အနှောင်ထူလေ လောင်ဆူလေ
အနှောင်ထူလေ လောင်ဆူလေ
အသင်သဏ္ဌာန် အရ
လူဝတ်ကြောင်ဘ၀ကို
ကိုင်းတောမှာ ဆောက်တဲ့အိမ်၊
ရဟန်းဘ၀၊ သီလရှင်ဘ၀ကို
သောင်ပြင်မှာ ဆောက်တဲ့အိမ်
လို့ဆိုရပေမယ့်
အနှစ်သာရအရကတော့
လူပဲဖြစ်ဖြစ်
ရှင်ပဲဖြစ်ဖြစ်
သံယောဇဉ်အနှောင်အဖွဲ့
များတဲ့စိတ်ဟာ
ကိုင်းတောအိမ်ဖြစ်ပြီး
သံယောဇဉ်အနှောင်အဖွဲ့
ကင်းတဲ့စိတ်ဟာ
သောင်ပြင်အိမ်ဖြစ်ပါတယ်။
လူဖြစ်ပေမယ့်
သောင်ပြင်မှာ ရောက်နေနိုင်သလို
ရှင်ဖြစ်ပေမယ့်လည်း
ကိုင်းတောမှာ ရောက်နေနိုင်ပါတယ်။
ကိုင်းတော အိမ်သမားက
အပူဓာတ် ကူးလွယ်ပါတယ်။
သောင်ပြင်အိမ်သမားက
အပူဓာတ်ကင်းဝေးပါတယ်။ အရှင်ဆန္ဓာဓိက (စိတ်အားဖြည့်ဓမ္မပန်းပွင့်)
0 comments:
Post a Comment