နှင့်----ဝိမုတ္တိရသ-ဓမ္မ-Blogger Group

Posted by သစ္စာအလင်း at 3:59 PM

Read more...

ခရီးသွားမှတ်တမ်း

|

စာရေးသူတို့ စီးရမဲ့ ဘန်ကောက်အဲယားလိုင်း

၎.၅.၂၀၀၉ မှာ မြိတ်မှ ရန်ကုန်သို့ ရောက်ပါတယ်။ ရန်ကုန် ရောက်ရောက်ခြင်းပဲ သာသနာရေးက Thai sponsor လိုတယ်ဆို လို့ထိုင်းနိုင်ငံကို အွန်လိုင်းပေါ်မှ တဆင့် တောင်းယူရပါတယ်။ သာသနာရေးက sponsor ကို ထိုင်းလို ရေးထားတဲ့ sponsor ဖြစ်ပြီး ထိုင်းနိုင်ငံသားရဲ့ မှတ်ပုံတင်ကိုလည်း မိတ္တူလိုပါတယ်တဲ့။ သွားချင်တော့လည်း သူတို့ ခိုင်းတဲ့အတိုင်း လုပ်ပေးရမှာပေါ့၊ တတ်နိုင်ဘူး။

ဒါနဲ့ sponsor တောင်းရတာ အဆင်မပြေဘူး၊ အဆင်မပြေဘူးဆိုတာက မရသေးလို့ပါပဲ၊ စာရေးသူတို့ တောင်းလိုက်ရတဲ့ စပွန်ဆာ ဟိုတစ်ခု ဒီတစ်ခု ဘာတစ်ခုမှ မရလိုက်ဘူးပေါ့။ နောက်တော့ ကော့သောင်းမြို့ မဟာ စည်ရိပ်သာခွဲ၊ ကျောင်းဒကာထံမှ စပွန်ဆာအတွက် အခက်အခဲဖြစ်နေတယ် ကြားလို့ သူတို့လုပ်ပေးလိုက်ပါ့မယ် ဆိုတဲ့အကြောင်း တယ်လီဖုန်းလာတော့ ၀မ်းသာလိုက်တဲ့ ဖြစ်ခြင်း ၊ မကြာမီ ညနေဖက်မှာ စပွန်ဆာ ကို အီးမေးလ်နဲ့ပို့လိုက်ပြီ ဖြစ်တဲ့အကြောင်း တယ်လီဖုန်းလာတယ် ၊ ဒါနဲ့ နောက်တစ်နေ့ မနက်မှာ ထိုင်းစပွန်ဆာအတွက် အီးမေးလ် သုံးဖို့အတွက် အင်တာနက်ကဖေးကို သွားခဲ့တယ်၊ အဲဒီမှာ ပြဿနာက စပါလေရော။
စာရေးသူရယ် ဦးကုမာရရယ် နှစ်ယောက်သား အင်တာနက်ကဖေးဆိုင်ထဲ လှမ်းဝင်လိုက်တယ်ဆိုရင်ပဲ ဆိုင်ရှင်က ဘုန်းကြီးများ အင်တာနက်မသုံးရ ပါဘုရား ဆိုပြီး ဆိုင်ထဲဝင်ခွင့်မပေးတဲ့အပြင် အ၀င်ကို မခံတော့ပါ။
အင်တာနက်မသုံးရရင်လည်း အီးမေးလ် အကောက်ပေးပါ့မယ် ပို့လိုက်တဲ့ စပွန်ဆာကို print out ထုပ်ပေးပါ ဆိုပြန်တော့လည်း မရဘူး လို့ပဲ အကြောက်အကန်ငြင်းနေတော့တယ်။ ဘုန်းကြီးများ အင်တာနက်သုံးရင် ဆိုင်ကို ပိတ်ပစ်မယ်ဆိုပြီး သက်ဆိုင်ရာ ရပ်ကွက်လူကြီးများက လာပြောထားကြောင်း သိရပါတယ်။
ဗုဒ္ဓဘာသာနိုင်ငံဖြစ်ပေမဲ့ ဘုန်းကြီးများကို လူများ အထင်သေးတာ လွန်လွန်းတယ်လို့ ထင်ပါတယ်။ ဘုန်းကြီးများ အင်တာနက်မသုံးရင် စပွန်ဆာ ဘယ်လိုလုပ်ရမလဲ စဉ်းစားကြပါအရပ်ကတို့ရေ.....
လူတိုင်းစာတတ်ရမယ်ဆိုတဲ့အတိုင်း အင်တာနက်ကို လူတိုင်း သုံးတတ်ရမယ် ဆိုတဲ့ စီမံကိန်းမျိူးချပေးရင် ကောင်းမှာပဲလို့ တွေးမိတယ်။ လူတွေပဲ အင်တာနက်သုံးပြီး ဘုန်းကြီးများက အင်တာနက်မသုံးရဆိုတော့ ဘုန်းကြီးများက ဘာမို့လို့လဲမသိဘူးနော်၊ စဉ်းစားရကြပ်ပါ့၊ မတွေးတော့ပါဘူး။
ဒါနဲ့ နောက်တစ်ဆိုင် သွားခဲ့တော့မှ အဆင်ပြေသွားပါတယ်။ ဒါနဲ့ Thai sponsor ကို ၁၀.၅.၂၀၀၉ မှာ ရရှိခဲ့တယ်။
နောက်တစ်နေ့...
သာသနာရေးဌာနကို ၀င်ရန်အတွက် လိုအပ်တဲ့ စာရွက်စာတမ်းများကို ပြည်ပကြွမည့် သံဃာတော်များ သိစေရန် ဖေါ်ပြလိုပါသေးတယ်
(၁) ပါ့စ်ပို့ မိတ္တူ
(၂)သာသနာဝင်မှတ်ပုံတင်မိတ္တူ
(၃)ကိုယ်သွားမယ့်နိုင်ငံရဲ့ စပွန်ဆာ
(၄)ရဲထောက်ခံစာ
(၅)ဒေသခံ သာသနာရေးထောက်ခံစာ။
အထက်ပါ စာရွက်စာတမ်းများနဲ့အတူ သာသနာရေးကို ၀င်ပါတယ်၊ သာသနာရေးဝင်ရာမှာ တစ်ပါးလျှင် ကျပ်(၁၀၀၀၀)စီပေးရပါ တယ်။
အဲဒီအခါမှာ သာသနာရေးက ထိုင်းသံရုံးဝင်ဖို့အတွက် (MINISTRY OF RELIGIOUS AFFAIRS) သာသနာရေး ထောက်ခံ စာ တစ်စောင်ကို ရရှိပါမယ်
နောက် လေယာဉ်လက်မှတ် ၀ယ်ရပါတယ်၊ လေယဉ်လက်မှတ်ကလည်း အသွားအပြန်ဝယ်ရတယ်ဆိုတာကိုလဲ သတိထားရဦးမယ်။
လေယဉ်လက်မှတ်ကို စာရေးသူတို့က ထိုင်းသွားမည်ဖြစ်ရာ seven daimon မှာ သွားဝယ်ကြပါတယ်။ လေယာဉ်လက်မှတ် တစ် စောင်ကို ပုံမှန်ဈေးက ၂၀၇ ဒေါ်လာပါ၊ လျှော့ပေးတဲ့အတွက် ၁၉၇ ဒေါ်လာနဲ့ရလာခဲ့တယ်။
လိုအပ်တဲ့စာရွက်စာတမ်းများလည်း သိထားသင့်တယ်ထင်လို့ ဖေါ်ပြပေးလိုက်ပါတယ်။
(၁)(MINISTRY OF RELIGIOUS AFFAERS)သာနသာရေးထောက်ခံစာ။
(၂)IMFORMAION များ ဖြည့်ထားသော (APPLICATION FOR VISA) FORM တစ်ခု။
(၃)THAI SPONSOR
(၄)ရန်ကုန်မှ ကိုယ်သွားမယ့်နိုင်ငံသို့ အသွားအပြန် လေယာဉ်လက်မှတ်။တစ်ခါတစ်ရံ လေယာဉ်လက်မှတ်မိတ္တူတောင်းပါတယ်။
အထက်ပါစာရွက်စာတမ်းများ ယူပြီး သံရုံးဝင်ရပါတယ်။
သံရုံးဝင်ပြီး တစ်ချို့သံရုံးကတော့ တစ်ရက်ထဲနှင့် ဗီဇာရပါတယ်၊ထိုင်းသံရုံးဆိုရင်တော့ ပထမတစ်ရက်မှာ စလစ်ပေးပါတယ်။ နောက်တစ်ရက်ကျမှ ဗီဇာထုတ်ပေးပါတယ်။
၁၅.၅.၂၀၀၉
နေ့လည် ၁၂ နာရီမှာ ရန်ကုန် အပြည်ပြည်ဆိုင်ရာ လေဆိပ်သို့ ရောက်ခဲ့တယ်။ စာရေးသူတို့စီးရမဲ့ AIR LINE က BANGKOK AIR LINE ပါ။ ဒါနဲ့လေယာဉ်ကြီးစီးကာ လာခဲ့ကြတယ်ပေါ့၊ နားခွင့်ပြုပါဦး (နောက်ဆက်ရေးပါဦးမည်)

Read more...