မျက်မမြင် ဘုန်းကြီးကျောင်းသားကလေးအတွက် မေတ္တာကုသိုလ် ပြုလိုရင်
စစ်ကိုင်းတောင်ရိုး အောင်မြေဦး ဘုန်းတော်ကြီးသင် ပညာရေးကျောင်းက ဆယ်ကျော်သက် မျက်မမြင် ကျောင်းသားကလေး မောင်အောင်ဌေးဦးအတွက် သူ တီးခတ်ဖို့ ဂစ်တာတစ်လက် လှူဒါန်းစေလိုကြောင်း ကျောင်းထိုင်ဆရာတော်က ပန်ကြားလာပါတယ်။ ဆွမ်းလောင်းပတ်တွေမှာ လာလောင်းလှူ ကုသိုလ်ယူနေကျ ကိုဂစ်တာကပဲ ဂစ်တာတစ်လက် တာဝန်ယူ လုပ်ပေးပါတယ်။ ကြည့်မြင်တိုင် မျက်မမြင်ကျောင်းက မျက်မမြင်ပုဂ္ဂိုလ်များအတွက် လှူဒါန်းတဲ့ ဂစ်တာတွေကိုလဲ ကိုဂစ်တာပဲ လုပ်ပေးခဲ့တာပါ။
အဝေးရောက် အလှူရှင်တစ်ဦးကောင်းမှု ဖြစ်ပါတယ်။
မောင်အောင်ဌေးဦးက ငါးနှစ်ခြောက်နှစ်သား အရွယ်မှာ ကျောက်ရောဂါကြောင့် မျက်စိအမြင် ဆုံးရှုံးခဲ့ရတယ်။ မျက်စိကွယ်ပြီးတဲ့နောက် မျက်မမြင်စာ Braille နဲ့ ကျောင်းဆက်တက်ခဲ့သေးပေမယ့် နှစ်တန်းထက် ပိုမတက်ခဲ့ရဘူး။ အသက်က ၁၈ နှစ်၊ ၁၉ နှစ်လောက် ရှိပြီလို့ ဆရာတော်က မိန့်ပါတယ်။
အခု ဆရာတော့်ကျောင်းမှာ ခိုလှုံနေထိုင်ရင်း အနှိပ်ပညာ သင်ယူနေပါတယ်။ မောင်အောင်ဌေးဦး ဘဝကို ဆက်လက်ရုန်းကန်နိုင်ဖို့ရာ မုန့်ဖိုးနဲ့ လူမှုရေး ထောက်ပံ့ကူညီလိုရင်
မောင်အောင်ဌေးဦင်္း
အောင်မြေဦး ဘုန်းတော်ကြီးသင် ပညာရေးကျောင်း၊ လပြည့်ဝန်းလမ်း၊ စစ်ကိုင်းမြို့နယ်
ဖုန်း - ၀၀၉၅-၉၂၁၁၀၂၈၃ (တစ်ဆင့်-အောင်မြေဦးဆရာတော်)
ကနေ လူငယ်ကလေးကို တိုက်ရိုက် အားပေးဆက်သွယ် လှူဒါန်းနိုင်ပါတယ်။
0 comments:
Post a Comment