ရေရေရာရာ မရှိ၊ ဇဝေဇ၀ါသိနှင့် ကျွန်တော်

ရေရေရာရာ မရှိ ဇဝေဇ၀ါသိ နှင့် ကျွန်တော်

ဘာသာရေး ကဗျာ
ရွှေလမ်းငွေလမ်းဝင်းကြည်

ဟာ.. ဘလော့ဂါတွေ..ဘလော့ဂါတွေ
များလိုက်တဲ့ ကောင်းကင်ပေါ်
မြေပြင်မှာ ကျွန်တော့်စာတွေမသုံးလို့
သိကြားမင်းရဲ့ ညီတော်၊ညီမတော်
ဘလော့ဂါ အယ်ဒီတာမင်းများထံ
စာချွန်လွှာတွေ အခစား တင်ခဲ့မိပါပြီ နော်..။

အိုင်တီပညာ လာမမေးပါနှင့်
နိုင်ငံရေး လာမမေးပါနှင့်
ကမ္ဘာ့အရေး လာမမေးပါနှင့်
စီပွားရေး လာမမေးပါနှင့်
ဘာသာရေး လာမမေးပါနှင့်
လူမှုရေး လာမမေးနှင့်
အတတ်ပညာ လာမမေးပါနှင့်
အသိပညာ လာမမေးပါနှင့်
ရေရေရာရာ သိအောင် ပညာရှာနေဆဲပါနော်။

ဟိုက်! ကောင်ကင်ပေါ်က
ဘလော့ဂါ ဆွေမျိုးရင်းများရဲ့
စာပေတွေက အလွန်ကောင်း
အလွန်တော် ရသတွေကလည်းစုံပါသနော်။

မြေပြင်ပေါ် အယ်ဒီတာမရွေးတာက လူမသိ
ကောင်းကင်ပေါ်တက် စာရေးခါမှ
ကိုယ်မတတ်တာ မတော်တာတွေကို
တကမ္ဘာလုံးက ကြည့်လို့
ပျက်ရယ်တွေပြုနေကြမှာနော်။

သြော် ဒါပေမဲ့..
ကောင်ကင်အွန်လိုင်းပေါ်က
လောကီ၊ လောကတ္တရာ
အသိတရား သတိတရားတွေ
ရခဲ့ရတာ နောက်များကျနေပြီလားနော်။

ငါ..ဘလော့ဂါ..၊ငါ..သိကြားမင်း..
ငါ..ပြည့်ရှင်မင်းတရားကြီး .လို့အထက်ကောင်ကင်က
မကျတော့ဘူးအထင်နဲ့ အော်သူတွေကအော်..
လူပြည်က သူဆင်းရဲတွေလည်း
သာဒင်ကို ဘာထင်နေသကြလဲ?
ကျွေးကြော်သူတွေလည်း အော်…
အရင်းစစ်တော့ အမြစ်မြေက ဆိုသလို
လူဘုံဆိုတာ လမ်းဆုံလမ်းခွထိုင်နေတာပါတဲ့
အထက် တက်မည်လား?၊ အောက်ဆင်းမည်လား?
သစ္စာအမှန်တရား နိဗ္ဗာန် နန်းကိုသွားမည်လား?
ကြိုက်ရာ ဘုံဘ၀ကို ရွေးဘို့ အချိန်မီပါသေးသနော်။


ငါးအာရုံ ဘင်အစု၊ ခင်မှုနှင့် နေ့ကုန်၊
နင်ယခု မေ့ပုံလို၊ တွေ့မကြုံ စခန်း၊
ပါယ်လေးဝ သောကဘုံမှာ၊ မျောရရုံ ရှိတော့မခန်း။

အောက်ဝီစိ သောင်းအငူမှာ၊ ခေါင်းမပြူ စတမ်း၊
နှစ်အရှည် နစ်မည့်လမ်းကိုလ၊ နင်မျှော်စမ်း နင့်ကိုယ်၊
ဒေသနာ ထင်အလင်းရယ်နှင့်၊ နင်အဖျင်း ပိုထက်သာပို။

သည်လောဘ စရိုက်အိုကို၊ မလိုက်လို ရှောင်ပစ်လို့၊
နောက်အသစ် တကယ်ပြင်လျင်၊ ကောင်းဖို့ အစဉ်၊
ခွင့်သာခိုက်ကမှ မလိုက်ချင်လျှင်၊
အမိုက်နင့်ပြင် ရှိသေးလေလိမ့်လား။

ခွင့်သာဆဲကမှ မခဲချင်လျှင်၊
အလွဲနင့်ပြင် ရှိသေးလေလိမ့်လား။

ခွင့်သာတုန်းကမှ မရုန်းချင်လျှင်၊
အရှုံးနင့်ပြင် ရှိသေးလေလိမ့်လား....



ဒါ… တန်ဘိုးရှိတဲ့ လယ်တီဆရာတော်ရဲ့တေးထပ်
ကျွန်တော်တို့လို ဘေးကပ်နေသူတွေအတွက် ဆုံးမစာ
အွန်လိုင်းပေါ်က ပေးလိုက်တဲ့ အသိပါ
ဆရာတော်ဆုံးမထားခဲ့သလို
ခွင့်သာတုံးမှာ ရုန်းကြပါစို့နော်။

ကျွန်တော် ကျွန်တော် ကဗျာရေးပြီး
တရားထိုင်နေရင်း အိပ်လို့ပျော်……
ခွင့်သာခိုက်မှ မလိုက်ချင်လျှင်
အမိုက်နင့်ပြင် ရှိသေးလိမ့်လား…….။

(လယ်တီဆရာတော်ဘုရားကြီနှင့် အွန်လိုင်းဓမ္မဘလော့ဂါများအား ဤကဗျာဖြင့်ပူဇော်ပါသည်။)


ရွှေလမ်းငွေလမ်းဝင်းကြည်
၂၀၀၉ ခု၊သြဂုတ်လ(၂၆)ရက်၊ ည(၁၁းး၃၃)ရေး၏။