*မိုးရယ်.. နှင်းရယ်.. ကျွန်တော်ရယ်..*

Posted by sonesiyar.blogspot.com on 8:39 PM in ကိုယ်တိုင်ရေးကဗျာများ | 0 comments

အဲဒီနေ့က (15.10.2010) ကျောင်းသွားရတယ်.. လမ်းတစ်လျှောက်မှာ မိုးစက်တွေက တဖြောက်ဖြောက် ကျလို့.. မိုးစက်တွေကြားမှာ နှင်းပွင့်လေးတွေကလည်း တရွေ့ရွေ့ သက်ဆင်းလို့.. ဒီကြားထဲ နေရောင်ခြည်က ဖြာဆင်းလိုက်တဲ့ အချိန်..၊ ဟိုခြစ် ဒီခြစ်နဲ့ ကဗျာတစ်ပုဒ်တော့ ရေးဖြစ်လိုက်တယ်..။

မိုးစက်တွေနဲ့ နှင်းပွင့်ရောယှက်ကျရောက်တဲ့ နေ့မှာ မွေးလို့.. မိုးနှင်း၊ ရှေ့က ပီ တပ်လိုက်တော့.. ပီမိုးနှင်း.. အဲဒီကနေမှာ ပီမိုးနင်း ဆိုပြီး အမည်တွင်သွားရှာတဲ့ ဆရာပီမိုးနင်း..၊ နောက် (ရုပ်ရှင်ဒါရိုက်တာ ထင်တယ်၊ သိပ်တော့ မမှတ်မိတော့ဘူး) ဒါရိုက်တာ မောင်နှင်းမိုး..၊ နောက်ပြီး ဘယ်ရုပ်ရှင် ကားထဲမှာလည်း မသိပါဘူး.. (ဦး)၀င်းဦး သရုပ်ဆောင်ခဲ့တဲ့ ကိုသက်နှင်းဆိုတဲ့ ဇတ်ကောင်နာမည်..၊ ဘာရယ်မဟုတ်.. မိုးနှင်းတွေကြားက ကျွန်တော် မိုးနှင်းပါတဲ့ နာမည်တွေကို အဲဒီနေ့က မဆီမဆိုင် သတိရလိုက်သေးတယ်..။

မိုးရယ်.. နှင်းရယ်.. ကျွန်တော်ရယ်..

မိုးတဖြောက်ဖြောက်
လွင့်ရောက်ကာနေ..
နေခြည်ယှက်သွေး
ကန့်နွေးလို့လေ..
ဟိုဒီငေးကြည့်
လွမ်းမိပေါ့မေ..
အလှတရား မောက်ကြွားနိုင်လွန်းပေ..။

နှင်းတပေါက်ပေါက်
ဆင့်ရောက်လာပေ..
လေကြည်ဖြတ်ပြေး
ပြန့်အေးလို့နေ..
ပျိုမဒီဆွေးမြည့်
တမ်းမိနိုင်စေ..
ဘ၀သမား ယောက်ျားမောင် ဆုခြွေ..။

*************************************

လေးစားစွာဖြင့်
ဖိုးသား

10/19/2010, TUE:, 9:30:27 PM