တကယ်ချစ်ဖို့လိုပါတယ်
အိန္ဒိယနိုင်ငံမှာပညာသင်ယူနေစဉ် ဗုဒ္ဓဂယာအနီးမှာစာရေးသူနေတဲ့အခန်းလေးဟာ သုံးထပ်လွှာမှာတည်ရှိတာမို့ အခန်းလေးပေါ်
ကနေ ဗုဒ္ဓဂယယာဧရိယာမှမြင်ကွင်းအစုံကိုမြင်တွေ့ရပါတယ်။ သာယာလှပစီတန်းနေတဲ့ ညိုပြာရောင်ဥရုဝေလတောင်တန်း၊ဗုဒ္ဓဂယာစေ
တီတော်ကြီးနဲ့နေရဉ္စရာမြစ်တို့ဟာစာရေးသူရဲ့အမြင်အာရုံကိုညို့ယူဖမ်းစားနေကြသလိုမနက်မိုးသောက်အလင်းရောက်လို့
အိပ်ရာမှနိုးထလာတဲ့အချိန်ဥရုဝေလရဲ့မြင်ကွင်းကစာရေးသူကိုဆီးကြိုနေပါတယ်။ဥရုဝေလတောင်းတန်းရဲ့အနီးက
ဥရုဝေလတောအုပ်ဆိုတာသာမန်လူတွေမကျင့်နိုင်တဲ့ခက်ခဲတဲ့ဒုက္ခရစရိယာအကျင့်ကိုဘုရားရှင်(၆)နှစ်တာကာလကျင့်ခဲ့တဲ့နေရာ၊အဲဒီရဲ့အနီးမှာရှိတသုဇာတာ
သူဌေးသမီးရွာ၊ဂယာသီသတောင်တန်း၊ နေရဉ္စရာမြစ်၊ကဿပညီနောင်ရှင်တစ်ထောင်တို့နေခဲ့တဲ့နေရာတွေနဲ့ဘုရားရှင်သီတင်းသုံးခဲ့
တဲ့နေရာတွေကိုနေ့တိုင်းမြင်တွေ့ရတဲ့အခါဘုရားရှင်ရဲ့ဂုဏ်တော်အနန္တ၊ ကျေဇူးတော်အနန္တတွေကိုမှန်းဆပြီး ပူဇော်နေရလို့ကုသိုလ်တရား
တိုးပွါးရပါတယ်။
ဗုဒ္ဓဂယယာဧရိယာမှာ နေထိုင်ကြတဲ့ အိန္ဒိယလူမျိုးအချို့ကတော့ ဒီနေရာဟာဘုရားရှင်ပွင့်တော်မူခဲ့တဲ့နေရာပါလို့သိပုံမပေါ်ဘဲ
ဲဗြဟ္မဏအယူဝါဒဟိန္ဒူဘာသာရဲ့လွှမ်းမိုးမှုအောက်မှာနစ်မွမ်းနေကြပါတယ်။ဘာသာဓလေ့စရိုက်အမျိုးမျိုးတွေနဲ့နေထိုင်ကြတဲ့ ဟိန္ဒူလူမျိုး
အချို့ဟာ အိန္ဒိနိုင်ငံမှာဘုရားရှင်ပွင့်တော်မူခဲ့ပေမဲ့လည်းဘုရားရှင်ရဲ့တရားတော်တွေကိုအလေးမထားကြဘဲအမှတ်တမဲ့ဖြစ်နေကြပါ
တယ်။သူတို့တွေရဲ့သန္တာန်မှာ ရတနာသုံးပါးဆိတ်သုံးနေတာကြောင့် ကုသိုလ်နဲ့အကိုလ်ကိုခွဲခြား၍သိဖို့ဆိုတာကတော့ဝေးသထက်ဝေး
နေကြပါတယ်။ ခရီးသွားလာနေသူတစ်ယောက်ဟာ လမ်းခရီးမှာမြစ်တစ်မြစ်ကိုတွေ့တဲ့အခါ မြစ်ကိုကူးရန် လှေ၊သင်္ဘောစတာတွေရှိပါ
လျှက်နဲ့လှေ၊သင်္ဘောတွေနဲ့မကူးဘဲမြစ်ရေပြင်ကိုလက်ပစ်ကူး၍ရေနစ်ပြီးသေဆုံးရတာဟာ မြစ်ရဲ့အပြစ်မဟုတ်အဲဒီသူရဲ့အပြစ်သာဖြစ်ပါ
တယ်။ ပတ္တမြားရတနာကိုပိုင်ဆိုင်ထားပါလျှက်နဲ့သိမ်းဆည်းဖို့မတတ်လို့ ပျောက်သွားရတာဟာပတ္တမြားရတနာရဲ့အပြစ်မဟုတ် အဲဒီသူရဲ့
ညံ့ဖျင်းမှုသာဖြစ်ပါတယ်။အလားတူ ဘုရားရတနာ၊ တရားရတနာ၊သံဃာရတနာရှိနေတဲ့ခေတ်နဲ့ကြုံတွေ့နေရပါလျက်
ရတနာသုံးပါးအကြောင်းကိုသိအောင်မလုပ်၊ ဘုရားရှင်ရဲ့တရားတော်ကိုမလိုက်နာ၊ မကျင့်သုံးတဲ့အခါကံတ
ရားကိုမယုံကြည်၊ကုသိုလ်အကုသိုလ်ကိုခွဲခြား၍မသိ၊ဒါနပြုလုပ်ရမှာကိုစိတ်မဝင်စား၊သီလဆောက်တည်ရမှာ
ကိုသဘောမပေါက်၊ ဝိဿနာတရားအားထုတ်ရမှာကိုနားမလည်တဲ့အတွက်သံသရာမှာတဝဲလည်လည်ဖြစ်
နေရပြီးချမ်းသာစစ်မှန်မြတ်နိဗ္ဗာန်နဲ့ဝေးနေရတာဟာ ရတနာသုံးပါးရဲ့အပြစ်မဟုတ် ဘုရားရှင်ရဲ့တရားတော်
ကိုမလိုက်နာ၊မကျင့်သုံးသူတွေရဲ့အားနည်းချက်သာဖြစ်ပါတယ်။
တစ်နေ့-ကိစ္စတစ်ခုနဲ့ဂယာမြို့သို့သွားတဲ့အခါသူတောင်းစားတစ်ယောက်ကားလမ်းဘေးမှာ သေဆုံးနေ
တာကိုတွေ့ခဲ့ရပါတယ်။ အဲဒီအလောင်းကို မည်သူတစ်ဦးတစ်ယောက်ကမျှလာရောက်ကြည့်ရှုတာမရှိ၊ယင်
ကောင်တွေတအုံအုံနဲ့သေးဆုံးနေတာကိုတွေ့ရတဲ့အခါ“အို…..လောကမှာလူရယ်လို့ဖြစ်လာပေမဲ့လည်း ဘဝ
ဟာတန်ဖိုးမဲ့စွာလမ်းဘေးမှာသေဆုံးနေရပါလား၊ အဲဒါဟာဘာကြောင့်ပါလိမ့်” စာရေးသူတွေးတောနေမိ
တော့တယ်။ နောက်ဆုံးမှာတော့သူဒီလိုဖြစ်နေရတာဟာ မိမိဘဝကိုမချစ်တတ်လို့ဖြစ်နေရတာပဲလို့ကောက်
ချက်ချနေမိပါတယ်။လူတစ်ဦးတစ်ယောက်ကတိုက်ခိုက်လို့သေရတာမျိုးမဟုတ်ဘဲခြေလက်အင်္ဂါအစုံအလင်
ရှိပါလျက်နဲ့ လာကီ၊လောကုတ္တရာနယ်ပယ်မှာ ကြိုးစားမှုအားနည်း၍ ဒုက္ခတွေပင်လယ်ဝေကာစားရမဲ့၊
သောက်ရမဲ့စတဲ့ဘဝနဲ့ သေဆုံးရတဲ့သူအတွက်တော့ဝမ်းနည်းစရာတစ်ခုမဟုတ်ပါ။ သူ့လိုမဖြစ်စေရန်သံဝေ
ဂယူရမှာဖြစ်ပါတယ်။
မိမိဘဝကိုချစ်တယ်ဆိုရင် လောကီဖက်မှာပဲဖြစ်ဖြစ်၊ လောကုတ္တရာဖက်မှာပဲဖြစ်ဖြစ် မိမိဘဝတိုးတက်
ကြီးပွါးအောင်ကြိုးစားအားထုတ်ကြရမှာပါ။ ကမ္ဘာမှာအချမ်းသာဆုံး ဘီလ်ဂိတ်ပြောတဲ့စကားတစ်ခွန်းကိုအ
မှတ်ရစေခဲ့ပါတယ်။ သူက“လောကမှာဆင်းဆင်းရဲရဲနဲ့မွေးဖွါးရတာဟာဝမ်းနည်းစရာမဟုတ်၊ဆင်းဆင်းရဲရဲနဲ့
သေသွားရတာကသာအလွန်ဝမ်းစရာကောင်းပါတယ်”တဲ့။ အလွန်မှတ်သားစရာကောင်းတဲ့စကားတစ်ခွန်း
ဖြစ်ပါတယ်။မိမိဘဝကိုတကယ်တန်ဖိုးထားချစ်မြတ်နိုးတယ်ဆိုရင်ဆင်းဆင်းရဲရဲနဲ့မသေရအောင်ကြိုးစားရပါလိမ့်မယ်။
လောကမှာမိဘတွေကိုချစ်တာ၊သားသမီးတွေကိုချစ်တာ၊ အဖိုးအဖွားတွေကိုချစ်တာ၊ ဆရာသမား
တွေကိုချစ်တာ၊ သားလင်ယောက်ျားဇနီးမယားတွေကိုချစ်တာ၊ ညီအစ်ကိုမောင်နှမတွေကိုချစ်တာ၊ဆွေမျိုး
တွေကိုချစ်တာ၊ချစ်သူကိုချစ်တာ၊မိမိကိုယ်ကိုချစ်တာ၊တိရစ္ဆာန်လေးတွေကိုချစ်တာစတဲ့ချစ်ခင်မြတ်နိုးတွယ်တာစရာပုဂ္ဂိုလ်
သတ္တဝါတွေအများကြီးရှိကြပါတယ်။အဲဒီထဲမှာဘယ်သူ့ကိုအချစ်ဆုံးလဲလို့မေးရင်“နတ္ထိအတ္တသမံ ပေမံ (အတ္တသမံ ပေမံ နတ္ထိ)=မိမိနဲ့တူတဲ့အချစ်မရှိ၊ မိမိကိုယ်ကိုအချစ်ဆုံး”လို့ ဘုရားရှင်ဟောကြား
တော်မူခဲ့တဲ့အတိုင်း မိမိကိုယ်ကိုအချစ်ဆုံးလို့ဖြေရပါလိမ့်မယ်၊ အမှန်တကယ်လဲမိမိကိုယ်ကိုအချစ်ဆုံးဖြစ်ပါ
တယ်။သို့သော်မိမိကိုယ်ကိုတကယ်ချစ်တယ်၊မချစ်ဘူးဆိုတာကတော့ကိုယ်လုပ်တဲ့အလုပ်ကသက်သေပြပါလိမ့်မယ်။
ဘုရားရှင်သာဝတ္ထိပြည်မွန် ဇေတဝန်ကျောင်းမှာသီတင်းသုံးနေတော်မူစဉ် ပသေနဒီကောသလမင်းကြီး
ဘုရားရှင်ထံလာရောက်၍မိမိကိုယ်ကိုချစ်တဲ့သူ၊မချစ်တဲ့သူနဲ့စပ်၍လျှောက်ထားပါတယ်။ “ဘုန်းတော်ကြီးတဲ့
မြတ်စွာဘုရား၊ လောကမှာမိမိကိုယ်ကိုချစ်တဲ့သူဆိုတာကဘယ်သူပါလဲ၊ မိမိကိုယ်ကိုမချစ်တတ်သူဆိုတာက
ရောဘယ်သူပါလဲ”လို့လျှောက်ထားတော်မှုပါတယ်။ အဲဒီအခါဘုရားရှင်က “ဒါယကာမင်းကြီး..မိမိကိုယ်ကို
ချစ်တဲ့သူဆိုတာ အကုသိုလ်ဒုစရိုက်တရားတွေကိုမပြုလုပ်ဘဲ ကုသိုလ်သုစရိုက်တရားတွေကိုကျင့်သုံးတဲ့သူ
ကိုဆိုပါတယ်။ အကုသိုလ်ဒုစရိုက်ဒုရာဇီဝတရားတွေကိုပြုလုပ်နေတဲ့ပုဂ္ဂိုလ်ကတော့ မိမိကိုယ်ကိုမချစ်တဲ့သူ
ပဲ”လို့ဖြေကြားလိုက်ပါတယ်။(ပိယသုတ္တန်)ဒုစရိုက်ဆိုတာဒုစရိတဆိုတဲ့ပါဠိပုဒ်ကဆင်းသက်လာတဲ့စကားလုံး
ဖြစ်၍ ဒု-မကောင်းသော၊ စရိတ-အကျင့်၊မကောင်းတဲ့အကျင့်လို့အဓိပ္ပါယ်ရပါတယ်။ ဒုစရိုက်တရား(၁၀)ပါးရှိ
ပါတယ်။ အဲဒီ(၁၀)ပါးကတော့ ကာယကံသုံးပါး၊ ဝစီကံလေးပါး၊ မနောကံသုံးပါးတို့ပါပဲ။
ကာယကံသုံးပါး
၁။ ပါဏာတိပါတ-သူ့အသက်ကိုသတ်ခြင်း။
၂။အဒိန္နာဒါန-သူ့ဥစ္စာကိုခိုးယူခြင်း။
၃။ကာမေသုမိစ္ဆာစာရ-သူ့အိမ်ရာကိုပြစ်မှားခြင်း။
ဝစီကံလေးပါး
၁။မုသာဝါဒ-မဟုတ်မမှန်တဲ့စကားကိုပြောဆိုခြင်း။
၂။ ပိသုနဝါစာ-သူနှစ်ယောက်အချစ်ပျက်အောင်ကုန်းချောတဲ့စကားကိုဆိုခြင်း။
၃။ဖရုသဝါစာ-နားမခံသာအောင်ကြမ်းတမ်းယုတ်မာတဲ့စကားကိုဆိုခြင်း။
၎။သမ္ဖပ္ပလာပဝါစာ-နိဗ္ဗာန်မှဖီလာဖြစ်တဲ့ပိန်ဖျင်းတဲ့စကားကိုပြောခြင်း။
မနောကံသုံပါး
၁။အဘိဇ္ဈာ-သူတစ်ပါးစည်းစိမ်ကိုငါ့စည်းစိမ်ဖြစ်ပါစေတော့လို့ကြံခြင်း။
၂။ဗျာပါဒ-သူတစ်ပါးအပေါ်ဖျက်စီးစေလိုတဲ့ဒေါသရှိခြင်း။
၃။ မိစ္ဆာဒိဌိ-မှားတဲ့အယူကိုယူလွဲနေခြင်းတို့ဖြစ်ပါတယ်။
အချုပ်အနေနဲ့ဒုရိုက်တရားဆယ်ပါးကိုရှောင်ကြည်တဲ့ပုဂ္ဂိုလ်၊ မပြုလုပ်တဲ့ပုဂ္ဂိုလ်ဟာမိမိကိုယ်ကိုတ
ကယ်ချစ်တဲ့ပုဂ္ဂုလ်ပါပဲ။ ဒုစရိုက်တရားတွေကိုမပြုလုပ်ဘူးဆိုရင် သုစရိုက်ကောင်းတဲ့အကျင့်တွေကိုကျင့်သုံး
ရာရောက်သလို သမ္မာဝါစာ၊ သမ္မာကမ္မန္တ၊ သမ္မာအာဇီဝလို့ဆိုတဲ့သီလမဂ္ဂင်သုံးပါးကိုလည်းကျင့်သုံးနေတာ
ရောက်ပါတယ်။သမ္မာဝါစာ-ဝစီကံလေးပါးကိုရှောင်ကြည်ပြီးကောင်းတဲ့စကားတွေကိုပြောဆိုလို့သမ္မာကမ္မန္တ-ကာယကံသုံးပါးမှရှောင်ကြည်၍ကောင်းတာတွေကိုလုပ်ပြီးသမ္မာအာဇီဝဝစီကံလေးပါး၊ကာယကံသုံးပါးတို့ကို
မပြုလုပ်ဘဲအကုသိုလ်မပါကောင်းတဲ့လုပ်ငန်း၊ကောင်းတဲ့အတတ်ပညာနဲ့အသက်မွေးဝမ်းကြောင်းပြုနေသူဟာ
နိဗ္ဗာန်ရောက်ကြောင်းမဂ္ဂင်တရားတွေကိုကျင့်သုံးနေတဲ့ပုဂ္ဂုိုလ်ဖြစ်သလို မိမိကိုယ်ကိုလည်းချစ်တတ်သူ
ဖြစ်ပါတယ်။
မိမိဘဝကိုတကယ်ချစ်တယ်ဆိုရင်အကုသိုလ်ဒုစရိုက်တရားတွေကိုရှောင်ကြည်ပြီးဒါန၊သီလ၊ဘာဝနာစ
တဲ့ကောင်းမှုကုသိုလ်တွေကိုပြုလုပ်၍ပစ္စုပ္ပန်၊သံသရာနှစ်ဖြာဘဝအတွက်တိုးတက်ကြီးပွါးအောင်လုပ်ရမှာပါ။
မိမိကိုယ်ကိုမိမိချစ်ခင်မြတ်နိုးပါမှမိမိဘဝလှပအောင်၊ တိုးတက်အောင်လုပ်ဆောင်နိုင်ပါတယ်။ဘဝကိုဓမ္မနဲ့
မြှင့်တင်နိုင်ပါတယ်။ ယခုလက်ရှိပစ္စုပ္ပန်မှာလည်းတိုးတက်ကြီးပွါးအောင်မလုပ်။နောင်အနာဂတ်ဘဝစိတ်ချ
ရရေးအတွက်လည်းကုသိုလ်ကောင်းမှုတွေကိုမပြုလုပ်ဘဲအကုသိုလ်ဒုစရိုက်တရားတွေကိုကျူးလွန်နေမယ်ဆိုရင်
မိမိဘဝကိုမချစ်တဲ့အပြင်ဘဝကိုသံသရာမှာနစ်အောင်လုပ်နေတာနဲ့တူပါတယ်။ဒါ့ကြောင့်မိမိကိုယ်ကို တကယ်ချစ်တတ်ဖို့လိုပါတယ်။
စာရေးသူ-အရှင်နန္ဒသာရ(သစ္စာရောင်ခြည်)
0 comments:
Post a Comment