စိတ်ဟာ ဘယ်သူ့ကြောင့် ဖြစ်သလဲ
ဒကာ။ ။ ဆရာတော်တို့က စိတ်ကိုပဲ အရေးတကြီး ဟောကြား ဟောကြား နေကြတာပဲ၊ အဲဒီ စိတ်တွေက ဘယ်သူ့ကြောင့် ဖြစ်ပေါ် ဖြစ်ပေါ် နေတာလဲ ဆရာတော်။ သူ့အလိုလို ဖြစ်နေတာတွေ မဟုတ်လား၊ လူတိုင်းမှာဖြစ်နေတဲ့ စိတ်တွေဟာ။
ဆရာ။ ။ အင်း…ဗုဒ္ဓ၏တရားတော်မှာ အလိုလိုဖြစ်တာ ဘာတခုမှ မရှိဘူး၊ အကြောင်းကို စွဲပြီး အကျိုးတွေ ဖြစ်ဖြစ်သွားတာဘဲ။
အရူပဗြဟ္မာမှ တပါးဖြစ်တဲ့ စိတ်ဟာ အာရုံခြောက်ပါးနဲ့ မှီရာ ဝတ္ထုရုပ်ခြောက်ပါးကို စွဲမှီပြီးတော့ ဖြစ်တယ်၊ အာရုံနဲ့ ဝတ္ထုကြောင့် ဖြစ်တာလို့မှတ်။
ဒါ့ကြောင့် လူသားတွေမှာဖြစ်တဲ့ စိတ်တို့သည် အာရုံခြောက်ပါးနဲ့ ဝတ္ထုရုပ်ခြောက်ပါးတို့ကြောင့် ဖြစ်တယ်လို့သိရမယ်၊ အလိုလိုဖြစ်တာမဟုတ်ဘူး၊ အဲဒါ ယုံချင်ယုံပေါ့၊ သာဓက က …. စက္ခုဉ္စ ပဋိစ္စ ရူပေစ ဥပ္ပဇ္ဇတိ စက္ခုဝိညာဏံ-တဲ့။
ဒကာ။ ။ ယုံကြည်ပါတယ် ဆရာတော်၊ သာဓကပါဠိတော်ကလည်း အခိုင်အလုံပဲ ဥစ္စာ၊ စောဒက တက်စရာ မလိုပါဘူး။
0 comments:
Post a Comment