သေမင်းနေတဲ့ ဘုံ
ရုပ်တရားဖြစ်ဖြစ် ၊ နာမ် တရားဖြစ်ဖြစ် အဟောင်းပျက်သွားတဲ့ အခါမှာ အသစ်အသစ်ထပ်ဖြစ်နေရတယ်။ ရုပ်တရားအသစ် ၊ နာမ်တရားအသစ် ထပ်မဖြစ်တော့တဲ့ အခါကို လူ့လောကက သေတယ်လို့ သတ်မှတ်တာပါ။
သေမင်းဘယ်ဘုံမှာ နေပါသလဲ
ဘယ်ဘုံမှာ မှ မနေပါဘူး။ ဘယ်ဘုံမှာမှလည်း သေမင်းဆိုတာ မရှိပါဘူး။ ဒီဘ၀အတွင်းမှာ စောစောကပြောခဲ့တဲ့ ရုပ်နဲ့ နာမ် အဟောင်းပျက်သွားပြီး အသစ်ပြန်မဖြစ်တော့တာကိုပဲ သေတယ်၊ သေမင်းခေါ်သွားတယ်ဆိုပြီး တင်စားပြောကြတာပါ။
သေခြင်းဟာ သုံးမျိုးရှိပါတယ်။
- ဦးဖြူသေပြီ ဒေါ်နီသေပြီဆိုတဲ့ လောကက သတ်မှတ်တဲ့ သေခြင်းကတော့ သမုတိမရဏ လို့ခေါ်ပါတယ်။
- ပရမတ်ရုပ်နာမ်တွေ တရစပ်ပျက်နေတာကိုတော့ ခဏိကမရဏ လို့ခေါ်ပါတယ်။
- ဘုရားရှင်တို့ ရဟန္တာတို့ရဲ့ ရုပ်နာမ်ချုပ်ငြိမ်းသွားခြင်းကိုတော့ သမုစ္ဆေဒမရဏ လို့ခေါ်ပါတယ်။ သေခြင်းတရားကို အပြီးအပိုင် ပယ်သတ်လိုက်ခြင်းလို့ အဓိပ္ပါယ်ရပါတယ်။
0 comments:
Post a Comment