ခုနစ်နှစ်တိုင်တိုင် အပိုင်း-၅ နိဂုံး
မြတ်စွာဘုရား၏ သာသနာဝယ် စန္ဒာထေရီဟူ၍ ထင်ရှားကျော်စောသော ဘိက္ခုနီ အရှင်မကြီးသည် မိမိ၏ နှောင်း အတိတ်ကို ပြန်လှန် သုံးသပ်တော်မူသဖြင့် ‘ဒုဂ္ဂတာဟံ ပုရေ အာသိ’ အစချီသည့် ထေရီ ဥဒါန်း ဂါထာကို ရွတ်ဆိုတော်မူလေ့ရှိသည်။
စန္ဒာထေရီ အရှင်မ ရွတ်ဆိုတော်မူသော ဂါထာ ငါးပုဒ်မှာ………
“ငါသည် ရဟန်း မပြုမီ ရှေး လူဖြစ်စဉ်အခါက သူဆင်းရဲမ ဖြစ်ခဲ့ပါ၏။ မုဆိုးမလည်း ဖြစ်ခဲ့ရပါသေး၏။ သား သမီးလည်း မရှိပါ။ အဆွေ ခင်ပွန်း ဆွေမျိုး ဉာတိလည်း ကင်းသူဖြစ်၍ အစားအဝတ် လုံလောက်အောင် မရခဲ့ပါလေ။
“ငါသည် ခွက်ကို လည်းကောင်း၊ တောင်ဝှေးကို လည်းကောင်း၊ ဆွဲကိုင်၍ တစ်အိမ်မှ တစ်အိမ်သို့ လှည့်လည် တောင်းခံ စားသောက် ရသည့်အပြင် အချမ်းအပူဖြင့် နှိပ်စက်ခံရလျက် ခုနစ်နှစ်တို့ ကာလပတ်လုံး လှည့်လည် သွားလာခဲ့ရပေ၏။
“ခုနစ်နှစ် လွန်ပြီး နောက်မှသာ ထမင်း အဖျော်ကို ရသော ပဋာစာရာ ဘိက္ခုနီ အရှင်မကြီးကို မြင်ရ၍ အရှင်မကြီးထံ ချည်းကပ်ပြီးလျှင် အိမ်ရာမထောင် ရဟန်းဘောင်၌ ရဟန်းအဖြစ်ကို ပန်ကြား လျှောက်ထား ခဲ့ပါ၏။
“ပဋာစာရာ မည်သော ထို ဘိက္ခုနီ အရှင်မကြီးသည် ငါ့အား အစဉ် သနားသဖြင့် ရဟန်းပြုပေးတော် မူခဲ့၏။ ထို့နောက် ငါ့အား ဆိုဆုံးမ၍ မြတ်သော အကျိုးဖြစ်သော ပဋိပတ်၌ တိုက်တွန်း နှိုးဆော်တော်မူ၏။
“ငါသည် ထို ပဋာစာရာ ဘိက္ခုနီ အရှင်မကြီး၏ ဆုံးမစကားကို ကြားနာရ၍ ဆုံးမသည့် အတိုင်း လိုက်နာ ပြုကျင့်ခဲ့ပြီ။ အရှင်မကြီး ပဋာစာရာ၏ အဆုံးအမသည် အချည်းအနှီး မဟုတ်ပါ။ ငါသည် ဝိဇ္ဇာ သုံးပါးဖြင့် ပြည့်စုံ၍ အာသဝေါ ကင်းသူ ဖြစ်ရပါလေပြီ” ဟူသည်တို့ ဖြစ်ပါပေသတည်း။
0 comments:
Post a Comment