ဆန်းကြယ်အံ့ဖွယ် ခရမ်းချဉ်

မိုက်တ်သည် အင်္ဂလိပ်လက်ဝှေ့ အားကစားသမားဖြစ်သည်။ လက်ဝှေ့ထိုးခြင်းမှ အနားယူလိုက်သောအခါ ၀လာသည်။ ၂၀၀၃-ခုနှစ် သြဂုတ်လတွင် အသက် ၂၉-နှစ်ရှိ မိုက်တ်သည် သူ့မိခင်၏ ဇာတိဖြစ်သော စပိန်နိုင်ငံ ပုနီသြလ်မြို့ငယ်လေးသို့ အပန်းဖြေခရီး ထွက်ခဲ့သည်။ တနှစ်တခါ ကျင်းပမြဲဖြစ်သော ခရမ်းချဉ်သီးပွဲတော်နေ့နှင့် ကြုံဆုံတိုက်ဆိုင်သည်။ တိုးဝှေ့လူအုပ်ထဲမှမိန်းမချောလင်ဒါနှင့် မြင်လျှင်မြင်ချင်း ချစ်ခင်စွဲမက်ကြပြီး ၄-လအကြာ၌ အိမ်ထောင်ပြုကြလေသည်။

မိုက်တ်သည် ဤမြို့လေးကို နှစ်သက်သည်။ ယောက္ခမကလည်း မိုက်တ်ကို ဤမြို့တွင်ပင်နေစေလိုသည် ဖြစ်၍ ခရမ်းချဉ်သီး အရောင်းအ၀ယ်လုပ်ငန်းကို တည်ထောင်ပေးသည်။ လင်ဒါတို့ တမိသားစုလုံး ခရမ်းချဉ်သီးကို ကြိုက်နှစ်သက်ကြသည်။ ခရမ်းချဉ်သီး ငန်းအသည်းကြော်ချက်၊ ခရမ်းချဉ်သီးပြောင်းဖူး ဟင်းရည်ပျစ်၊ ခရမ်းချဉ်သီးတို့ဟူးကြော်ချက် စသည့် အနံ့အရသာကောင်း၍ အဆင်းပါလှသော ဟင်းမျိုးစုံချက်စားလေ့ရှိသည်။ သို့သော် မိုက်တ်ကတော့ အကျင့်အရ ခရမ်းချဉ်သီးကို အသီးတမျိုးကဲ့သို့ အစိမ်းစားရသည်ကို ပိုနှစ်ခြိုက်သည်။

တနှစ်ကျော်သွားပြီးသော တနေ့တွင် ယခင်လက်ဝှေ့အသင်း ဆရာဝန်၏ တယ်လီဖုန်းရသည်။ သူနှင့်တချိန်တည်း လက်ဝှေ့ထိုးခြင်းမှ အနားယူသွားသူတယောက်သည် အ၀လွန်၍ နှလုံးသွေးကြောရောဂါ ရုတ်တရက်ဖြစ်ပွား ဆုံးပါးသွားသည့်အတွက် သူ့ကို ဆေးစစ်ဆေးရန် အထူးတလည်မှာကြားလေသည်။

အ၀လျှော့ရန်မရှိသော မိုက်တ်သည် ဆေးစ်သောအခါ နှလုံးသွေးကြော မူမမှန်ခြင်းနှင့် သုက်ရည်ဂလင်း (Prostate Gland) ရောင်ရမ်းခြင်းတို့ကို တွေ့ရှိရသည်။ လွန်ခဲ့သော ၆-လခန့်ကပင် သူမကြာခဏ ရင်ဝတွင် တစ်ဆို့တို့ ဖြစ်တတ်သည်ကို၎င်း။ တခါတရံ ခေါင်းမူးအားယုတ်သည်ကို၎င်း၊ တခါတရံ ဆီးသွားရ ခက်သည်ကို၎င်း၊ ယခုမှ သတိထားမိလေသည်။ မိမိကိုယ်ကို အသက်ငယ်သည်၊ အားကစားအခံရှိသည် ဆိုပြီး လျစ်လျူရှုထားခဲ့သည်။ ယခုမူ ဆေးရုံမှ စားဆေးတပုံကြီး ယူဆောင်လာသည့်အပြင် အားကစားလေ့ကျင့်သော စက်ကိရိယာများလည်း ၀ယ်ယူလေ့ကျင့်ရတော့သည်။

ကိုယ်အလေးချိန် လျော့သွားသော်လည်း ရောဂါအခြေအနေသည် ကောင်းမလာပါ။ သူစိတ်ပူလာသည်။ လက်ဝှေ့အသင်း ဆရာဝန်နဲ့ ဆက်သွယ်မေးမြန်းတိုင်ပင်သည်။ ဆရာဝန်ကလည်း လက်ဝှေ့အသင်း၏ အကြံပေးဆရာဝန်ကြီးဖြစ်သူ အော့စ်ဖို့ဆေးတက္ကသိုလ် ပါရဂူ ရှိခက်စ်ထံ တင်ပြလိုက်သည်။

ပါရဂူက ရှင်းပြသည်မှာ နှလုံးသွေးကြောရောဂါနှင့် သုက်ရည်ဂလင်းရောင် ရောဂါတို့သည်

(၁) ကိုယ်တွင်း အဆီဓာတ်များခြင်း။

(၂) နှလုံးဝန်ပိခြင်း။

(၃) သွေးလှည့်ပတ်မှုနှေးခြင်း။

(၄) သွေးကြောယိုယွင်းခြင်းတို့နှင့် သက်ဆိုင်သည်။

အချို့သူသည် သွေးကြောအတွင်း၌ လွတ်လပ်ရယ်ဒီကယ် (အောက်ဆီဂျင်နှင့် ပေါင်းစပ်ပြီးသော အဆီတမျိုး ပိုများနေ၍ သွေးကြောကို မာကျောစေနိုင်သည့်အတွက် သွေးလည်ပတ်မှု မချောမွေ့တော့ဘဲ နှလုံးသွေးကြောရောဂါ ဖြစ်စေတတ်သည်။

လွတ်လပ်ရယ်ဒီကယ်သည် ဦးနှောက်သို့ သွားသောသွေးကြောတွင် ပိတ်ဆို့နေလျှင် အသက်သေစေနိုင်သော လေဖြတ်ခြင်းဖြစ်နိုင်သည်။ မျိုးပွားအင်္ဂါသို့ ဆက်သွယ်သော သွေကြောကို ပိတ်ဆို့ခဲ့လျှင် သုက်ရည်ဂလင်း ရောင်ရမ်းသောရောဂါ ဖြစ်စေနိုင်သည်။ ထို့ကြောင့် မိုက်တ်၏ ရောဂါများ ပျောက်ကင်းစေရန် ကိုယ်အလေးချိန်လျှော့ချရုံနှင့် မရဘဲ သွေးကြောများ သွေးလည်ပတ်မှု ချောမွေ့မှ ဖြစ်ပါမည်။

ပါရဂူ၏ အကြံပြုချက်ဖြင့် မိုက်တ်သည် အင်တီအောက်ဆီဒင့် ဆေးများ စသောက်သည်။ သို့သော် ဤဆေးများ၏ဘေးထွက်ဆိုးကျိုးသည် ပြင်းထန်သည်။ မိုက်တ် ဒုက္ခရောက်သည်ကို လင်ဒါမကြည့်ရက်၍ သူ့ဖခင်ကဲ့သို့ ချက်ပြီး ခရမ်းချဉ်သီးစားရန် တိုက်တွန်းလေသည်။ သို့နှင့် မိုက်တ်သည် ဆေးရပ်ထားပြီး ခရမ်းချဉ်သီးချက်များကို များများစားလေသည်။

၆-လခန့်ကြာသောအခါ မိုက်တ်ကိုယ်တိုင် သွေးကြောသွေးလည်ပတ်မှု ချောမွေ့လာပြီဟု ခံစားရလေသည်။ ဆေးစစ်ကြည့်သောအခါ သွေးအတွင်းရှိ လွတ်လပ်ရယ်ဒီကယ်များ လျော့နည်းသွားပြီး နှစ်လရှည်ကြာစွာ ဒုက္ခပေးသော သုက်ရည်ဂလင်း ရောင်ရမ်းနာပါ သက်သာလာပြီ။

ပါရဂူသည် ဤအကြောင်းကို အလွန်စိတ်ဝင်စားပြီး အော့စ်ဖို့ ဆေးတက္ကသိုလ်မှ သုတေသနအဖွဲ့ တဖွဲ့ကို ဦးဆောင်ခေါ်ယူကာ ပုနိသြလ်မြို့ကလေးသို့ လာရောက်လေ့လာလေသည်။ မြို့သူများ၏ အသားရေသည် အဖြူရောင်ထဲ အနီရောင်သန်းနေသည်။ မြို့သားလူအိုများပင် ကျန်းမာသန်စွမ်းသည် မြို့ကလေး ပတ်ဝန်းကျင်တွင် ခရမ်းချဉ်သီး စိုက်ပျိုးကြသည်။ ခရမ်းချဉ်ဆော့စ်နှင့် အခြားခရမ်းချဉ်သီး အချောကိုင်စက်ရုံများ ထူထောင်ထားကြသည်။ ခရမ်းချဉ်သီးသည် ဤမြို့ငယ်၏ စီးပွားရေးပင်ရင်း ဖြစ်ရုံသာမက မိသားစုတိုင်း၏ ထမင်းစားဝိုင်းတွင်လည်း အဓိကအစားအစာ ဖြစ်သည်။ ခရမ်းချဉ်သီးတွင် ဗီတာမင်စီဓာတ် ပါဝင်၍ ဓာတ်မပျက်စီးရန် အစိမ်းစားသင့်သည်ဟု သိပ္ပံပညာရှင်များ တိုက်တွန်းခဲ့သည်မှာ ရှေးပဝေသဏီက ကိစ္စဖြစ်သည်။ ယခု ခရမ်းချဉ်သီးအကျက်တွင် မည်သို့သော လျှို့ဝှက်ချက် ရှိလေမည်နည်း။

ခရမ်းချဉ်သီးကို ၈၈.C ထိ အပူပေးပြီး သုံးအုပ်စု ခွဲလိုက်သည်။ က-အုပ်စုကို ၂-မိနစ်၊ ခ-အုပ်စုကို ၁၅-မိနစ်၊ ဂ-အုပ်စုကို မိနစ် ၃၀-ကြာအောင် ချက်ပြီး အစိမ်းနှင့် နှိုင်းယှဉ်ကြည့်သည်။ အပူပေးချိန် ကြာလေ ဗီတာမင်စီဓာတ် နည်းလေဖြစ်သည်။ သို့သော် အခြားဓာတ်တမျိုးသည် အပူပေးချိန်ကြာလေ များလာလေဖြစ်သည်။ ဤဓာတ်မှာ ခရမ်းချဉ်နီဓာတ် ဖြစ်သည်။

လွတ်လပ်ရယ်ဒီကယ်များစွာ သွင်းထားသော စမ်းသပ်သွေးရည်ထဲသို့ ခရမ်းချဉ်နီဓာတ် ထိုးသွင်းစမ်းသပ် ကြည့်ရှုသည်။ ခရမ်းချဉ်နီဓာတ်မှ ရှင်းလင်းနိုင်သော လွတ်လပ်ရယ်ဒီကယ် အရေအတွက်သည် ဗီတာမင် အီး၏ အဆ-၁၀၀ ဖြစ်ပြီး ဗီတာမင် စီ၏ အဆ-၁၀၀၀ ဖြစ်သည်ကိုလည်း နှိုင်းယှဉ်တွေ့ရှိသည်။

ဤအားကောင်းသော သဘာဝ အင်တီအောက်ဆီဒင့်ကို နိုင်ငံပေါင်းစုံမှ အသည်းအသန်ရှာဖွေနေကြ သည်မှာ အချိန်အတော်အတန် ကြာပြီ။ အကြောင်းမှာ လူတို့သည် အသက်ရှင်ရန် နေ့တိုင်း အောက်ဆီဂျင်ကို ရှူးသွင်းရသည်။ အောက်ဆီဂျင်သည် လူကို အသက်ရှင်ရပ်တည်စေနိုင်သည့် တချိန်တည်းတွင် လူကို အန္တရာယ်ပြုသော လွတ်လပ်ရယ်ဒီကယ်များကိုလည်း ဖြစ်ပေါ်စေသည်။ လွတ်လပ်ရယ်ဒီကယ်ဖြစ်ပေါ်မှု လွန်ကဲလျှင် လူကို ပို၍ လျင်မြန်စွာ အိုမင်းစေပြီး ကျန်းမာရေးကို ထိခိုက်လာသည်။

ခရမ်းချဉ်နီဓာတ်သည် သုက်ရည်ဂလင်းကို မည်သို့ အကျိုးသက်ရောက်သည်ကို လေ့လာရန် ခရမ်းချဉ်သီးအနီဓာတ်ကို သုက်ရည်ဂလင်းသို့ တိုက်ရိုက်ထိုးသွင်းပေးပြီး စောင့်ကြည့်သည့်အခါ သုက်ရည်ဂလင်းနှင့် ကျောက်ကပ်အထက်ဂလင်းတို့တွင် ယင်းဓာတ်များ စုနေပြီး ဂလင်းအရည် ထုတ်လွှတ်မှုကို တိုးပွားစေသည်။ ဤအရည်သည် သုက်ရည်တွင် အဓိကဖွဲ့စည်းပါဝင်သော အရည်ပင်ဖြစ်သည်။

တဖန် အမျိုးသမီးများကို သုတေသနပြုသောအခါ ခရမ်းချဉ်နီဓာတ်သည် မ,ဟော်မုန်းကို သိသာစွာ ထုတ်လွှတ်စေနိုင်သည်ကို တွေ့ရသည်။ ထို့ကြောင့် ယောက်ျားများကို ယောက်ျားပီသစေပြီး မိန်းမများကို လှပစေသော ခရမ်းချဉ်သီးကို ချစ်မေတ္တာသီး-ဟု အာနိသင်သိသူများက တင်စားခေါ်ဝေါ်ကြသည်။

၁၉၉၇-ခုနှစ် သြဂုတ်လ ၂၂-ရက်နေ့တွင် ရှိခက်စ် ပါရဂူသည် မိမိ၏ သုတေသန တွေ့ရှိချက်များကို ကမ္ဘာသို့ ကြေညာလိုက်သည်။ အလေးထားစားသုံးသူများလာသည်။ အချို့က အကျိုးမထူးဟု ဆိုကြသည်။ ပါရဂူသည် ဆက်လက်စမ်းသပ်လေ့လာသည့်အခါ အချို့သူများသည် ခရမ်းချဉ်းနီဓာတ်၏ တုံ့ပြန်မှုမရှိသည်ကို တွေ့ရသည်။ ထို့ကြောင့် လူတို့၏ ခရမ်းချဉ်နီဓာတ်ကို လက်ခံတုံ့ပြန်နိုင်စွမ်းသည် တယောက်နှင့်တယောက် မတူညီဟု ကောက်ချက်ချသည်။

ကံအားလျော်စွာ မိုက်တ်သည် ခရမ်းချဉ်နီဓာတ်ကို လွန်စွာလက်ခံတုံ့ပြန်လွယ်သောသူတယောက် ဖြစ်နေ၍သာ ရောဂါပျောက်ကင်းသွားခြင်းဖြစ်သည်။ ၂၀၀၈-ခုနှစ် ဖေဖော်ဝါရီလမှစ၍ ခရမ်းချဉ်သီးမှ ခရမ်းချဉ်နီဓာတ်ကို စီးပွားဖြစ် အမြောက်အမြား ထုတ်ယူရန် ကြိုးစားသည်။ တနှစ်ကျော် ကြာပြီး နောက်မှ အော့စ်ဖို့ဆေးတက္ကသိုလ် လက်အောက်ရှိ ဆေးဝါးထုတ်လုပ်ရေးကုမ္ပဏီစက်ရုံမှ နှလုံးသွေးကြောနှင့် သုက်ရည်ဂလင်းအတွက် အာဟာရဖြည့်စွက်အားဆေး-ကို အောင်မြင်စွာ ထုတ်လုပ်နိုင်ခဲ့သည်။ နှလုံးရောဂါရှင် ၁၅၀-ကို ၈-ပတ်ကြာ တိုက်ကျွေးစမ်းသပ်သည်။ ဘေးထွက်ဆိုးကျိုး လုံးဝမခံစားရဘဲ ကိုလက်စ်ထရော လုံးဝသုညဖြစ်သွားသည်ကို တွေ့ရသည်။

အမေရိကန် Time မဂ္ဂဇင်းမှ ခရမ်းချဉ်သီးကို ၂၁-ရာစု၏ ကျန်းမာရေးထိပ်ခေါင် အသီးဘုရင်ဟု တင်ပေးလိုက်သည်။ မဂ္ဂဇင်းမှ ဖော်ပြသော အကြောင်းရင်းမှာ-

(၁) ခရမ်းချဉ်နီဓာတ်သည် မော်တော်ကား အိတ်ဇောမှ ထုတ်လွှတ်သော ညစ်ညမ်းဓာတ်ငွေ့နှင့်

ဆေးလိပ်သောက်သူ၏ ကင်ဆာဖြစ်စေနိုင်သော အခိုးငွေ့မှ ကာကွယ်ပေးနိုင်သည်။

(၂) ခရမ်းချဉ်နီဓာတ်တွင် ပါဝင်သော သဘာဝ အင်တီအောက်ဆီဒင့်သည် ကင်ဆာဖြစ်စေနိုင်သော

လွတ်လပ်ရယ်ဒီကယ်ကို ထိန်းချုပ်နိုင်သည်။

(၃) ခရမ်းချဉ်သီးတွင် ပါဝင်သော Glutathion (Tathio) ဓာတ်သည် အဆိပ်အတောက်ပြယ်စေနိုင်ကာ

ဆဲလ်များ အိုမင်းခြင်းကို နောက်ကျစေနိုင်ပြီး ကင်ဆာဖြစ်ပေါ်မှုကို လျော့နည်းစေနိုင်သည်။

ထို့ကြောင့် သုက်ရည်ဂလင်းရောဂါရှိသူ၊ ၀ဖိုင့်သူများ သွေးတွင် ကိုလက်စ်ထရောဓာတ် မြင့်သူများနှင့် အသားအရေ စိုပြည်လှပလိုသူများသည် ခရမ်းချဉ်သီးဟင်း ချက်စားသော အလေ့အထ မွေးယူလျှင် အကျိုးများစွာ ဖြစ်ထွန်းမည်မှာ မလွဲပေ။

( တရုတ်ဘာသာ Zhiyin 2009-သြဂုတ်လထုတ် မဂ္ဂဇင်းမှ ကောက်နုတ်ဘာသာပြန်ပါသည်)

ပါမောက္ခ ဒေါ်ခင်ဖြူ

(မြတ်မင်္ဂလာ ၂၀၁၀-ဇူလိုင်လ)

Posted by: mingala at 18.2.11 0 မှတ်ချက်ရေးပါ