( ၈ ) အမိအဖတို့ကို ကောင်းစွာလုပ်ကျွေးခြင်း။
အမိအဖတို့ကို ကောင်းစွာလုပ်ကျွေးခြင်းသည် မင်္ဂလာတပါး ဖြစ်သည်။
တနည်းအားဖြင့်-ကြီးပွားခြင်း၏ အကြောင်းရင်းတရပ်ဖြစ်သည်။
လွန်လေပြီးသောအခါ ဗာရာဏသီပြည်၌ လုလင်ပျိုတယောက် ရှိသည်။ သူသည် အမိအဖတို့ကို လွန်စွာချစ်မြတ်နိုး၏။ နတ်သိကြားကဲ့သို့ အမှတ်ပြု၍ ရိုသေစွာလုပ်ကျွေး၏။ ပြုစုစောင့်ရှောက်၏။ ထို့ကြောင့် ထိုလုလင်သည် မာတုပေါသက ပိတုပေါသက-ဟူ၍ အမည်တွင်လေသည်။
တနေ့သောအခါ ထိုလုလင်သည် အမိအဖတို့ကို ချမ်းသာစွာထားနိုင်ရန် အခကြေးငွေရလို၍ သင်္ဘောဖြင့် စွန့်စားလိုက်ပါလေသည်။ ထိုသင်္ဘောသည် သီဟိုဠ်ကျွန်း (သီရိလင်္ကာ)သို့ ဆိုက်ကပ်သည်။ ထိုအချိန်မှာ သီဟိုဠ်ကျွန်း၌ သဲမိုးတို့ အဆက်မပြတ်ရွာကာ လူအများ အတိဒုက္ခရောက်နေကြသည်။ လယ်ယာစိုက်ခင်းများ ပျက်စီးကြသည်။
သီဟိုဠ် (သီရိလင်္ကာ) မင်းလည်း သဲမိုးရွာသောကပ်မှ လွတ်မြောက်ရန် မည်သို့ပြုရမည်ကို သမားဖြူ၊ သမားညိုတို့ကိုခေါ်၍ မေးမြန်းသည်။ သမားဖြူ သမားညိုတို့က -အရှင်မင်းကြီး ဤသဲမိုးရွာသောကပ်သည် အလွန်ထူးခြားသော သစ္စာကို ပြုလျှင် ပျောက်ပါလိမ့်မည်-ဟူ၍ လျှောက်တင်ကြသည်။
အဘယ်သစ္စာကို အဘယ်သူအား ပြုစေရမည်နည်း-ဟူ၍ မင်းက မေးမြန်း၏။
အရှင်မင်းကြီး၊ အမိအဖတို့ကို နတ်သိကြားကဲ့သို့ ယူမှတ်၍ လုပ်ကျွေးသောသူကို သစ္စာပြုစေရပါမည်-ဟူ၍ သမားဖြူ၊ သမားညိုတို့ကို လျှောက်၏။
မင်းကလည်း-အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူကို များစွာဆုလာဘ်ပေးမည်။ မောင်းခတ်၍ ရှာလေ-ဟူ၍ အမိန့်တော်ရှိ၏။
မှူးမတ်တို့လည်း မောင်းကြေးနင်းခတ်၍ ရှာကြသည်။ တပြည်လုံးတွင် တယောက်မျှ မရှိ။ အခက်တွေ့နေကြသည်။
ထိုအခါ မာတုပေါသက ပိတုပေါသက လုလင်သည် သင်္ဘောထက်ကနေ၍ အို-အချင်းတို့၊ ငါသည် အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူတည်း-ဟု လှမ်းအော်ပြောသည်။
မှူးမတ်တို့လည်း မင်းကြီးအား ထိုအကြောင်းကို လျှောက်ထားသည်။ ထိုအခါ မင်းကြီးက-ထိုသူကိုခေါ်၍ သစ္စာဆိုစေလော့-ဟူ၍ မိန့်တော်မူလိုက်သည်။
မှူးမတ်တို့သည် လုလင်ထံသွား၍ သူတို့၏ဒုက္ခကို ပြောပြကြသည်။ ထိုဒုက္ခမှ လွတ်မြောက်အောင် သစ္စာဆိုပါရန်လည်း ပန်ကြားကြသည်။
ထိုအခါ မာတုပေါသက ပိတုပေါသက လုလင်လည်း သင်္ဘောဦးသို့တက်ပြီးလျှင် -ငါသည် လူလားမြောက်ကာ သိမြင်လိမ္မာသည်မှစ၍ အမိအဖနှစ်ပါးတို့၏ ကျေးဇူးကို အောက်မေ့ဆင်ခြင်ခဲ့သည်။ ကြည်ညိုမြတ်နိုးမဆုံး ရှိခဲ့သည်။ ထို့ကြောင့် အမိအဖနှစ်ပါးတို့ကို မငတ်မမွတ်၊ မနွမ်းနယ်စေရန် အိမ်ဦးနတ်ကဲ့သို့၎င်း၊ သိကြားမင်း၊ ဗြဟ္မာမင်းကဲ့သို့၎င်း၊ အမှတ်ထား၍ ရိုသေစွာ လုပ်ကျွေးမွေးမြူသူ မှန်ပါသည်။ ဤသစ္စာအတိုင်း မှန်ပါက ဤသဲမိုးသည် ချက်ချင်းရပ်ပါစေသတည်း။ ဤသဲမိုး ရပ်သဖြင့် ပြည်သူပြည်သား၊ မင်း၊ မှူးမတ်၊ ပုဏ္ဏား၊ သူဌေး၊ သူကြွယ်၊ ကုန်သည်၊ လယ်လုပ်မှစ၍ သတ္တ၀ါအားလုံး ချမ်းသာကြပါစေသတည်း-ဟူ၍ သစ္စာပြုသည်။
ထိုသို့ သစ္စာပြုသော ခဏမှာပင် သဲမိုးသည် ရပ်လေ၏။ အားလုံး ချမ်းသာရာ ရကြလေသည်။
ထိုအခါ မင်းနှင့်တကွ မှူးမတ်၊ ပုဏ္ဏား၊ သူဌေး၊ သူကြွယ်၊ ကုန်သည်၊ လယ်လုပ်မှစ၍ ပြည်သူပြည်သားတို့သည် လုလင်အား များပြားလှစွာသော ပစ္စည်းဥစ္စာတို့ဖြင့် ပူဇော်ကြသည်။ လုလင်သည် ထိုပစ္စည်းတို့ကို သင်္ဘောငါးစင်းဖြင့်တင်၍ အိမ်သို့ပြန်ခဲ့သည်။ ရောက်သော် အမိအဖတို့အား အကျိုးအကြောင်းပြောပြကာ ရရှိသောပစ္စည်းများဖြင့် ပူဇော်လေသည်။ သူတို့ ၃-ဦးသည် ဒါနကောင်းမှု စသည်များကို ပြု၍ ချမ်းမြေ့စွာ နေထိုင်သွားကြသည်။ စုတေသောအခါ နတ်ပြည်သို့ လားကြလေသတည်း။
အကိုး။ ။ မင်္ဂလာသာရ ဒီပနီကျမ်းမူဟောင်း (၁၉၂၀-ပြည့်နှစ်)
( မင်းယုဝေ)
(မြတ်မင်္ဂလာ ၂၀၀၂-ခု ဇွန်လ)
တနည်းအားဖြင့်-ကြီးပွားခြင်း၏ အကြောင်းရင်းတရပ်ဖြစ်သည်။
လွန်လေပြီးသောအခါ ဗာရာဏသီပြည်၌ လုလင်ပျိုတယောက် ရှိသည်။ သူသည် အမိအဖတို့ကို လွန်စွာချစ်မြတ်နိုး၏။ နတ်သိကြားကဲ့သို့ အမှတ်ပြု၍ ရိုသေစွာလုပ်ကျွေး၏။ ပြုစုစောင့်ရှောက်၏။ ထို့ကြောင့် ထိုလုလင်သည် မာတုပေါသက ပိတုပေါသက-ဟူ၍ အမည်တွင်လေသည်။
တနေ့သောအခါ ထိုလုလင်သည် အမိအဖတို့ကို ချမ်းသာစွာထားနိုင်ရန် အခကြေးငွေရလို၍ သင်္ဘောဖြင့် စွန့်စားလိုက်ပါလေသည်။ ထိုသင်္ဘောသည် သီဟိုဠ်ကျွန်း (သီရိလင်္ကာ)သို့ ဆိုက်ကပ်သည်။ ထိုအချိန်မှာ သီဟိုဠ်ကျွန်း၌ သဲမိုးတို့ အဆက်မပြတ်ရွာကာ လူအများ အတိဒုက္ခရောက်နေကြသည်။ လယ်ယာစိုက်ခင်းများ ပျက်စီးကြသည်။
သီဟိုဠ် (သီရိလင်္ကာ) မင်းလည်း သဲမိုးရွာသောကပ်မှ လွတ်မြောက်ရန် မည်သို့ပြုရမည်ကို သမားဖြူ၊ သမားညိုတို့ကိုခေါ်၍ မေးမြန်းသည်။ သမားဖြူ သမားညိုတို့က -အရှင်မင်းကြီး ဤသဲမိုးရွာသောကပ်သည် အလွန်ထူးခြားသော သစ္စာကို ပြုလျှင် ပျောက်ပါလိမ့်မည်-ဟူ၍ လျှောက်တင်ကြသည်။
အဘယ်သစ္စာကို အဘယ်သူအား ပြုစေရမည်နည်း-ဟူ၍ မင်းက မေးမြန်း၏။
အရှင်မင်းကြီး၊ အမိအဖတို့ကို နတ်သိကြားကဲ့သို့ ယူမှတ်၍ လုပ်ကျွေးသောသူကို သစ္စာပြုစေရပါမည်-ဟူ၍ သမားဖြူ၊ သမားညိုတို့ကို လျှောက်၏။
မင်းကလည်း-အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူကို များစွာဆုလာဘ်ပေးမည်။ မောင်းခတ်၍ ရှာလေ-ဟူ၍ အမိန့်တော်ရှိ၏။
မှူးမတ်တို့လည်း မောင်းကြေးနင်းခတ်၍ ရှာကြသည်။ တပြည်လုံးတွင် တယောက်မျှ မရှိ။ အခက်တွေ့နေကြသည်။
ထိုအခါ မာတုပေါသက ပိတုပေါသက လုလင်သည် သင်္ဘောထက်ကနေ၍ အို-အချင်းတို့၊ ငါသည် အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူတည်း-ဟု လှမ်းအော်ပြောသည်။
မှူးမတ်တို့လည်း မင်းကြီးအား ထိုအကြောင်းကို လျှောက်ထားသည်။ ထိုအခါ မင်းကြီးက-ထိုသူကိုခေါ်၍ သစ္စာဆိုစေလော့-ဟူ၍ မိန့်တော်မူလိုက်သည်။
မှူးမတ်တို့သည် လုလင်ထံသွား၍ သူတို့၏ဒုက္ခကို ပြောပြကြသည်။ ထိုဒုက္ခမှ လွတ်မြောက်အောင် သစ္စာဆိုပါရန်လည်း ပန်ကြားကြသည်။
ထိုအခါ မာတုပေါသက ပိတုပေါသက လုလင်လည်း သင်္ဘောဦးသို့တက်ပြီးလျှင် -ငါသည် လူလားမြောက်ကာ သိမြင်လိမ္မာသည်မှစ၍ အမိအဖနှစ်ပါးတို့၏ ကျေးဇူးကို အောက်မေ့ဆင်ခြင်ခဲ့သည်။ ကြည်ညိုမြတ်နိုးမဆုံး ရှိခဲ့သည်။ ထို့ကြောင့် အမိအဖနှစ်ပါးတို့ကို မငတ်မမွတ်၊ မနွမ်းနယ်စေရန် အိမ်ဦးနတ်ကဲ့သို့၎င်း၊ သိကြားမင်း၊ ဗြဟ္မာမင်းကဲ့သို့၎င်း၊ အမှတ်ထား၍ ရိုသေစွာ လုပ်ကျွေးမွေးမြူသူ မှန်ပါသည်။ ဤသစ္စာအတိုင်း မှန်ပါက ဤသဲမိုးသည် ချက်ချင်းရပ်ပါစေသတည်း။ ဤသဲမိုး ရပ်သဖြင့် ပြည်သူပြည်သား၊ မင်း၊ မှူးမတ်၊ ပုဏ္ဏား၊ သူဌေး၊ သူကြွယ်၊ ကုန်သည်၊ လယ်လုပ်မှစ၍ သတ္တ၀ါအားလုံး ချမ်းသာကြပါစေသတည်း-ဟူ၍ သစ္စာပြုသည်။
ထိုသို့ သစ္စာပြုသော ခဏမှာပင် သဲမိုးသည် ရပ်လေ၏။ အားလုံး ချမ်းသာရာ ရကြလေသည်။
ထိုအခါ မင်းနှင့်တကွ မှူးမတ်၊ ပုဏ္ဏား၊ သူဌေး၊ သူကြွယ်၊ ကုန်သည်၊ လယ်လုပ်မှစ၍ ပြည်သူပြည်သားတို့သည် လုလင်အား များပြားလှစွာသော ပစ္စည်းဥစ္စာတို့ဖြင့် ပူဇော်ကြသည်။ လုလင်သည် ထိုပစ္စည်းတို့ကို သင်္ဘောငါးစင်းဖြင့်တင်၍ အိမ်သို့ပြန်ခဲ့သည်။ ရောက်သော် အမိအဖတို့အား အကျိုးအကြောင်းပြောပြကာ ရရှိသောပစ္စည်းများဖြင့် ပူဇော်လေသည်။ သူတို့ ၃-ဦးသည် ဒါနကောင်းမှု စသည်များကို ပြု၍ ချမ်းမြေ့စွာ နေထိုင်သွားကြသည်။ စုတေသောအခါ နတ်ပြည်သို့ လားကြလေသတည်း။
အကိုး။ ။ မင်္ဂလာသာရ ဒီပနီကျမ်းမူဟောင်း (၁၉၂၀-ပြည့်နှစ်)
( မင်းယုဝေ)
(မြတ်မင်္ဂလာ ၂၀၀၂-ခု ဇွန်လ)
Labels: ၃၈-ဖြာ မင်္ဂလာ
လေဖြတ်ရာမှ ပြန်လည်ကျန်းမာလာသူ
ဦးမောင်မောင်ခင်သည် မြိတ်မြို့ တပ်ပြင်ရပ် (ဦးဟန်စိန်)+ဒေါ်မြကြည်တို့၏ သားကြီး ဖြစ်သည်။ ၁၉၄၈-ခုနှစ်တွင် ဖွားမြင်သည်။ ရန်ကုန်တက္ကသိုလ် သမိုင်းဘာသာရပ်ဖြင့် ဘွဲ့ရခဲ့သည်။ သူသည် သေရွာပြန် တဦးဖြစ်သည်။ ယခုကဲ့သို့ အသက်ရှင်နေခြင်းသည် ၀ိပဿနာတရား အားထုတ်လာခဲ့ခြင်း၏ အကျိုးဖြစ်ကြောင်း ပြောပြသည်။
သူသည် ၁၉၇၄-ခုနှစ်တွင် ဘွဲ့ရလူငယ်များကို ဦးဆောင်ပြီး၊ မြိတ်ခရိုင်၊ ကျွန်းစုမြို့နယ်တွင် လယ်ယာမြေ ဖော်ထုတ်ရေး စီမံကိန်း၌ ၁၀-နှစ်ခန့် အလုပ်လုပ်ခဲ့သည်။ ၁၉၈၄-ခုနှစ်တွင် တာဝန်မှ အနားယူခဲ့သည်။ ၁၉၉၁-နိုဝင်ဘာလတွင် ဒုလ္လဘရဟန်းဝတ်ခဲ့သည်။
ရဟန်းဝတ်စဉ် မြိတ်မြို့ ကန်ဖျားရပ် မဟာစည်သာသနာ့ရိပ်သာသို့ သွားပြီး တရားအားထုတ်သည်။ မူလက ၂-ရက်ခန့် စမ်းကြည့်ရာမှ နှစ်သက်ပြီး ထို့နောက် ရက် ၄၀-အထိ အားထုတ်ဖြစ်သည်။
၁၉၉၁-ခုနှစ် ဖေဖော်ဝါရီလ ၁၀-ရက်နေ့တွင် မကျန်းမမာဖြစ်ပြီး ဖျားနာပါသည်။ အဖျားပျောက်သွားပြီးနောက် ဖေဖော်ဝါရီလ ၁၇-ရက်နေ့တွင် ရာဦဥတု အလွန်ပူအိုက်သောကြောင့် ည ၁၀-နာရီအချိန်၌ ရေချိုးလိုက်သည်။
ထိုအချိန်ကစ၍ သူ-လေဖြတ်ပြီး မေ့မြောသွားသည်။ ဆရာဝန် ဒေါက်တာ ဂင်လိုက်က ဆေးသွင်း၊ ဆေးထိုး ကုသပေးသည်။ ၄-ရက်မြောက်နေ့တွင် ပြည်လည်သတိရလာခဲ့သည်။ သူ-လေဖြတ်ပြီး သတိလစ်မေ့မြောနေစဉ် လူမည်းကြီး လေးဦးက သူ့ကို လာဆွဲကြောင်း ဘုန်းတော်ကြီး ၂-ပါးက သူ့ကို ပြန်ဆွဲထားကြောင်း၊ သူသတိရလာချိန်တွင် လက်မောင်းများ အလွန်နာကျင် ကိုက်ခဲနေကြောင်း ပြောပြသည်။
သူသည် ပြန်သတိရလာသောအခါ အမေနှင့် အဒေါ်ကြီးများ၏တိုက်တွန်းချက်အရ ကြိုးစား၍ တရားထိုင်သည်။ အစတွင် အချိန်အနည်းငယ်သာ ထိုင်နိုင်သည်။ ထို့နောက် အားမလျှော့ဘဲ ကြိုးစားထိုင်ရာ တဖြည်းဖြည်း တိုး၍တိုး၍ ထိုင်နိုင်လာသည်။ ထမင်းကို ခွံ့ကျွေးရာမှ ကိုယ်တိုင် ဇွန်းနှင့် စားလို့ရလာသည်။
၁၉၉၆-ခုနှစ်၌ မြိတ်မြို့ ကန်ဖျားရပ် မဟာစည်သာသနာ့ရိပ်သာ၊ မြိတ်မြို့ဖွားသုခ မိုးကုတ်ဝိပဿနာ တရားရိပ်သာ၊ မြိတ်မြို့ တပ်ပြင်ရပ် လှည်းဘီးကျောင်း မဟာစည်သာသနာ့ရိပ်သာ၊ မြိတ်မြို့ လေးကျွန်းဆီမီး စေတီတော်ကြီး မိုးကုတ်ဓမ္မရိပ်သာတို့က ဖွင့်လှစ်ခဲ့သော ၁၀-ရက်တရားစခန်းများတွင် ၁၁-ကြိမ် ၀င်ရောက်အားထုတ်ခဲ့သည်။
သူသည် တရားရိပ်သာများမှ အိမ်သို့ပြန်ရောက်သောအခါ ဆက်လက် တရားထိုင်ခဲ့သည်။ ဦးမောင်မောင်ခင်က ၁၉၉၇-ခုနှစ်ကစပြီး မိမိနေအိမ်မှာ အချိန်ဇယားချပြီး တရားထိုင် ရှုမှတ်ခဲ့ပါတယ်။
နံနက် ၄-နာရီမှ နံနက် ၅-နာရီအထိ။
နံနက် ၆း၃၀-နာရီမှ နံနက် ၇း၃၀-နာရီအထိ။
နံနက် ၁၀-နာရီမှ နံနက် ၁၁-နာရီအထိ
ည ၁၀-နာရီမှ ၁၂-နာရီအထိ။
တနေ့လျှင် ၄-ကြိမ် မပျက်မကွက် အချိန်မှန်မှန် တရားထိုင်လာခဲ့ပါသည်။ ကျန်အားလပ်ချိန်များမှာ ဘာသာရေးစာအုပ်များ ဖတ်ရှုလေ့လာရင်း အချိန်ကို ကုန်လွန်စေခဲ့ပါတယ်။ တရားထိ်ုင်တဲ့ အလေ့အကျင့်များကို အချိန်ကြာမြင့်စွာ ဆောင်ရွက်ခဲ့တဲ့အတွက် မထိုင်ရမနေနိုင်သလို ဖြစ်လာပါတယ်။ မိမိစိတ်ကို သန့်ရှင်းစင်ကြယ်စွာထားပြီး ၀ိပဿနာအလုပ်ကို တစိုက်မတ်မတ်လုပ်လာလို့ ထင်ပါတယ်။ စား၊ ၀တ်၊ နေမှု၊ ပူပင်ကြောင့်ကြမှု ကင်းပါတယ်။ ယခု ဒီအခြေအနေအထိ ပြန်လည် ကျန်းမာလာခြင်းဟာ ၀ိပဿနာတရား အားထုတ်ခြင်းရဲ့ အကျိုးဖြစ်တယ်လို့ ယုံကြည်ပါတယ်-ဟူ၍ ဖွင့်ဟ ပြောဆိုပေသည်။
ဤကား ဦးမောင်မောင်ခင်က ပြောပြသော စကားများ ဖြစ်သည်။ ဦးမောင်မောင်သည် ၁၉၇၀-ပြည့်နှစ် ကျောင်းသားဘ၀တွင် မြိတ် ၄-ခရိုင် အလေးမနှင့် မောင်ရွေးပွဲ၌ ရွှေမြိတ်မောင်-ပထမဆုနှင့် အလေးမ ပထမဆု ရရှိခဲ့သူ ဖြစ်သည်။
ရဟန်းဝတ်စဉ် မြိတ်မြို့ ကန်ဖျားရပ် မဟာစည်သာသနာ့ရိပ်သာသို့ သွားပြီး တရားအားထုတ်သည်။ မူလက ၂-ရက်ခန့် စမ်းကြည့်ရာမှ နှစ်သက်ပြီး ထို့နောက် ရက် ၄၀-အထိ အားထုတ်ဖြစ်သည်။
၁၉၉၁-ခုနှစ် ဖေဖော်ဝါရီလ ၁၀-ရက်နေ့တွင် မကျန်းမမာဖြစ်ပြီး ဖျားနာပါသည်။ အဖျားပျောက်သွားပြီးနောက် ဖေဖော်ဝါရီလ ၁၇-ရက်နေ့တွင် ရာဦဥတု အလွန်ပူအိုက်သောကြောင့် ည ၁၀-နာရီအချိန်၌ ရေချိုးလိုက်သည်။
ထိုအချိန်ကစ၍ သူ-လေဖြတ်ပြီး မေ့မြောသွားသည်။ ဆရာဝန် ဒေါက်တာ ဂင်လိုက်က ဆေးသွင်း၊ ဆေးထိုး ကုသပေးသည်။ ၄-ရက်မြောက်နေ့တွင် ပြည်လည်သတိရလာခဲ့သည်။ သူ-လေဖြတ်ပြီး သတိလစ်မေ့မြောနေစဉ် လူမည်းကြီး လေးဦးက သူ့ကို လာဆွဲကြောင်း ဘုန်းတော်ကြီး ၂-ပါးက သူ့ကို ပြန်ဆွဲထားကြောင်း၊ သူသတိရလာချိန်တွင် လက်မောင်းများ အလွန်နာကျင် ကိုက်ခဲနေကြောင်း ပြောပြသည်။
သူသည် ပြန်သတိရလာသောအခါ အမေနှင့် အဒေါ်ကြီးများ၏တိုက်တွန်းချက်အရ ကြိုးစား၍ တရားထိုင်သည်။ အစတွင် အချိန်အနည်းငယ်သာ ထိုင်နိုင်သည်။ ထို့နောက် အားမလျှော့ဘဲ ကြိုးစားထိုင်ရာ တဖြည်းဖြည်း တိုး၍တိုး၍ ထိုင်နိုင်လာသည်။ ထမင်းကို ခွံ့ကျွေးရာမှ ကိုယ်တိုင် ဇွန်းနှင့် စားလို့ရလာသည်။
၁၉၉၆-ခုနှစ်၌ မြိတ်မြို့ ကန်ဖျားရပ် မဟာစည်သာသနာ့ရိပ်သာ၊ မြိတ်မြို့ဖွားသုခ မိုးကုတ်ဝိပဿနာ တရားရိပ်သာ၊ မြိတ်မြို့ တပ်ပြင်ရပ် လှည်းဘီးကျောင်း မဟာစည်သာသနာ့ရိပ်သာ၊ မြိတ်မြို့ လေးကျွန်းဆီမီး စေတီတော်ကြီး မိုးကုတ်ဓမ္မရိပ်သာတို့က ဖွင့်လှစ်ခဲ့သော ၁၀-ရက်တရားစခန်းများတွင် ၁၁-ကြိမ် ၀င်ရောက်အားထုတ်ခဲ့သည်။
သူသည် တရားရိပ်သာများမှ အိမ်သို့ပြန်ရောက်သောအခါ ဆက်လက် တရားထိုင်ခဲ့သည်။ ဦးမောင်မောင်ခင်က ၁၉၉၇-ခုနှစ်ကစပြီး မိမိနေအိမ်မှာ အချိန်ဇယားချပြီး တရားထိုင် ရှုမှတ်ခဲ့ပါတယ်။
နံနက် ၄-နာရီမှ နံနက် ၅-နာရီအထိ။
နံနက် ၆း၃၀-နာရီမှ နံနက် ၇း၃၀-နာရီအထိ။
နံနက် ၁၀-နာရီမှ နံနက် ၁၁-နာရီအထိ
ည ၁၀-နာရီမှ ၁၂-နာရီအထိ။
တနေ့လျှင် ၄-ကြိမ် မပျက်မကွက် အချိန်မှန်မှန် တရားထိုင်လာခဲ့ပါသည်။ ကျန်အားလပ်ချိန်များမှာ ဘာသာရေးစာအုပ်များ ဖတ်ရှုလေ့လာရင်း အချိန်ကို ကုန်လွန်စေခဲ့ပါတယ်။ တရားထိ်ုင်တဲ့ အလေ့အကျင့်များကို အချိန်ကြာမြင့်စွာ ဆောင်ရွက်ခဲ့တဲ့အတွက် မထိုင်ရမနေနိုင်သလို ဖြစ်လာပါတယ်။ မိမိစိတ်ကို သန့်ရှင်းစင်ကြယ်စွာထားပြီး ၀ိပဿနာအလုပ်ကို တစိုက်မတ်မတ်လုပ်လာလို့ ထင်ပါတယ်။ စား၊ ၀တ်၊ နေမှု၊ ပူပင်ကြောင့်ကြမှု ကင်းပါတယ်။ ယခု ဒီအခြေအနေအထိ ပြန်လည် ကျန်းမာလာခြင်းဟာ ၀ိပဿနာတရား အားထုတ်ခြင်းရဲ့ အကျိုးဖြစ်တယ်လို့ ယုံကြည်ပါတယ်-ဟူ၍ ဖွင့်ဟ ပြောဆိုပေသည်။
ဤကား ဦးမောင်မောင်ခင်က ပြောပြသော စကားများ ဖြစ်သည်။ ဦးမောင်မောင်သည် ၁၉၇၀-ပြည့်နှစ် ကျောင်းသားဘ၀တွင် မြိတ် ၄-ခရိုင် အလေးမနှင့် မောင်ရွေးပွဲ၌ ရွှေမြိတ်မောင်-ပထမဆုနှင့် အလေးမ ပထမဆု ရရှိခဲ့သူ ဖြစ်သည်။
(ကြံတော-ဖိုးခွေး)
( မြတ်မင်္ဂလာ ၂၀၀၂-ခု ဇွန်လ)
( မြတ်မင်္ဂလာ ၂၀၀၂-ခု ဇွန်လ)
0 comments:
Post a Comment