ဝက်ဘ်ဆိုဒ်လေး ဖြစ်လာပါပေါ့

ဟိုတုန်းက မြတ်ရောင်နီ ဘလော့ဂ်လေးကို ကိုယ်တိုင် မလုပ်တတ်တော့
သူငယ်ချင်း တစ်ပါးက ဖေးမကူညီကာ ၂၀၁၀ နှစ်သစ်လက်ဆောင်တဲ့။

အဲဒီလိုနဲ့  ကိုယ်တွေ့ ကြုံ အသိလေးတွေ ၊ ဘုရားဟော တရားဓမ္မတွေ၊
အောက်ထစ်ဆုံး အနေနဲ့  စာမရေးဖြစ်တောင် ဓာတ်ပုံလေးတွေ
ဘလော့ဂ်ပေါ်မှာ စာတမ်းလေးတွေ အောက်မှာ ရေးသားကာ
အလုပ်တစ်ခု အနေ စိတ်ပါလက်ပါ ရေးသား ဖြန့် ဝေခဲ့တယ်။

အဲသလို ဖြန့် ဝေခဲ့တဲ့ ဘလော့ဂ်လေးဟာ ကိုယ့်ဌာနေ ရောက်တဲ့အခါ
ကိုယ့်ဘလော့ဂ်ကို အလွမ်းပြေ ကြည့်တာတောင် မရတော့
ကိုယ့်ဘလော့ဂ်လေးကို လွမ်းမိရဲ့ ။ အခြားဘယ်ဘလော့ဂ်တွေကိုမှ
သာမန်ဘလော့ဂ်ဆိုရင် ဘာမှ ဖွင့်မရဘူး။ နိုင်ငံရေး ဘလော့ဂ်ဖြစ်လို့ 
ပိတ်ထားတယ် ဆိုတဲ့ စာတမ်းတွေ့ ရပါတယ်။

( ကျော်တတ်၊ ခွတတ် ဆိုရင် ဖွင့်လို ရသတဲ့။ ခု တော့ မောင်ဘုန်းတို့
အခက်သားပေပဲ ။ မကျော်တတ် ၊ မခွတတ်.... မလေ့လာမိဘဲကိုး )။

စာရေးတဲ့ ၀ါသနာက လည်း ရေးရင်းရေးရင်း ၀ါသနာက ပါသွားတယ်။
အဲဒါကြောင့်မို့  ကိုယ့်ဌာနေမှာ မဂ္ဂဇင်းတိုက်မဟုတ်ပဲ ဘလော့ဂ်လေးကိုလည်း
ရေးချင်သေးတယ်။ မဂ္ဂဇင်းပို့ မည့်စာလည်း ပို့ ပေါ့လေ။ ဘလော့ဂ်ရေးဖို့  ဘယ်လို
လုပ်ပါ့မလဲလို့  ပြည်ပရောက် ဘလော့ဂါ အချင်းချင်း ပြောပြညီးပြ
လေသောအခါ တစ်ဦးသောသူက .....

ဘုန်းဘုန်း တပည့်တော် ပြောကြည့်လိုက်အုံးမယ်။ တပည့်တော် အဆင်ပြေရင်
လှူပါ့မယ်တဲ့။

( အိုး ... သာဓု သာဓု ပါတကား )

ဘုန်းကြီးဆိုတာကလည်း လှူမည့်သူ့ ရှေ့ မှ ညီးပြရတယ်ဆိုပဲ။
ဆရာတော်တစ်ပါးကဇာတ်တော်က အဲလို လာတာကွယ့်လို့ မိန့် ပါတယ်။
မောင်ရင် မှတ်သားတဲ့လေ။ ( မှန်ပါ့ ... ဆရာတော့်ဘုရား )

ကိုယ့်အနေနဲ့  ညီးပြတာ ဆိုတာထက် ကိုယ်က တကယ့်ကို ရေးချင်စိတ်ရှိတာမို့ 
ပြောလိုက်တာပါ။ ခုတော့လည်း သူ တို့ အလှူကို ချီးမြှောက်ရသပေါ့။
သူတို့ အလှူလည်း အထမြောက်သွားတာပေါ့။

( မှတ်ကြပါ ဘုရား ဘုန်းဘုရားတို့  ...)

ဝက်ဘဆိုဒ် အလှူရှင်များမှာ-

မိဘများအား ရည်စူး၍ Bliss of Foundation မှ
နိဗ္ဗာန်ရည်မှန်းကာ လှူဒါန်းကြပါကုန်၏
( နိဗ္ဗာန်၏ အထောက်ပံ့ ဖြစ်ပါစေသား)


yes, http://www.myatyaungni.com/ is working perfectly now.

ဒီလိုနဲ့ ပဲ ၀က်ဘဆိုက်လေး ဖြစ်လာပါပေါ့။



မြတ်ရောင်နီ
( ၀၈၊ ၀၇ ၊ ၂၀၁၁ )