*သီလ၏ အကျိုးကျေးဇူးများ*
3/16/2011 
တောသားလေး ,
သီလစောင့်ထိန်းခြင်း၏ အကျိုးကျေးဇူးတို့သည် အလွန်များပြားလှပေ၏။
၁။ “အာနန္ဒာ…အပြစ်ကင်း၍ ကောင်းမြတ်သော သီလအကျင့်တို့သည် စိတ်နှလုံး သာယာ ချမ်းမြေ့ခြင်း အကျိုး၊ စိတ်နှလုံး ချမ်းသာအေးမြခြင်း အာနိသင်ရှိကုန်၏” ဟု အရှင်အာနန္ဒာအား မြတ်စွာဘုရား မိန့်ကြားတော်မူ၏။
၂။ “အို-သူကြွယ်တို့- ဤလောက၌ သီလနှင့် ပြည့်စုံသောသူ၏ အကျိုးတို့သည် ဤ ၅-ပါးတည်း” ဟူ၍ အောက်ပါ အကျိုး ၅-ပါးကို မြတ်စွာဘုရား ဟောကြားတော်မူ၏။
(၁)သီလနှင့်ပြည့်စုံသူသည် မမေ့မလျော့သည့် အကြောင်းကြောင့် ကြီးစွာသော စည်းစိမ်ဥစ္စာကို ရ၏။
(၂)သီလနှင့်ပြည့်စုံသူ၏ ကောင်းသော ကျော်စောသတင်းသည် ထက်ဝန်းကျင်သို့ ပြန့်နှံ့၏။
(၃)သီလနှင့် ပြည့်စုံသူသည် မင်းပရိတ်သတ်ဖြစ်စေ၊ ပုဏ္ဏားပရိတ်သတ်သို့ ဖြစ်စေ၊ သူကြွယ်ပရိတ်သတ်သို့ ဖြစ်စေ၊ ရဟန်းပရိတ်သတ်သို့ ဖြစ်စေ၊ ချဉ်းကပ်ဝင်ရောက်လျှင် မကြောက်မရွံ့ ရဲရဲရင့်ရင့် ကျက်သရေရှိသည့် ရွှင်လန်းသော မျက်နှာဖြင့် ချဉ်းကပ်ရ၏။
(၄)သီလနှင့် ပြည့်စုံသူသည် မိမိပြုခဲ့သော ကောင်းမှု ကုသိုလ်တို့ကို ထင်မြင်၍ မတွေမဝေ ကြည်ကြည်လင်လင် သေရ၏။
(၅)သီလနှင့် ပြည့်စုံသူသည် ခန္ဓာပျက်ကြွေ၍ သေလွန်သည်ရှိသော် ကောင်းမှုပြုသူတို့ လားရာဖြစ်သော နတ်ပြည်လောကသို့ ဧကန်မချွတ် ရောက်ရ၏။
(မဟာဝဂ်ပါဠိတော် မြန်မာပြန်။ ၈၅)
ဒေါက်တာမင်းတင်မွန် ၏ မြတ်သီလ စာအုပ်မှ ကူးယူပြီး ပြန်လည် ဖော်ပြလိုက်ခြင်း ဖြစ်ပါသည်။
ဓမ္မမိတ်ဆွေများအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ။
တောသားလေး
0 comments:
Post a Comment