အနှောင်အဖွဲ့
ဗုဒ္ဓရှင်တော်မြတ် သာဝတ္ထိပြည် ဇေတ၀န်ကျောင်းတော်၌ သတင်းသုံးတော်မူစဉ် သံဃာတော်အရှင်မြတ်တို့ သာဝတ္ထိမြို့တွင်းသို့ ဆွမ်းခံကြွတော်မူ၏။ ဆွမ်းခံကြွစဉ် သံဃာတော်များမြင်တွေ့ခဲ့ရသော မြင်ကွင်းတစ်ခုကို မြတ်စွာဘုရားအား လျှောက်ထားကြလေသည်။
မြတ်စွာဘုရား၊ ပသေနဒီ ကောသလ၏ စစ်သည်တော်တို့သည် အပြစ်ရှိသော ရာဇ၀တ်သားများအား အချို့သောသူများကို ကြိုးဖြင့်တုပ်နှောင်ထားသည်။ အချို့ကို လက်ထိပ်ခတ်ထားသည်။ သံခြေချဉ်းတို့ဖြင့် ချုပ်နှောင်ထားသည်ကို တွေ့ရပါသည် ဘုရားဟု လျှောက်ထားကြ၏။
မြတ်စွာဘုရားသည် ထိုလျောက်ထားချက် ကိုအကြောင်းပြု၍-
ချစ်သားတို့ ၊သစ်သားဖြင့် ပြုလုပ်ထားသော အချုပ်အနှောင်ကို၎င်း၊ လျှော်ကြိုးဖြင့်ပြုလုပ်ထားသော အချုပ်အနှောင်ကို ၄င်း၊ သံဖြင့်ဆောက်လုပ်ထားသော သံလှောင်အိမ်ကို ၄င်း ခိုင်မြဲသော အနှောင်အဖွဲ့ဟု ပညာရှိတို့မပြောဆိုကြကုန်။
ရွှေ၊ ငွေ၊ စိန်၊ကျောက်၊ ပတ္တမြားတို့ကို ၄င်း၊ သားသမီး ဇနီးမယားကို ၄င်း၊ အလွန်အမင်း ချစ်ခင်နှစ်သက်အပ်၏။ ငဲ့ကွက်ခြင်းလည်းရှိ၏။ အပါယ်ငရဲကို ပို့ဆောင်တတ်သော အလွန်ပင်ဖြေရခက်သော ၊ ငဲ့ကွက်သော သံယောဇဉ်ကို ရုန်းထွက်ဖို့ အလွန်ခက်သော အနှောင်အဖွဲ့ဟူ၍ ပညာရှိတို့ ဆိုကုန်၏။ (သဂါထာဝဂ္ဂသံယုတ်ပါဠိတော် ဗန္ဓနသုတ်)
မြတ်စွာဘုရားဟောကြားတော်မူခဲ့သည့်အတိုင်း ပုထုဇဉ်တို့မှာ.ကိစ္စများမြောင် လူတို့ဘောင် ဟုဆိုရလောက်အောင် လူ့ဘောင် လူလောက မှာ အိမ်ထောင်ရေး ကိစ္စ၊ သားသမီးကိစ္စ၊ မြေးကိစ္စ၊ ဇနီးကိစ္စ၊ ရပ်ရွာကိစ္စ၊ ဆွေမျိုးကိစ္စ ၊စားသောက်ရေးကိစ္စ၊ နေထိုင်ရေးကိစ္စ စသော ကိစ္စများဖြင့် ရှုပ်ထွေးနေတတ်ကြသည်။ ထိုကိစ္စများ ဖြင့်ဝိုင်း၍ ရစ်ပတ်ခံနေရသဖြင့် ရှောင်၍မလွတ်၊ ရုန်း၍မရ၊ ဖြေလို့မပြေနိုင် အနှောင်အဖွဲ့ဖြင့် ချုပ်နှောင်ခံနေရသည်။
သံယောဇဉ် အနှောင်အဖွဲ့ ဟူသည်မှာ ကျားကြီး ၊ ခြေရာကြီး ကျားငယ် ခြေရာငယ် ဆိုသည့်စကားအတိုင်း စည်းစိမ် ဥစ္စာများလေ ပို၍ အနှောင်အဖွဲ့ခံရလေ၊ ထင်ရှားကျော်ကြားခြင်း၊ အခြွေရံများခြင်း သည်လည်း အနှောင်အဖွဲ့များခြင်းဖြစ်လေရာ ရုန်းထွက်ဖို့ လွန်စွာခဲယဉ်းလှပါတယ်။
ထိုကဲ့သို့အမှားကို အမှန်၊ အမှန်ကို အမှားဟု ဝေခွဲမရ၊ အ၀ိဇ္ဖာ တိမ်သလ္လာဖုံးပြီး စုံလုံးကန်းနေသော တဏှာအချုပ်ထောင်တွင် ဒုက္ခခံနေကြရသော ပုထုဇဉ်လူသားတို့ဆုတောင်းဆုယူမှားကြပုံကို ဦးပုညသည် ဆဒ္ဒန်ဆင်မင်းဝတ္ထု အစတွင်...အခုကာလ ပုထုဇဉ်တို့ကလည်း နိဗ္ဗာန်ကို လက်လွတ်၍ ၀ဋ်ကိုသာတောင့်တသည်။ ခုလူများ လက္ခဏာ၊ ဘုရားဟောဒေသနာနှင့်၊ စက္က၀ါလေသု ကွာဝေးသည့်အမှုကြောင့်....ဟု တရားမသိ၍ အမှားသံသရာလည်နေသော လောကီလူသားတို့အား အားမလို အားမရ အပြစ်တင်ထားသည်။
ဆဒ္ဒန်ဆင်မင်းဝတ္ထုတွင် အဆုံးတွင်တော့...၀ဋ်ချမ်းသာကို တဏှာလိုက်စား၊ ဆုတောင်းမှားကြလျှင်၊ နာလိုက်လား သေလိုက်လား၊ တစ်မွှားမွှားနှင့် ၊ အလျားလိုက်မျော၊ဆင်းရဲ့၍မောကြလိမ့်မည်၊ သဘောထား ကြီးကြပါစေကုန်... ဟု နှိုးဆော် သတိပေး ရေးသားခဲ့သည်။
ဒါကြောင့် သံသရာမှ လွတ်မြောက်အောင် ကြိုးစား၍ မိမိအားရစ်ပတ်လာမည့် ကိလေသာ အနှောင်အဖွဲ့ဘေးကို အမြဲမပြတ် ကြည့်ရှုရမည်။ ရုန်းထွက်နိုင်သောအခါ လွတ်အောင်ရုန်းထွက်ပြီး သူတော်ကောင်းတရားဖြင့် နေထိုင်ကြရမှာ ဖြစ်ပါတယ်။
ညခင်းရွှင်လန်းချမ်းမြေ့ကြပါစေ။
0 comments:
Post a Comment