ချစ်သူများအတွက် လက်ဆောင်။
သာရဏီယတရားဆိုတာက တစ်ဦးနဲ့ တစ်ဦး ခိုက်ရန်မဖြစ်ပဲ ချစ်ကြည်မှု, လေးစားမှု, စည်းလုံး ညီညွတ်မှုကို ဖြစ်စေဖို့အတွက် အမြဲမပြတ်အောက်မေ့ထိုက်တဲ့ တရား ၆-ပါးကိုဆိုလိုပါတယ်။
(၁) တစ်ဦးကို တစ်ဦး ရှေ့မှာဖြစ်စေ, ကွယ်ရာမှာဖြစ်စေ ကာယကံမေတ္တာထားရမယ်။
(၂) ၀စီကံမေတ္တာ ထားရမယ်။
(၃) မနောကံမေတ္တာထားရမယ်။
(၄) ရရှိလာတဲ့ ပစ္စည်းတွေကို အတူမျှဝေသုံးစွဲရမယ်။
(၅) ကိုယ်ကျင့်သီလ တူညီအောင်ကျင့်ရမယ်။
(၆) ၀ဋ်ဆင်းရဲမှ လွတ်မြောက်ကြောင်း အမြင်တူမျှရမယ်ဆိုတဲ့ အချက် ၆-ချက်ပါ။
ရဟန်းတော်တွေအတွက် နောက်ဆုံးအချက်ဖြစ်တဲ့ နိဗ္ဗာန်ရောက်ကြောင်း အမြင်တူညီဖို့ဆိုတဲ့ အချက်က အလွန်အရေးကြီးပါတယ်။ သံဃာ့အဖွဲ့အစည်းကို “ဒိဋ္ဌိသီလသာမည” အမြင်တူ, အကျင့်တူတဲ့ အဖွဲ့အစည်းလို့ တင်စား ခေါ်ဝေါ်လေ့ရှိပါတယ်။ လောကီနယ်မှာတော့ လူတစ်ဦးနဲ့တစ်ဦး အကျင့်စရိုက်တူ, အမြင်တူတဲ့ သူတွေဖြစ်ဖို့ ခက်ပါတယ်။ သို့သော်လည်း အနည်းဆုံး တစ်ဦးကို တစ်ဦး ချစ်ခင်ရင်းနှီးမှုရှေ့ထားပြီး, အကျိုးတူ မျှဝေခံစားဖို့တော့လိုပါတယ်။ ဒါမှသာ မတူကွဲပြားတဲ့ အမြင်တွေရှိနေခဲ့ရင်တောင် တစ်ဦးကို တစ်ဦး နားလည်ခွင့်လွှတ်ပြီး အတူယှဉ်တွဲ နေနိုင်ကြမှာပါ။ အိမ်ယာထူထောင်ကြမယ့် ချစ်သူတွေ, လင်မယားတွေဆိုရင်တော့ ဒီထက်မက အကျင့်စရိုက်တူအောင်, အမြင်တူအောင်ကျင့်ကြဖို့လိုပါတယ်။ ချစ်သူများ အသွင်တူ, အမြင်တူ၍ ချစ်ကြည်ဖြူနိုင်ကြပါစေ။
0 comments:
Post a Comment