ဒီလိုဆိုရင်….။
သီရိလင်္ကာကို ပြန်ရောက်ပြီး ဘယ်မှမရောက်ဖြစ်ဘူး၊ ဒီနေ့တော့ နာရီဝက်သာသာ ကားမောင်းရတဲ့ ကနိစေရကျောင်းကို ဒါနေးသွားရတယ်၊ သီရိလင်္ကာယဉ်ကျေးမှုအရ ဆွမ်းစားကို ဒါနေးလို့ခေါ်တာပါ၊
တနင်္ဂနွေနေ့ဖြစ်တာမို့ ကျောင်းထဲမှာ လူတွေစည်ကားနေတယ်၊ အထူးသဖြင့် တကျောင်းလုံး ကလေးငယ်တွေ အပြည့်ပါပဲ၊ သစ်ပင်အောက်မှာ ဇရပ်တွေပေါ်မှာ ခန်းမဆောင်တွေထဲမှာ ကလေးငယ်တွေကို တွေ့ရတယ်၊ ကလေးငယ်တွေကို ချစ်တတ်သူပီပီ သူတို့နဲ့ စကားပြောပြီး ဓာတ်ပုံရိုက်ခဲ့တယ်၊
သူတို့လေးတွေရဲ့ အသိစိတ်မှာ စနေ တနင်္ဂနွေနေ့ရောက်ရင် ဘုန်းတော်ကြီးကျောင်းတွေကိုသွားရမယ်ဆိုတဲ့ အသိလေးတွေ ကိုယ်စီရှိနေကြတယ်၊ ကျောင်းရောက်ရင် ဗုဒ္ဓ၀င် ဇာတ်နိပါတ် ယဉ်ကျေးမှုစတာတွေ သင်ယူရတာကိုလဲ ပျော်နေပုံရတယ်၊သူတို့မျက်နှာကတွေကြည့်ရတာ စိတ်ချမ်းသာစရာကောင်းတယ်၊ပြုံးလို့ ရွှင်လို့ တက်ကြွလို့။
တကယ့်ကို အတုယူလောက်တဲ့ မျိုးဆက်သစ်တွေကို အမွေပေးပုံပါပဲ၊ သီရိလင်္ကာတစ်နိုင်ငံလုံး အရွယ်ရောက်တဲ့ကလေးမှန်ရင် ဘုန်းတော်ကြီးမှာ ဘုရားစာ သင်ယူကြရတဲ့ အလေ့အထက အရှိန်တော်တော်ရနေပါပြီ၊ ဘာတွေသင်ပေးနေတာလဲ မေးကြည့်တော့ ဒီဃာဝါယေ၀ မဟန္တာ စတဲ့ မေတ္တာသုတ်အကြောင်း သင်နေတာပါတဲ့..ဘာတွေသင်ခဲ့ပြီးပြီလဲလို့ မေးကြည့်တော့ ဗုဒ္ဓ၀င် ဇာတ်နိပါတ်နဲ့ ဗုဒ္ဓဘာသာသမိုင်းတွေသင်ခဲ့ပြီးပါပြီတဲ့၊
အမိမြန်မာပြည်မှာတော့ စာသင် စာချတဲ့ ကိုရင် ဦးဇင်းတွေတောင် ဗုဒ္ဓ၀င်ဆိုတာကို သီးသန့် မသင်ယူခဲ့ရပါဘူး၊ ကိုယ်သိချင်လို့ ကိုယ်တိုင်ပြန်လေ့လာရတဲ့ အနေအထားမှာ ရှိပါတယ်။ အတန်းခွဲတွေအများကြီးမှာ ဆရာ ဆရာမတွေက စေတနာဝန်ထမ်းလုပ်ပြီး သင်ပေးနေကြတာပါ၊ အမျိုး ဘာသာ သာသနာကိုချစ်တယ်လို့ ပါးစပ်ကပဲ အော်နေမယ့်အစား လက်တွေ့ကျတဲ့ လုပ်ဆောင်မှုတွေ စနစ်တကျရေးဆွဲထားတဲ့ ဘာသာရေးအမွေပေးမှုတွေ လုပ်သင့်နေပြီဆိုတဲ့ စိတ်ကူးတွေလဲ တဖွားဖွား ပေါ်နေမိတယ်၊
ရွှေပြည်ကြီးမှာလဲ ကလေးငယ်များအတွက် ဓမ္မစကူးလ်သင်တန်းကျောင်းတွေ ရပ်ကွက်တိုင်း မြို့နယ်တိုင်း ဖွင့်ပေးရမယ်၊ ဓမ္မစကူးလ်ကျောင်းတွေ အတွက် သင်ရိုးညွှန်းတမ်းတွေကို ဗဟိုအဖွဲ့အစည်းက စနစ်တကျရေးဆွဲရမယ်၊ ဓမ္မာစရိယ အကြီးတန်းအောင်လက်မှတ်ရထားတဲ့ သံဃာတွေ လမ်းမပျောက်ဖို့အတွက် ဓမ္မစကူးလ်ကျောင်းတွေမှာ ဆရာအဖြစ်ခန့်ထားရမယ်၊
ငါးနှစ်ကနေ ဆယ့်ခြောက်နှစ်အထိ ကလေးငယ်တွေအတွက် သီးသန့်သင်ရိုးညွှန်းတမ်းတွေလုပ်ရမယ်၊ ဆယ့်ခြောက်နှစ်ကနေ အသက်လေးဆယ်အရွယ် လူကြီးတွေအတွက် သင်ရိုးညွှန်းတမ်းတစ်ခု လုပ်ပေးမယ်၊ လေးဆယ်ကနေ လေးဆယ်ကျော် လူကြီးတွေကို ဆရာအဖြစ်ပြန်ခန့်အပ်ပြီး သူတို့တတွေအတွက် အဆင့်မြင့် ဗုဒ္ဓစာပေတွေသင်ပေးမယ်၊
သံဃာတော်များအတွက် တောင်တန်းသာသနာပြုစင်တာတွေ ပြည်ပသာသနာပြုစင်တာတွေဖွင့်ပေးရမယ်၊ပရဟိတလုပ်ချင်တဲ့ သံဃာတော်များအတွက် management သင်တန်းတွေပေးမယ်၊ Public Relationship လုပ်တဲ့အခါမှာ ပြောတတ် ဟောတတ်အောင် စနစ်တကျသင်ပေးတဲ့ သင်တန်းကျောင်းတွေလဲ ထပ်ဖွင့်ပေးရအုံးမယ်၊
နိုင်ငံတကာကို ရင်ဘောင်တန်းနိုင်တဲ့ Sangha University တွေကို ထပ်ဖွင့်မယ်၊ သာသနာနောက်ပိုင်းမှာ သေချာပေါက်ပေါ်လာမယ့် သာသနာဖျက်များကို ကာကွယ်ဖို့ ဓမ္မ၀ါဒီ သံဃာအဖွဲ့အစည်းကို စနစ်တကျဖွဲ့စည်းထားမယ်၊(သူငယ်ချင်းတစ်ပါးပြောတာလေးကို သတိရမိတယ်။ ကိုယ့်လူရေ နောက်ပိုင်းမှာ စတန့်ထွင် ဓမ္မကထိကတွေက အနိစ္စ ဒုက္ခ အနတ္တကို ပြောင်းပြန်လုပ်ပြီး နိစ္စ သုခ အတ္တလို့ ဟောလာကြအုံးမယ်တဲ့. သတိပြုစရာ ကောင်းလေစွ)
အဲလိုအဖွဲ့အစည်းတွေကို ထောက်ပံ့ပေးမယ့် သာသနာချစ်တဲ့ ဒကာ ဒကာမတွေကိုလဲ ထပ်ဖွဲ့စည်းရမယ်၊ သာသနာအရေးဆောင်ရွက်တဲ့အခါ ငွေကလဲ ရှိအုံးမှ ကိုး၊ ငွေရှိမှ ကျယ်ကျယ်ပြန့်ပြန့် ဆောင်ရွက်နိုင်တာကလား၊ ဟုတ်တယ်လေ ကျန်းမာပါစေ ချမ်းသာပါစေလို့ ပါးစပ်မေတ္တာပဲ ပို့နေလို့မှ မလုံလောက်တာ၊လက်တွေ့ကျကျ အကူအညီပေးရင်း ဒုက္ခရောက်သူတွေကို ကယ်တင်ရမယ်၊
နောက်ထပ် ထူးထူးခြားခြား သင်တန်းလေးတစ်ခု လုပ်ချင်သေးတယ်၊ မုဒိတာပွားပုံသင်တန်းပါ၊ အောင်အောင်မြင်မြင် ကြိုးစားဆောင်ရွက်သူတွေကို မနှောင့်ယှက်ဘဲ ၀မ်းမြောက်ဝမ်းသာ သာဓုခေါ်တတ်အောင် မုဒိတာသင်တန်းတွေလဲပေးရမယ်၊ အရှင်မောဂ္ဂလာန်မထေရ်မြတ်လို မဟုတ်တာလုပ်တဲ့သူတွေကို ဆွဲထုတ်ရဲတဲ့ ရဲရင့်တဲ့ သံဃာတွေကို ၀ိုင်းရံထားစေမယ်၊ ဒါမှ သာသနာရောင်ဝါလင်းပါတယ်လို့ ပြောနေကြ ဆိုနေကြအသံတွေကို လက်တွေ့နဲ့ ပေါင်းစပ်နိုင်မယ် မဟုတ်လား။
ကိုဝိမုတ္တိသုခရဲ့ ဒီလိုလေးဆိုရင် ကောင်းမလားလို့ဆိုတဲ့ ပို့စ်ကိုဆွေးနွေးရင်း ဒီနေ့ဓမ္မစကူးလ်သွားရင်းပေါ်လာတဲ့ အတွေးလေးတွေကိုချရေးကြည့်တာပါ၊ ဒီလိုလေးတွေဆိုရင် ကောင်းမယ်ထင်ပါရဲ့ပေါ့၊တကယ်တော့လဲ စိတ်ကူးယဉ်ဆိုတာ လက်တွေ့ဘ၀နဲ့တော့ ကွာနေတတ်ပါတယ်၊အေဘရာလင်ကွန်းပြောတဲ့ လုပ်နိုင်ပါတယ်မပြောနဲ့ လုပ်ပြလိုက်ပါဆိုတဲ့ စကားကလဲ နားထဲက မထွက်ပါဘူး၊ ဘယ်လိုပဲဖြစ်ဖြစ် ဒါလေးတွေ ဒီလိုလုပ်နိုင်မယ်ဆိုရင်တော့ ကောင်းမယ်ထင်ရဲ့။
ဓမ္မစကူးလ်သင်တန်းပြီးတော့ သီရိလင်္ကာ ကလေးငယ်တွေ စုပေါင်းတန်းစီပြီး ရွတ်ဆိုသွားတာက ဗုဒ္ဓသာသနံ စိရံ တိဋ္ဌတု ပါတဲ့။( မော်ဒန်အလိုအရတော့ တိဋ္ဌတု စိရံ ဗုဒ္ဓသာသနံ ပါ။ )
မိနုဝံဂေါဓ မှတ်တမ်း
သူတို့အတန်းခန်းမမှာ ဆွမ်းခံခဲ့ရသည်။
နာလန္ဒာ ဟိုက်စကူးကျောင်းဘေးက လမ်းဘေးဝဲယာမှာ..
သူ့ရိုးရာ သူ့ဓလေ့တွေကလည်း အတုယူစရာ
လမ်းဘေးဝဲယာ ညီညာစွာစီတန်းကာ ဤသို့...ကြိုဆိုခဲ့ကြသည်
သာသနာ့အလံများ စိုက်ထူကာ
အပြုံးကိုယ်စီနဲ့ သံဃာတော်များကို ကြိုဆိုနေကြပုံက..
အသံစာစာနဲ့ စာဓုသံဟစ်နေတဲ့ ဒကာမကြီးများ
အတုမြင် အတတ်သင်တဲ့ အရွယ်လေးတွေ
သာဓုကာရံ သာဓုကာရံ ဒေန္တိ...သံပြိုင်ညီညာ သာဓုသံ ပေးလျှက်
လမ်းဘေးဝဲယာမှာ ကျောင်းသူလေးများက ဤကဲ့သို့
မိနုဝန်မြို့တွင်းမှာ ဤကဲ့သို့ စီတန်းညီညာစွာ
ရိုးရာ အတီးအမှုတ်များဖြင့် ကြိုဆိုခဲ့ကြသည်။
ရဟန်းတစ်ပါးရဲ့ ဆွမ်းတစ်နပ်
မိနုဝန်
ကိုလံဘို မြန်မာကျောင်းကနေ တနာရီခွဲလောက် ကားမောင်းလိုက်ရင် မိနုဝန်ဂေါဓမြို့ကို ရောက်ပါတယ်၊ ဒီနေ့တော့ မိနုဝန်ကို ရောက်ဖြစ်တယ်၊ ပိဏ္ဍပါတလို့ခေါ်တဲ့ ဆွမ်းခံပင့်လို့ သွားဖြစ်တာပါ၊ သီရိလင်္ကာမှာတော့ မြန်မာနိုင်ငံမှာလို ဆွမ်းခံတဲ့ အလေ့အထက ပျောက်သလောက်ရှိနေပြီ၊ သံဃာသုံးသောင်းကျော်မှာ ဆွမ်းခံတာ အပါးတစ်ရာ မပြည့်တော့ပါဘူး၊ဒါပေမယ့် ဘုရားလက်ထက်ကစလို့ မြတ်စွာဘုရားကိုယ်တော်တိုင် ဆွမ်းခံပြီး ဘုဉ်းပေးခဲ့ရတာကိုတော့ သတိတရ ရှိနေဟန်တူရဲ့၊ အလေ့အထတွေ နည်းပါးနေချိန်မှာ မျိုးဆက်သစ် လူငယ်လေးတွေ သိအောင် ပြန်လည်ဖော်ထုတ်လာတာကို တွေ့ရတယ်၊
ဒီနေ့လဲ သံဃာ တစ်ရာလောက်ပင့်ပြီး ဆွမ်းခံပွဲကျင်းပကြတယ်၊ပင့်တဲ့နေရာကို မရောက်ခင် မိနုဝန်ဂေါဓမြို့လယ်မှာ ကားတွေနဲ့ စောင့်နေရတယ်၊ ခဏကြာတော့ ကျောင်းသူလေးတွေ ဦးဆောင်တဲ့ ကြိုဆိုရေးအဖွဲ့တွေ ရောက်လာတယ်၊ ကျောင်းဆရာတွေက နီးညိုရောင်ထီးတွေ ကိုယ်စီကိုင်ပြီး သံဃာတွေကို တစ်ပါးစီထီးမို ပင့်တယ်၊ကျောင်းသူလေးများက သာသနာအလံတွေကိုင်ပြီး ရှေ့ကနေသွားကြတယ်၊
လမ်းဘေးဝဲယာမှာ သံဃာတန်းကို ကြည်ညိုနေကြတဲ့ မြို့ခံလူထုတွေရော နာလန္ဒဟိုက်စကူးကျောင်းက ဆရာ ဆရာမ ကျောင်းသား ကျောင်းသူတွေရော သာဓုသံ တညံညံနဲ့ ကြိုဆိုကြတယ်၊ စာပေမှာတွေ့ရတဲ့ သာဓုကာရံ ဒဒါတိ ဆိုတာ ဒါမျိုးထင်ရဲ့လို့ တွေးမိတယ်။
သံဃာတန်းကြီး မြို့ထဲလှည့်လည် အပူဇော်ခံပြီးလို့ ကျောင်းထဲရောက်သွားတော့ ဟောခန်းကြီးထဲမှာ ခဏနားရတယ်၊ အုန်းရည်နဲ့အချိုရည်တွေ ကပ်ပြီးချိန်မှာ ဆရာတစ်ဦးစီက သံဃာတွေကိုတစ်ပါးစီပင့်တယ်၊ စာသင်ခန်းအသီးသီးကို ကြွကြရတယ်၊ ကျောင်းသား သုံးထောင်ကျော်ရှိတဲ့ နာလန္ဒာဟိုက်စကူးကျောင်းရဲ့ စာသင်ခန်းအသီးသီးမှာ သံဃာတော်တွေ နေရာကိုယ်စီယူကြတယ်၊
ကျောင်းသူ ကျောင်းသား အသီးသီးက ဆွမ်း ဆွမ်းဟင်း အချိုပွဲနဲ့ လှူဖွယ်ပစ္စည်းတွေ ဆက်ကပ်တယ်၊ မိမိကြွရောက်ပြီး ဆွမ်းအလှူခံရတဲ့ စာသင်ခန်းက Great 2. ကျောင်းသူ ကျောင်းသား အငယ်လေးတွေချည်း၊ ဆွမ်းလောင်းပြီးမှာ မိမိက Can you speak in English? လို့မေးတော့ ..ဟာမူးသရူး……………………………………………တဲ့..ဆင်ဟာလိဘာသာနဲ့ ပြောတယ်။
သူတို့ဘာတွေပြောတယ် ဆိုတော့ကိုတော့ နားမလည်၊ မိမိသိတာကလဲ ဟာမူးသရူး(ဦးဇင်း)ဆိုတာကိုပဲ သိတာကိုး။ ဒါနဲ့ ဆင်ဟာလ ၀ါစာနတ်(ဆင်ဟာလိ စကားမတတ်ဘူးလို့ )သိတာလေး တစ်လုံးတော့ ကောက်ပြောလိုက်သေးတယ်။ ပြီးမှ အိုကေ အိုကေလို့ပြောပြီး..ငါးပါးသီလပေး မေတ္တာပို့ ဓာတ်ပုံရိုက်ပြီး ဟောခန်းမကြီးအတွင်း ပြန်ကြွလာခဲ့တယ်၊
ဟောခန်းမကြီးထဲမှာ ဆရာ ဆရာမ ကျောင်းသား ကျောင်းသူက ရေစက်ချ တရားနာယူပြီး မိနုဝန်ဂေါဓရဲ့ ဆွမ်းလောင်းပွဲကို အောင်အောင်မြင်မြင် ရုပ်သိမ်းလိုက်ကြတယ်၊ ဆွမ်းလောင်းပွဲရဲ့ အပြန်မှာတော့ ကျောင်းသား ကျောင်းသူလေးတွေ ဆရာ ဆရာမတွေရဲ့ လက်အုပ်ချီ ကန်တော့ပန်းဆင်နေတဲ့ အပြုံးတွေက တစ်စုံတစ်ခုကို ပြောကြားနေသယောင် ခံစားမိလိုက်တယ်၊ မိနုဝန်ရဲ့ လုပ်ဆောင်ချက်တွေက ဗုဒ္ဓဘာသာဝင် အားလုံးကို ကိုယ်စားပြုနေတယ်ဆိုတာ အလိုလို နားလည်လိုက်ပါတယ်။ ။
ပရိနိဗ္ဗာန်ဝင်စံဖို့ သုံးလအလိုမှာ…
ဖြစ်ပေါ်လာတဲ့ သူတစ်ပါးရဲ့ အယူဝါဒရေးရာတွေကို အကျိုးသင့် အကြောင်းသင့် ကောင်းကောင်းကြီး မဖြေရှင်းနိုင်သမျှ ကောင်းကောင်း မဆုံးမနိုင်သမျှ( ဥပ္ပန္နံ ပရပ္ပ၀ါဒံ သဟဓမ္မေန သုနိဂ္ဂဟိတံ နိဂ္ဂေတွာ) ပရိနိဗ္ဗာန် စံတော်မမူဘူး။
ဒီနေ့ဆိုရင် မြတ်စွာဘုရား ပရိဗ္ဗာန်စံဝင်တော်မူတာ နှစ်ပေါင်း ၂၅၅၃ ရှိပါပြီ၊ ပရိနိဗ္ဗာန်ဝင်စံတော်မူဖို့ သုံးလအလိုမှာ ဝေသာလီကနေ စာပါလစေတီအနီးကို ကြွရောက်တော်မူလာတယ်၊ အာနန္ဒာရေ ဒီစာပါလစေတီ ဟာ သာသာ ယာယာရှိတယ်၊ ဒီနေရာလေးမှာ ခဏနားကြအုံးစို့ လို့ မိန့်တော်မူတော့ အရှင်အာနန္ဒာက ပါလာတဲ့ နှစ်ထပ်သင်္ကန်းကြီးကို ခင်းပြီး မြတ်စွာဘုရားအတွက် နေရာ ထိုင်ခင်း ပြင်ဆင်ပေးတော်မူတယ်၊
မြတ်စွာဘုရားက ခင်းထားတဲ့နေရာမှာ ထိုင်တော်မူပြီး အရှင်အာနန္ဒာကို မိန့်တော်မူတယ်… အာနန္ဒာ.. ငါဘုရားက ဣဒ္ဓိပါဒ်လေးပါးကို ကောင်းကောင်းကြီး ပွားများ အားထုတ်ခဲ့ပြီးပြီ၊ ပရိနိဗ္ဗာန် မစံဘဲ နေမယ်ဆိုရင် ဒီအာယုကပ် တကပ်လုံးနေလို့ရတယ်၊ ဒီစကားတော်ကို သုံးကြိမ်တိုင်တိုင် မိန့်တော်မူပေမယ့် အရှင်အာနန္ဒာ ငြိမ်နေခဲ့တယ်။ မြတ်စွာဘုရားက ကောင်းပြီ အာနန္ဒာအဆင်ပြေတဲ့ နေရာမှာ သွားနေပါတော့ လို့ မိန့်တော်မူလိုက်တယ်။
အရှင်အာနန္ဒာ ဘုရားအနီးက ထွက်ခွါသွားပြီးလို့ မကြာခင်မှာဘဲ မာရ်နတ်ရောက်လာတယ်၊ ဟိုး အရှင်ဘုရား ပရိနိဗ္ဗာန်ဝင်စံတော်မူပါတော့..တဲ့.. အဲဒီလို မာရ်နတ်က လျှောက်ထားတဲ့အခါ.. မြတ်စွာဘုရားက ဟဲ့
မာရ်နတ်… ငါ့ရဲ့တပည့်တွေ
ပရိယတ္တိ ဗဟုသုတ မရှိသေးသမျှ ၊
ငါဘုရားဟောကြားတဲ့ ဓမ္မတွေကို လက်တွေ့ကျင့်ပြီး ထိုးထွင်းမသိသေးသမျှ၊
မိမိဆရာရဲ့ အယူဝါဒကို သင်ယူပြီး သူတစ်ပါးတွေကို မဟောပြောနိုင်သေးသမျှ၊
ဖြစ်ပေါ်လာတဲ့ သူတစ်ပါးရဲ့ အယူဝါဒရေးရာတွေကို အကျိုးသင့် အကြောင်းသင့် ကောင်းကောင်းကြီး မဖြေရှင်းနိုင်သမျှ ကောင်းကောင်း မဆုံးမနိုင်သမျှ( ဥပ္ပန္နံ ပရပ္ပ၀ါဒံ သဟဓမ္မေန သုနိဂ္ဂဟိတံ နိဂ္ဂေတွာ)
ငါဘုရား ပရိနိဗ္ဗာန်စံဝင်တော် မမူဘူး လို့ မိန့်တော်မူပါတယ်၊
မာရ်နတ်ကလဲ သုံးကြိမ်တိုင်တိုင် ပရိနိဗ္ဗာန်ဝင်စံဖို့ လျှောက်တယ်၊ မြတ်စွာဘုရားက သုံးကြိမ်တိုင်တိုင် အထက်ပါ စကားကို မိန့်တော်မူတယ်၊
ပြီးမှ ဒီနေ့ကနေ ရေတွက်ရင် သုံးလမြောက်မှာ ငါဘုရား ပရိနိဗ္ဗာန်ဝင်စံတော်မူလိမ့်လို့ မိန့်တော်မူလိုက်ပါတယ်။
အခုတော့ မြတ်စွာဘုရား ပရိနိဗ္ဗာန်ဝင်စံတော်မူခဲ့ပါပြီ၊ ပေါ်ပေါက်လာတဲ့ သူတစ်ပါးတို့ရဲ့ အယူဝါဒရေးရာတွေကို အကျိုးသင့် အကြောင်းသင့် ဖြေရှင်းနိုင်မယ်ဆိုတာ ယုံကြည်လို့ စိတ်ချလက်ချ တပည့်တွေကို ထားသွားခဲ့ပါပြီ၊
မိမိတို့တတွေ အမှန်တကယ် ဖြေရှင်းနိုင်ကြပါပြီလား၊ ဖြေရှင်းနိုင်တဲ့သူတွေကိုယ်တိုင်ကကော မြတ်စွာဘုရား ပရိဗ္ဗာန်မ၀င်စံခင် သုံးလအလိုမှာ မိန့်တော်မူခဲ့တဲ့ စကားကို မေ့ပစ်လိုက်ကြပြီလား၊ အတင်းအဖျင်း ကတ်သီးကတ်ဖဲ့ မုန်းတီးစိတ်ထားများနဲ့ မေးတဲ့သူတွေကို မဖြေရှင်းဘဲ နေနိုင်ပေမယ့် မိမိအယူဝါဒရေးရာ အပေါ်မှာ အသစ်ထွင် အဆန်းထွင်တဲ့ သူတွေကိုတော့ ၀ိုင်းဝန်းဖြေရှင်း ပေးသင့်တယ်လို့ ရိုးရိုးလေး ယုံကြည်မိတာ အမှန်ပါ။
မစွမ်းဆောင်နိုင်သူတို့ ငြိမ်နေခြင်းကို စာဖွဲ့စရာ အကြောင်းမရှိပေမယ့် စွမ်းဆောင်နိုင်သူတို့ ပြန်လည်ဖြေရှင်း ၀ိုင်းဝန်းကူညီပေးခြင်းကိုတော့ မြတ်စွာဘုရားရဲ့ တပည့်သာဝကတိုင်း မျှော်လင့်စောင့်စားနေကြပါတယ်၊
ဟုတ်ပါတယ်..မြတ်စွာဘုရားကတော့…ဖြစ်ပေါ်လာတဲ့ သူတစ်ပါးရဲ့ အယူဝါဒရေးရာတွေကို အကျိုးသင့် အကြောင်းသင့် ကောင်းကောင်းကြီး မဖြေရှင်းနိုင်သမျှ ကောင်းကောင်း မဆုံးမနိုင်သမျှ( ဥပ္ပန္နံ ပရပ္ပ၀ါဒံ သဟဓမ္မေန သုနိဂ္ဂဟိတံ နိဂ္ဂေတွာ) ပရိနိဗ္ဗာန် စံတော်မမူဘူးလို့ မိန့်တော်မူခဲ့ချေပြီ တကား။ ။
(မနက်ပိုင်းမှာ ဖတ်ဖြစ်တဲ့ အဂုင်္တ္တရနိကာယ် အဋ္ဌကနိပါတ်က ဘူမိစာလသုတ္တန် တစိတ်တဒေသကို ပြန်လည်မျှဝေခြင်းပါ)
0 comments:
Post a Comment