အကုသိုလ်ကံကို မလုပ်ရုံမျှဖြင့် ကုသိုလ်ဖြစ်ပါသလား
မေး ။ ။ ကုသိုလ် ၊ အကုသိုလ်အရာမှာ အကုသိုလ်ကံကို မလုပ်ရုံမျှဖြင့် ကုသိုလ်ဖြစ်ပါသလား ၊ ဥပမာ – အသက် သတ်ခြင်းဆိုတဲ့ အကုသိုလ်ကို ကျူးလွန်ခြင်းမှ ရှောင်ကြဉ်ခြင်းအားဖြင့် ကုသိုလ်ဖြစ်ပါသလား ။
ဖြေ ။ ။ သူ့အသတ်ကို သတ်ဖို့လို့ ရှေ့ရောက်လာတယ် ၊ သတ်မယ်လို့လည်း စိတ်ကတော့ ကူးထားတယ် ၊ နောက်တော့ တစ်စုံတစ်ခုသော အဖြစ်ကြောင့် မသတ်ပါဘူးလေ လို့ ရှောင်လိုက်ရင် အဲဒီရှောင်တဲ့ စိတ်က ကုသိုလ်စိတ် – ၀ိရတီ ။ ၀ိရတီစေတနာပါနေတဲ့ ကုသိုလ်စိတ် ဖြစ်တယ် ။
ဘုန်းကြီးတို့ ဥပုသ်သည်တွေမှာ ဥပုသ်မှ ကုသိုလ်တွေ ဖြစ်နေတယ်ဆိုတဲ့ ဥစ္စာ ရှောင်နေတာပဲ ။ သဘာဝကတော့ နဂိုရှိတုန်းက ဗုဒ္ဓမြတ်စွာရဲ့ တရားတော်အရ ညစာ မစားပါဘူးလို့ ရှောင်နေတာ ဖြစ်တော့ ညစာ စားချင်လိုက်တာ ၊ စားချင်ပေမယ့်လို့ သီလပျက်မှာ စိုးလို့ သူက ရှောင်တယ် ၊ ရှောင်တဲ့ ၀ိရတီ စေတသိက် ဖြစ်တာပဲ ။ အဲဒီဟာ ကုသိုလ်ခေါ်တာ ။
ကျမ်းကိုး ။ ။ သိပ္ပံနှင့် ဗုဒ္ဓအဘိဓမ္မာ အဖြေများ ၊
အမရပူရ မဟာဂန္ဓာရုံ ဆရာတော် အရှင်ဇနကာ ဘိဝံသ
Filed under: မှတ်သားဖွယ်ရာများ | Leave a Comment »
0 comments:
Post a Comment