စိတ်တိုင်းကျဘ၀

ပုံပြင်လေးတစ်ပုဒ်ပါ..။ ရုပ်ရည်ချောချောမောမော အရွယ်ကောင်းလူတစ်ယောက်ဟာ ဗြုန်းခနဲ သေသွားပြီးတော့ ဘုံဘ၀တစ်ခုကို ရောက်သွားတယ်။ ဘယ်လိုဘုံဘ၀ဆိုတာ အစမှာ မပြောနိုင်ဘူး။

ဒါပေမယ့် ရောက်သွားတဲ့နေရာဟာ အင်မတန် သာယာတယ်၊ တောတောင် ရေမြေ အင်မတန်ဆိုပြေတယ်။ အဲဒီနေရာရောက်တော့ သူက ကြည့်ပြီးတော့ ဒီနေရာလေးဟာ အင်မတန်သာယာတာပဲဆိုပြီး ၀မ်းသာနေတယ်။

လျှောက်ကြည့်… ပြီးတော့ အိမ်လေးတစ်အိမ်တွေ့တယ်။ အိမ်လေးကလည်း သူ့စိတ်ကြိုက်ပုံစံမျိုးဖြစ်နေတယ်။ အရင်ကတည်းက သူက အိမ်တစ်လုံးသာ ဆောက်ခွင့်ရမယ်ဆိုရင် ဒီလိုမျိုးလေးဆောက်ဖို့ စိတ်ကူးထားတာ..မဆောက်ဖြစ်လိုက်ဘူး။ ဒါပေမယ့် အဲဒီမှာ ဆောက်ထားတဲ့အိမ်လေးက တောင်ကုံးလေးနဲ့ အင်မတန်ပနှာရတယ်။ ဖောက်ထားတဲ့ လမ်းကလေးကလည်း အင်မတန် အချိုးကျတယ်။ သူ့သဘာဝနဲ့ကို ကိုက်ညီနေတာပဲ။ ပတ်ဝန်းကျင်နဲ့ကို ဟပ်နေတာပဲ။ ဒါနဲ့ ဒီအိမ်လေးကို သွားကြည့်အုံးမယ်ဆိုပြီး အနားသွားကြည့်တော့ အိမ်တံခါးပေါက်မှာ အိမ်ရှင်နာမည်ရေးထားတာ သူ့နာမည်ဖြစ်နေတယ်။ “သြော်.. ဒီအိမ်ဟာ ငါ့အိမ်ပဲကိုး၊ ငါ နတ်ပြည်ရောက်တာဖြစ်ရမယ်၊ ငါ့အတွက် အိမ်တောင် အဆင်သင့်ရှိနေတာ” ဒါနဲ့ သူ့အိမ်ဆိုပြီးတော့ အိမ်တံခါးလေးတွန်းဖွင့်ပြီးတော့ အထဲဝင်သွားတာ..အထဲမှာ ခင်းကျင်းထားပုံကလည်းပဲ အားလုံးဟာ သူ့စိတ်တိုင်းကျ၊ ကြမ်းပြင်ပေါ်မှာ ကော်ဇောခင်းထားတာ အရောင်အသွေးကအစ၊ နူးညံ့ပုံကအစ သူ့စိတ်တိုင်းကျ၊ စားပွဲကုလားထိုင် ဆိုဖာတွေ ထားပုံကလည်း သူ့စိတ်တိုင်းကျ၊ ပြတင်းပေါက်တွေဖောက်ထားပုံ၊ အခန်းတွေ ဖွဲ့ထားပုံ၊ အခန်းမှာ အရောင်တွေဘာတွေ သုတ်ထားပုံ စသည်ဖြင့်ပေါ့လေ.. စိတ်ကူးနဲ့ ကိုယ့်ဖာသာကိုယ်သာ ဖြည့်ကြည့်ကြပေါ့.. အားလုံးဟာ စိတ်တိုင်းကျ၊ တစ်ခုမှ စိတ်တိုင်းမကျတာ မတွေ့ဘူး။ အဲလိုပဲ သူက လျှောက်ကြည့်ပြီးတော့ သဘောတွေကျနေတာ..၊ အင်မတန် ကျေနပ်နေတာ..။ ဟန်ကျလိုက်တာ ပေါ့လေ.. ငါစိတ်တိုင်းကျအိမ်လေးနဲ့ ငါ နေရတော့မယ်။

ခဏနေတော့ သူနည်းနည်း ဆာသလိုဖြစ်လာတယ်။ တစ်ခုခုစားအုံးမှဖြစ်မှာပါဆိုပြီးတော့ စားသောက်ခန်းထဲ ၀င်သွားတယ်၊ အထဲမှာ သွားကြည့်လိုက်တော့ စားစရာအားလုံးဟာ စားပွဲမှာ ပြင်ပြီးသားဖြစ်နေတယ်။ သူ စားချင်တာတွေ အားလုံးဟာ အဲဒီမှာ ပြင်ပြီးသား။ ခူးခပ်ပြီးတော့တောင် ထည့်စရာမလိုဘူး၊ အဲဒီလောက်ထိတောင် စိတ်တိုင်းကျဖြစ်တဲ့ ဘ၀မျိုး..နော်။ ဒါနဲ့ သူစိတ်တိုင်းကျဖြစ်တဲ့ အစားအသောက်တွေကို စားလိုက်၊ သောက်လိုက်နဲ့ အားလုံး အနံ့၊ အရသာ၊ အတွေ့အထိတွေရော၊ ၀ါးရတာ ကြွပ်ကြွပ်ရွရွနေပုံတွေရော၊ အားလုံးဟာ စိတ်တိုင်းကျပဲ။ ဒါပေမယ့် စားရင်းနဲ့ သူက စဉ်းစားမိတယ်။ ကြည့်ရတာလည်း အကုန်လှတယ်နော်၊ စားရတာလည်း အနံ့အရသာ အကုန်လုံးပြည့်စုံတယ်၊ သောက်ရတာလည်းပဲ အနံ့အရသာ အကုန်လုံးပြည့်စုံတယ်..နော်၊ ဒါပေမယ့် သူ့စိတ်ထဲမှာ အားမရသေးဘူး။

“စားရင်းသောက်ရင်းနဲ့ ငါ သီချင်းလေးများ နားထောင်ရရင် ကောင်းမှာပဲ”လို့ စိတ်ကူးလိုက်တာနဲ့ သူကြားချင်တဲ့ သီချင်းသံက အလိုလျှောက် နံရံတွေဘက်ကနေ အသံတွေထွက်လာတယ်။ ဟိုဘက်ကရော၊ ဒီဘက်ကရော အင်မတန်သာယာငြိမ့်ညောင်းတယ်။ ဒါလေးကို သူက နားထောင်ပြီးတော့ ခန္ဓာကိုယ်ကလည်းပဲ အင်မတန်နူးညံ့တဲ့ ထိုင်စရာပေါ်မှာ ထိုင်လို့၊ ဖောဋ္ဌဗ္ဗာရုံတွေကို ခံစားနေတယ်။ မျက်စိကလည်း အင်မတန်လှပတဲ့ အဆင်းတွေကို ကြည့်…လို့ ရူပါရုံအရသာတွေကို ခံစားပြီးတော့ နေတာနော်။ နှာခေါင်းကလည်း အနံ့နဲ့ပြည့်စုံတဲ့ အစားအသောက်တွေရဲ့အနံ့ ဂန္ဓာရုံကို သူ ရနေတယ်၊ လျှာကလည်း ရသာရုံအရသာကို ခံစားနေတယ်၊ နားကလည်းပဲ သောတရုံအရသာကို ခံစားနေတယ်။ အဲဒီလို အရသာတွေကို တပြိုင်နက် ခံစား..ပြီးတော့ သဘောကျနေတယ်။

စားသောက်ပြီးတဲ့ အခါကျတော့ အပြင်ဘက် ဧည့်ခန်းထဲမှာ ထိုင်နေတယ်။ ထိုင်ရတဲ့ နေရာလေးကလည်း အင်မတန်အချိုးကျတယ်.. ပြတင်းပေါက်ကလှမ်း..ကြည့်လိုက်ရင်လည်း အင်မတန်သာယာတဲ့ ရှုခင်းတွေကို တွေ့ရတယ်။ စဉ်းစားနေသေးတယ်.. တစ်ခုခုတော့ လိုတယ်၊ ငါ့မှာ တစ်ယောက်တည်းဖြစ်နေတယ်၊ အဖော်မရှိဘူး။ အဲဒီလိုလဲ စိတ်ကူးတောင့်တလိုက်ရော.. တံခါးခေါက်သံကို ကြားတယ်။ “၀င်ခဲ့ပါ”လို့ လှမ်းပြောလိုက်တော့ သူ့စိတ်တိုင်းကျ အရပ်အမောင်းရော၊ ကိုယ်လုံးကိုယ်ပေါက်ရော၊ ၀တ်ပုံစားပုံ၊ သွားပုံလာပုံရော၊ မျက်နှာအမူအယာရော၊ အကုန်လုံးပြည့်စုံတဲ့ အမျိုးသမီးလေးတစ်ယောက် ၀င်လာတယ်။ အင်မတန်ဝမ်းသာအားရပဲ သူတောင့်တလို့ ရောက်လာတာဆိုတော့ လာကတည်းက သူ့ကိုလည်း ချစ်ပြီးသား ခင်ပြီးသားပဲ၊ ဘာမှ အထူးကြောင့်ကြစိုက်နေစရာမလိုတော့ဘူး..နော်။

ဒါနဲ့ သူတို့ဟာ အဲဒီအိမ်ကလေးမှာပဲ နေပြီးတော့… ကြိုက်သမျှ အာရုံတွေကို ကြိုက်သလို အမြဲတမ်း နေ့တိုင်း ခံစားပြီးတော့ နေတယ်။ ဒီလိုနဲ့ နှစ်တွေ အများကြီးကြာသွားတယ်..။

ကြာလာတော့ တစ်နေ့ သူက စဉ်းစားတယ်၊ နေရထိုင်ရတာတော့ အားလုံးဟာ စိတ်တိုင်းကျချည်းပဲ။ ဒါပေမယ့် နေ့တိုင်း ဒါချည်းပဲဖြစ်နေတာ..။ အဲဒီတော့ အပြောင်းအလဲလေး တစ်ခုခုဖြစ်သွားအောင် “ငါ ငရဲပြည် အလည်သွားရရင် ကောင်းမယ်” ဆိုပြီး စဉ်းစားတယ်။

လူ့စိတ်သဘာဝဟာ.. ဘယ်လောက်ဆန်းကြယ်သလဲဆိုရင် လိုတာတွေ အကုန်လုံးရသွားရင်လည်းပဲ ကျေနပ်သွားမယ် မထင်နဲ့နော်။ မကျေနပ်ဘူး။ စိတ်ရဲ့သဘာဝဟာ.. မကျေနပ်ဘူး။ အဲဒီမကျေနပ်တတ်တဲ့သဘာဝကိုက စိတ်ထဲမှာရှိနေတာ..။ ဘယ်လောက်ပဲ စိတ်တိုင်းကျရရ ကျေနပ်မှာ မဟုတ်ဘူး။ လူတစ်ယောက် ကြံကြံဖန်ဖန်ဆိုပါတော့ ဒီပုံပြင်လေးထဲကအတိုင်း ငရဲပြည်အလည်သွားချင်တယ်။ သူ့ဘ၀နဲ့ အင်မတန်ကွာခြားတာ သူသိတယ်။ ဒါနဲ့ အဲဒီဘုံ အဲဒီဌာနက အကြီးအကဲဆီသွားတယ်။ သွားတော့ အကြီးအကဲက “ဘာများ အဆင်မပြေလို့လဲ”လို့ မေးတယ်။ သူက ပြန်ဖြေတယ် “အားလုံးအဆင်ပြေပါတယ်။ လိုသမျှအားလုံးဟာ တောင့်တတာနဲ့ပဲ ပြီးပြည့်စုံနေတာပဲ” “ဒါပေမယ့် အပြောင်းအလဲလေးဖြစ်အောင် ငရဲပြည်တစ်ခေါက်လောက် သွားကြည့်ချင်လို့ပါ”လို့ပြောတော့… ဌာနက အကြီးအကဲကလည်း သူ့ကို ပြန်မေးတယ် “မင်း ရောက်နေတဲ့နေရာက ဘယ်လိုနေရာထင်လို့လဲ”???…

ပုံပြင်က ဒီနေရာမှာတင် ဆုံးသွားတယ်။

အဖြေက ဘယ်လိုဖြစ်မလဲဆိုတော့ ဒီပုံပြင်ကို ရေးတဲ့သူရဲ့ အာဘော်အရဆိုရင် “မင်းရောက်နေတာ ငရဲပြည်ပဲ၊ မင်းငရဲပြည်ကို သွားနေဖို့မလိုတော့ဘူး”လို့ ပြောတာပဲ။

ဒီပုံပြင်ကို ရေးတဲ့သူက အမေရိကန်တစ်ယောက်၊ ဗုဒ္ဓဘာသာပဲ။ သူဟာ ဒုက္ခသစ္စာရဲ့သဘောကို တော်တော်လေး သဘောပေါက်တဲ့သူ၊ သူဟာ စာတွေအများကြီးရေးတယ်။ သူပြောချင်တဲ့သဘောက ကာမဂုံအာရုံတွေကို ဘယ်လောက်ပဲ အပြည့်အ၀ ခံစားရ ခံစားရ စိတ်ဆိုတာ အားရကျေနပ်မှုရှိမယ့် သဘောမဟုတ်ဘူး။ တစ်နေ့ကျတော့ ဒါကိုလည်းပဲ မကျေနပ်မှုတစ်ခုဖြစ်တော့မှာပဲ။ ဒါဟာလည်းပဲ ဒုက္ခတစ်မျိုးဆိုတဲ့အဓိပ္ပာယ်ပါတယ်နော်။ နောက်တစ်ခုအဓိပ္ပာယ်က ပါနေသေးတယ်။ အဲဒီအဓိပ္ပာယ်က ပိုပြီးတော့ လေးနက်တယ်။ အဲဒါက ဘာလဲဆိုတော့ ဒီလူမှာ မြင့်မြတ်တာ၊ တန်ဖိုးထားစရာ ကြိုးကြိုးစားစား အကောင်အထည်ဖော်ရမယ့် ဦးတည်ချက်ဘာရှိလဲ??? ဘာမှမရှိဘူး၊ သူ စားလိုက်သောက်လိုက် အာရုံအမျိုးမျိုးခံစားလိုက်၊ တစ်နေ့ကုန်သွားလိုက်၊ နောက်တစ်နေ့ စားလိုက်သောက်လိုက်၊ အာရုံတွေ အမျိုးမျိုးခံစားလိုက်၊ တစ်နေကုန်သွားရော…

နောက်တစ်နေ့ရော???….ဒါပဲ

နောက်တစ်နေ့ရော???…. ဒါပဲ။

နောက် ဒီလိုပဲ… နှစ်ပေါင်းလပေါင်း သန်းနဲ့ပဲကြာကြာ ကုဋေနဲ့ပဲကြာကြာ.. သူဘာလုပ်မလဲ???…ဒါပဲ။

ဘာထူးသလဲဆိုရင်ရော???…ဘာမှမထူးဘူး။

ကမ္ဘာပေါင်းများစွာ အဲဒီလိုခံစားနေရတယ်ဆိုတော့ရော???…ဘာထူးသလဲဆိုရင်ရော ဘယ့်နှနေမလဲ???.. ဘာမှ မထူးဘူး..နော်။

လူဆိုတာ.. တစ်ခုခု မြင့်မြတ်တာ၊ လေးနက်တာ၊ တန်ဖိုးထားစရာ ရှိပြီးတော့ အဲဒါကို ကြိုးကြိုးစားစား အကောင်အထည်ဖော်နေရမှ.. သူ့ဘ၀ဟာ အဓိပ္ပာယ်ရှိတယ်။ တန်ဖိုးရှိတယ်။ အဲဒီလိုမှသာ ကျေနပ်မှုကို အပြည့်အ၀ ရနိုင်တယ်။

အဲဒီတော့ ကိုယ့်မှာ ဘယ်လိုစွမ်းရည်သတ္တိတွေရှိတယ်ဆိုတာ ကိုယ်တိုင်သိအောင် စူးစမ်းလေ့လာပြီး လေးနက်မြင့်မြတ်တာ တစ်ခုခုကို နေ့စဉ် အချိန်မှန်မှန် လုံ့လ၀ီရိယထားပြီးတော့ အမြဲတမ်း ကြိုးစားအားထုတ်နေသင့်ပါတယ်။ ။

ဆရာတော်ဦးဇောတိက(မဟာမြိုင်တောရ)၏ သီလတန်ဖိုးတရားခွေမှ နှစ်သက်မိသည့်ပုံပြင်နှင့် ကျေနပ်အတုယူဖွယ် အတွေးအခေါ်ကို စာတင်ဖော်ပြခြင်းဖြစ်ပါသည်။

သုမွန်