ဝဋ်
ကျွန်တော်တို့အိမ်ခြေရင်းထောင့်ရှိ မန်ကျီးပင်ကြီးပေါ်တွင် ပျားတသိုက် အုံဖွဲ့နေသည်။ မည်သည့်အချိန်တွင် မည်သည့်အရပ်က ပြောင်းရွှေ့လာသည်မသိ။ ရက်ပိုင်းမျှလောက်ပင် ရှိဦးမည်ထင်ပါသည်။ သူတပါးအိမ်ရာကို ဖျက်ဆီးက မိမိအိမ်ရာ ပျက်စီးတတ်ကြောင်း ငယ်စဉ်က ဖေဖေမကြာခဏ ပြောပြထား၍ ကျွန်တော်လည်း ထိုပျားအုံကို ဖွပ်ခြင်း၊ ဖျက်ဆီးခြင်း မပြုပါချေ။
ညီလေး ညီမလေးများကိုလည်း ဖျက်ဆီးခြင်းမပြုရန် ပြောပြထား၏။ ထို့ပြင် ပျားကလေးများ အဝေးသို့မသွားရဘဲ အနီးအနားတွင် လွယ်လင့်တကူ ၀တ်ရည်စုပ်သုံးနိုင်ရန် ခြံထဲရှိ ပန်းပင်များကို နေ့စဉ် ရေလောင်းပေါင်းသင်ပေး၏ ထိုမျှသာမက ၀တ်ရည်လျှမ်းသော အခြားပန်းမျိုးများကိုလည်း ထပ်မံစိုက်ပျိုးပေး၏ ထို့ကြောင့် ပျားကလေးများမှာ ဝေးဝေးလံလံသို့ မသွားတော့ဘဲ ခြံထဲရှိ ပန်းပင်များ၌သာ ကျက်စားကျင်လည်နေပါသည်။ ကျွန်တော်က နေ့စဉ် ပန်းပင်ရေလောင်း၊ မြက်နုတ်၊ ပျားကလေးများက ၀တ်ရည်စုပ်၊ ဤသို့ဖြင့် ရက်မှလသို့ ကူးပြောင်းလာခဲ့ရာ ပျားအိမ်ကလေးမှာ အတော်အတန် (မြူအိုးဝခန့်) ကြီးမားလာပါသည်။ ပျားလပို့များလည်း အောက်သို့တွဲလောင်းကျလာပါသည်။
သို့သော် တညနေတွင် ခေါင်းရင်းသုံးအိမ်ကျော်မှ ဘကြီးထူး အိမ်လည်ရောက်လာသည်။ ထိုအခါ ပျားအုံကို မြင်သွားပြီး ဆေးဖော်ဖို့ လိုနေတာနဲ့အတော်ပဲ-ဟုဆိုကာ ပျားအုံရှိသော သစ်ကိုင်းအောက် မီးပုံရှို့ကာ ပျားအုံကို မီးမှိုင်းတိုက်ပါတော့သည်။ ပိုးမွေးသကဲ့သို့ တယုတယမွေးမြူထား၍ မဖျက်ဆီးပါရန် ကျွန်တော်အတင်းအကျပ် တားမြစ်၏။ ဖေဖေနှင့်မေမေကလည်း ကလေးတွေ မွေးထားတာမလုပ်ပါနဲ့-ဟု ပြောပါသေး၏။
သို့သော် လူနိုင်ဖြစ်သောဘကြီးက သတ္တ၀ါဆိုတာ လူချွတ်မှ ကျွတ်တာ ဆိုပြီး ပျားအုံကို ဖွပ်ယူသွား၏။ ပျားအုံမရှိဘဲ ငုံးတိတိဖြစ်နေသော မန်ကျည်းကိုင်းကိုကြည့်ကာ ကျွန်တော် စိတ်မကောင်းဖြစ်၍ ကျန်ရစ်ခဲ့သည်။ ဤသို့ဖြင့် သုံးရက်အကြာတွင် ကျွန်တော်တို့အိမ်၏ ခေါင်းရင်းဘက် သုံးလေးအိမ်ကျော်လောက်ဆီမှ အော်သံ ဆူညံသံများကြား၍ ပျာပျာသလဲ ကျွန်တော်ပြေးကြည့်ရာဘကြီးထူးတို့အိမ် မီးလောင်နေသည်ကို ထိတ်လန့်စွာတွေ့ရသည်။ တဖောင်းဖောင်း တဗောင်းဗောင်းဖြင့် ၀ါးလုံးပေါက်ကွဲသံများကြားတွင် ဘကြီးထူးမှာ ပျားအုံကို မီးရှို့စဉ်က ပျားအိမ်အတွင်း၌ ပိတ်မိနေသော ပျားငယ်ကလေးကဲ့သို့ အားကောင်းစွာတောက်လောင်နေသော မီးညွန့် မီးတောက်များကြား အခန်းတွင်း၌ ပိတ်မိနေသည်။ ပြေးပေါက်ရှာလျက် တစာစာအော်နေ၏။
ကျွန်တော်လည်းကြည့်မနေတော့ဘဲ လူအုပ်နှင့်အတူ မီးကို ၀င်၍ငြိမ်းသတ်၏။ နောက်ဆုံး၌ လူအုပ်က မီးကို အနိုင်ရရှိသွားသည်။ မီးလောင်အပြီးတွင် ကိုယ်တခြမ်း မီးလောင်ခံထားရသော ဘကြီးထူးကို အရေးပေါ်လူနာအဖြစ် ဆေးရုံသို့ အမြန်ပို့လိုက်ကြ၏။ သို့သော် တကိုယ်တည်း လူပျိုးကြီးဘထူးအိမ်ကို လက်ဆော့ခြေဆော့ မီးရှို့သူ လက်သည်ကိုကား မည်သူမျှ မဖော်ထုတ်နိုင်ကြချေ။ လမ်းသွားရင်း ဆေးလိပ်မီးနှင့် ပစ်ပေါက်ခဲ့၍ လောင်ကျွမ်းခြင်းဖြစ်နိုင်သည်-ဟု အများက ယူဆပြောဆိုကြသည်။
မည်သို့ပင်ဆိုစေ ဘကြီးထူးသည် ကျွန်တော်တို့အိမ်ခြေရင်းရှိ မန်ကျည်းပင်မှ ပျားအုံကလေးကို မီးပုံရှို့ဖျက်ဆီးခဲ့၍ ယခု သူ၏အိမ် ပျက်စီးသွားရခြင်း ဖြစ်ကြောင်း၊ ပျားသူငယ်ကလေးများ မီးလောင်ခံရသကဲ့သို့ ယခုသူလည်း မီးလောင်ခံရခြင်းဖြစ်ကြောင်း ကျွန်တော်ယူဆမိပါသည်။ ၀ဋ်သည် နာရီ နေရာ သတ္တ၀ါမရွေး တန်ပြန်လိုက်တတ်ကြောင်းလည်း ဘကြီးထူးကိုယ်စား ကျွန်တော် နားလည်သဘောပေါက်လိုက်မိပါသည်။
( ကနောင်-နေလင်းစိုး )
( မြတ်မင်္ဂလာ ၂၀၀၁-ဖေဖော်ဝါရီလ )
ညီလေး ညီမလေးများကိုလည်း ဖျက်ဆီးခြင်းမပြုရန် ပြောပြထား၏။ ထို့ပြင် ပျားကလေးများ အဝေးသို့မသွားရဘဲ အနီးအနားတွင် လွယ်လင့်တကူ ၀တ်ရည်စုပ်သုံးနိုင်ရန် ခြံထဲရှိ ပန်းပင်များကို နေ့စဉ် ရေလောင်းပေါင်းသင်ပေး၏ ထိုမျှသာမက ၀တ်ရည်လျှမ်းသော အခြားပန်းမျိုးများကိုလည်း ထပ်မံစိုက်ပျိုးပေး၏ ထို့ကြောင့် ပျားကလေးများမှာ ဝေးဝေးလံလံသို့ မသွားတော့ဘဲ ခြံထဲရှိ ပန်းပင်များ၌သာ ကျက်စားကျင်လည်နေပါသည်။ ကျွန်တော်က နေ့စဉ် ပန်းပင်ရေလောင်း၊ မြက်နုတ်၊ ပျားကလေးများက ၀တ်ရည်စုပ်၊ ဤသို့ဖြင့် ရက်မှလသို့ ကူးပြောင်းလာခဲ့ရာ ပျားအိမ်ကလေးမှာ အတော်အတန် (မြူအိုးဝခန့်) ကြီးမားလာပါသည်။ ပျားလပို့များလည်း အောက်သို့တွဲလောင်းကျလာပါသည်။
သို့သော် တညနေတွင် ခေါင်းရင်းသုံးအိမ်ကျော်မှ ဘကြီးထူး အိမ်လည်ရောက်လာသည်။ ထိုအခါ ပျားအုံကို မြင်သွားပြီး ဆေးဖော်ဖို့ လိုနေတာနဲ့အတော်ပဲ-ဟုဆိုကာ ပျားအုံရှိသော သစ်ကိုင်းအောက် မီးပုံရှို့ကာ ပျားအုံကို မီးမှိုင်းတိုက်ပါတော့သည်။ ပိုးမွေးသကဲ့သို့ တယုတယမွေးမြူထား၍ မဖျက်ဆီးပါရန် ကျွန်တော်အတင်းအကျပ် တားမြစ်၏။ ဖေဖေနှင့်မေမေကလည်း ကလေးတွေ မွေးထားတာမလုပ်ပါနဲ့-ဟု ပြောပါသေး၏။
သို့သော် လူနိုင်ဖြစ်သောဘကြီးက သတ္တ၀ါဆိုတာ လူချွတ်မှ ကျွတ်တာ ဆိုပြီး ပျားအုံကို ဖွပ်ယူသွား၏။ ပျားအုံမရှိဘဲ ငုံးတိတိဖြစ်နေသော မန်ကျည်းကိုင်းကိုကြည့်ကာ ကျွန်တော် စိတ်မကောင်းဖြစ်၍ ကျန်ရစ်ခဲ့သည်။ ဤသို့ဖြင့် သုံးရက်အကြာတွင် ကျွန်တော်တို့အိမ်၏ ခေါင်းရင်းဘက် သုံးလေးအိမ်ကျော်လောက်ဆီမှ အော်သံ ဆူညံသံများကြား၍ ပျာပျာသလဲ ကျွန်တော်ပြေးကြည့်ရာဘကြီးထူးတို့အိမ် မီးလောင်နေသည်ကို ထိတ်လန့်စွာတွေ့ရသည်။ တဖောင်းဖောင်း တဗောင်းဗောင်းဖြင့် ၀ါးလုံးပေါက်ကွဲသံများကြားတွင် ဘကြီးထူးမှာ ပျားအုံကို မီးရှို့စဉ်က ပျားအိမ်အတွင်း၌ ပိတ်မိနေသော ပျားငယ်ကလေးကဲ့သို့ အားကောင်းစွာတောက်လောင်နေသော မီးညွန့် မီးတောက်များကြား အခန်းတွင်း၌ ပိတ်မိနေသည်။ ပြေးပေါက်ရှာလျက် တစာစာအော်နေ၏။
ကျွန်တော်လည်းကြည့်မနေတော့ဘဲ လူအုပ်နှင့်အတူ မီးကို ၀င်၍ငြိမ်းသတ်၏။ နောက်ဆုံး၌ လူအုပ်က မီးကို အနိုင်ရရှိသွားသည်။ မီးလောင်အပြီးတွင် ကိုယ်တခြမ်း မီးလောင်ခံထားရသော ဘကြီးထူးကို အရေးပေါ်လူနာအဖြစ် ဆေးရုံသို့ အမြန်ပို့လိုက်ကြ၏။ သို့သော် တကိုယ်တည်း လူပျိုးကြီးဘထူးအိမ်ကို လက်ဆော့ခြေဆော့ မီးရှို့သူ လက်သည်ကိုကား မည်သူမျှ မဖော်ထုတ်နိုင်ကြချေ။ လမ်းသွားရင်း ဆေးလိပ်မီးနှင့် ပစ်ပေါက်ခဲ့၍ လောင်ကျွမ်းခြင်းဖြစ်နိုင်သည်-ဟု အများက ယူဆပြောဆိုကြသည်။
မည်သို့ပင်ဆိုစေ ဘကြီးထူးသည် ကျွန်တော်တို့အိမ်ခြေရင်းရှိ မန်ကျည်းပင်မှ ပျားအုံကလေးကို မီးပုံရှို့ဖျက်ဆီးခဲ့၍ ယခု သူ၏အိမ် ပျက်စီးသွားရခြင်း ဖြစ်ကြောင်း၊ ပျားသူငယ်ကလေးများ မီးလောင်ခံရသကဲ့သို့ ယခုသူလည်း မီးလောင်ခံရခြင်းဖြစ်ကြောင်း ကျွန်တော်ယူဆမိပါသည်။ ၀ဋ်သည် နာရီ နေရာ သတ္တ၀ါမရွေး တန်ပြန်လိုက်တတ်ကြောင်းလည်း ဘကြီးထူးကိုယ်စား ကျွန်တော် နားလည်သဘောပေါက်လိုက်မိပါသည်။
( ကနောင်-နေလင်းစိုး )
( မြတ်မင်္ဂလာ ၂၀၀၁-ဖေဖော်ဝါရီလ )
0 comments:
Post a Comment