အမေ

ကျွန်တော်သည် ညအိပ်ခါနီး အိပ်ရာပေါ်တွင် စာဖတ်သော အလေ့အကျင့်ရှိပါသည်။ ကျွန်တော်၏ အိပ်ရာ ညာဘက်တွင် အ၀တ်အစားထည့်ထားသော သံသေတ္တာတလုံးနှင့် စာအုပ်စာစောင်များ ထည့်ထားသော ထင်းရှူးသေတ္တာအဟောင်းတလုံးကို စီ၍ ချထားပါသည်။

တည၌ ကျွန်တော်သည် အိပ်ရာပေါ်တွင် စာဖတ်ပြီးအိပ်မည်ဟု မီးမှိတ်၍ ခေါင်းချကာ မှိန်းနေစဉ် စာအုပ်ထည့်ထားသော ထင်းရှူးသေတ္တာအတွင်းမှ ဂလုတ်၊ ဂလုတ်-ဟု အသံကြားပါသည်။
ကျွန်တော်လည်း မီးပြန်ဖွင့်ပြီး ထင်းရှူးသေတ္တာအဖုံးကို ဖွင့်ကြည့်ရာ သေတ္တာထိပ်အောက်ခြေတွင် ဒင်္ဂါးပြားခန့်ရှိ အပေါက်မှ ကြွက်တကောင် ထွက်ပြေးသွားသည်ကို တွေ့လိုက်ရပါသည်။

နောက်တကြိမ်လာ၍ သေတ္တာထဲဝင်ကာ စာအုပ်များကို ကိုက်မည်စိုးရိမ်သောကြောင့် သစ်သားပြားကလေး တခုဖြင့် အပေါက်ကို ပိတ်ထားလိုက်ပါသည်။
ကြွက်လေးမှာ နောက်ထပ်လာတော့မည်မဟုတ်ဟုထင်ကာ ခေါင်းအုံးပေါ် ခေါင်းချလိုက်ပါသည်။ မကြာပါချေ ထိုကြွက်ကလေး နောက်တကြိမ်လာ၍ အပေါက်ကို ကိုက်သဖြင့် သေတ္တာကိုပုတ်၍ ခြောက်လိုက်ပါသည်။ နောက်တခါလာလျှင် ကြောက်အောင် ခြောက်လိုက်မည်ဟု စိတ်ကူးကာ သစ်သားပေတံတချောင်းကို လက်နားတွင် ယူထားလိုက်သည်။

သုံးမိနစ်ခန့်ကြာသော် သေတ္တာကို ကိုက်သံကြားသဖြင့် အမှောင်ထဲတွင် ပေတံကို အသာအယာ အသံမကြားအောင် ဒေါင်လိုက်ကိုင်ပြီး သေတ္တာအပေါက်တည့်တည့်ကို ပေတံစောင်းနှင့် ရိုက်လိုက်သည်။ ကြွက်ကို ထိသွားမှန်းသိသဖြင့် လက်နှိပ်ဓာတ်မီးနှင့် ထိုးကြည့်ရာ ကြွက်ကလေးမှာ နေရာတွင် ချာချာလည် နေသည်။ ထို့နောက် ဆန့်ငင်၊ ဆန့်ငင် နှစ်ခါ သုံးခါ ဖြစ်ပြီး ထ၍ ပြေးသွားပါသည်။

သည်တခါတော့ ပြန်လာမည်မဟုတ်ဟုထင်ကာ ပြန်အိပ်၍ မှေးမှေးပျော်စတွင် ကိုက်သံကြားသဖြင့် အိပ်ရာမှထပြီး သေတ္တာကိုဖွင့်၍ သေချာစွာ ကြည့်ရှုရာ အို-ဟု ကျွန်တော် ပါးစပ်မှ အသံထွက်သွားပါသည်။
ဇနီးသည်က ဘာတွေ့လို့လဲ-ဟုမေးရာ ထကြည့်ရန် ကျွန်တော်ပြောသဖြင့် နှစ်ယောက်သား သေတ္တာထဲကို ကြည့်လိုက်သည်။ ခဲတံတိုနှင့် မြေဖြူခဲအတိုအချို့ ထည့်ထားသော နို့ဆီခွက်ထဲတွင် ကြွက်နီတာတွတ်သားပေါက် ကလေး သုံးကောင်ကို တွေ့လိုက်ရပါသည်။

ဒါကြောင့် သားပေါက်ကလေးများနှင့် တွေ့ရန် အသက်စွန့်ပြီး ကြွက်မက လာကိုက်နေတာကိုး ဇနီးသည်က မှတ်ချက်ချပါသည်။ ကျွန်တော်လည်း စာအုပ်နှင့်ပိတ်ထားသော သစ်သားပြားကလေးကို ဖွင့်ပေးလိုက်ပါသည်။ နံနက်မိုးလင်း၍ ကြည့်လိုက်ရာ ကြွက်ပေါက်ကလေးများ မရှိတော့ပါ။ မိခင်က ဘေးကင်းရာကို ခေါ်ဆောင် သွားပြီဖြစ်ပါသည်။

ကြီးဆွေ
(မြတ်မင်္ဂလာ ၂၀၀၉-ခု မတ်လ)

Posted by: mingala at 9:24 PM 0 မှတ်ချက်ရေးပါ