တန်ဆောင်မုန်းလဆန်း ၁၃ ရက် ကိုရဲကျော် မွေးနေ့အလှူ
စာဝါနားချိန် နေ့ဆွမ်းဘုဉ်းပေးဖို့ 
အရုဏ်ဆွမ်း ဘုဉ်းပေးနေစဉ်
မနက်ချမ်းချမ်းစီးစီးမှာ မုန့်ဟင်းခါး ပူပူ ဘုဉ်းပေးနေတဲ့ သာမဏေများကိုရဲကျော်+မမေမိုး(စင်ကာပူ) ကိုရဲကျော်မွေးနေ့အလှူ
ဦးဇ၀န (ပါဋ္ဌိကာရီသုံးခွကျောင်းတိုက်)၊ ဦးဣန္ဒက( အောင်မြေသာစံ)ကျောင်းတိုက်၊ ဦးပညာသာမိ (မင်္ဂလာသိင်္ဂီကျောင်းတိုက်)၊ ဦးပညောဘာသ (သုံးခွကျောင်းတိုက်)
နေ့ဆွမ်းအတွက် မနေ့က ပံ့သကူဝက်သား မရလို့ ဘဲဥချဉ်ဟင်း စီမံတယ်။ ဟင်းရံက အစိမ်းကြော်နဲ့ သရက်ချဉ်သုတ် တွဲတယ်။ ငါးဖောင်ရိုးခြောက်ကို ငရုတ်သီးစပ်စပ်နဲ့ ကြော်တယ်။ ကိုရဲကျော် (စင်ကာပူ)ရဲ့ မွေးနေ့ဒါနအဖြစ် ကိုရဲကျော်နဲ့ မမေမိုး ဇနီးမောင်နှံက လှူဒါန်းပါတယ်။
ဆွမ်းထမင်းကို သပိတ်ထဲ ဇလုံပြည့် (နှစ်ပန်းကန်စာ) လောင်းလှူတယ်။ ဘဲဥချဉ်ဟင်း ဝတ်ခွက်ပြည့် ကပ်တယ်။ ဟင်းရံတွေပါ တွဲလိုက်တော့ သံဃာတစ်ပါးအတွက် ဆွမ်းတစ်နပ် လုံလုံလောက်လောက် ဘုဉ်းပေးနိုင်ပါတယ်။
မနက် ၅ နာရီခွဲမှာ မုန့်ဟင်းခါး အရုဏ်ဆွမ်း စကပ်တယ်။ အရုဏ်ဆွမ်းက သံဃာ+သာမဏေ အပါး ၂၇၀ ခန့်၊ နေ့ဆွမ်း အပါး ၄၀၀ ကျော် ခံယူကြတယ်။ သံဃာ အရုဏ်ဆွမ်း ကပ်ပြီးတော့ သီလရှင် အပါး ၅၀ ကို အရုဏ်ဆွမ်း မုန့်ဟင်းခါးကပ်ပြီး ဆပ်ပြာမှုန့် အပါးစေ့ လောင်းလှူပါတယ်။
ဆွမ်းခံကြွလာတဲ့ သံဃာတွေက ပထမကြီးတန်း၊ ပထမလတ်တန်း၊ စာချတန်း ကိုယ်တော်တွေ ပါသလို ကျမ်းပြီးတဲ့ ကိုယ်တော်တွေလဲ ပါတယ်။ စာလိုက်နေတဲ့ ကိုရင်လေးတွေ ပါတယ်။ စာဝါတွေက တစ်ချို့ကျောင်းတွေဆို ည ၁၀ နာရီထိ စာချပေးပါတယ်။
ဒီတရားဓမ္မ စာပေတွေကို ဖတ်မှတ်သင်ယူနေရတဲ့ ဂန္ထဝန်ဆောင် သံဃာတွေ၊ တရားကျင့်ကြံ အားထုတ်တဲ့ ဝိပဿနာ ဝန်ဆောင် သံဃာတွေ၊ အလားတူ ဒီဝန်နှစ်ရပ်ကို အသီးသီး ထမ်းဆောင်နေကြတဲ့ သီလရှင်တွေကို တစ်နေ့တာ ဘောဇနသပ္ပာယ မျှတစေဖို့၊ ဓမ္မဝန်ထမ်းရာမှာ ခွန်အားဖြစ်စေဖို့ ဆွမ်းလောင်းလှူရခဲ့ရပါပြီ။
0 comments:
Post a Comment