ဘဝရဲ့ရည်ရွယ်ချက်ဆိုတာဘာလဲ? (အပိုင်း-၁)
စာရေးသူဖတ်နေကြစာအုပ်တွေထဲက ဒေါက်တာကေသိရိံဓမ္မာနန္ဒရေးတဲ့ “The purpose of Life”စာအုပ်ဟာလည်း
စာရေးသူ ခံတွင်းတွေ့တဲ့စာအုပ်တစ်အုပ်ဖြစ်လို့ အဲဒီစာအုပ်လေးကိုဘာသာပြန်ဆိုနေပါတယ်။
ဘဝရဲ့ရည်ရွယ်ချက်ဆိုတာဘာလဲ?
ဘဝရဲ့ရည်ရွယ်ချက်ဆိုတာဘာလဲ? ဒီမေးခွန်းကတော့ လူတွေမကြာခဏမေးကြတဲ့ အများနဲ့ပတ်သတ်တဲ့
မေးခွန်းတစ်ခုဖြစ်ပါတယ်။ ဒီခက်ခဲနက်နဲတဲ့မေးခွန်းအတွက် စိတ်ကျေနပ်လောက်အောင် အဖြေတစ်ခုရဖို့ဆို
တာကတော့ မလွယ်ကူလှပါဘူး။ အချို့သောပုဂ္ဂိုလ်တွေဟာ သူတို့ရဲ့တွေးခေါ်မှုတွေနဲ့ ဒီမေးခွန်းကို
ဖြေကြပေမယ့်လည်း အဲဒီအဖြေဟာ ပညာရှင်တွေအတွက် စိတ်ကျေနပ်လောက်တဲ့အဖြေတွေမဖြစ်ခဲ့ပါဘူး။
အကြောင်းကတော့ဘဝရဲ့ရည်ရွယ်နဲ့ပတ်သတ်လို့ဖြေကြားတဲ့သူတွေဟာ ဘဝရဲ့အဖြစ်မှန်တကယ့်ရှုထောင့်
ကို သဘောပေါက်နားလည်ဖို့နဲ့ ဓမ္မဓိဌာန်ကျကျဘဝကိုမြင်တတ်ဖို့လိုသေးတဲ့အတွက်ကြောင့်ဖြစ်ပါတယ်။
သူတို့တွေဟာ ကိုယ်ပိုင်စွမ်းရည်တွေနဲ့ ဘဝရဲ့အကြောင်းကိုသိရှိနားလည်နိုင်ဖို့ ကြိုးစားကြပါတယ်။
တချိန်တည်းမှာပဲ ဘာသာရေးဆရာတွေ၊ ဒဿနပညာရှင်ကြီးတွေ၊ ထင်ပေါ်ကျော်ကြားတဲ့ကဗျာဆရာတွေ
နဲ့ အတွေးအခေါ်ပညာရှင်ကြီးတွေဟာလည်း ဘဝအကြောင်းနဲ့ပတ်သတ်လို့ စိတ်ကျေနပ်မှုမရရှိကြပါဘူး။
ဘဝနဲ့ပတ်သတ်လို့ ပညာရှင်တွေပြောဆိုတာတွေကိုလေ့လာကြည့်တဲ့အခါ အချို့သောပညာရှင်တွေက
လည်း ဘဝရဲ့အဓိပ္ပါယ်ကိုရှင်းရှင်းလင်းလင်းမပြောဆိုနိုင်ကြပါဘူး။
ဘဝရဲ့ရည်ရွယ်ချက်နဲ့ လူ့ကိုယ်ကျင့်သိက္ခာ
ဘဝဆိုတာဟာ ဒုက္ခတရားတွေနဲ့ပြည့်နက်နေတယ်လို့တချို့ကဆိုကြပါတယ်။ တကယ်လို့ငါတို့ဟာ
ဒီလောကမှာ မမွေးဖွါးခဲ့ဘူးဆိုရင် ကောင်းဆိုးနှစ်တန်ကိုဘယ်လိုသိရမလဲလို့ ပြောဆိုကြတဲ့သူတွေရှိသလို
ဒုက္ခတရားတွေပြည့်နက်နေတဲ့ ဒီလောကကြီးမှာ ငါတို့ဘာကြောင့်မွေးဖွါးခဲ့ရတာလဲလို့မေးနေကြ၊
ပြောနေကြတဲ့သူတွေလည်းရှိပါတယ်။ သူတို့တွေဟာ ဘဝကိုဓမ္မဓိဌာန်ကျကျသိမြင်ကြတယ်လို့ နားလည်နိုင်ပေမယ့်လည်း သာမန်လူကတော့ ဘဝဆိုတာကို အပေါ်ယံပဲ နားလည်ကြပါတယ်။ အချို့လူတွေက ဘဝမှာတိကျတဲ့ရည်ရွယ်ချက်မရှိဘူးလို့ဆိုကြ ပါတယ်။ အချို့လူတွေကြတော့ ရည်ရွယ်ချက်မျိုးစုံနဲ့ မိမိဘဝကိုအကျိုးရှိရှိအသုံးချနိုင်ပါတယ်လို့ ဆိုကြပါတယ်။ အဲဒီ (Theory) အယူအဆ
ပေါ်မှာအခြေခံ၍ ငါတို့တွေဟာ မလိုအပ်တဲ့အရာတွေမှာ ဘဝကိုဖြုန်းတီးနေမယ့်အစား တခြားတန်ဖိုးရှိတဲ့အ
ရာတွေမှာ ဘဝကိုအကျိုးရှိတဲ့ရည်ရွယ်ချက်တွေနဲ့ အသုံချတတ်ဖို့အသိဉာဏ်ရှိရှိ အမြော်အမြင်ရှိရှိ ချင့်ချိန်တွေးခေါ်စဉ်းစားရပါမယ်။ ဘဝရဲ့ရည်ရွယ်ချက်ဆိုတာဟာ မိမိတို့လုပ်ဆောင်နေကြတဲ့ အလုပ်(အကျင့်) အပေါ်မှာ အခြေခံပါတယ်လို့ ပြောဆိုနိုင်ပါတယ်။ တကယ်လို့ငါတို့တွေဟာ ကောင်းတဲ့လူ့
အရည်အသွေးတွေကို ချိုးပေါက်၍ဖြစ်စေ၊ လူ့အကျင့်သိက္ခာတွေနဲ့ မကောင်းတဲ့အကျင့်စရိုက်တွေကို အရှက်တကွဲပြုလုပ်၍ဖြစ်စေ၊ မိမိရဲ့အားနည်းချက်တွေ ပျော့ညံ့နေ၍ဖြစ်စေ ဘဝရဲ့ရည်ရွယ်ချက်တွေကို အလွဲသုံးစား ပြုလုပ်ကြမယ်ဆိုရင် ဘဝမှာအကျိုးရှိတဲ့အရာတစ်ခုကို ရနိုင်ဖို့ဆိုတာမဖြစ်နိုင်ပါဘူး။
(ဆက်လက်ဖေါ်ပြပါအုံးမည်)
Ref: ဒေါက်တာ ကေသိရိံ ဓမ္မာနန္ဒ၏ “The purpose of Life” စာအုပ်ကိုဘာသာပြန်သည်။
ဘာသာပြန်ဆိုသူ-အရှင်နန္ဒသာရ(သစ္စာရောင်ခြည်)
0 comments:
Post a Comment