လှေထိုးသမလေး နှင့် ကိုယ်တော်ကလေး
ချောင်းငယ်လေးတစ်ခုက၀န်းပတ်စီးဆင်းနေပါတယ်။ တခြားနေရာများသို့သွားလာလိုပါက ချောင်းကလေးတစ်ခုမှတစ်ဆင့် ဖြတ်သန်းသွားလာကြရပါတယ်။ ချောင်းငယ်ကလေးကိုဖြတ်သွားဖို့ရာ ကူးတို့လှေကလေး တစ်စီးပဲရှိပါတယ်။ ကူးတို့ကိုလှော်ခတ်တဲ့ ကူတို့သမားကလေးကလည်း အလွန်ချောမောလှပတဲ့ မိန်းမပျိုလေးဖြစ်နေပါတယ်။ ဒီမိန်းကလေးက အသိဥာဏ်ပညာနဲ့ ပြည့်စုံသူကလေးပါ။ စီးစရာကလည်း ဒီလှေနဲ့ ဒီမိန်းကလေးပဲရှိတာပေါ့နော်။
ကိုယ်တော်ငယ်ကလေးတစ်ပါးဟာ အကြောင်းကိစ္စတစ်ခုကြောင့် ဆရာတော်ကြီးတစ်ပါးကို သွားရောက်ဆည်းကပ်ဖို့ လိုအပ်လာပါတယ်။ ချောင်းငယ်ကလေးကို ဖြတ်သန်းသွားလာရပါတယ်။ ကူးတို့ကူးခတ်တဲ့ မိန်းမပျိုကလေးက လွန်စွာချောမောလှပတာကြောင့် ကိုယ်တော်ကလေးက ငေးမောနေမိတာပေါ့။ တစ်ဘက်ကမ်းရောက်တော့ ကူးတို့ခတစ်ကျပ်စီ ပေးကြရပါတယ်။
မိန်းမပျို ။ ။ ကိုယ်တော်ကနှစ်ကျပ်ကျပါတယ်။
ကိုယ်တော် ။ ။ ဒကာမလေး သူများတွေကျတော့တစ်ကျပ်ပဲကျပြီး ကျုပ်ကျမှ ဘာလို့နှစ်ကျပ်ကျတာလဲ။
မိန်းမပျို ။ ။ကိုယ်တော်ကရဟန်းဖြစ်ပြီး တပည့်တော်ကို ငန်းတယ်။ ကိုယ်တော့်ရင်ထဲမှာ နှစ်ယောက်ဖြစ်နေပြီ။ ဒါ့ ကြောင့်မို့လို့ နှစ်ယောက်ခပေးရမယ်။
ကိုယ်တော်ကလေးလဲ ရှက်ရှက်နဲ့ နှစ်ယောက်ခပေးလိုက်ရပါတယ်။ ညနေကျောင်းပြန်တော့ ဒီလှေကလေးနဲ့ပဲပေါ့။ ဒီတစ်ခါတော့ကိုယ်တော်က လေးက လှေခနှစ်ဆပေးရမှာစိုးလို့ မိန်းမပျိုလေးကိုလုံးဝမကြည့်တော့ပါဘူး။ မြစ်ရေပြင်ကိုသာစိုက်ကြည့်နေပါတယ်။
ကမ်းရောက်တော့ . . .
မိန်းမပျို ။ ။ ကိုယ်တော်နှစ်ကျပ်ကျပါတယ်။
ကိုယ်တော် ။ ။ ဒကာမလေး ငါနင့်ကိုလုံးဝမကြည့်ပဲ ဘာလို့ထပ်ပိုတောင်းရတာတုံး။
မိန်မပျို ။ ။ ကိုယ်တော်က တပည့်တော်ကိုမကြည့်ပေမဲ့ တစ်လမ်းလုံး တပည့်တော်အကြောင်းပဲ တွေးတောလာတာ ဆိုတော့ ကိုယ်တော့ခေါင်းထဲမှာ လူနှစ်ယောက်ဖြစ်နေတယ်။မရဘူး နှစ်ယောက်ခပဲပေးရမယ်။
ကိုယ်တော်ကလေးလည်း ဟုတ်နေပြန်တော့ နှစ်ယောက်ခ ပေးလိုက်ရပြန်ပါတယ်။ ဒီလိုနဲ့နေ့ စဉ်အသွားနှစ်ကျပ် အပြန်နှစ်ကျပ်ပေးနေရပါတယ်။
ကိုယ်တော်ကလေးလည်း ဆရာသမားထံ သူ့အဖြစ်အပြက်တွေကိုပြောပြပြီး အကူအညီတောင်းခံပါတယ်။
ဆရာတော်။ ။ဒီမိန်းကလေးဟာဥာဏ်ရှိတဲ့သူဖြစ်တယ်။ ဒီတစ်ခါမင်းလှေစီးရင် မျက်နှာလွဲစရာမလိုပါဘူး။ မင်းရင်ထဲမှာဖြစ် နေတဲ့ ကိလေသာသံယောစဉ်တွေကိုသာ သိမှတ်ပြီးတရားရူ့သွားပါ။ ကိုယ်တော်အဆင်ပြေပါလိမ့်မယ်။
ကိုယ်တော်ကလေးလည်း အဲဒီကစပြီတော့လှေခနှစ်ဆပေးစရာမလိုတော့ပါဘူး။
(ဗီယက်နမ်လူမျိုးဆရာတော်တစ်ပါးနှင့် ရွှေဥမင်တရားပြဆရာတော်ဦးတေဇနိယတို့ ပြောသည်)
0 comments:
Post a Comment