*သည်းခံခြင်းမင်္ဂလာတရား*
1 အကြံပြုပါသည်။ Posted in: အထွေထွေစာစုလေးများ
သည်းခံခြင်းဖြင့် အရာရာကိုအောင်နိုင်ပါသည်။လူတိုင်းသိပြီးသားဖြစ်တဲ့ ဥတ္တရာသူဌေးသမီးနဲ့သီရိမာ ဇာတ်လမ်းမှာလည်း သည်းခံခြင်းကြောင့် အောင်မြင်ခဲ့တာကိုအထင်အရှားရှိပါတယ်။ မြတ်စွာဘုရားရှင်က သည်းခံခြင်းကြောင့်ဖြစ်ရမယ့် အကျိုးနှင့်အပြစ်ကိုလည်း အောက်ပါအတိုင်းဟောကြားတော်မူခဲ့ပါသည်။
သည်းမခံခြင်းအပြစ်
၁။ လူအများမချစ်မနှစ်သက်ခံရခြင်း၊၂။ ကြမ်းကြုတ်ခြင်း၊
၃။ စိတ်နှလုံးမသာယာဖြစ်ခြင်း၊
၎။ တွေဝေလျက်သေရခြင်း၊
၅။ သေပြီးသည့်နောက် ငရဲသို့လားရခြင်းတို့ဖြစ်ပြီး။
သည်းခံခြင်းအကျိုးကျေးဇူး
၁။ လူအများချစ်ခင်နှစ်သက်ခြင်း၊၂။ မကြမ်းကြုတ်ခြင်း၊
၃။ နှလုံးမသာမယာမဖြစ်ခြင်း၊
၎။ မတွေဝေဘဲသေရခြင်း၊
၅။သေပြီးသည့်နောက် ကောင်းသောလားရာဖြစ်သော နတ်ပြည်သို့ ရောက်ရခြင်းတို့ဖြစ်ပါသည။် ဟုမြတ်စွာဘုရားရှင်က ဟောကြားတော်မူခဲ့ပါသည်။
(အဂုင်္တ္တိရ်၊ ဒုတိယ အက္ခန္ထိသုတ်)
သည်းခံခြင်းဆိုတာ ငုံခံခြင်းမဟုတ်ပါဘူး။ မေတ္တတရားကိုအခြေခံပြီး ဖြစ်ပေါ်လာခြင်းဖြစ်ပါတယ်။ ကိုယ်ကို ထိပါးစော်ကားတဲ့အခါ ဒေါသနဲ့မတုန့်ပြန်ဘဲ မေတ္တာတရားဖြင့် သည်းခံလိုက်ခြင်းဖြစ်ပါတယ်။ အဲဒီလိုလုပ် တာအရှုံးပေးပြီး ငုံ့ခံလိုက်တာမဟုတ်ပါဘူး။ အဲဒီလိုမျိုးသည်းခံတဲ့စိတ်မျိုးဆိုတာ တော်တော်ကိုမွေးယူရမှာ ဖြစ်ပါတယ်။ သူကဘာပြောလို့ ငါကလည်းပြန်လုပ်ပြန်ပြောမယ်ဆိုရင် နှစ်ဦးနှစ်ဖက်လုံးမှာ အကျိုးမရှိပါဘူး။ အဲဒီလိုသည်းခံလိုက်တဲ့အတွက် မဖြစ်သင့်တာတွေဖြစ်မလာသလို တစ်နေ့တွင် အဲဒီသူကလည်းနားလည် သဘောပေါက်သွားလိမ့်မှာဖြစ်ပါတယ်။အများအတွက် တစ်စုံတစ်ခုအကျိုးရှိမယ်ဆိုရင် ကိုယ့်အတွက်နည်း နည်းထိခိုက်သွားလည်း သည်းခံလိုက်ခြင်းဖြင့် ဖြူစင်မြင့်မြတ်သော လူသားဖြစ်အောင် ကျွန်တော်တို့အားလုံး ကြိုးစားကြပါစို့လို့ ပြောရင်းနိဂုံးချုပ်လိုက်ပါတယ်ခင်ဗျာ။အားလုံးသောဓမ္မမိတ်ဆွေများ သည်းခံခြင်းခန္ဓီတရားကိုလက်ကိုင်ထားနိုင်ကြပါစေ။
0 comments:
Post a Comment