ပြည်ချစ်စိတ်ကလေးပါ
ပြည်ပမှာပဲဖြစ်ဖြစ် ကိုယ့်နိုင်ငံအတွင်းမှာပဲ ဖြစ်ဖြစ် သူများနိုင်ငံနှင့်ယှဉ်ရင် ကိုယ့်နိုင်ငံက သာစေချင်တာ နိုင်စေချင်တာ မြန်မာပြည်သူများတိုင်းရဲ့ ချစ်စရာကောင်းတဲ့ ပြည်ချစ်စိတ်ကလေးပါ။
စီးပွားရေးမှာပဲ ဖြစ်ဖြစ် ပညာရေးဘက်မှာပဲ ဖြစ်ဖြစ် သူများနိုင်ငံကို မသာနိုင်တောင် အမီလိုက်စေချင်တာ ပြည်ချစ်စိတ်ကလေးပါ။ သီတဂူစတားတို့တက်ရောက်သင်ကြားနေသော ပူနေးတက္ကသိုလ်ကြီးသည် နိုင်ငံခြားသားကျောင်းသား အများဆုံးရှိသော တက္ကသိုလ်ကြီးဖြစ်၍ နိုင်ငံခြားကျောင်းသားများစွာနှင့် နေရသည်။ အတူနေရပြီဆိုကထဲက အရာရာတိုင်းကို စိတ်ထဲမှ ကြိတ်ပြီးပြိုင်ကြသည်။ မြန်မာနိုင်ငံကလွဲရင် အများစုနိုင်ငံက ကျောင်းသား ကျောင်းသူတွေသည် လူဝတ်ကြောင်တွေပဲ ဖြစ်ကြသည်။ ဗုဒ္ဓဘာသာနိုင်ငံဖြစ်တဲ့ ထိုင်းနိုင်ငံကသည်ပင် ကျောင်းသား ၃၀၀ ကျော် ပူနေးတက္ကသိုလ်တွင် တက်ရောက် ပညာသင်ကြားနေကြသည်။ ရဟန်းတော် ၂၀ ခန့်ပါဝင်သည်။ မြန်မာပြည်မှ အများစုသော ကျောင်းသားများသည် ရဟန်းတော်များသာ ဖြစ်သည်၊ ၂၀ ကျော်ရှိပါသည်၊ လူဝတ်ကြောင် ကျောင်းသားများ အနည်းငယ်မျှသာရှိပါသည်။ ဆိုလိုသည်မှာ မြန်မာကျောင်းသားများသည် သူများထက် ဥာဏ်ပိုကောင်းကြသည်၊ စာလည်းပိုကြိုးစားကြသည်။ ကိုယ်နဲ့ယှဉ်ရင် (ဌာနအတူကို ဆိုလိုပါသည်) ကိုယ့်ဘက်က သာတာများပါသည်။ ဥပမာ- ဒဿနိကဗေဒဌာနမှာ သီတဂူစတားနှင့်အတူ တက်နေသော ထိုင်းကျောင်းသားသည် သီတဂူစတားတို့ မြန်မာကျောင်းသားကို လုံးဝမမီပါ။ သူတို့က သာနေသည်မှာက ငွေရေးကြေးရေးများစွာ သုံးနိုင်ကြခြင်းပင်ဖြစ်သည်။ ထိုင်းနိုင်ငံက ကျောင်းသားတွေသည် ပိုက်ဆံချမ်းသာကြသည်။ အနောက်ဥရောပ တက္ကသိုလ်ကြီးတွေမှာလည်း ထိုင်းနိုင်ငံက ကျောင်းသားများစွာရှိကြသည်။ အိန္ဒိယလိုနိုင်ငံမှာတောင် ထိုင်းကြောင်းသားတွေ များစွာရှိသည်၊ အထူးသဖြင့် ဈေးအရမ်းကြီးသည့်တက္ကသိုလ်တွေမှာပဲ တက်လေ့ရှိကြသည်။ သီတဂူစတားသည် ရဟန်းတော်တပါးဖြစ်၍ ရဟန်းတော်များ အချင်းချင်းကိုပဲ နိုင်ယှဉ်လိုပါသည်။ ထိုင်ငံက ရဟန်းတော်များသည် မြန်မာနိုင်ငံက ပထမကြီးတန်းအဆင့်လောက်တောင် အဆင့်မရှိတဲ့ စာမေးပွဲ(အဆင့်-၉) အောင်သော ရဟန်းတော်များကို ထိုင်းဘုရင်က ထောက်ပံ့သည်၊ ထိုအထောက်အပံ့ဖြင့် ပြည်ပမှာ ကျောင်းတက်နိုင်သည်။ ဘာသာရေးကို အားပေးသည်ဆိုတဲ့ ပြယုတ်ဖြစ်ပါတယ်။ ပြီးခဲ့တဲ့လက ပူနေးတက္ကသိုလ်၏ ခန်းမဆောင်ကြီးထဲမှာ ထိုင်းနိုင်ငံက ကျောင်းသား ကျောင်းသူတွေ စုစည်းပြီးး ထိုင်းနိုင်ငံ၏ ဘာသာရေးကိုင်းရှိုင်းပုံနှင့် ရိုးရာယဉ်ကျေးမှုများကို သရုပ်ပြသွားသည် အားကျစရာပင်၊ ကိုယ့်ဗုဒ္ဓဘာသာ ယဉ်ကျေးမှုအတွက် ဂုဏ်ယူမိပါသည်။ ထိုအပွဲအတွက် ထိုင်းသံရုံးက ရူပီး တစ်သိန်း (မြန်မာကျပ် ၂၃ သိန်းခန့်) ထောက်ပံ့သည်၊ ပညာရေးကိုလည်းအားပေးသည့် သဘောပင်။ ထိုင်းသံရုံးက သူ့နိုင်ငံသားတွေကို ဘယ်လိုအကူအညီ ပေးရမလဲဆိုတာကိုပဲ စောင့်ကြည့်နေပုံရသည်လို့ ထင်ရသည်။ အဲဒီလောက်အရာရာ ပြည့်စုံနေတဲ့ ထိုင်းကျောင်းသားတွေ မြန်မာပြည်သား ကျောင်းသားတွေရဲ့ ဥာဏ်ရည်ဥာဏ်သွေးကို မမီနိုင်။ အဲဒီအတွက်လည်း ကြံဖန်ပြီးတော့ ဂုဏ်ယူရသည်၊ ဒါလဲပဲ ပြည်ချစ်စိတ်ကလေးပါ။
ပူနေးအားကစား
၂၀၁၀ ခုနှစ် နှစ်ဦးကာလမှာ ပူနေးတက္ကသိုလ် နိုင်ငံတကာကျောင်းသား အားကစားများထဲတွင် ဘောလုံးပြိုင်ပွဲကို ဇန်န၀ါရီလ ၅ ရက်နေ့က စပြီးကျင်းပလာခဲ့ရာ ယနေ့ ၉ ရက်နေ့တွင် မြန်မာနိုင်ငံ ပူနေးကျောင်းသားများက ဗီယတ်နမ်နိုင်ငံ ပူနေးကျောင်းသားများ အသင်းကို ၄ ဂိုး ၁ ဂိုးဖြင့် အပြတ်အသက်နိုင်ခဲ့သည်၊ ၂ရက်နေ့က အီသီရိုပီးယားနိုင်ငံအသင်းကို အချိန်ပြည့်သော်လည်း တဘက်၁ ဂိုးစီ သရေဖြစ်ရာမှ ပင်နယ်လ်တီး ၄-၃ ဂိုးဖြင့် အနိုင်ရခဲ့သည်။ ဤအားကစားပွဲကို ပူနေးတက္ကသိုလ်အောက်ရှိ စင်ဘို့စ်ကောလိပ် (symbiosiscollege)က တာဝန်ယူကျင်းပေးခဲ့သည်။ ဤကဲ့သို့ မြန်မာပြည်သားများ ပညာတွင်သာ တော်သည်မဟုတ် အာကစားဘက်မှာလည်း တော်နေသည်ကို တွေ့ရသဖြင့် ၀မ်းသာလွန်း၍ ဒီပို့စ်လေးကို တင်လိုက်ရပါသည်။ ဒါလည်းပဲ ပြည်ချစ်စိတ်လေးပါ။
နှစ်ပွဲဆက်တိုက် အနိုင်ရသော ပူနေးမြန်မာကျောင်းသားများအား ဂုဏ်ပြုပါသည်။
ပြည်ချစ်စိတ်ကလေးနှင့်
သီတဂူစတား
၉-၁-၂၀၁၀
0 comments:
Post a Comment