စစ်ကိုင်းမြို့ ၀ါးချက်ဇီိဝိတဒါန သံဃာ့ဆေးရုံေ ငွရတုမဂ္ဂဇင်း ထွက်၊(၂၅)နှစ်ပြည့် ငွေရတုသဘင်ပွဲကျင်းပမည်..

စာရေးသူ (၁၆-၉-၀၉)နေ့မှာ စစ်ကိုင်းတောင်ရိုး ၀ါးချက်ဇီဝိတဒါန
သံဃာ့ဆေးရုံကိုရောက်ခဲ့ပါတယ်။ စစ်ကိုင်းတောင်ဆွမ်းလောင်းအသင်း ဆရာတော်
ဦးကောဝိဒ ကဆက်သွယ်လိုက်ပို့ပေးပါတယ်။ ၀ါးချက်ဆေးရုံကြီးကို
စတင်ဆောက်ခဲ့စဉ်က လက်သမားဆရာ ဦးအုံးသင် အသက်(၈၂)နှစ်ရှိ
နှင့်တွေ့ခဲ့ရပါတယ်။

““ဘတို့ ဒီဆေးရုံကြီးမဆောက်ခင် ဒီနေရာရဲ့ တောင်ဖျား၊ မြောက်ဖျားမှာ
ဧရာမညောင်ပင်ကြီးနှစ်ပင်ရှိတယ်။ အဲဒီညောင်ပင်ကြီးနှစ်ပင်ဟာ
ဆေးရုံဆောက်မယ်လို့ ရွေးချယ်ပြီးတဲ့နှစ်မှာပဲ အမြစ်ပါမကျန်အောင်
ရေထဲမျှောသွားကြတာပါ၊ သူတို့ အလိုလိုနေရာ
ဖယ်ပေးတဲ့သဘောပါပဲကွယ်..။အဲဒါထူးခြားတာပဲကွဲ့..။ ဆေးရုံနေရာက ကျဉ်းတော့
အနောက်ဘက်ကမ်းပါးရံကို လူအားနဲ့ချဲ့ခဲ့ကြရတာပါ။ ဒါကြောင့်
ဆေးရုံရဲ့အနောက်ဘက်မှာ ကားလမ်းဖေါက်နိုင်ကြတာပေါ့ကွယ်။ ဒီဆေးရုံကြီးကို
ဦးဆောင်ဖြစ်ပေါ်လာအောင် ဆောင်ရွက်တော်မူခဲ့တဲ့
ကျစွာချောင်ကျောင်းဆရာတြော်ကီး ဘဒ္ဒန္တလက္ခဏ ကျေးဇူးပါကွယ်။ အစကတော့
သံဃာတော်များအတွက် ဆေးရုံသာထင်ခဲ့ကြတာ၊ နောက်တော့လည်း နယ်မြေခံ လူတွေရော
မြန်မာပြည် အရပ်ရပ်က လူတွေပါမကျန် အဘတို့ဝါးချက် ဆေးရုံက
ကုပေးနိုင်ခဲ့ပါတယ်။ပင်တိုင်ဆရာဝန်တွေအပြင် မန္တလေးကဆရာဝန်ကြီးတွေလည်း
အလှည့်ကျ လာရောက်ကြည့်ရှု ကုသပေးကြပါတယ်။

ဆရာတော်ကြီးက နိုင်ငံခြားခရီးစဉ်တွေ ခဏ ခဏ ထွက်ရတယ်။ ဒါကြောင့်
ဒီဆေးရုံမှာ ဂျပန်ဆရာဝန်တွေ၊ သြစတေးလျှား၊ စတဲ့
နိုင်ငံပေါင်းစုံကဆရာဝန်ကြီးတွေရယ်၊ သူနာပြုဆရာမလေးတွေက အစ ဆေးအား၊လူအား
ပစ္စည်းကိရိယာအစုံ အလင်နဲ့ ကုသ ပေးနေကြပါတယ်။အများဆုံးကုသပေးနေတာကတော့
မျက်စေ့ခွဲစိပ်ပါ။ အဲဒါပြီးတော့ အဆုပ်ရောဂါနဲ့ နား၊နှာခေါင်း၊
လည်ချောင်းခွဲစိပ်ကုကြပါတယ်။ ဘယ်လို စွမ်းကြတာလည်းတော့ အဘမသိပါဘူး။
အဘမျက်မြင်ကို မျက်နှာကြီးတွေတဖက်ကျပြီး ကြီးနေကြသူတွေနဲ့
လည်ပင်းကြီးရောဂါတွေကတော့ ခွဲပြီး ချက်ခြင်းပျောက်သွားကြတယ်။ လာတုန်းက
ရုပ်ဆိုးဆိုးကြီးတွေဟာ ဆေးရုံကပြန်တော့ ချောမောလှပသွားကြပါတယ်ကွယ်။

အဲ ဆေးရုံမှာ အသက်(၁၈)နှစ်အောက် ကလေးတွေကို ဘာရောဂါပဲဖြစ်ဖြစ်
ခွဲစိပ်တာကအစ ဆေးပါမကျန် အားလုံး အခမဲ့ကုသပေးနေကြတယ်မောင်..။ အဲ
နိုင်ငံခြားက ဂျပန်ဆရာဝန်အဖွဲ့တွေရောက်လာကြရင် ဆေးရုံပေါ်ရှိ
လူနာအားလုံးကို နေ့စဉ် တစ်ဦး(၈၀၀)ကျပ်စီ
စားစရိတ်တွေပေးကြပါသေးတယ်ကွယ်။””

အဘ ဦးအုံးသင်ထံ စကားလက်ဆုံပြောပြီး ဒီဆေးရုံနဲ့ပါသက်လို့
စာအုပ်လိုချင်ကြောင်းပြောမိပါတယ်။ အဘက ဆေးရုံက တာဝန်ရှိသူ
ဦးသိန်းဇော်နဲ့တွေ့ပေးပါတယ်။ တဆင့် ဆေးရုံကြီးရုံးခန်းသို့ခေါ်သွားပါတယ်။
ရုံးခန်းရောက်တော့ ဆရာတော် ဘဒ္ဒန္တ ၀ိသာရဒ ကို ဖူးမြင်ခဲ့ရပါတယ်။ ဆရာတော်မှ
ယနေ့မှာပဲ ၀ါးချက်ဆေးရုံ ငွေရတုအထိမ်းအမှတ် ထုတ်တဲ့မဂ္ဂဇင်း
ရောက်လာကြောင်း။ တစ်အုပ်(၅၀၀၀)ကျပ်
အလှူတော်ငွေပူဇော်ရမည်ဖြစ်ကြောင်းနှင့် လာမည့် ၂၀၀၉ ခုနှစ် အောက်တိုဘာလ
ထဲမှာ ၀ါးချက်ဆေးရုံကြီး(၂၅)နှစ်ပြည့် ငွေရတုမင်္ဂလာပွဲသဘင်ကြီး
ကျင်းပမည်ဖြစ်ကြောင်း တို့ကို မိန့်ကြားတော်မူပါတယ်။ ဒီသတင်းထူးကိုလည်း
တစ်ကမ္ဘာလုံး တစ်နိုင်ငံလုံး ကြားသိအောင် ဘလော့သို့
ပို့ဆောင်ပေးရန်တာဝန်ပေးပါသဖြင့် ရေးသား တင်ပြလိုက်ရပါတယ် ခင်ဗျား..။

သတင်းဓာတ်ပုံများ ပူးတွဲတင်ပြထားပါသည်။


ရွှေလမ်းငွေလမ်းဝင်းကြည်
မကွေးမြို့၊ ဖုန်း ၀၆၃-၂၅၁၉၇
၂၀၀၉ ခု၊ စက်တင်ဘာလ(၁၇)ရက်၊ ညနေ(၆)နာရီတွင်ရေး၏။