ကုသိုလ်ကောင်းမှု နေ့စဉ်ပြုလော
ကုသိုလ်ကောင်းမှု နေ့စဉ်ပြုလော
သီတဂူဆရာတော်ဦးဆောင်သော အပြည်ပြည်ဆိုင်ရာသီတဂူသာသနာပြုအဖွဲ့သည် တိုင်းပြု၊ ပြည်ပြု၊ သာသနာပြု၊ လုပ်ငန်းများကို နေပူပူ၊ မိုးချမ်းချမ်း၊ ဆောင်းအေးအေး ရာသီဥတုဒဏ်ကို အံတု၍ 1980-ခုနှစ်မှ နေ့မနား ညမအား သာသနာပြုလာခဲ့ကြသည်။ ပူပြင်းခြောက်သွေ့သော စစ်ကိုင်းတောင်ရိုးကို အမှီပြု၍ တရားဓမ္မကျင့်သုံးနေကြည့် ရဟန်းသာမဏေသီလရှင် ယောဂီသူတော်စင်များ ကာယစိတ္တနှစ်ဖြာ ချမ်းချမ်းသာသာဖြင့် ကျင့်သုံးနိုင်ပါစေခြင်းငှာ 1982-ခုနှစ်တွင် စစ်ကိုင်းတောင်ရိုးတစ်ခုလုံးကို ရေစက်များ၊ ရေကန်များ၊ ရေပိုက်လိုင်းများသွယ်တန်းလျက် သီတဂူရေအလှူတော် ကို ပေးဝေလှူဒါန်းနိုင်ခဲ့သည်။
ထိုမျှမက 1985-ခုနှစ်တွင် ရဟန်းသာမဏေသီလရှင် ယောဂီသူတော်စင်များအား "ငါဘုရားကို ချစ်ကြည်ညိုက လူအိုလူနာ အနာထာကို ကောင်းစွာမပြတ် လုပ်ကျွေးအပ်၏"ဟူသော ဘုရားစကားတော်နှင့် အညီ အာယုဒါန အသက်အလှူတော် (သို့) ကျန်းမာရေးအလှူတော်အဖြစ်ဖြင့် စစ်ကိုင်းတောင်ရိုး၊ ဆွမ်းဦးပုညရှင်စေတီ၏အောက်ဘက်တည့်တည့်တွင် သီတဂူ အာယုဒါနဆေးရုံတော်တည်ဆောက်လျက် ပေးဝေလှူဒါန်းနိုင်ခဲ့သည်။
ထိုမျှသာမကသေးပေ - ပညာဒါအလှူတော်အနေအားဖြင့် 1996-ခုနှစ်တွင် သီတဂူအာယဒါနဆေးရုံတော်နှင့်မျက်နှာချင်းဆိုင်လျက် အပြည်ပြည်ဆိုင်ရာ သီတဂူကမ္ဘာ့ဗုဒ္ဓတက္ကသိုလ်ကို တည်ဆောက်လျက် ပညာဒါနပေးဝေလှူဒါန်းနိုင်ခဲ့ပြန်ပါသည်။
ပညာဒါနကို တိုးချဲ့သောအနေအားဖြင့် 2009-ခုနှစ်တွင် မန္တလေးတောင်ခြေ၌လည်းကောင်း၊ 2011-ခုနှစ်တွင် ရန်ကုန် မြို့တော် မြောက်ဒဂုံ၌လည်းကောင်း သီတဂူကမ္ဘာ့ဗုဒ္ဓတက္ကသိုလ် (တက္ကသိုလ်ခွဲ)ကို တည်ဆောက်၍ ကျယ်ကျယ်ပြန့်ပြန့် ပညာဒါနကို ပေးလှူနိုင်ခဲ့သည်။
သီတဂူအာယုဒါနဆေးရုံတော်ကို တိုးချဲ့သောအားဖြင့် သီတဂူဆရာတော်ဦးဆောင်သော အပြည်ပြည်ဆိုင်ရာသီတဂူသာသနာပြု အဖွဲ့သည် တိုင်းနှင့်ပြည်နယ်အသီးသီးတို့၌ သီတဂူအာရောဂျဒါန (အထွေထွေဆေးရုံ)၊ သီတဂူစက္ခုဒါန (မျက်စိဆေးရုံ)များကို တည်ဆောက်လှူဒါန်းနိုင်ခဲ့သည်။
ယခုလာမည့် နိုဝင်ဘာလ ၁-ရက်နေ့တွင် မြစ်ကြီးနား၌ သီတဂူစက္ခုဒါနအလှူတော်ကို စတင်ဖွင့်လှစ်မည်ဖြစ်သည်။ ထို့နောက် မြိုင်ကြီးငူဒေသ၊ လွိုင်ကော်ဒေသတို့၌လည်း သီတဂူတောင်တန်းဒေသမျက်စိအထူးကုအစီအစဉ်ကို ဖွင့်လှစ် သွားမည်ဖြစ်ကြောင်း သတင်းကောင်းပါးအပ်ပါသည်။
ကုသိုလ်ကောင်းမှု နေ့စဉ်ပြုလော၊ ကုသိုလ်ကောင်းမှု ရရာပြုလော-ဟူသော မြတ်ဗုဒ္ဓဒေသနာတော်နှင့်အညီ သီတဂူဆရာတော်ဦးဆောင်သော အပြည်ပြည်ဆိုင်ရာ သီတဂူသာသနာပြုအဖွဲ့သည် သီတဂူကမ္ဘာ့ဗုဒ္ဓ၀ိပဿနာအလှူတော်ကို စစ်ကိုင်းတောင်ရိုး၊ ထွဋ်ခေါင်ရွာထိပ်တွင် ယခုစတင်တည်ဆောက်နေပြီဖြစ်ကြောင်း သီတဂူမှ သတင်းကောင်း ပါးအပ်ပါသည်။
သီတဂူစန်းလပမာ ချမ်းမြသာယာရှိကြပါစေ။
0 comments:
Post a Comment