ပညာရေးအလှူတော်အလှူရှင်များစာရင်း
၂၀၁၁-၂၀၁၂ ပညာသင်နှစ် အတွက် ယခုပူးတွဲပါ လျှောက်လွှာဖြင့် အောက်ပါကျောင်းသား ၃ ဦးမှ အခက်အခဲများကို တင်ပြကြပြီး ပညာရေးစရိတ် လျှောက်ထား တင်ပြခဲ့ကြသည်-
(က) ၁၀ တန်းတက်မည့် ကျောင်းသူ မဆုမြတ်ဝေသည် အဖေ၊ အမေမရှိတော့ဘဲ အဘိုးအဖွားတို့ အုပ်ထိန်းမှု အောက်တွင် နေထိုင်လျက်ရှိသူ။
(ခ) ၈ တန်းတက်မည့် ကလေးငယ် မအိအိအောင်သည် အသက် ၇၀ ကျော်ရှိသည့် အဘွားဒေါ်မြခင်၏ အုပ်ထိန်းမှု အောက်တွင် နေထိုင်လျက်ရှိသူ။
(ဂ) ၇ တန်းတက်မည့် ကလေး မောင်သက်ကိုကိုအောင်သည် မိဘနှစ်ပါးစလုံး မရှိကြတော့ဘဲ အဘိုး၏ အုပ်ထိန်းမှု အောက်တွင် နေထိုင်လျက်ရှိသူ။
၁။ အထက်ပါ ကျောင်းသားများ နှင့်အတူ အုပ်ထိန်းသူများ၊ ၎င်းတို့ကျောင်းမှ ကျောင်းအုပ်ဆရာမကြီး ဒေါ်စန်းစန်းအေးတို့ ၃၀-၄-၂၀၁၁ရက် (စနေနေ့)တွင် ထေရဝါဒဗုဒ္ဓဘာသာ လူငယ်များအသင်းမှ အကျိုးတော်ဆောင် အဖွဲ့သို့ လာရောက် တွေ့ဆုံကြသဖြင့် ကလေးများ၏ အခက်အခဲကို အသေးစိတ် မေးမြန်းကြည့်ရှုရာ ၁၀ တန်းတက်မည့် ကျောင်းသူ မဆုမြတ်ဝေ သည် အဖေ၊ အမေမရှိတော့ဘဲ အဘိုးအဖွားတို့ အုပ်ထိန်းမှုအောက်တွင် ကျောင်းတက်နေပြီး ၎င်းအတွက် ကျောင်းစရိတ်လိုအပ်ချက်မှာ ကျူရှင်လခ တစ်လ ၃၅၀၀၀ ကျပ်၊ ရွာနှင့်အထက်တန်းကျောင်းသို့ ခရီးစရိတ် အပါအ၀င်မုန့်ဖိုး ၅၀၀ ကျပ်၊ တစ်လအတွက် ၁၅၀၀၀ ကျပ်၊ စုစုပေါင်း တစ်လလျှင် ၅၀၀၀၀ ကျပ်(ငါးသောင်းကျပ်) လိုအပ်လျက်ရှိကြောင်း၊ တစ်နှစ်စာ(၁၀ လစာ) ငါးသိန်းကျပ် လိုအပ်လျက်ရှိကြောင်း သိရှိခဲ့ရသည်။
၂။ ၈ တန်းတက်မည့်ကလေးငယ် မအိအိအောင်သည် အဘွား ဒေါ်မြခင်၏ အုပ်ထိန်းမှုအောက်တွင် ကျောင်းတက်နေရပြီး အဘွားမှာ အသက် ၇၀ ကျော်ရှိနေသောကြောင့် ကျောင်းစရိတ်အတွက် ထောက်ပံ့ရန် အခက်အခဲဖြစ်လျက်ရှိသည်။ ၎င်းအတွက် လိုအပ်ချက်မှာ ဘာသာစုံကျူရှင်အတွက် တစ်လ ၆၀၀၀ ကျပ်၊ ရွာနှင့်ကျောင်း နေ့စဉ်ခရီးစရိတ်အပါအ၀င်မုန်းဖိုး တစ်နေ့ ၅၀၀ ကျပ်၊ တစ်လလျှင် ၁၅၀၀၀ ကျပ် လိုအပ်ပြီး စုစုပေါင်း တစ်လလျှင် ၂၁၀၀၀ ကျပ် လိုအပ်ကြောင်း၊ တစ်နှစ်စာ(၁၀ လ)အတွက် ၂၁၀၀၀၀ ကျပ် လိုအပ်ကြောင်း သိရှိခဲ့ရသည်။
၃။ ၇ တန်းတက်မည့်ကလေး မောင်သက်ကိုကိုအောင် မိဘနှစ်ပါးစလုံးမရှိကြတော့ဘဲ အဘိုး၏အုပ်ထိန်းမှုအောက်တွင် ကျောင်းတက်နေရပြီး ၎င်းအတွက်လိုအပ်ချက်မှာ ကျူရှင်နှင့်မုန့်ဖိုး တစ်လ ၆၀၀၀ ကျပ်၊ တစ်နှစ်စာ ၆၀၀၀၀ ကျပ်(ခြောက်သောင်းကျပ်) လိုအပ်ကြောင်း အသီသီးမေးမြန်းသိရှိခဲ့ရသည်။
အထက်ပါကိစ္စနှင့်ပတ်သတ်၍ ရုရှနိုင်ငံ တက္ကသိုလ်အသီးသီးတွင် ပညာသင်ကြားနေသော ကျောင်းသားများထံမှအလှူငွေများကောက်ခံခဲ့ရာ စေတနာသဒ္ဒါတရားနည်းများမဆို ပါဝင်လှူဒါန်းကြသည်ကို ဝမ်းမြောက်ဖွယ်တွေ့ရှိရပါသည်။လှူဒါန်းကြသောအလှူရှင်များစာရင်းနှင့်တက္ကသိုလ်ကျောင်းများစာရင်းကိုအများသူငါဝမ်းမြောက်ဝမ်းသာသာဓုအနုမောဓနာခေါ်ဆိုနိုင်စေရန် အောက်တွင်ဖေါ်ပြလိုက်ပါသည်။
ဇွန်လ ၄ ရက်(စနေနေ့)မှစ၍ နှစ်ဝက်တစ်ဖြတ် လှူသွားမှာဖြစ်ပြီး ကလေးများ မေလ ၂၅ ရက်နေ့ ကျောင်းအပ်ရန်နှင့် စာရေး ကိရိယာများဝယ်ရန်အတွက် ၁၀ တန်းကလေးကို ၂၀၀၀၀ ကျပ်၊ ၈ တန်းကလေးကို ၁၀၀၀၀ ကျပ်၊ ၇ တန်းကလေးကို ၁၀၀၀၀ ကျပ်အား လှူဒါန်း လိုက်ဲပြီးဖြစ်သည်။
ပညာသင်ထောက်ပံ့စရိတ် အတွက် ကလေးများ၏ ကိုယ်တိုင်လျှောက်ထားခြင်း လက်ရေးမူလျှောက်လွှာ-
   ကျောင်းအပ်ရန်နှင့် စာရေး ကိရိယာများဝယ်ရန်အတွက် လှူဒါန်းမှုမှတ်တမ်း -    |
0 comments:
Post a Comment