*သီရိဂေဟာစံအိမ်*
လောကီလူ့ဘောင်တွင် လင်နဲ့မယား ဇနီးမောင်နှံနှစ်ဦး အတွဲမညီရင် အိမ်ထောင်ရေးသုခထက် အိမ်ထောင်ရေး ဒုက္ခကို ပိုပြီးခံစားရတတ်ပါတယ်။ ကျွန်တော်တို့တတွေ စီးနေတဲ့ ဖိနပ်တောင်မှ တစ်ဖက်နဲ့ တစ်ဖက်မတူညီသော အပြာနဲ့ အစိမ်းကို စီးသွားကြည့်ရင် သိသာပါတယ်။ စီးလိုတော့ရပါတယ်။ ဒါပေမယ့် အဆင်ပြေဘူး။ ဇနီးမောင်နှံနှစ်ဦးဟာလည်း လင်နဲ့မယား လျှာနဲ့သွား ဆိုတဲ့ စကားပုံရှိပေမယ့် ကိုယ်လျှာကို ဖြည်းဖြည်းလေးကိုက်မိရင်တော့ နည်းနည်းနာပြီး အရမ်းကိုက်မိရင်တော့ အရမ်းနာသွားတတ်တဲ့ သဘောလိုဘဲ အမြဲတမ်း တကျက်ကျက် ဖြစ်နေရင်လည်း အိမ်ဆူတော့ ဧည့်မလာဆိုသလို မကောင်းဖြစ်တတ်ပါတယ်။ ဇနီးမောင်နှံနှစ်ဦးဟာ အဓိကအားဖြင့် တစ်ယောက်အပေါ် တစ်ယောက် သစ္စာရှိဖို့ အရေးကြီးပါတယ်။ မူးယစ်ဆိုးသွမ်းနေတဲ့ ယောင်္ကျားတစ်ယောက်ကို ပေါင်းသင်းရတာထက် သစ္စာမရှိသူနဲ့ ပေါင်းသင်းရတာ ပိုပြီးတော့ ဒုက္ခခံစားရပါတယ်။ ဒါက သစ္စာမရှိခြင်းကို ထင်သာမြင်သာအောင်လေး ဥပမာလေး ပြောတာနော်။ မူးယစ်သောက်စားနေသူနှင့် ပေါင်းသင်းနေသော အိမ်ထောင်သည်လည်း ဘယ်လိုမှ အေးချမ်းသာယာသော မိသားစု ဖြစ်မလာနိုင်ပါဘူး။
0 comments:
Post a Comment