ရှင်အရဟံ ပုတီးစိပ်နည်းနှင့် ကျွန်တော်

ကျွန်တော်သည် ငယ်စဉ်က အဖြစ်အပျက်တခုကို ယနေ့တိုင်အောင် သတိရနေမိပါသည်။ ကျွန်တော် အလယ်တန်းကျောင်းသားဘ၀က ဖြစ်သည်။ ကျွန်တော်တို့ကျောင်းသည် မူလတန်းအဆင့်မှ အလယ်တန်းအဆင့်သို့ တိုးမြှင့်ဖွင့်လှစ်ပြီးကာစ ဖြစ်သောကြောင့် တိုးလာသော ကျောင်းမြေရိုင်းကို ရှင်လင်းကြရပါသည်။

အညာမြေဒေသမို့ ကန္တာရပင်၊ ရှားပင်၊ မိုးနံချုံပင်များက အလွန်ပေါပါသည်။ ဆရာ ဆရာမများနှင့် ကျွန်တော်တို့ကျောင်သား ကျောင်းသူများသည် ကျောင်းအားချိန်တိုင်း လုပ်အားပေးကြသည်။ သုံးရက်ခန့် ရှင်းလင်းမိကြသောအခါ အပင်လတ်များနှင့် အပင်ပုများ အတော်ရှင်းလင်းသွားပါသည်။
သက်တမ်းရင့် ကန္တာရပင်၊ ရှားပင်ကြီးများက အလွန်တူးရ၊ လှဲရ ခက်လှပါသည်။ အမြစ်ကခိုင်၍ အသားက မာသည်။ ကျွန်တော်တို့ကျောင်းသားတသိုက် တပင်ပြီးတပင် လှဲကြသည်။

နောက်ဆုံး ပေနှစ်ဆယ်ခန့်မြင့်သော ကန္တာရပင်ကြီးတပင်သာ ကျန်ပါတော့သည်။ တူးရ၊ လှဲရ ခက်သည့်အထဲ ကျင်နီအုံကြီးက ကျောင်းသားများကို ဒုက္ခပေးနေပါသေးသည်။ အနီးမှ ကြီးကြပ်နေသော ဆရာဦးစိန်ထွန်းက ပင်စည်ပေါ်တက်၍ ခွဆုံကောင်းတခု၌ ကြိုးချည်ပေးပါသည်။ ကျောင်းသား၊ ကျောင်းသူများက ဆွဲကြ နှဲ့ကြနဲ့ လဲအောင်ကြိုးစားကြသည်။

ကျွန်တော်တို့က ပင်ရင်းမှ တူးဖြိုသည်။ ကျင်နီတုတ်လျှင် ထွက်ပြေးလိုက်၊ နောက်တဦးက ၀င်တူးလိုက်နှက့် ပျော်စရာတော့ ကောင်းလှပါသည်။
အမြစ်က မာ၊ ကျင်နီက ခဲမို့ တော်တော်နဲ့ ခရီးမရောက်ပါ။ တနာရီခန့်ကြာမှ တဖျစ်ဖျစ်နဲ့ မြည်လာပါသည်။ ကျွန်တော်တို့သည် ပင်ရင်း၌ တူးနေရာမှ ရပ်၍ ကြိုးကူဆွဲပေးရန် ကြိုးရှိရာ လာခဲ့ကြသည်။ ထိုစဉ် ဂျွတ်-ဟူသော အမြစ်ကျိုးသံ၊ လင်းအောင်၊ ဖယ် ဖယ်-ဟူသော သတိပးသံတို့ ဆူညံသွားပါသည်။

ကျွန်တော် ခြေတလှမ်း ဘေးထွက်လိုက်သည်နှင့်တပြိုင်နက် ပင်စည်ကြီးသည် ကျွန်တော့ဘေး၌ ၀ုန်းခနဲ-လဲကျလာပါသည်။ ကြည့်နေကြသူ ဆရာ ဆရာမများနှင့် ကျောင်းသား ကျောင်းသူများ၏ အာမေဋိတ်သံများမှာ ဝေစည်သွားပါသည်။ လက်မတင်ကလေးတွင် ကျွန်တော် ကံကောင်းသွားခြင်းဖြစ်ပါသည်။

ဆရာ ဆရာမများ ရင်တုန်သွားပါသည်။ တချို့ ကျောင်းသူလေးများ ငိုပင်ငိုကြပါသည်။
ကျွန်တော် ယခုလို ဒုက္ခမရောက် အသက်မပျောက်အောင် ကံကောင်းမှုမှာ အခြားကြောင့်မဟုတ်ပေ။ သိတတ်စ အရွယ်ကတည်းက အမြဲမပြတ် ရွတ်ဆိုပွားများလာခဲ့သော ရှင်အရဟံ ပုတီးစိပ်မှု၏ ကောင်းမှုကံအကျိုးကြောင့် ဖြစ်ပါသည်။

ရှင်အရဟံ ပုတီးစိပ်သည် အလွန်အစွမ်းထက်လှပါသည်။ ကျွန်တော်၏ ယခုဖြစ်ရပ်အပြင် ငွေရေး ကြေးရေး အဆင်ပြေခြင်း၊ လူချစ်လူခင်ပေါခြင်း စသော အကျိုးများမှာလည်း သိသိသာသာ ခံစားရပါသည်။
ထို့ပြင် ဤပုတီးစိပ်သည် ဗုဒ္ဓါနုဿတိ၊ ဓမ္မာနုဿတိ၊ သံဃာနုဿတိ ကို ပွားများပြီးဖြစ်သကဲ့သို့ ရုပ်နာမ်ဓမ္မ သင်္ခါရတို့၏ အနိစ္စ-မမြဲခြင်း သဘော၊ ဒုက္ခ-ဆင်းရဲခြင်း သဘော၊ အနတ္တ-အစိုးမရခြင်း သဘောတို့ကို ပွားများပြီးလည်း ဖြစ်ပါသည်။
ထိုကဲ့သို့ အစွမ်းလည်းထက်၊ သမထ ၀ိပဿနာ နှစ်ဖြာလည်း ဆောင်သော ရှင်အရဟံပုတီးစိပ်ကို ပူးတွဲတင်ပြလိုက်ပါသည်။ အနက်အဓိပ္ပါယ် သိနားလည်စွာဖြင့် ယုံယုံကြည်ကြည် ရွတ်ဆိုပွားများကြပါကုန်။

( ရှင်အရဟံ ပုတီးစိပ် )
ဗုဒ္ဓံ သရဏံ ဂစ္ဆာမိ၊ နာမရူပံ အနိစ္စံ ဒုက္ခံ အနတ္တာ။
ဓမ္မံ သရဏံ ဂစ္ဆာမိ၊ နာမရူပံ အနိစ္စံ ဒုက္ခံ အနတ္တာ။
သံဃံ သရဏံ ဂစ္ဆာမိ၊ နာမရူပံ အနိစ္စံ ဒုက္ခံ အနတ္တာ။
ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ နာမရူပံ အနိစ္စံ ဒုက္ခံ အနတ္တာ။
အနန္တံ ဗလ၀ံ ဗုဒ္ဓံ၊ အနန္တံ ဂေါစရံ ဓမ္မံ၊ အနန္တံ အရိယံ သံဃံ၊ အနန္တံ ဗောဓိမုတ္တမံ။

( မြန်မာပြန်)
မြတ်စွာဘုရားကို ကိုးကွယ်ဆည်းကပ်ပါ၏။
နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည် အစိုးမရပါတကား။
တရားတော်ကို ကိုးကွယ်ဆည်းကပ်ပါ၏။
နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည် အစိုးမရပါတကား။
သံဃာတော်မြတ်ကို ကိုးကွယ်ပါ၏။
နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည် အစိုးမရပါတကား။
ဘုရားရှင်ကို ကိုးကွယ်ဆည်းကပ်ပါ၏။
တရားတော်ကို ကိုးကွယ်ဆည်းကပ်ပါ၏။
သံဃာတော်မြတ်ကို ကိုးကွယ်ဆည်းကပ်ပါ၏။
နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည် အစိုးမရပါတကား။

အားတော်ဆယ်ပါးနှင့် ပြည့်စုံတော်မူသော မြတ်စွာဘုရားသည်၊ အဆုံးအပိုင်းအခြား ရှိတော်မမူသော တန်ခိုးတော်တည်း။
မဂ်ဉာဏ် ဖိုလ်ဉာဏ်တို့၏ အာရုံဖြစ်သော နိဗ္ဗာန်သည် အဆုံးအပိုင်းအခြားရှိတော်မမူသော
တန်းခိုးတော်တည်း။
အရိယာသံဃာတော်မြတ်သည် အဆုံးအပိုင်းအခြား ရှိတော်မမူသော
တန်ခိုးတော်တည်း။

(မှတ်ချက်) ဤကဲ့သို့ အဓိပ္ပါယ်သိပြီးလျှင် ပါဠိကို အစအဆုံး ရွတ်ဆိုပြီးမှ ပုတီးတလုံးချ၍ စိပ်ရပါသည်။

မောင်နွေဦး (မြင်းမူ)
( မြတ်မင်္ဂလာ ၂၀၀၇-ခု နိုဝင်ဘာလ)

Posted by: mingala at 11:38 AM 0 မှတ်ချက်ရေးပါ