အိန္ဒိယနိုင်ငံဆိုင်ရာ ပညာသင်မြန်မာရဟန်းတော်များ သာယာဖွံ့ဖြိုးရေးအဖွဲ့

ဧကာဒသမနှစ် ပထမလေးလပတ်အစည်းအဝေး မှတ်တမ်း

သဘာပတိဆရာတော် ဦးပညာသာမိ(ဥက္ကဋ္ဌ)

အခမ်းအနားမှူး ဦးဝိစိတ္တသာရ(အထွေထွေအတွင်းရေးမှူး)

ကျင်းပသည့်နေရာ မြန်မာရဟန်းတော်များဗုဒ္ဓဘာသာပညာရေးဗိမာန်၊

ဗုဒ္ဓဂယာ၊ ဘီဟာပြည်နယ်၊ အိန္ဒိယနိုင်ငံ

ကျင်းပသည့်နေ့ ၁၃၇၂ – ခုနှစ် ။ နယုန်လဆန်း ( ၂ ) ရက် ။

(14.05.2010) သောကြာနေ့ ။

ကျင်းပသည့်အချိန် နေ့လည် ( ၁၂ ) နာရီ။

တက်ရောက်သည့်ဦးရေ အဖွဲ့ဝင်ရဟန်းတော် ( ၂၅) ပါး။

အစည်းအဝေးကို အောက်ပါ အစီအစဉ် (၇)ရပ်ဖြင့် ကျင်းပခဲ့ပါသည်။

အခမ်းအနားအစီအစဉ်များ
၁။ နမော တဿ သုံးကြိမ်ရွတ်ဆို၍ အစည်းအဝေးကို စတင်ဖွင့်လှစ်ရန်
၂။ အစည်းအဝေးသဘာပတိ အဖွဲ့ဥက္ကဌဆရာတော်မှ အဖွင့်အမှာစကားလျှောက်ထားရန်
၃။ ဗာရာဏသီဌာန၊ မဂဓဌာန နှင့် နာလန္ဒဌာန၊ ဌာနကြီးသုံးခု၏ ဘဏ္ဍာရေးရှင်းတမ်းများနှင့် ကျောင်း တော်ကြီးထိန်းသိမ်းစောင့်ရှောက်ရေးကော်မတီ၏ဘဏ္ဍာရေးရှင်းတမ်းများတင်သွင်းဖတ်ကြားရန်
၎။ အဖွဲ့ကြီး၏ ပထမလေးလပတ်သက်တမ်းကာလအတွင်း ဌာနအသီးသီးတွင် ဖွင့်လှစ်ခဲ့သည့် ပညာရေးသင်တန်းများဆိုင်ရာအစီအရင်ခံစာနှင့် ပညာရေးကော်မတီဥပဒေမူကြမ်းတင်သွင်းခြင်း
၅။ အဖွဲ့ပိုင်ကျောင်းတော်ကြီးထိန်းသိမ်းစောင့်ရှောက်ရေးကော်မတီ ဥပဒေမူကြမ်းတင်သွင်းရေးနှင့် အဖွဲ့ကြီး၏စည်းကမ်းထိန်းသိမ်းရေးဆိုင်ရာမူသတ်မှတ်ရေးဆွေးနွေးကြရန်
၆။ အဖွဲကြီး၏ ပထမလေးလပတ်ကာလအတွင်း သာသနာရေးဆိုင်ရာ အထွေထွေလုပ်ငန်း ရပ်များဆောင်ရွက်ခဲ့မှုအခြေအနေများနှင့် ဒုတိယလေးလပတ်ကာလတွင် ဆက်လက်ဆောင် ရွက်သွားကြမည့် သာသနာရေးဆိုင်ရာလုပ်ငန်းစဉ်များချမှတ်အကောင်အထည်ဖော်ရေးနှင့်အထွေထွေ ကဏ္ဍကိုဆွေးနွေးကြရန်
၇။ဗုဒ္ဓသာသနံ စိရံ တိဋ္ဌတု သုံးကြိမ်ရွတ်ဆို အစည်းအဝေးကို ရုပ်သိမ်းရန်

အစီအစဉ်(၁)အရ

ကြွရောက်တော်မူလာကြသော ရဟန်းတော်များမှ နမော တဿ သုံးကြိမ်ရွတ်ဆို၍ အခမ်းအနားကို ဖွင့်လှစ်ကြပါသည်။။

အစီအစဉ် ( ၂ )အရ

ဥက္ကဋ္ဌဆရာတော်မှ အဖွင့်အမှာစကားပြောကြားရာတွင် ”ယခုလို လေးလပတ် အစည်းအဝေး မှာ သံဃာတော်များအားလုံး စုံစုံညီညီ ဖူးတွေ့ခွင့်ရသဖြင့် ၀မ်းသာပါကြောင်း၊ အမှုဆောင် ကော်မတီဝင်များ၊ ကျောင်းတော်ကြီးထိန်းသိမ်းစောင့်ရှေက်ရေးကော်မတီများ၊ ပညာရေးကော်မတီ များဖြင့် သိုက်သိုက်ဝန်းဝန်း ယခုကဲ့သို့ လေးလပတ်အစည်းအဝေးမျိုး မကြုံဖူးပါကြောင်း၊ ထူးခြား သည့် ဧကာဒသမနှစ် ပထမလေးလပတ် အစည်းအဝေးတွင် ထူးခြားသည့် အကြံဉာဏ်များ၊ တင်ပြချက်များကို အထူးမျှော်လင့်ပါကြောင်း၊ E.C တို့ကလည်း E.C တို့အလျောက်၊ ကျောင်းတော် ကြီး စောင့်ရှောက်ရေးအဖွဲ့တို့ကလည်း အဖွဲ့အလျောက် ပွင့်ပွင့်လင်းလင်း လွတ်လွတ်လပ်လပ် ဆွေးနွေးအကြံပြုကြလျင် အဖွဲ့ကြီးသည် ရေရှည်တိုးတက် ခိုင်မာလာမည် ဖြစ်ပါကြောင်း” တိုက်တွန်းသွားပါသည်။

အစီအစဉ် ( ၃ )အရ

ဘဏ္ဍာရေးမှူးများဖြစ်ကြသည့် ဗာရာဏသီဌာနမှ ဦးသုန္ဒရ၊ နာလန္ဒာဌာနမှ ဦးဥတ္တမ၊ မာဂဓဌာနမှ ဦးတိက္ခဉာဏတို့မှ ပထမလေးလပတ်ဘဏ္ဍာငွေ စာရင်းရှင်းတမ်းများကို ရှင်းလင်း တင်ပြကြပါသည်။

ဗာရာဏသီဌာန ဦးစန္ဒိမာမှ နှစ်စဉ်ကြေး အဖွဲ့ဝင်ကြေးများနှင့် ပတ်သက်၍ ရှင်းလင်း တင်ပြပြီး၊ လက်ရှိ ၄င်းအမည်ဖြင့် ဖွင့်ထားသော အဖွဲ့ပိုင်ဘဏ်အကောင့်လွှဲပြောင်းရေးကိစ္စကို ဆက်လက်တင်ပြပါသည်။ မဂဓဌာနမှ ဦးဇ၀နအား လွဲပြောင်းပေးရန် E.C အဖွဲ့ဝင်များက သဘောတူ ဆုံးဖြတ်ခဲ့ကြပါသည်။

အစီအစဉ် ( ၄ )အရ

ဌာနအသီးသီးရှိ ပညာရေးကော်မတီဝင်များက ပထမလေးလပတ်အတွင်း သင်တန်းများ ဆောင်ရွက်ခဲ့မှု အခြေအနေများကို တင်ပြကြပါသည်။

နာလန္ဒာဌာန ဦးသုဇယဉာဏမှ

နာလန္ဒာဌာနတွင်

၁။ ဆက်သွယ်ရေးအင်္ဂလိပ်စာ(ဦးသုဇယဉာဏ)နှင့်

၂။ပိဋကတ်ဆိုင်ရာအင်္ဂလိပ်စာ(ဦးသုတာစာရာလင်္ကာရ) သင်တန်းနှစ်ခုဖွင့်လှစ်ပို့ချခဲ့ကြောင်းနှင့် ပို့ချချိန်ကာလမှာ တစ်လခွဲဖြစ်ကြောင်း တင်ပြပါသည်။

မာဂဓဌာန ဦးဇ၀နမှ

ဇန်န၀ါရီလ (၄) ရက်မှ စတင်ပြီး

၁။ဦးဇ၀န၏ ဗုဒ္ဓဘာသာသမိုင်းအင်္ဂလိပ်စာ

၂။ဦးပညာသာမိ၏ အဆင့်မြင့်အင်္ဂလိပ်စာ

၃။ဦးပညာစက္က၏ အရည်အသွေးမြှင့်အင်္ဂလိပ်စာ

၎။ဦးဇောတိက၏ ပိဋကတ်ဆိုင်ရာအင်္ဂလိပ်စာသင်တန်းပို့ချမှုများနှင့်

၅။ တနင်္ဂနွေနေ့တိုင်း ဦးဇာနေယျာဘိဝံသ ဦးဆောင်၍ ပိဋကတ်ဆိုင်ရာခေတ်အမြင်ဖြင့် ချဉ်းကပ်ခြင်းသင်တန်းနှင့် ဆွေးနွေးမှုများကို ပြုလုပ်ကြောင်း၊ ဦးဇာနေယျ မြန်မာပြည်ပြန်သောအခါ မိမိ (ဦးဇ၀န) မှ စာမေးပွဲကာလအထိ ဆက်လက် လုပ်ဆောင်ကြောင်းကို အသီးသီး ရှင်းလင်းတင်ပြကြပါသည်။

ဥက္ကဋ္ဌဆရာတော် ဦးပညာသာမိမှ ဆက်လက်ဆွေးနွေးရာတွင် “တနင်္ဂနွေစကားဝိုင်းတွင် မဟာယာနဗုဒ္ဓဘာသာ ဘုန်းတော်ကြီးများကို ဖိတ်ကြားကာ ဆွေးနွေးမှုများပြုလုပ်ကြကြောင်း၊ ယင်းသို့ပြုလုပ်ခြင်းဖြင့် ထေရ၀ါဒနှင့် မဟာယာန ရင်းနှီးကျွမ်းဝင်မှု အသိဉာဏ်ဖလှယ်ခွင့်ရမှု စသည့်အကျိုးကျေးဇူးများရရှိပါကြောင်း၊ ဥပမာ-ထေရ၀ါဒဗုဒ္ဓဘာသာတွင် ပါရမီ (၁၀) ပါးရှိသော်လည်း မဟာယာနတွင်မူ (၆)ပါးသာ ရှိကြောင်း၊ မဟာယာန-ထေရ၀ါဒဂိုဏ်းကွဲမှုသည် ထေရ၀ါဒစာပေအရ ဒုတိယသံဂါယနာမှ စတင်ကွဲပြားခြင်းဖြစ်သည်ဟုဆိုသော်လည်း မဟာယာနစာပေအရ မြတ်ဗုဒ္ဓ သက်တော်ထင်ရှားရှိစဉ် အခါကပင် ကွဲပြားရန် စတင်နေပြီဖြစ်ကြောင်း စသည်တို့ကို သိရှိရပါကြောင်း” ဖြည့်စွက် လျှောက်ထားပါသည်။

ဗာရာဏသီဌာန ဦးဉာနောဘာသာလင်္ကာရမှ

(၁) ဦးဓမ္မသီလာဘိဝံသ၏ ပိဋကတ်ဆိုင်ရာခေတ်မီလေ့လာနည်းသင်တန်း

(၂) ဦးဝိစိတ္တသာရ၏ ပိဋကတ်ဆိုင်ရာအင်္ဂလိပ်စာနှင့်

(၃) ဆက်သွယ်ရေးအင်္ဂလိပ်စာသင်တန်းများ

(၄) ဒေါက်တာအရှင်ကေ၀လာနန္ဒနှင့် ဒေါက်တာသာသနတို့၏ ကွန်ပျူတာသင်တန်းများ

(၅) ဦးဉာနောဘာသာလင်္ကာရ၏ ရာမာယဏဇာတ်တော်ကို ဟိန္ဒီဘာသာဖြင့် သင်ကြားမှု

(၆) ဦးဝိစိတ္တသာရ၏ ခေတ်သစ်ပါဠိသင်ကြားမှုတို့ကို တင်ပြပါသည်။

အထွေထွေအတွင်းရေးမှူးဦးဝိစိတ္တသာရမှ ပညာရေးသင်တန်းများနှင့်ပတ်သက်၍ အသေးစိတ်ရှင်းလင်းတင်ပြဆွေးနွေးသွားပါသည်။

ထို့နောက် ဦးနန္ဒသာရ (B.H.U) မှ ပညာရေးကော်မတီ၏ ဦးတည်ချက်နှင့် အခြေခံဥပဒေမူကြမ်းကို တင်ပြ လျှောက်ထားပါသည်။ ဥပဒေမူကြမ်းတွင်ထည့်သွင်းလိုသည်များ နှုတ်ပယ်လိုသည်များကို တင်ပြနိုင်ပါကြောင်း ထပ်လောင်းပြောကြားပြီး၊ ပထမလေးလပတ်ကာလအတွင်း ပညာရေးကော်မတီ၏ အလှူခံရရှိငွေစာရင်းများကို ရှင်းလင်းတင်ပြအပ်နှံသွားခဲ့ပါသည်။

အစီအစဉ် ( ၅ ) အရ

အထွေထွေအတွင်းရေးမှူးဦးဝိစိတ္တသာရမှ “ကျောင်းတော်ကြီး ထိန်းသိမ်းစောင့်ရှောက်ရေး ကော်မတီနှင့် ပတ်သက်၍ စည်းကမ်းများ ရေးဆွဲနိုင်ရေးအတွက် သီတဂူဆရာတော် ရောက်ရှိလာစဉ် တင်ပြ လျှောက်ထားခဲ့ပါကြောင်း၊ သီတဂူဆရာတော်ကြီးမှ အုပ်ချုပ်ရေးနှင့် ထိန်းသိမ်းစောင့်ရှောက်ရေး ဥပဒေတို့ကိုလည်း ကွဲကွဲပြားပြား ရေးဆွဲထားသင့်ကြောင်း၊ ထို့ကြောင့် ကျောင်းတော်ကြီး စောင့်ရှောက်ရေးကော်မတီဝင်များက ဥပဒေမူကြမ်း ရေးဆွဲပေးပါရန်” တင်ပြ လျှောက်ထားခဲ့သည်။

ကျောင်းတော်ကြီးစောင့်ရှောက်ရေးကော်မတီ ဥက္ကဋ္ဌဦးပညာဒီပမှ “ထိန်းသိမ်း စောင့်ရှောက် ရေးကော်မတီဆိုင်ရာ ဥပဒေမူကြမ်းကို ဦးကစ္စာယနစသည့် နောင်တော်ကြီးများ ရေးဆွဲထားခဲ့ ပြီးဖြစ်ကြောင်း၊ မိမိကလည်း ထပ်မံဖြည့်စွက်ရေးဆွဲထားကြောင်း” တင်ပြပြီး၊ ၎င်းရှိပြီးမူကြမ်းကိုပင် ကျောင်းတော်ကြီးထိန်းသိမ်းစောင့်ရှောက်ရေးကော်မတီဝင်များ ညှိနိုင်းရေးဆွဲပြီး ဒုတိယလေးလ ပတ်ဗဟိုအမှုဆောင်အစည်းအဝေးသို့ တင်သွင်းရန် ဆုံးဖြတ်ခဲ့ကြသည်။

အဖွဲ့ကြီး၏ စည်းကမ်းထိန်းသိမ်းရေးဆိုင်ရာ ဥပဒေများကိုဆွေးနွေးကြရာ-

ဗာရာဏသီဌာနဥက္ကဋ္ဌဆရာတော် ဦးဓမ္မသီလာဘိဝံသမှ “စိတ်ဝမ်းကွဲတာမျိုး မညီညွှတ်တာမျိုး များ မဖြစ်ရအောင် သံဃာအချင်းချင်း ကာယကံမှု ၀စီကံမှုတို့ဖြင့် ၀ိဝါဒကွဲပြားငြင်းခုံမှုများကျောင်းတော် ကြီးအတွင်း ဖြစ်ခဲ့သော် မည်ကဲ့သို့ အရေးယူသင့်ပါသနည်းဆိုတာ စဉ်းစားရမည် ဖြစ်ကြောင်း၊ အဖွဲ့ကြီး၏ ဂုဏ်သိက္ခာထိပါးကျဆင်းစေမည့်လုပ်ရပ်များကို တစ်စုံတစ်ခုသော အပြစ်ပေးပိုင်ခွင့်နှင့် ဥပဒေများရှိသင့်ပါကြောင်း၊ သီရိလင်္ကာနိုင်ငံတွင် သံရုံးက ၀င်ရောက်ဆောင်ရွက် ဖြေရှင်းပေးတာ မျိုးရှိကြောင်း၊ ထို့ကြောင့် သေသေသပ်သပ် စည်းကမ်းတကျ ဖြစ်သင့်ပါကြောင်း၊ အဖွဲ့ဝင်များက ၎င်းကိစ္စများကို ထိန်းသိမ်းစောင့်ရှောက်ရမည်ဖြစ်ကြောင်း၊ အဖွဲ့ဝင်တိုင်း တာဝန်သိသင့်ပါကြောင်း၊ စည်းမရှိ၊ ကမ်းမရှိ ပရမ်းပတာအဖွဲ့အစည်းမျိုး မဖြစ်သင့်ပါကြောင်း၊ လူဝတ်ကြောင်တို့ ယုံကြည်ချက်ဖြင့် ရင်းနှီးလှူဒါန်းမှုများကို ထိုက်တန်အောင် ပေးဆပ်ရမည်ဖြစ်ကြောင်း၊ ရဟန်းလည်းဖြစ်ပြန် ခေတ်ပညာတတ်ကြီးများဟုလည်း အထင်ခံထားရသူများက ဒီကိစ္စများကို လုံးဝမပြုမူသင့်ကြောင်း” ပြောဆိုဆွေးနွေးတော်မူသည်။

တက်ရောက်လာသော သံဃာတော်များ ၀ိုင်းဝန်းဆွေးနွေးကြရာတွင် ဗာရာဏသီဌာန ဦးနန္ဒသာရမှ ဗာရာဏသီမြို့၊ ဆေးဝင်္ကဘာကျောင်းတိုက်ကြီး၏ လက်ရှိစည်းမျည်းစည်းကမ်း များနှင့် ဖွဲ့စည်းပုံများကို တင်ပြလျှောက်ထားရာတွင် “ဆေးဝင်္ကဘာကျောင်းဆရာတော် ပျံလွန်တော်မူချိန်မှစ၍ ကျောင်းတော်ကြီးကို စောင့်ရှောက်နိုင်ရန်အတွက် Volunteer (စေတနာ့ဝန်ထမ်း) ဆယ်ပါးရွေးချယ်ကြောင်း၊ ထို့နောက်မှသာ အလှည့်ကျ သံဃာများ ရွေးချယ်၍ စောင့်ရှောက်ခဲ့ကြောင်း၊ ထို့ကြောင့် ပညာရေးဗိမာန်ကျောင်းတော်ကြီးကိုလည်း ထိန်းသိမ်း စောင့်ရှောက်နိုင်ရန် မဂဓသံဃာတော်များမှ အလှည့်ကျသံဃာတော်များ ရွေးချယ်သင့်ကြောင်း” တင်ပြဆွေးနွေးခဲ့ပါသည်။

ထို့ပြင် ဗာရာဏသီဌာနအတွင်းရေးမှုးဆရာတော် ဦးသောဘဏာလင်္ကာရမှ “E.C ဥက္ကဋ္ဌဆရာတော်၏ လုပ်ပိုင်ခွင့်အာဏာအား အပြည့်အ၀ ပေးအပ်ရန်၊ ဆိုလိုသည်မှာ အပြစ်ကျူးလွန်သော အဖွဲ့ဝင် ရဟန်းတော်များကို ခေါ်ယူဆိုဆုံးမခြင်း၊ ကျောင်းတိုက်မှ အပပြုခြင်းစသည့် လုပ်ပိုင်ခွင့်များကို အခြေခံစည်းမျဉ်းစာအုပ်တွင် ထည့်သွင်းသင့်ကြောင်း” ဆွေးနွေးတင်ပြပါသည်။

ကျောင်းတော်ကြီးအတွင်းနေထိုင်သူများနှင့် ပတ်သက်၍ စည်းကမ်းချက်များကို ဆွေးနွေးရာတွင် “နေထိုင်မူဆိုင်ရာ စည်းကမ်းများကို ထုတ်ပြန်၍ ဤကျောင်းတော်ကြီးအတွင်း နေထိုင်သော မည်သည့်ပုဂ္ဂိုလ်မဆို ချမှတ်ထားသော စည်းကမ်းများနှင့် ဥက္ကဋ္ဌဆရာတော်၏ ဆိုဆုံးမမူများကို တစ်သွေမတိမ်း လိုက်နာကြရမည်ဖြစ်ကြောင်း” ဆွေးနွေးခဲ့ကြသည်။ ကျောင်းတိုက်အတွင်း နေထိုင်သူတို့ လိုက်နာရန် ချမှတ်ထားသည့် စည်ကမ်းများကို စာဖြင့်အသိပေးထုတ်ပြန်၍ စည်းမျဉ်းဥပဒေသည် အသက်ဝင်ဖို့ လိုအပ်ကြောင်း တင်ပြဆွေးနွေးကြသည်။

ဆက်လက်၍ ညီညွှတ်ရေးကို ပျက်ပြားစေသော ကိုယ်ထိလက်ရောက်ကျူးလွန်မှုများ ဖြစ်ပွားခဲ့သော် ချမှတ်သင့်သော ပြစ်ဒဏ်များကို ဆွေးနွေးကြရာ-

အဖွဲ့ဥက္ကဋ္ဌဆရာတော်နှင့် ကျောင်းတော်ကြီး ထိန်းသိမ်းစောင့်ရှောက်ရေးကော်တီဥက္ကဋ္ဌ ဆရာ တော်များမှ ခေါ်ယူ၍ ဆုံးမသြ၀ါဒပေးကြရန်နှင့်

အဖွဲ့ကြီး၏ ညီညွတ်မှုပျက်ပြားစေမည့် အပြုအမူများကို ကာယကံမြောက်ကျူးလွန်သော ပုဂ္ဂိုလ်သည် ကျောင်းတော်ကြီးသို့ ၀င်ထွက်သွားလာခွင့်မရှိစေရ

ဟု တစ်ညီတစ်ညွှတ်တည်း ဆုံးဖြတ်ခဲ့ကြပါသည်။

အစီအစဉ်(၆) အရ

ဆက်လက်၍ ဒုတိယလေးလပတ်အတွင်းလုပ်ဆောင်သင့်သော ကိစ္စရပ်များကို ဆွေးနွေး ကြရာ ဥက္ကဋ္ဌဆရာတော်မှ

(၁) သံရုံးမှပေးပို့သော စာတွင် ပါရှိသော အဖွဲ့ဝင်သံဃာစာရင်းကို update

ပြုလုပ်ပေးကြရန်။

(၂) Norway-English-Myanmar Dictionary ပြုစုနိုင်ရေးအတွက်

ပညာရေးကော်မတီလက်အောက်ခံ အဘိဓာန်ပြုစုရေးအဖွဲ့ငယ်ကို ဖွဲ့စည်းရန်။

၎င်းကိစ္စရပ်နှင့် ပတ်သက်၍ ဒုတိယလေးလပတ်အစည်းအဝေးမတိုင်မီ တက္ကသိုလ်အသီးသီးမှ အဖွဲ့ဝင်ရဟန်းတော်များပါဝင်သော အဘိဓာန်ပြုစုရေးကော်မတီ ဖွဲ့စည်းရန်နှင့် ဒုတိယလေး လပတ်အစည်းအဝေးတွင် ဆုံးဖြတ်ကြရန် ဆွေးနွေးခဲ့ကြပါသည်။

(၃) International Tipitaka Chantingတွင် ကျင်းပသော တရားပွဲများတွင် မြန်မာနိုင်ငံကိုယ်စားပြု ရဟန်းတော်ငါးပါးရွေးချယ်ရန်။

(၄) ဘာသာစကားသင်တန်းများ၊ ဆက်သွယ်ရေးသင်တန်းများ၊ ကမ္မဋ္ဌာနာစရိယ သင်တန်းများ ဖွင့်လှစ်ရန်တင်ပြလာရာ တက်ရောက်လာသော သံဃာတော်တို့မှ ဆွေးနွေးခဲ့ကြပါသည်။

၎င်းကိစ္စရပ်နှင့် ဆွေးနွေးကြရာတွင် ဥက္ကဋ္ဌဆရာတော်ဦးပညာသာမိမှ “အင်္ဂလန်မှ ဆရာများ၊ ဦးနေဇင်လတ်ကဲ့သို့ ဆရာကြီးများကို ခေါ်ယူ၍ သင်တန်းအားလုံးကို E to E စနစ်ဖြင့် ပို့ချရန် စီစဉ်ထားကြောင်း” ပြောကြားရာ အထွေထွေအတွင်းရေးမှူးဆရာတော် ဦးဝိစိတ္တသာရမှ “E to E စနစ်သည် ကောင်းမွန်သော်လည်း Management နှင့် Leadership ကဲ့သို့သောသင်တန်းများတွင် မြန်မာဘာသာဖြင့် ပို့ချခြင်းကသာ ပိုမိုထိရောက်ကြောင်း၊ ပေးသူနှင့် ယူသူကြားတွင် ဘာသာစကားက အဆီးအတားဖြစ်သွားနိုင်ပြီး သင်တန်းက ပေးချင်သည့် မက်ဆေ့ခ်ျကို မရဘဲ ဖြစ်သွားနိုင်ကြောင်း ထို့ကြောင့် Language သင်တန်းများမှအပ အခြားသင်တန်းများကို မြန်မာဘာသာဖြင့်သာ ပို့ချသင့်ကြောင်း” ဆွေးနွေးသွားပါသည်။

ပညာရေးကဏ္ဍများနှင့် ပတ်သက်၍ သင်တန်းများဖွင့်လှစ်ပို့ချရာတွင် အချိန်ကာလ သတ်မှတ်သင့်ကြောင်း သင်တန်းဆရာများက အတွေ့အကြုံများပေါ် အခြေခံ၍ ဆွေးနွေးတင်ပြကြပါသည်။ ဆက်လက်၍ ဦးသောဘနာလင်္ကာရမှ ဆေးဝင်္ကဘာကျောင်းတိုက် အကြီးအကဲထားရှိရေးကိစ္စနှင့်ပတ်သက်၍ “ဗုဒ္ဓဂယာမြန်မာကျောင်း ဆရာတော်ဘုရားကြီး၏ သြ၀ါဒနှင့်အညီ ကျောင်းသားများဖြင့် ဖွဲ့စည်းထားသော ထိန်းသိမ်းစောင့်ရှောက်ရေးကော်မတီ လက်အောက်ရှိ ဆေးဝင်္ကဘာကျောင်းတော်ကြီး၌ လက်ရှိ စောင့်ရှောက်နေသော ဦးမဏ္ဍလအား ၀ါဆိုအမီ ကျောင်းတိုက်၏အကြီးအကဲ အဖြစ်ခန့်အပ်ရန်” တင်ပြခဲ့ရာ ဥက္ကဋ္ဌဆရာတော် ဦးပညာသာမိမှ ကန့်ကွက်ရန်မရှိ သဘောတူပါကြောင်းနှင့် ဦးစန္ဒိမာမှ ဆေးဝင်္ကဘာ ကျောင်းတိုက်ကြီး၏ ဆွမ်းပဒေသာပင်မှစ၍ ကျန်ရှိငွေများကို ရှင်းလင်းတင်ပြပါသည်။

အစီအစဉ် ( ၇ )အရ

ကြွရောက်တော်မူလာကြသောသံဃာတော်များက “ဗုဒ္ဓသာသနံ စိရံ တိဋ္ဌတု” သုံးကြိမ်းရွတ်ဆို၍ ပထမလေးလပတ်အစည်းအဝေးကို နေ့လည် (2:30) အချိန်တွင် အောင်မြင်စွာ ရုတ်သိမ်းလိုက်ကြပါသည်။

အစည်းအဝေးမှတ်တမ်းတင်သူများ

ဦးဝိလာသဂ္ဂါလင်္ကာရ(မဂဓ)

ဦးဇနက(မော်လူး)

မိတ္တူကို

ဥက္ကဋ္ဌဆရာတော်ဘုရားကြီး၊နိုင်ငံတော်သံဃမဟာနာယကအဖွဲ့၊ကမ္ဘာအေးကုန်းမြေ၊ရန်ကုန်

အဖွဲ့ကြီး၏ပြည်တွင်းပြည်ပသြ၀ါဒါစရိယဆရာတော်ကြီးများ

အဖွဲ့ကြီး၏ ပြည်တွင်းပြည်ပဦးဆောင်နာယကဆရာတော်ကြီးများ

ဝန်ကြီး၊ သာသနာရေးဝန်ကြီးဌာန၊နေပြည်တော်

သံအမတ်ကြီး၊အိန္ဒိယနိုင်ငံဆိုင်ရာမြန်မာသံရုံး၊နယူးဒေလီ၊အိန္ဒိယနိုင်ငံ

ညွှန်ကြားရေးမှူးချုပ်၊သာသနာရေးဦးစီးဌာန၊ကမ္ဘာအေးကုန်းမြေ၊ရန်ကုန်

ညွှန်ကြားရေးမှူးချုပ်၊သာသနာတော်ထွန်းကားပြန့်ပွားရေးဦးစီးဌာန၊ကမ္ဘာအေးကုန်းမြေ၊ရန်ကုန်

ဗာရာဏသီဌာန၊မဂဓဌာန၊နာလန္ဒာဌာနအမှုဆောင်အဖွဲ့ဝင်များ

ကျောင်းတော်ကြီးထိန်းသိမ်းစောင့်ရှောက်ရေးကော်မတီဝင်များ

တက္ကသိုလ်အသီးသီးရှိပညာရေးကော်မတီဝင်များ

ရုံးလက်ခံ