အအိပ်အနေ ကမောက်ကမ ဖြစ်ခြင်း
၁။ အအိပ်အနေ ကမောက်ကမ ဖြစ်ခြင်းဆိုတာ ဘာလဲ---
အိပ်ပျော်ခဲခြင်း၊ အိပ်ပျော်နေစဉ် မကြာခဏ နိုးလာခြင်း၊ ကြောက်စရာ အိပ်မက်ဆိုးများ မက်ခြင်း၊ အိပ်နေရင်း ယောင်ပြီး လမ်းလျှောက်ခြင်း၊ အိပ်ရာနိုးသောအခါ မလန်းဆန်းခြင်း၊ နေ့ခင်းမှာ တရားလွန်အိပ်ငိုက်ခြင်းများသည် အအိပ်အနေ ကမောက်ကမ ဖြစ်ခြင်းတို့ကြောင့် ဖြစ်ပါသည်။ ပူပန်သောကများသောကြောင့်ဖြစ်စေ၊ စိတ်ဖိစီးမှုကြောင့် ဖြစ်စေ၊ အိပ်မပျော်ဘဲ မျက်စိကြောင်နေခြင်း သည်လည်း အအိပ်အနေ မူမမှန်ခြင်းပင် ဖြစ်သည်။
၂။ ဟောက်ခြင်းသည် အအိပ်အနေ ကမောက်ကမ ဖြစ်တာလား၊ ဘယ်လောက် စိုးရိမ်ရပါသလဲ---
ဟောက်ခြင်းသည် အအိပ်အနေ ကမောက်ကမ ဖြစ်ခြင်း၌ အတွေ့များသော လက္ခဏာတရပ် ဖြစ်သည်။ လူလတ်ပိုင်းအရွယ် အလွန်ဝသူများတွင် တွေ့ရတတ်သည်။ သို့သော် ဟောက်တိုင်း အအိပ်အနေ မူမမှန် ဖြစ်သည်ဟု မပြောနိုင်ပေ။ ခေါင်းကိုက်ခြင်း၊ စိတ်အလိုမကျခြင်း၊ နေ့အချိန်တွင် အလွန်အမင်း အိပ်ငိုက်ခြင်း၊ အလုပ်တာဝန် ထမ်းဆောင်နိုင်မှု ကျခြင်း၊ ကားမောင်းစွမ်းရည် ကျခြင်း၊ စသော တခြားလက္ခဏာများနှင့် ယှဉ်တွဲလာပါက ဟောက်ခြင်းသည် အအိပ်အနေ ကမောက်ကမ ဖြစ်ခြင်းကြောင့် ဖြစ်သည်။ စိတ် တင်းကျပ်မှုများခြင်း၊ အသက်ရှူ မဝခြင်း၊ ကိုယ်အလေးချိန် တိုးလာခြင်းများပါ ဖြစ်ပါက စိုးရိမ်ဖွယ် ဖြစ်သည်။
၃။ အာရှမှာ အအိပ်အနေ ကမောက်ကမဖြစ်ခြင်းကို ဘယ်လောက်တွေ့ရပါသလဲ---
အာရှသားများတွင် အအိပ်အနေ ကမောက်ကမ ဖြစ်ခြင်းမျိုးကို အတွေ့ရများသည်။ လေ့လာတွေ့ရှိချက်များ အရ စင်ကာပူနိုင်ငံတွင် ၁၀-ရာခိုင်နှုန်းမှ ၁၅-ရာခိုင်နှုန်းထိ ထိုရောဂါရှိကြောင်း တွေ့ရသည်။
၎။ စိတ်ဖိစီးမှုနှင့် စိုးရိမ်သောကစိတ်ကဲ့သို့ စိတ်ပိုင်းဆိုင်ရာ ပြဿနာကြောင့် အအိပ်အနေ ကမောက်ကမ ဖြစ်တတ်ပါသလား---
မျက်စိကြောင်ခြင်းသည် စိတ်ဖိစီးမှုနှင့် စိုးရိမ်စိတ်များသောကြောင့် ဖြစ်တတ်သည်။ အသက်ရှူခြင်းဆိုင်ရာ ရောဂါ၊ စိတ်ငြိမ်ဆေးနှင့် အရက်ကို အလွန်အကျွံသောက်လျှင် အအိပ်အနေ ကမောက်ကမ ရောဂါကို ပိုဆိုးစေနိုင်သည်။ ကလေးများတွင် ကြောက်စရာ အိပ်မက်ဆိုးများ မက်တတ်သည်။
၅။ အအိပ်အနေ ကမောက်ကမ ဖြစ်ခြင်းအတွက် ထိရောက်သော ကုသနည်း---
စိတ်ဖိစီးမှုကြောင့်ဖြစ်လျှင် စိတ်ပိုင်းဆိုင်ရာ ကုသမှု ခံယူသင့်ပါသည်။ လိုအပ်သောဆေးဝါးများ စားရပါမည်။ ဝေဒနာရှင်မှာ အိပ်နေစဉ် အသက်ရှူရပ်သော လက္ခဏာကို တွေ့ရှိရပါက အသက်ရှူလမ်းကြောင်းရှိ အတားအဆီးများကို ဖယ်ရှားရန် CPAP ခေါ် continuous positive air pressure စက်ကို သုံးခြင်းသည် အကောင်းဆုံးဖြစ်သည်။
၆။ နေ့စဉ် စားသုံးသော အာဟာရနှင့် နေ့စဉ် လှုပ်ရှားမှုများသည် ကောင်းစွာအိပ်စက်ခြင်းကို အထောက်အကူဖြစ်စေပါသလား---
သင့်တင့်မျှတသော အာဟာရကို စားခြင်း၊ ပုံမှန် လေ့ကျင့်ခန်းလုပ်ခြင်း၊ အရက်နှင့် စိတ်ငြိမ်ဆေး-စိတ်ကြွဆေးများကို ရှောင်ကြဉ်ခြင်း စသော သင့်တင့်မျှတသည့် နေမှုပုံစံများက ကောင်းစွာအိပ်ပျော် စေသည်။
၇။ ဘာကြောင့် သွားကြိတ်ပါသလဲ---
အိပ်ပျော်နေစဉ် သွားကြိတ်ခြင်းမှာ မေးရိုး သို့မဟုတ်-သွားအနေအထား မမှန်သောကြောင့် ဖြစ်တတ်ပါသည်။ တခါတရံ အိပ်ပျော်နေစဉ် ဝက်ရူးပြန်ခြင်းကြောင့် သွားကြိတ်တတ်သော်လည်း အများစုမှာ စိတ်ဖိစီးမှုများသောကြောင့် ဖြစ်သည်။ သို့သော် ကလေးငယ်များနှင့် တချို့လူကြီးများ သွားကြိတ်ခြင်းမှာ အိပ်ပျော်နေကြောင်း သိသာစေသော အပြုအမူဖြစ်ပြီး တခြားဆိုးကျိုးများ မရှိတတ်ပါ။
၈။ သွားကြိတ်ခြင်းကို ကုသနိုင်ပါသလား---
များသောအားဖြင့် သွားကြိတ်ခြင်းအတွက် ကုသမှု မလိုပါ။ ကိုယ့်ကိုယ်ကိုယ် သတိထားပြီး ထိန်းရန်သာ လိုပါသည်။ စိတ်ဖိစီးမှုကြောင့်ဖြစ်လျှင် စိတ်ဖိစီးမှု နည်းအောင် ကုသရမည်။ သွားနှင့် မေးရိုး ပြဿနာကြောင့် ဖြစ်လျှင် အံကပ်တပ်ဆင်နိုင်သည်။
0 comments:
Post a Comment