111 Days - (၁၁၁)ရက်

ဒီBlogကို စလာတာ ဒီနေ့ (၁၁၁)ရက် ရှိပါပြီ။ (၁၁၁)ရက်မြောက်နေ့ အမှတ်တရအဖြစ် ဒီBlogမှာ တင်ခဲ့တဲ့ “The Way to Nibbana - နိဗ္ဗာန်လမ်း” (၂၁)ပိုင်းကို စုပေါင်းပြီး E-book လုပ်လိုက်ပါတယ်။

ဒီBlogမှာ စာဟောင်းတော်တော်များများ တင်ခဲ့ပြီး “The Way to Nibbana - နိဗ္ဗာန်လမ်း”ဟာလည်း အဟောင်းတစ်ခုပဲ ဖြစ်ပါတယ်။ အဟောင်းဆိုပေမယ့် Zawgyi Fontနဲ့ နည်းနည်းချင်း စာပြန်စီရတဲ့အတွက် (၂၁)ပိုင်းခွဲခဲ့ရပါတယ်။

ဒီE-bookဖြစ်လာဖို့ (၁၁)နှစ်လောက် ကြာခဲ့ပါတယ်။ ကမ္ဘာ့ကုန်သွယ်ရေး အဆောက်အဦ (World Trade Centre)ကို အကြမ်းဖက်သမားတွေ လေယဉ်နဲ့ တိုက်ချလိုက်ပြီး တစ်လနှစ်လ အကြာမှာ ဓမ္မစေတီဆရာတော် အရှင်ကောသလ္လက အပ္ပမာဒဓမ္မရသမဂ္ဂဇင်း အယ်ဒီတာ မြသန်းစံ(ဦး)နဲ့ မိတ်ဆက် ပေးပါတယ်။ အရင်က သူ့မဂ္ဂဇင်းမှာ စာရေးခဲ့ပေမယ့် စာမူကို စာတိုက်ကပို့ခဲ့တာ ဖြစ်တဲ့အတွက် ပုဂ္ဂိုလ်ရေးအရ သိကျွမ်းခြင်း မရှိခဲ့ပါဘူး။ နာမည်ပြောလိုက်တော့ သူ့မဂ္ဂဇင်းမှာရေးတဲ့ ကလောင်နာမည် တစ်ခုကို သတိရပြီး ဟုတ်သလား မေးတော့မှ ဟုတ်ပါတယ်ဆိုပြီး အချင်းချင်း သိခဲ့ပါတယ်။ နောက်တော့ သူ့မဂ္ဂဇင်းအတွက် စာအုပ်တစ်အုပ် ဘာသာပြန်ပေးပါဆိုပြီး သီရိလင်္ကာ ဆရာတော်ကြီး Narada Theraရဲ့ The Way to Nibbanaကို ပေးပါတယ်။ အဲဒါကို အစအဆုံး ဘာသာပြန်ပေးလိုက်ခဲ့ပေမယ့် သူလည်း သိပ်မကြာခင် အယ်ဒီတာအလုပ်က အနားယူသွားတဲ့ အတွက်ကြောင့် အယ်ဒီတာ အကူးအပြောင်း ကာလမှာ စာမူပျောက်သွားပြီလား မသိပါဘူး။ ဘာပဲဖြစ်ဖြစ် ကိုယ့်ဆီမှာ Soft Copyကျန်သေးတဲ့အတွက် ဒီBlogမှာ တင်နိုင်ခဲ့ပါတယ်။

Downloak Links

- The Way to Nibbana - နိဗ္ဗာန်လမ်း (scribd pdf)

- The Way to Nibbana - နိဗ္ဗာန်လမ်း (scribd doc)

- The Way to Nibbaba - နိဗ္ဗာန်လမ်း (mediafire pdf)

- The Way to Nibbaba - နိဗ္ဗာန်လမ်း (mediafire doc)