အဖန်ငါးရာ ဆိုတဲ့ လှန့်လုံးလေး
ဆရာဝန်ကြီး ဦးနေ၀င်း အမေး ။ ။ တချို့ အနောက်နိုင်ငံမှာ စိတ်ရောဂါ တစ်မျိုးဖြင့် ကိုယ့်အသတ်ကို သေကြောင်းကြံကြ ၊ သေကြပါတယ် … အဲဒါ ဗုဒ္ဓဘာသာ တိုင်းပြည်အနေနဲ့တော့ တရားတော်အရ ဘယ်လိုပါလဲ …။
အရှင်ဇနကာ ဘိဝံသ အဖြေ ။ ။ ဗုဒ္ဓဘာသာ တိုင်းပြည်မှာက ကိုယ့်ကိုယ်ကိုယ် သတ်လို့ရှိရင် အဖန်ငါးရာ သေရမယ် ဆိုတဲ့ လှန့်လုံးလေးက ရှိထားတယ် … သတ်လို့ကတော့ ကမ္ဘာငါးရာ နောက်ထပ် မလိုက်ပါဘူး … ရှေးကံက ရှိနေရင်သာ ဘ၀ငါးရာ လိုက်တာပါ … ရှေးကံ မရှိရင်တော့ သေဖို့တော့ မလိုက်ပါဘူး … မြန်မာလူမျိုးတွေမှာ အထိုက်အလျောက် ကံတို့ ဘာတုိ့ ယုံကြည်ထားတော့ ကံကောင်းရင် ပြန်ကောင်းအုံးမှာပဲ ဆိုတဲ့ မျှော်လင့်ချက်ကလေးက ရှိတယ် … ရှိတော့ ကိုယ့်ကိုယ်ကိုယ် သတ်သေတဲ့ လူက အင်မတန် နည်းတယ် … နိုင်ငံခြားမှာတော့ ဒီလို မျှော်လင့်ချက်ကလည်း မရှိတော့ ၊ အို … သေတာပဲ ကောင်းတယ် ၊ သေရင် သူတို့က ပြီးတယ် ထင်ပြီးတော့လေ သတ်ကြတယ် ၊ ဒါဟာ အတွေ့အကြုံ ဗဟုသုတ လိုက်ပြီး ကွာသွားကြတာ …။
ကျမ်းကိုး ။ ။ သိပံ္ပနှင့် ဗုဒ္ဓအဘိဓမ္မာ အဖြေများ ၊
အမရပူရ မဟာဂန္ဓာရုံ ဆရာတော် အရှင်ဇနကာ ဘိဝံသ
မစန္ဒာ ကိုယ်စားတင်ပေးခြင်းဖြစ်ပါသည်။
Filed under: မှတ်သားဖွယ်ရာများ | Leave a Comment »
0 comments:
Post a Comment