ပဲ့တင်သံ

ရိုင်းစိုင်းတဲ့ အပြုအမူ
ငြူစူရွဲ့ မျက်နှာထား
စကားက မောက်မာ
ကောက်ဖြာပဲ့ စိတ်ထားနဲ့
လှည့်စားလို့ ကတိပျက်
မကျေနပ်စရာ ကြုံလာမှ
ပုံကာချ သူတစ်ပါးကို
အပြစ်ရှာ ဆဲဆိုကြ...။

လွှဲမရ တရားခံရှာ
တွေ့တာက လောကကြီး
'လောကကြီးက မတရားဘူး'တဲ့ ...
နင့်နင့်သီးသီး ဝေဖန်
အချောင်ခံရ လောကကြီး
လောင်ပြာကျ ဒေါသမီးတွေနဲ့
အမှောင်စံကြတဲ့ လူသားတွေ
ခြူလားလေ အောက်မေ့ရ...။

မမြင်ကြ ကိုယ့်အတိတ်ကံ
စိတ်ထန်ကာ ဒေါပွတော့
မောဟက ပိတ်ခံဆီး
လောကကြီးမှာ နားငြီးရ
ခါးသီးလှ ပဲ့တင်သံ
ကိုယ့်ထံအမှန် ပြန်လာကာမှ
လက်မခံပါ ငြင်းဖျက်မရ
တင်းကြပ်တဲ့ သက်ပြင်းသံ...။

ရှင်းမရတဲ့ လောကဓံမှာ
ကိုယ်ပေးတာ ကိုယ်ရ
ကိုယ်ချသလို ကိုယ်သိမ်း
ချိုငြိမ်းတဲ့ ပဲ့တင်သံ
ကြားချင်ပြန် ဘယ်လိုများ
သိပြီးသား အမှန်တရားပေမို့
သတိထားကာ သံသာယာဝေ
ခုပဲမကြာ ကြူးရင့်ကြည့်လေ.....။