အပြစ်ပြောသူကို ချစ်သောသူလို့ မှတ်ထင်နိုင်ပါစေ
ဆုံးမသင့်ရာ၊ ဆုံးမပါ၊ ခါခါဘယ်မပြတ်။
ယုတ်မာအကျင့်၊ မပြုလင့်၊ တားသင့်သည်သာမှတ်။
ထိုဆုံးမမှု၊ တားသည့်သူ၊ ဂုဏ်ယူချစ်ခင်အပ်၊
ထိုကျင့်မူရာ၊ သူယုတ်မာ၊ စိတ်မှာမကျေနပ်။
ရှိတတ်သည်များ၊ သတိထား၊ မမှားလွန်မွန်မြတ်။
~~~~~~~~~~~~ ~~~~~~~~~~~~
လူတို့သည် မိမိအား အပြစ်ဟု သဘောထားနိုင်သည့် စကားမျိုးကို ဆိုပြောလာလျှင် မနှစ်သက်နိုင်၊ လက်ခံလိုက်နာခြင်း။ ပြုပြင် ပြောင်းလဲခြင်း စသည်များကို လုပ်ဆောင်ခြင်း မရှိကြပါပေ။
အမှန်တကယ် အကျိုးလိုလားစွာ စိတ်ထားဖြင့် ပြောစေကာမူ မိမိအပြစ်ဟု ဆိုပါချေက ထိုပြောသူကို ပြန်လည်ကာ အမျက်ပွားခြင်း၊ မုန်းတီးသောစိတ်များဝင်ခြင်းနှင့် ထိုသူအား ဆက်ဆံရေး နယ်ပယ်တွင် မြင်တွေ့လိုသောစိတ်များ ကုန်ခမ်းခြင်း အနေအထား ရောက်တတ် ကြသည်မှာ ဓမ္မတာပင်။ အပြစ်ကို အပြစ်ဟုမြင်သာ ထင်ရှားအောင် ထောက်ပြ ပြောဆိုသူတို့သည် အကယ်စင်စစ် မိတ်စစ် မိတ်ကောင်းအမှန်ဖြစ်၍၊ အပြစ်တည်းဟူသော အညစ်အကြေး အတင်မခံရစေရန် သတိပေးပြောဆိုခြင်း မရှိသူတို့မှာ မိတ်တုမိတ်ယောင်သာ ဖြစ်ကြပေရာ အမှားကျူးလွန်သူဖြစ်ခါ အနည်းနှင့်အများ ဒုက္ခဆင်းရဲ ရောက်စေရန် ရေငုံနှုတ်ပိတ် နေတတ်ကြသည်။
လူတို့၏ သဘောမှာကား မှားမှန်းသိသော်လည်း ထိုအမှားကိုပင် ခုံမင် နှစ်ခြိုက် ပြုလိုက်ရမှ ကျေနပ်နှစ်သိမ့်နိုင်ကြသည့် အနေအထားရှိကြသည်၊ မတားဆီး မိပိတ်ပင်၊ လိုက်လျော တိုက်တွန်းပြုသူကိုပင်လျှင် ခုံမင်နှစ်ခြိုက်ကာ ပိုမိုပေါင်းသင်းဆက်ဆံကြလေသည်။
ထိုသဘော စိတ်ထားမျိုးရှိသူတို့ကို ဘုရားအမှူးရှိသော သူတော်မြတ် သူတော်စင်တို့က လူမိုက်အနေဖြင့်စွဲထင် ပယ်လတ်ကြကုန်ပြီး၊ အမှန်စင်စစ် ပညာရှိသူတော်စင် သူတော်မြတ် ဖြစ်ပါမူ ပြုပြင်သော ဆုံးမခြင်း သက်ဝင်သည့် အပြစ်ပြောစကားတို့ကို လေးစားစွာ နှစ်လိုနာယူခြင်း ရှိကြပြီး ပြုပြင်ပြောင်းလဲ ဆင်ခြင်ခြင်းများနှင့်အတူ ထိုသူကိုပင် ကျေးဇူးတင် ရှိကာ လေးစားမြတ်နိုးမူ ထားကြသည်ပင်။
ဗုဒ္ဓရှင်တော်၏ လက်ယာတော်ရံ အဂ္ဂသာဝကကြီးဖြစ်တော်မူသော အရှင်သာရိပုတ္တရာ မထေရ်မြတ်ကြီးသည် သာမည သာမဏေငယ်လေး၏ အမှတ်မထင် ပြောဆိုသည့် စကားတစ် ခွန်းကိုပင် အလေးအနက်ပြုကာ ပြုပြင်ရုံမျှမက နောက်တွင်လည်း ထိုသို့မြင်သိသော ချို့ယွင်းမှုတို့ကို အသိပေး ပြောဆိုပါရန်ကိုလည်း မိန့်ဆို တော်မူခဲ့ဖူးပေသည်။
ဤသည်ကား မွန်မြတ်တော်မူလှသည့် သူတော်သူမြတ်တို့၏ သဘောထားနှင့် စိတ်မြတ်တရား တို့ပင်ဖြစ်သည်။
ဆုံးမသွန်သင် လမ်းကောင်းမြင်နိုင်ဖို့ ညွှန်ပြသည့် သဘောအနေဖြစ်သော အပြစ်ကို ထောက်ပြခြင်းများကို နှစ်လို နာယူနိုင်ခြင်း မရှိချေက သူတော်စင်တို့၏ ပစ်ပယ်ခြင်းနှင့် လက်တွေ့ ကြုံကြရမည့် အမှားလမ်းတို့သည်သာဖြစ်လျက် လူမိုက်စာရင်း အပ်နှင်းပြီးသူ ဖြစ်သွားလိမ့်မည်။
ထို့ကြောင့် ထိုလူမိုက်စာရင်းဝင် လူမျိုး မဖြစ်ကြစေရန် မိမိတို့၏ ချို့ယွင်းချက်များကို စေတနာမှန် စိတ်ထားမှန်ဖြင့် အမှားကင်းစေသော လမ်းကို ညွှန်ပြနိုင်သူ၊ ညွှန်ပြသူတို့ကို အစစ်အမှန် ရွေးချယ်ပြီး ပေါင်းသင်းကြကာ မိမိတို့ ဘ၀လမ်းကို သန့်စင်သည့်၊ အမှားနည်း သည့် လူမျိုးဖြစ်ကြအောင် ကြိုးပမ်းကြပါဟု…………
ကိုရင်လေး
၁၅.၂.၂၀၁၁
0 comments:
Post a Comment