ဗုဒ္ဓဘာသာသာသနာပြန့်ပွားရေးအသင်းကြီး
(မန္တလေး၊ အောက်တိုိုဘာ ၉-ရက်)
ဗုဒ္ခသာသနာပြန့်ပွားထွန်းကားလာအောင် ဆောင်ရွက်နေသည့် မန္တလေးမြို့တွင် အခြေစိုက်ထားသော ဗုဒ္ဓဘာသာ သာသနာပြန့်ပွားရေးအသင်းကြီးသည် နယ်စပ် ဒေသနှင့် တောင်တန်းဒေသများတွင် သာသနာပြုလုပ်ငန်းများနှင့် လူမှုရေး အကျိုးပြု လုပ်ငန်းများ တွဲဖက်ဆောင်ရွက်နေလျက်ရှိပါသည်။ ယင်းအသင်းကြီးသည် အသင်း ထောက် ၁၉၈-သင်းတို့၏ ပူးပေါင်းလှူဒါန်းမှုဖြင့် ပြည်နယ်နှင့် တိုင်းမြို့နယ်များရှိ ကျောင်းပေါင်း ၉၁၉ ကျောင်းတွင် အောက်တိုဘာလ ၇-ရက်နေ့ မှာ ကထိန်ခင်းခဲ့ပါသည်။
ကျောင်းပေါင်း ကိုးရာကျော်တွင် ကထိန်သင်္ကန်း၊ ဂွမ်းစောင်အပါအဝင် အခြားလှူဖွယ်ပစ္စည်းများကို လှူဒါန်းသွားမည်ဖြစ်ပြီး ပဒေသာပင်တစ်ခုလျှင် ပစ္စည်းဝတ္ထုကျပ် ငါးသောင်းဖိုးခန့်ရှိကြောင်း၊ ကထိန်အောင်ပွဲကို ၂ဝ၁ဝခုနှစ် မတ်လ ၄ ရက်မှ၁ဝ ရက်နေ့အတွင်း ဆရာတော်ကြီး၏ သာသနာပြုခရီးစဉ်အတွင်း ကျင်းပမည်ဖြစ်ကြောင်း ¤င်းကဆိုသည်။ ကထိန်သင်္ကန်းများနှင့် လှူဖွယ်ပစ္စည်းများကို သီတင်းကျွတ်လပြည့်မှ တန်ဆောင်မုန်းလပြည့်နေ့အထိ အလှူခံမည်ဖြစ်ကြောင်း ယင်းအသင်း၏ တာဝန်ရှိသူတစ်ဦးက ပြောကြားသည်။
ဗုဒ္ဓဘာသာသာသနာပြုအသင်းကြီးသည် ၂ဝဝ၈-ခုနှစ် ပထမအကြိမ် ကထိန်ခင်းစဉ်က ကျောင်းတိုက် ၆ဝဝ -ကျော်ကို ကထိန်နှင့် ဆက်စပ်သည့် ပစ္စည်း တန်ဖိုးကျပ်သိန်း ၁ဝဝ- နီးပါးဖိုး လှူဒါန်းနိုင်ခဲ့သည်။ ယင်းအသင်းကြီးကို ဗြဟ္မစိုရ် လူမှုရေးအသင်း ထူထောင်ခဲ့သည့် ဆရာတော် ဘဒ္ဒန္တတိက္ခ (အဂ္ဂမဟာပဏ္ဏိတ)က ဦးဆောင်၍ ရှင်ပြုရဟန်းခံပွဲများ၊ ဗုဒ္ဓဘာသာအဆုံးအမခံယူပွဲများကို နှစ်စဉ် ပြုလုပ်လျက်ရှိသည်။
0 comments:
Post a Comment