သာမဏေ ၁၅ ပါး သင်္ကန်းအလှူ
Wednesday, November 11, 2009
သင်္ကန်းအလှူခံယူတဲ့ ကိုရင်လေးတစ်ပါး
သင်္ကန်းသစ်ကိုပိုက်ထားတဲ့ သာမဏေငယ်
တစ်ပါးစီ ဆက်ကပ်စဉ်
တန်ဆောင်မုန်းလပြည့်ကျော် ၈ ရက် မနက်ခင်းက အောင်မြေဦး ကျောင်းတိုက်က သံဃာ သာမဏေ အပါး ၇၀ ကျော်အနက် သင်္ကန်းအလိုအပ်ဆုံး သာမဏေ ၁၅ ပါးကို သင်္ကန်းတစ်စုံစီ လှူဒါန်း ဆက်ကပ်ခဲ့ပါတယ်။ အဝေးရောက် အလှူရှင်တစ်ဦး ကောင်းမှု ဖြစ်ပါတယ်။
ဆောင်းတွင်းဆိုတော့ ကိုရင်တွေ နွေးနွေးထွေးထွေး ရုံရအောင်၊ အချမ်းသက်သာအောင် စကိတ်သင်္ကန်း ကပ်ပါတယ်။ ဆောင်းတွင်းမို့ ခြုံထည်၊ စောင် စတာတွေပါ လိုအပ်ပေမယ့် အရေးအကြီးဆုံး သင်္ကန်းကိုတောင် လိုသမျှ အပါးစေ့ မကပ်နိုင်သေးဘူး ဖြစ်နေတယ်။
သာမဏေတွေ တခြား လိုအပ်မယ့်အသုံးအဆောင်တွေ အောင်မြေဦးဆရာတော်ကို ဖုန်းနဲ့ မေးလျှောက်တုန်းက ဆရာတော်က အနီးဝန်းကျင် ကျောင်းတိုင်းက သံဃာထုအတွက် အရေးကြီးတဲ့ ဘုံဆွမ်းကို ဦးစားပေး လောင်းလှူကြဖို့၊ ရက်များများ လောင်းနိုင်လေ ကောင်းလေဖြစ်ကြောင်း အမိန့်ရှိပါတယ်။ ပင့်ကိုယ်တော်၊ ထိုင်ကိုယ်တော် သတ်မှတ်ဖိတ်ကြားတာ မဟုတ်ဘဲ ကြွလာသမျှ သံဃာသာမဏေတိုင်း ခံယူခွင့် ရှိတာမို့ ဒီဘုံဆွမ်းက အရေးပါပုံကိုလဲ ရှင်းပြပါတယ်။
ကိုရင်တွေ လွယ်အိတ်လိုပါသလားဆိုတော့ ကျောင်းမှာပဲကျိန်း၊ ကျောင်းမှာပဲ စာသင်ကြတာမို့ စာအုပ်ကို ကြွပ်ကြွပ်အိတ်နဲ့ ထုပ်သယ်လို့ ရကြောင်း၊ ဖိနပ်က ပိုလိုအပ်ကြောင်း အမိန့်ရှိပါတယ်။ ဖိနပ်လဲ ဈေးကြီးစရာမလို၊ ကျပ် ၈၀၀၊ ၁၀၀၀ တန် ကြက်ပေါင်ဖိနပ်ကလေးတွေ လှူရင် ကိုရင်တွေ စီးလို့ရတယ်တဲ့။
0 comments:
Post a Comment