အမေ့ မှာတမ်း
လူလေးရေ
ခံစားမှုကို တခုတ်တရနဲ့
ဘယ်သူမှ ပြတိုက်ထဲ ထဲ့မထားဘူး
ရင်ဘတ်တူရင်လေ
ရှေ့ဆက်လျှောက်ကြတာချည်းပဲ
ခံစားမှုနဲ့ ရေတိမ်မနစ်စေနဲ့ကွယ်။
လူလေးရေ
ကြွထားတဲ့ခြေထောက်
ရှေ့ဆက် လျှောက်ဖို့ပါပဲပေါ့
နောက်ဆုတ်ဖို့ စဉ်းစားနေရင်
ယုံကြည်ထားတဲ့ ဖြတ်သန်းမှုတွေ
အားနာသင့်ပါရဲ့ လူလေးရယ်။
လူလေးရေ
အချိန်အခါမဲ့တဲ့ အောင်မြင်မှုအတွက်
ရှေ့ဆက်ဖို့ တွေဝေနေရင်
ကောင်းကင်ကို ဆွဲမထဲ့နဲ့
ကြိုးစားမှုက အရင်းခံနော့။
တက် ဆုတ်ဆိုတဲ့ နိယာမနဲ့
အသားကျနေမင့်ကိုး
သွားရမယ့်လမ်းကတော့
ဇွဲမလျော့ပါနဲ့
မျက်နှာမူထားရာအတိုင်းပေါ့ လူလေး။
အတိုက်အခိုက်ဆိုတာ
ဘယ်နေရာသွားသွား
တိုက်ချင်သူကလည်း မိုက်ချင်မိုက်မှာပဲ
မိုက်ချင်သူက တိုက်မှာပါပဲ
အတိုက် အမိုက်တွေကြောက်နေရင်
ဆက်မလျှောက်ပါနဲ့ လူလေး
မင်းဟာ ငါ့နှလုံးသားမှ မဟုတ်တာ။
လူလေးရေ
တကယ်တော့
ဘာတွေပဲ ဘယ်လို
ဘယ်သူတွေ ဘယ်နဲ့
မဲ့ချင်လည်း မဲ့ကျ
ယုံကြည်ရာလမ်းကတော့
(ခလုတ်တိုက်လည်း)
ဆက်လျှောက်ရုံပေါ့ လူလေးရယ်။
ဆက်လျှောက်ရုံပေါ့ လူလေးရယ်။
0 comments:
Post a Comment