လွတ်လပ်ရေးနေ့ သံဃာ့ဒါန

ဆွမ်းလောင်းရင်း မိုးလင်းသွားခိုက် စောင့်ဆိုင်းနေတဲ့ သံဃာတန်း

ညီတော် သာမဏေလေးတွေကို လှူဖို့ ဖိနပ်များ ကိုယ်တိုင် သယ်လာနေတဲ့ ဦးဇင်း ဦးစန္ဒိမာ

ခြေစွပ် လှူဒါန်းနေတဲ့ ဒေါ်ကြည်ဌေးနဲ့ ခေါင်းစွပ် လှူဒါန်းပေးနေတဲ့ ဒကာမလေး

ရွှေဒိုမိန်းရဲ့ ဆောင်းတွင်း ကာလဒါန ခေါင်းစွပ်တွေ လှူဖို့

ဆွမ်းဘောဇဉ်နဲ့ ခေါင်းစွပ်၊ ခြေစွပ်၊ ဖိနပ်များ ဆက်ကပ်ခံပြီးစ ကိုရင်တစ်ပါး

ကြာဆံချက် ဘုဉ်းပေးကြစဉ်

ပြာသိုလပြည့်ကျော် ၅ ရက်၊ သာသနာသက္ကရာဇ် ၂၅၅၃ ခုနှစ်။ ၂၀၁၀ ခုနှစ် ဇန်နဝါရီလ ၄ ရက်။

နေ့ဆွမ်း - ဝက်သား+အာလူးဆီပြန်။ မုံလာချဉ်၊ ငါးပိငရုတ်သီးကြော်
မဝါဝါခိုင်မင်း၊ ကိုရန်အောင်၊ JulyDream၊ ရွာသားလေးဝိုင်တီယူတို့၏ နေ့ဆွမ်းအလှူရှင် မောင်နှမများအဖွဲ့

ဆွမ်းထမင်း + ကုလားပဲနှပ် - ကိုဖြိုး+ကိုထက် (ရွှေအိမ်ဖြူ တယ်လီဖုန်းရောင်းဝယ်ရေး)

ဆီ - ဒေါ်ချို (ဒေါ်ချို ကုန်မျိုးစုံ ရောင်းဝယ်ရေး၊ ရွှေဘိုမြို့)

အရုဏ်ဆွမ်း - ကြာဆံချက် အလှူရှင် - (..........)

သံဃာအပါး ၄၃၀ ခေါင်းစွပ်အလှူ - ရွှေဒိုမိန်း
သံဃာ အပါး ၄၀၀ ခြေအိတ် - ကိုဖြိုး+ကိုထက် (ရွှေအိမ်ဖြူ တယ်လီဖုန်းရောင်းဝယ်ရေး)
သာမဏေ အပါး ၂၅၀ ဖိနပ် + သံဃာများ ဒဏ်ကြေဆေး + အစာကြေဆေး- (.........)

ဝေယျာဝစ္စဒါန
ဦးအာဒိစ္စ (ဖျာပုံကျောင်း)၊ ဦးစန္ဒိမာ (သုံးခွကျောင်း)၊ ဦးဇဝန (သုံးခွကျောင်း)၊ ဦးသုဇာတ (ရုက္ခမူကျောင်း)၊
ဦးဓမ္မာနန္ဒ (မင်္ဂလာသာစည်ကျောင်း)၊ ဦးသောဘိတ (ထွဋ်ခေါင်)
-ဆရာကြီး ဒေါ်ဝိလာသီ (သိပ္ပမဉ္စရီချောင်)၊ ဆရာကြီး ဒေါ်စန္ဒာသိင်္ဂီ (သိဒ္ဓိမော်ချောင်)၊ ဒေါ်စရဏမဉ္စရီ (သိပ္ပမဉ္စရီချောင်)
-ဒေါ်စရဏမဉ္စရီမယ်တော်ကြီး ဒေါ်အေးသန်းနှင့် သမီး မဇင်မာထွေး၊ ဒေါ်ကြည်ဌေးနှင့်သားသမီးများ၊ ဆရာကြီး ဒေါ်ဝိလာသီ၏ ဒကာတစ်ဦး

မနက် ၅ နာရီ ၃၀ မှာ အရုဏ်ဆွမ်း စကပ်တယ်။ ဒီနေ့ သံဃာတွေ အရမ်းများပါတယ်။

မနက် ၅ နာရီ ၅၀ မှာ နေ့ဆွမ်းလောင်းဖို့ ပြင်ဆင်တယ်။ သံဃာတွေ အရမ်းများတော့ စီမံကြီးကြပ်တဲ့ ဦးဇင်းတွေလဲ အလုပ်များနေရတယ်။ လူမမယ် ကိုရင်လေးတွေက ဦးဇင်းတွေကိုယ်တိုင် ထိန်းရတယ်။ ဆောင်းတွင်း အသုံးအဆောင် ခေါင်းစွပ်ခြေအိတ်နဲ့ အခြားလှူဖွယ်များပါ ဆက်ကပ်ရမှာမို့ သံဃာတန်းရှည်ကြီးရှေ့မှာ ဆွမ်းလောင်းသူလောင်း၊ သေနာသန အသုံးအဆောင်လှူဖွယ်တွေ ကပ်သူက ကပ်နေရပါတယ်။

ကိုထက်က ရွှေဒိုမိန်းက လှူတဲ့ ခေါင်းစွပ်တွေ လာပို့ရင်း ညက ဝေယျာဝစ္စပါ ဝိုင်းဆောင်ရွက်သွားတယ်။ ကျောင်းမှာ ကိုယ်တိုင် တံမြက်ဝင်လှည်း၊ မီးပါ စိတ်ရှည်လက်ရှည် ဆင်ပေးပြီး ည ၂ နာရီမှ မန္တလေး ပြန်တယ်။ သာမဏေတွေကို လှူမယ့် ဖ်ိနပ်တွေလဲ ကိုဖြိုးတို့ ကိုထက်တို့က အလှူရှင်ကိုယ်စား မန္တလေးကနေ ဆိုက်စုံ စီမံဝယ်ခြမ်းပေးကြပါတယ်။

အညာဆောင်းတွင်းမှာ အထူးလိုအပ်တဲ့ ခေါင်းစွပ်၊ ခြေအိတ်တွေ အပါးစေ့ လောင်းတယ်။ ဖိနပ်က ရဟန်းစီးဖိနပ် မဟုတ်ဘဲ ဈေးချိုတဲ့ မိုးတွင်းစီး ကြက်ပေါင်ဖိနပ်မို့ သာမဏေတွေကို အပါးစေ့ လောင်းလှူတယ်။ ဦးဇင်းကြီးတွေကို မိဂသီနဲ့ ထွန်းရွှေဝါ လိမ်းဆေး၊ ဒါမှမဟုတ် အစာကြေဆေး ကပ်လှူပါတယ်။

ကိုရင်လေးတွေက ပစ္စည်းလေးပါး ပါးရှားလိုအပ်ကြရှာတာမို့ မရမှာ စိတ်ပူနေလို့ ရမှာပါလို့ အားပေးရင်း ဦးဇင်းတွေက တန်းလဲ ထိန်းပေးနေရတယ်။

''အရှင်ဘုရားတို့၊ ဝတ်ခွက်လေးတွေ ဖွင့်ထားပါဘုရား''

''ကိုရင် နောက်ကကြွ''

''အကုန်လောင်းမှာ။ အကုန်လှူပေးမှာ။ ရတယ်ဘုရား''

သံဃာအင်အား များလွန်းလို့ အနီးက အောင်မြေဦးကျောင်းထိုင်ဆရာတော်ကိုယ်တိုင် ကူညီဖို့ ကြွလာတယ်။ ကိုရင်လေးတွေမှာ အောင်မြေဦးကျောင်းက ကိုရင်တွေ တော်တော်ပါတာမို့ ဆရာတော်ကိုယ်တိုင် ကြွလာတော့ အဆင်ပြေသွားတယ်။

''ခေါင်းစွပ် လောက်တယ်၊ လောက်တယ်''

''ဦးဓမ္မာနန္ဒ ဦးဇင်း။ လမ်းမီးတစ်ချက် ပြပေးပါဦး''

''ဖိနပ်လဲ ခုထိတော့ လောက်သေးတယ်''

ကြက်သား ကြာဆံချက်က အိုးပါ ပြောင်သွားပြီ။ လောင်းရတာ ပန်းကန်ခွက်ယောက် နိုင်နင်းအောင် ဒီနေ့ ခုံတွေကို အပါး ၁၀၀ စာ မချတော့ဘဲ အပါး ၈၀ စာ ချထားတယ်။ လေးသုတ် ကပ်ပြီးတော့ အိုး ပြောင်သွားတယ်။ အပါး ၃၂၀ လောက် ဘုဉ်းပေးလိုက်ရပါတယ်။

ဇိနောဒယနဲ့ မြစကြာက သံဃာတွေ မလောင်းလိုက်နိုင်ပေမယ့် အခြားသံဃာတွေ စုစုပေါင်း ၄၃၀ ပါးကို ခေါင်းစွပ် လှူရတယ်။ အပါး ၄၀၀ ကို ခေါင်းစွပ်နဲ့ ခြေအိတ်ပါ လှူလိုက်နိုင်ပါတယ်။ ဖိနပ်က သာမဏေ အပါး ၂၅၀ စာ စီမံထားတာ ကုန်သွားလို့ မရလိုက်တဲ့ သာမဏေ ၇၀ လောက် လိုတာ စာရင်းတို့ထားရတယ်။

အရုဏ်ဆွမ်းကို ဒကာမကြီး မဝါဝါခိုင်မင်း လျှောက်ထားတဲ့အတိုင်း ကြာဆံချက် ဆက်ကပ်ပါတယ်။ သံဃာတွေ ချမ်းချမ်းစီးစီးမှာ ကြာဆံချက်ပေါ် ငရုတ်သီးမှုန့် ဖြူးပြီး မြိန်ရည်ရှက်ရည် ဘုဉ်းပေးလိုက်ကြတာ အပါး ၃၀၀ ကျော် ကပ်အပြီးမှာ တစ်အိုးလုံး ပြောင်သွားတယ်။ နောက်ပိုင်း ဆက်ကြွလာတဲ့ ကိုယ်တော်တွေ မဘုဉ်းလိုက်ရဘူး။ နေ့ဆွမ်းက ဆွမ်းထမင်းနဲ့ ငါးပိကြော် အပါးစေ့ လောင်းလိုက်ရတယ်။ ဝက်သားက နောက်ပိုင်းသံဃာ အပါး လေးငါးဆယ် မရောက်ခင် ပြတ်တယ်။ ပဲကလဲ ကိုဖြိုးတို့က ဒီတစ်ခေါက် ကုလားပဲနှပ် လှူတာ သံဃာတန်း မကုန်ခင် ပြတ်သွားပါတယ်။

ကိုထက်က ညက မပြန်ခင် တခြားကျောင်းတွေကနေ ဆွမ်းဝိုင်းချက်ပေးဖို့ ကြွလာတဲ့ သံဃာတွေ အဆင်ပြေသလို ကျိန်းရ သီတင်းသုံးရတာ မြင်တော့ ဝေယျာဝစ္စ ဦးဇင်းတွေ ကျိန်းစက်ဖို့ ကောဇော လှူဒါန်းမယ့်အကြောင်း လျှောက်သွားပါတယ်။

ဆွမ်းလောင်းအပြီးမှာ ကြာဆံချက် ကုန်သွားပြီဆိုတော့ စားတော်ပဲပြုတ်နဲ့ ငါးချိတ်ပေါင်း မှာပြီး လက်ကျန်ဆွမ်းနဲ့ ဝေယျာဝစ္စ ကိုယ်တော်တွေကို အရုဏ် ကပ်ရတယ်။ ဖတ်ဖတ်မောနေတဲ့ ဝေယျာဝစ္စဦးဇင်းတွေလဲ မနက် ၈ နာရီလောက်မှ အရုဏ်ဘုဉ်းပေးရပါတယ်။

ဝမ်းမြောက်စရာ သတင်းက ဒီဇင်ဘာ ၂၂ ရက်နေ့က ထိုင်ဝမ်က သံဃာတော်တစ်ပါးက စစ်ကိုင်းတောင်မှာ သံဃာ သာမဏေ အပါး ၄၅၀၀ ကို ဒန်ပေါက်ဆွမ်း (ဘူးနဲ့) ကပ်ပြီး သင်္ကန်း တစ်ပါးတစ်စုံစီ ကပ်လှူသွားပါတယ်။