စေတနာရှင်မလေးသို့

အရှင်မြတ်ဘုရား
ဒိုမိန်း သက်တမ်းတိုးဖို့ ဂူဂယ်က စာဝင်လာလို့ တိုးလိုက်ပြီးပါပြီ။ နောက်နှစ်တွေလဲ ဆက်တိုးပေးသွားပါ့မယ်ဘုရား။
ကျန်းမာချမ်းသာစွာ သာသနာကို စောင့်ရှောက်နိုင်ပါစေဘုရား။

ရိုသေစွာဖြင့်

----------------------

---------------------------------------------------------------------------------------------------

ဒကာမကြီး
နေကောင်းပါရဲ့လား။
ဒီနေ့မှ မေးကိုစစ်မိတယ်။

ဦးဇင်းက ၃ လပိုင်းကတည်းက မြန်မာပြည်ကို ပြန်ရောက်နေတယ်။ အင်တာနက်ရတာလည်း ရက်ပိုင်းလောက်ပဲရှိသေးတော့ ဝက်ဆိုဒ်နဲ့က အတော်အလှမ်းဝေးသွားတယ်။ နောက်ပြီး ရိုးရိုးသားသား ဝန်ခံရရင် ဒိုမိန်းအလှူရှင်ဟာ ဘယ်သူမှန်း ဦးဇင်းမသိခဲ့ဘူး၊ သက်တမ်းကုန်ရင် သက်တမ်းဘယ်လို တိုးရမယ်မှန်းလည်း ဦးဇင်းမသိခဲ့ဘူး။ ( ကူညီပေးခဲ့တဲ့ ကိုကျော်စွာ နဲ့ကလည်း အဆက်အသွယ်ပြတ်နေတယ်)။ အဲဒီအကြောင်းတွေကြောင့် ဝက်ဆိုဒ်မှာ စာတွေလည်း သိပ်မတင်ဖြစ်ခဲ့တော့တာပါ။

ခုတော့ အားရှိပါပြီ။ ဒိုမိန်းအလှူရှင်ဟာ ဒကာမကြီးမှန်းသိရပါပြီ။ ဦးဇင်း စာတွေပြန်တင်ပါ့မယ်။ ဦးဇင်း အမြဲသုံးဖြစ်တဲ့ အကောင့် visarada.ven@gmail.com နဲ့ invite လုပ်လိုက်ပါမယ်။ ဦးဇင်းက ဒိုမိန်းကို စိတ်မချတာတစ်ပိုင်း၊ အင်တာနက်မရတာတစ်ပိုင်းကြောင့် စာတွေ ဆက်မတင်ဖြစ်ခဲ့ပေမယ့် ဦးဇင်းရေးနေတဲ့ (လင်္ကာမြေမှာ တစ်နှစ်တာကတော့) ပုံနှိပ်ပြီးသွားပါပြီ။ ဖြန့်ချီခွင့်တင်ရုံပဲ ကျန်ပါတော့တယ်။ လိပ်စာရပြီး ဒကာမကြီးဆီ စာအုပ်ပို့နိုင်မယ့် နည်းလမ်းရှိရင် စာအုပ်ပို့ပေးချင်ပါတယ်။ (ခု တွဲပြီးပို့လိုက်တဲ့ပုံကတော့ စာအုပ်ကာဗာပါ။)

ခုလောလောဆယ် ဇင်ဘုန်းကြီးတစ်ပါးရဲ့ စာအုပ်ကို ဘာသာပြန်ပြီး http://www.facebook.com/ashin.visarada မှာ တင်နေပါတယ်။ ခုတော့ ဝက်ဆိုဒ်မှာပါ တင်လို့ရပြီပေါ့။...

ကျန်းမာချမ်းသာပါစေ...
မေတ္တာဖြင့်
အရှင်ဝိသာရဒ (ရမ္မာဝတီ)

Last Updated on Sunday, 18 September 2011 04:29