ပိတောက်ရင်ဖွင့်လွှာအမှတ် ၁/၁၃၇၁

တစ်နှစ်မှာမှ ၊ တစ်ကြိမ်ကျ ၊ ပွင့်ခွင့်ငါတို့ရကြတယ် ။
ပိတောက်သစ္စံ ၊ အချိန်မှန် ၊ သြဘာသံလည်းရခဲ့တယ် ။
ငါတို့ကလည်း ၊ ချိန်မှန်မြဲ ၊ မလွဲရအောင်ပွင့်ခဲ့တယ် ။
ခုတော့ဖောက်ပြန် ၊ ရက်မမှန် ၊ ဝေဖန်သံတို့ရခဲ့တယ် ။

ပွင့်ရက်မှန်ရေး ၊ ဒို့အရေး ၊ မတွေးဘယ်မှာရှိပါမယ် ။
တွေးသာတွေးလျက် ၊ အပွင့်ခက် ၊ ပွင့်ရက်မမှန်ဖြစ်ရတယ် ။
ဒီလိုဖြစ်ရ ၊ တို့ဘဝ ၊ သင်တို့သိအောင်ပြောပြမယ် ။

သင်တို့လူသား ၊ လောဘပွါး ၊ ကမ္ဘာ့ဓာတ်များကုန်တော့မယ် ။
ရေနံဓာတ်ငွေ့ ၊ ရသရွေ့ ၊ နေ့နေ့ညညတူးကြတယ် ။
သစ်တောသစ်ပင် ၊ မလန်းရွှင် ၊ နေ့စဉ်အမျှခုတ်ကြတယ် ။

မြစ်ကိုပိတ်ဆို့ ၊ ချောင်းကိုဆို့ ၊ သင်တို့ထင်တိုင်းကြဲကြတယ် ။
စက်ရုံမျိုးစုံ ၊ မီးခိုးပုံ ၊ အာရုံနောက်ဖို့ကောင်းလှတယ် ။
ကြီးငယ်လက်နက် ၊ ဖောက်ခွဲချက် ၊ သွေးပျက်စရာကောင်းတော့တယ် ။

ဒီလိုနဲ့ပဲ ၊ ဓာတ်ဖောက်လွှဲ ၊ ရေခဲအရည်ပျော်တော့တယ် ။
အိုဇုန်းလွှာလဲ ၊ ခံနိုင်ပဲ ၊ ပေါက်ပြဲလာခဲ့ရတော့တယ် ။
မိုးလေမမှန် ၊ ဥတုဒဏ် ၊ အံကြိတ်ခံကြတော့တယ် ။

ဆူနာမီဘေး ၊ နာဂစ်ဘေး ၊ ဘေးဆိုးကြီးတွေကြုံတော့တယ် ။
မြစ်ရေကြီးခြင်း ၊ မြေပြိုခြင်း ၊ သတင်းဆိုးတွေပုံတော့တယ် ။
လောဘဒေါသ ၊ အာဃာတ ၊ မုချအကျိုးဖြစ်တော့တယ် ။
ငါတို့အတွက် ၊ အပွင့်ခက် ၊ ချိန်းရက်မမှန်ဖြစ်တော့တယ် ။

အိုအိုလူများ ၊ သတိထား ၊ တောင်းပန်စကားဆိုပါ့မယ် ။
လောဘဒေါသ ၊ လျှော့ပါမှ ၊ သဘာဝကြီးညီညွတ်မယ် ။
သင်တို့လူသား ၊ မေတ္တာများ ၊ အားလုံးပုံမှန်ဖြစ်လိမ့်မယ် ။

တစ်နှစ်မှာမှ ၊ တစ်ကြိမ်ကျ ၊ ပွင့်ခွင့်ငါတို့ရကြတယ် ။
ပိတောက်သစ္စံ ၊ အချိန်မှန် ၊ ပန်ဆင်နိုင်ခွင့်ပေးချင်တယ် ။
အိုအိုလူများ ၊ သတိထား ၊ တောင်းပန်စကားဆိုရတယ်။

လူ့လောဘဒေါသမှ အရင်းတည်လာသော သဘာဝဘေးဆိုးများကို

ပိတောက်တို့တစ်တွေလည်း ခံစားနေကြရပါ၏ဟူလို။

ပိတောက်မှန်မှန်ပွင့်ပါစေခလို ။