မွေးနေ့ ကဗျာ

အို မိတ်ဆွေ
သတိတရားလက်ကိုင်ထား
လူဆိုတာ ကြည်ဖြူတဲ့အခါ
အရာရာဟာ ကောင်းနေတတ်ပါတယ်---

လူဆိုတာ ငြူစူတဲ့အခါ
အပြစ်မရှိ အပြစ်ရှာ
မေတ္တာတွေ ကင်းကွာ
အရာရာဟာ ဆိုးနေတတ်ပါတယ်---

လူ့ဘ၀မှာ
အကောင်းရယ် အဆိုးရယ် အမြဲပဲ
တွေ့ကြုံနေရမှာ အသေအချာပါ---
လောကဓံတရားကို
လူသားတိုင်းငြင်းဆန်
တွန်းလှန်လို့မရပါ---

ဖြစ်ချိန်တန်ဖြစ်
ပျက်ချိန်တန်ပျက်
သင်္ခါရဆိုတဲ့ ဒီတရားက
မမြဲဘူးဆိုတာ ညွှန်ပြနေတာမို့

တစ်ချိန်မှာ သူဌေး
တစ်ချိန်မှာ ခွေး
တစ်ချိန်မှာ မင်း
တစ်ချိန်မှာ အဖျင်း
မတည်မြဲခြင်းတွေကြားမှာ
နင်လည်းမဟုတ်ငါလည်းမဟုတ်
နာမ်နှင့်ရုပ်အရှိတရားနှစ်ပါးမှာ
အားလုံးဟာ အပူရုပ်ကိုဟန်လုပ်နေတာပါ----

လောကဇာတ်ခုံ ဤလူ့ဘုံမှာ
ပျော်ချည်တစ်ခါ ပြုံးချည်တစ်လှည့်
ရွဲ့တဲ့အခါရွဲ့ တည့်တဲ့အခါတည့်----
ဘ၀ရထားမှာ
ဆင်းသူကဆင်း တက်သူကတက်နဲ့
တွေ့ကြကြုံကြ ဆုံကြကွဲကြ
ပူဆွေးမှုတွေလည်း အနမတဂ္ဂ
ငိုကြွေးမှုတွေလည်း ရေတွက်မရ----

ဒီလိုနဲ့အချိန်တွေရွေ့လျား
အိုခြင်းဆိုတဲ့ နယ်ထဲမှာ
မသိမသာ ချဉ်းကပ်လာလိုက်တာ
ဘ၀မှာ ဘာတွေ အနှစ်သာရ ရှိခဲ့ပြီလဲ----

ကုန်လွန်ခဲ့တဲ့ အချိန်တွေရယ်
ပြီးဆုံးခဲ့တဲ့ အရာတွေရယ်
ကျော်ဖြတ်ခဲ့တဲ့ အဆီးအတားတွေရယ်
အတိတ်တွေလည်း များခဲ့ပြီလေ------

မသိတသိနဲ့ရှေ့ဆက်
ဒီတစ်သက်အတွက်
ဘယ်နှစ်ရက် ကျန်သေးဆိုတာ
အခိုင်အမာရော သိလား-----

ဟုန်းကနဲထ ဟုတ်ကနဲငြိမ်း
တစ်စက္ကန့်အတွင်း ပြောင်းလဲခြင်းများစွာ
ဖြစ်သွားနိုင်တာမို့
အိုခြင်း နာခြင်း သေခြင်းတွေမဖြစ်ခင်
သတိတရား လက်ကိုင်ထားလို့
အတုအယောင်တွေ သိထား
အမှန်တရားကို ကြိုးစားရှာ
မလျော့သော ဇွဲလုံ့လနဲ့
အသိ သတိ ပေါင်းစပ်ညှိလို့
ကျင့်သုံးကာ နေလိုက်ပါ မိတ်ဆွေ
အပ္ပမာဒေန သမ္ပဒေထ----
နိုင်းနိုင်းစနေ ဘလော့မှ ကဗျာအား ပြန်လည် ခံစားပါသည်၊