စစ်ကိုင်းတောင်တွင် ဆွမ်းလောင်းအသင်းတစ်ခု တည်ထောင်မည်

စစ်ကိုင်းတောင်မှာ ဆွမ်းခံကြွတဲ့ သံဃာတော်များရဲ့ အခက်အခဲကို ဦးဇင်းလက်တွေ့ ကျကျ စာဖတ်သူများ မြင်စေချင်ပါတယ်။ ဦးဇင်းတို့ အလှူလုပ်တဲ့နေ့ ကသံဃာတော်လေးတွေ ဒံပေါက်ဆွမ်းများ အားပါးတရ ဘုန်းပေးနေကြတာကို စာဖတ်သူတို့ မြင်ရင် ဦးဇင်းလိုပဲ ၀မ်းမြောက်ဝမ်း သာသာဓုခေါ်ဆိုကြမှာပါ...။ အခု ဦးဇင်း စစ်ကိုင်းတောင်မှာဆွမ်းလောင်းအသင်းနဲ့ အရုဏ်ဆွမ်း ကပ်လှူမည့် အသင်းတစ်ခု တည်ထောင်မှာ ဖြစ်ပါတယ်။ အသင်းအမည်ကတော့ “မေတ္တာရှင် ဖောင်ဒေးရှင်း” ဖြစ်ပါတယ်။ စတင်မတည်တဲ့ အလှူရှင်တွေ ကတော့ မန္တလေးမြို့ ရွှေအိမ်ဖြူ ဖုန်းရောင်းဝယ်ရေးမှ ဒါယကာ ကိုဖြိုးနဲ့ ဒါယကာကိုထက်တို့ မိသားစုများပဲ ဖြစ်ပါတယ်။ အဆိုပါဒါယကာတို့မှ ဆွမ်းဆန်အတွက် တစ်လကို တစ်အိတ် လှူဒါန်းသွားခဲ့ပါတယ်.. ဒါယိကာမကြီး ဒေါ်ဝါ၀ါခိုင်မင်း၊ ကိုရန်အောင်၊ ကိုရွာသားလေး ytu တို့ မှ လှူဒါန်းခဲ့သော တယ်လီဖုန်း အတွက် ပိုသောအလှူငွေများမှ ဆွမ်းလောင်းအသင်းအတွက် အိုးများ၊ ပန်းကန်များ ၀ယ်ယူမှာဖြစ်ပါတယ်.. ဆက်လက်၍ ဆွမ်းဟင်းအတွက်နှင့် ခုံများအတွက် အလှူရှင်များ လိုအပ်လျှက်ရှိရာ လှူဒါန်းလိုသူများ ၀၉-၂၁၁၀၂၀၂ ကိုဆက်သွယ် လှူဒါန်းနိုင်ကြပါတယ်.။ ဆွမ်းလောင်းအသင်းမှာ အရုဏ်ဆွမ်း ကပ်လှူမှု နဲ့ ဆွမ်းလောင်းမှု စတဲ့ ကုသိုလ်မှုများကို ဆောင်ရွက်မှာ ဖြစ်ပါတယ်..။