တစ်ယောက်သူလည်း ကောင်းပါစေ
တစ်စုံတစ်ယောက် ၊ ဒုက္ခရောက်၍
ပံ့ထောက်ဖေးကူ ၊ ပြုတတ်သူအား
လူလည်းနှစ်လို ၊ နတ်ကြည်ညို၏ ။
အပိုမကြွား ၊ ဟုတ်သောအားဖြင့်
သနားငဲ့ညှာ ၊ ပြုသင့်ရာကို
ပြုလိုကာမျှ ၊ မြတ်ပုညတည်း
ကိုယ်ကနှိုင်းစာ ၊ သူ့ခမျာဟု
နိုင်ရာကကူ ၊ ၀ိုင်းဝန်းထူသော်
သူလည်းတစ်ယောက် ၊ ကောင်းကျိုးရောက်လိမ့် ။
သူတည်းတစ်ယောက် ၊ ကောင်းကျိုးရောက်မူ
တစ်ယောက်သူမှာ ၊ ပျက်တတ်စွာဟု
အခါခပ်သိမ်း ၊ ဉာဏ်မတိမ်းနှင့်
မစိမ်းမကား ၊ ကိုယ့်စွမ်းအားဖြင့်
တတ်အားသမျှ ၊ ဖေးကူမ၍
ဒုက္ခလွတ်ကြောင်း ၊ ကူစကောင်းသည်
သူဟောင်းမြတ်တို့ လမ်းစဉ်တည်း ။
( တစ်ယောက်တစ်ယောက်၊ ဖေးကူထောက်၊ ၀မ်းမြောက်ချမ်းသာရှိပါစေခလို )
0 comments:
Post a Comment