ဦးဗဂျီငို၏ အတွေးအမြင်များ

''ပါပသ္မိံရမတိမနော" ဆိုသည်နှင့်အညီ စိတ်သည် မကောင်းသောကို စဉ်းစား မကောင်း တာကိုဖက်ရှုပါက မကောင်းတာကို လုပ်ချင်တက်သဖြင့် ကောင်းတာကိုစဉ်းစား ကောင်းတာ ကိုရွေး၍ဖက်ပါ။

~ ~ ~ ~ ~ ~ ~ ~ ~ ~ ~ ~ ~ ~ ~

အစဉ်ကြံစည်နေသူသည် အကြံကောင်းကို ရရှိ၏။ အကြံကောင်းကို ရရှိပြီးစ၍မလုပ်က အကျိုးမများချေ။ မကြံစည်ဘဲနေသူနှင့်လည်း ဘာမျှမခြားပေ။

~ ~ ~ ~ ~ ~ ~ ~ ~ ~ ~ ~ ~ ~ ~

ကျောက်သည် အရေလည်အောင် အကွက်လည်အောင် အသွေးခံမှ အရောင်ပြောင်လက်၏။ အိုးသည် ခပ်နာနာအရိုက်ခံရမှ အိုးကောင်း၏။ အထွက်အထိပ်သို့ ရောက်လိုသူများ သည်လည်း အနှောက်အယှက် အဖျက်အဆီးများစွာနှင့် တွေ့ဆုံခဲ့ရသူများသာဖြစ်လေသည်။

~ ~ ~ ~ ~ ~ ~ ~ ~ ~ ~ ~ ~ ~ ~

လောက၌ ပညာရှိဖြစ်ခြင်းသည်လည်း ကောင်း၏။ သူဋ္ဌေးဖြစ်ခြင်းသည်လည်း ကောင်း၏။ ထို့အတူ သူတော်ကောင်းဖြစ်ခြင်းသည်လည်းကောင်း၏။ ပညာရှိဖြစ်ရန် အစဉ်ကြိုးစား နေသူသည် ပညာရှိဖြစ်နိုင်၏။ သူဋ္ဌေးကြီးကား မဖြစ်နိုင်။ သူဋ္ဌေးကြီးဖြစ်ရန် အစဉ်ကြိုးစား နေသူသည် သူဋ္ဌေးဖြစ်နိုင်၏။ ပညာရှိမဖြစ်နိုင်။ ထို့အတူ သူတော်သူမြတ် သူတော်ကောင်း ဖြစ်ရန် ကြိုးစားနေသူသည် မကြာမီ သူတော်သူမြတ် ဖြစ်မည်ကား မလွဲ၊ သို့သော် သူဋ္ဌေးကြီး ကားမဖြစ်နိုင်။

ထို့ကြောင့် တိုးတက်ကြီးပွားလိုသူသည် အထက် ၃-လမ်းတွင် ဘယ်လမ်းလိုက်မည်ကို မိမိကိုယ်တိုင် ပထမရွေးချယ်၍ လိုက်နာဆောင်ရွက်ကြိုးစားရမည်။ သိုမှသာလျှင် မိမိလိုရာသို့ ရောက်ရှိနိုင်လေသည်။

တိုးတက်မှုသည် နောင်တွင်မရှိ၊ ရှေ့တွင်သာရှိ၏။ နောက်ကိုဆုတ်ဖို့ရန် အဘယ်အခါမျှ စိတ်မကူးနှင့်၊ နောက်ဆုတ်ဖို့မှာ သူ့အလိုလိုဖြစ်လျှင်ဖြစ်ပါစေ ရှေ့သို့တိုးဖို့ရန် လုပ်ရမည်မှာ လူတိုင်း၏တာဝန်။

ဧည့်သည် တရုတ်-ကုလား လူမျိုးခြားများသည် မြန်မာပြည်သို့ နံငယ်ပိုင်းနှင့်လာ၍ မကြာမီ ကြီးပွားလာကြပါလျက် အိမ်ရှင် 'တို့မြန်မာ ' များမှာ မိမိအိမ်တွင် ဘယ်နေရာဘာရှိသည်ကို သိပါလျက် ဆင်းရဲနေရခြင်းမှာ ကံကြောင့်လော၊ ဉာဏ်ကြောင့်လော၊ ၀ီရိယကြောင့်လောဟု ကျမ်းထုက်ကာ စဉ်းစားဆင်ခြင်စရာတစ်ရပ်ပ်ဖြစ်၏။

~ ~ ~ ~ ~ ~ ~ ~ ~ ~ ~ ~ ~ ~ ~

တကယ်တန်း တိုးတက်ကြီးပွားလိုလျှင် ကံကိုမစောင့်နေနှင့် ကံကိုသွားခေါ်ပါ။ သို့သော် ကံကမလိုက်ဘဲ ရှိတတ်သဖြင့် ၄င်း၏ အဖော်သဟဲဖြစ်သော ကုသိုလ်ကောင်းမှုပြုခြင်း၊ မပျင်းမရိဘဲ ဉာဏ်နှင့်ယှဉ်၍ ကြိုးစားခြင်း၊ အလုပ်များကိုလုပ်၍ ၄င်းကံကိုခေါ်ပါ။ ထိုကံ ဤကံ အဘယ်ကံမဆို မိမိခေါ်ရာသို့ ရောက်ရှိမည်ကား အမှန်ပင်။

ရှင်ဘုရင်ဖြစ်မည့်သူမှာ ရာဇပလ္လင်ဖင်ကပ်ပါလာသည်ဟု ဆိုရိုးရှိစေကာမူ သူဌေးဖြစ်မည့်သူမှာ ငွေထုပ်ကိုကိုင်၍ မွေးလာကြသည်မဟုတ်ကြချေ။ မိဘဘိုးဘွားလက်ထက်၌ အလွန်အမင်းဆင်းရဲ ကြစေကာမူ ၄င်းတို့လက်ထက်၌ လူချမ်းသာ၊ လူကုံထန်အထက်တန်းစားများ ဖြစ်ခဲ့သူများ အရပ်ရပ်အရွာရွာ အမြို့မြို့တွင် ရှိကြလေသည်။ ထိုသို့မိမိတို့လက်ထက်ကျမှ ကြီးပွားတိုးတက် ချမ်းသာလာကြသူများအထဲတွင် မိမိလည်းမပါရဟု မည်သူမျှ ဟန့်တားခြင်းငှါ မတက်နိုင် ချေ။ မိမိလုပ်ရည်ကြံရည်ရှိပါက ပါဝင်နိုင်သည်သာတည်း။

~ ~ ~ ~ ~ ~ ~ ~ ~ ~ ~ ~ ~ ~ ~

လူတိုင်းလူတိုင်းတို့သည် မိမိတို့ကိုယ်ကို တစ်ရပ်လုံး၊ တစ်မြို့လုံးက၀ိုင်း၍ချစ်သည်။ မုန်းသူမရှိဟုဆိုခြင်းကို နှစ်လိုကြကုန်၏။ ထိုသို့တစ်ရပ်လုံး၊ တစ်မြို့လုံးတွေ့မြင်သူအပေါင်းတို့ ချစ်ခင်ခြင်းခံရရန်မှာ "သူ့သဘော လိုက်လျောညီထွေ ပေါင်းတက်လေ" ဆိုသောစကားအရ ဆက်ဆံပေါင်းသင်သွားခြင်းသည် ခရီးအရောက်ဆုံးလုပ်ငန်းဖြစ်လေသည်။

သူ့သဘော လိုက်လျောညီထွေ၊ ပေါင်းတက်စေ ဆိုသောစကားကို အသေစိတ်၍ သိရန်မှာ၎င်းပြောဆိုချက်ကို မိမိမနှစ်သက် မနှစ်မြို့သော်လည်း တစ်ချက်တည်း တဲ့တိုးပြန် လှန်ချေပခြင်း မပြုဘဲ ၄င်းပြောသူ နားခံသာအောင် အကျိုးအပြစ်ကို အေးချမ်းသာယာ နားဝင်အောင် ပြောဆိုနိုင်ဖို့သည် အလွန်အရေးကြီးလေသည်။

စကားတစ်ခုကို နားဝင်ချိုအောင်လည်း သုံးစွဲနိုင်၏။ ရင့်သီးအောင်လည်းပြောဆိုနိုင်၏။ ဥပမာ- ခင်ဗျား၏ မွေးသဖခင်ဆိုသော စကားကို ခင်ဗျားအမေ့လင်ဟု သုံးစွဲလိုက်လျှင် အတော်ပင် အခံရခက်၍ ထထိုးချင်လာမည်ကား မလွဲချေ။

~ ~ ~ ~ ~ ~ ~ ~ ~ ~ ~ ~ ~ ~ ~

ရိုးသားဖြောင့်မတ်ခြင်း

လူတို့တွင် ရိုးသားဖြောင့်မတ်ခြင်းမှာ တကယ်တန်း တိုးတက်ကြီးပွားလိုသူတို့အတွက် အထူး အရေးကြီးဆုံး အချက်ကြီးဖြစ်လေသည်။ ၄င်းရိုးသားဖြောင့်မတ်ခြင်းမှကင်း၍ အဘယ်သူမျှ အဓွန့်ရှည်စွာ မကြီးပွားနိုင်။ ထို့အတူ အလုပ်တွင်လည်း မှန်ကန်ခြင်းသည် အထူးအရေး ကြီးပေသည်။ ၄င်းမှန်ကန်ခြင်းမှ ကင်းခဲ့မူ အဘယ်အလုပ်မျှ မတိုးတက် မကြီးပွားနိုင်။ ၄င်း အချက်နှစ်ခုကို အနောက်နိုင်ငံသားများက လူအတွက် (ရိုးသားဖြောင့် မတ်ခြင်း ဂုဏ်နှင့် ပြည့်စုံခြင်း- Honesty)ဟု ခေါ်ဆို၍ အလုပ်အတွက် (စေ့စပ်သေချာ၍ အမှားအယွင်းမရှိ၊ တိကျမှန်ကန်ခြင်း-Accuracy)ဟု ခေါ်ဆိုကြလေသည်။ ထိုနှစ်ခုကင်းနေမူ လူသည်လည်း ကောင်း၊ အလုပ်သည်လည်းကောင်း မကြီးပွားနိုင်။

~ ~ ~ ~ ~ ~ ~ ~ ~ ~ ~ ~ ~ ~ ~

စာအုပ်နှစ်မျိုး

မိမိဉာဏ်အမြင်ကျယ်မှုအတွက် တိုးတက်လိုသူတိုင်း အထူးဂရုပြုရပေမည်။ ဉာဏ်အမြင် ကျယ်ရန် နည်းလမ်းကောင်းများမှာ တော၊ တောင်၊ ရေ၊ မြေ၊ ကြယ်၊ လ၊ နက္ခတ်၊ တာရာ စသော သဘာဝတရားများကို ကြည့်ရှုစဉ်းစား ဆင်ခြင်နေခြင်းပင်လျှင်၊ မိမိအကြံအစည် စိတ်ကူးဉာဏ်များ ရင့်သန်လာနိုင်လေသည်။

ဤကမ္ဘာဓမ္မတာ သဘာဝစာအုပ်ကြီးကား မိမိလိုရာကို ဖြစ်စေနိုင်သော၊ အကြံဉာဏ်ကို ပေးနိုင်သော စာအုပ်ကြီးဖြစ်သဖြင့် ထိုကမ္ဘာ့ဓမ္မတာ သဘာဝစာအုပ်ကြီးကို သာမန်လူတို့ မကြည့်နိုင်ကြချေ။ လောက၌ပေါ်ပေါက်နေသော စက္ကူစာအုပ်များကို ကျေပြွန်အောင် ကြည့်ရှုလေ့လာ ဆည်းပူးခဲ့သူများသာ ထိုသဘာဝစာအုပ်ကြီးများကို ဖက်ရှုနိုင်လေသည်။ အကယ်၍ မိမိသည် ထိုကမ္ဘာ့သဘာဝစာအုပ်ကြီးကို ဉာဏ်မမှီ၍ မကြည့်ရှု့ မဖက်တတ်ချေက မိမိလုပ်ငန်းနှင့်ဆိုင်သော အလုပ်များအတွက် ရိုက်နှိပ်ထားသော စာအုပ်စားတမ်းများကို ၀ယ်ယူဖက်ရှုမှ လက်ရှိအခြေအနေထက် တိုးတက်နိုင်လေသည်။

ထို့ကြောင့် မိမိသည် မည်သည့်အခြေအနေ၌ ရှိစေကာမူ တက်ခေတ်ကြီးဖြစ်၍နေသည်နှင့် အညီ မိမိနှင့်ဉာဏ်ရည်တူများ မိမိထက်မသာနိုင်ရန် မိမိသည် ထိုစာအုပ်(၂)မျိုးကို အစဉ်လက် ကိုင်ထား၍ ဖတ်ကြားမှတ်သားနေရမည်။

~ ~ ~ ~ ~ ~ ~ ~ ~ ~ ~ ~ ~ ~ ~

ကိုရင်လေး

၂၁.၈.၂၀၁၁