သီတဂူဆရာတော်ကြီး၏ တက္ကဆက်ခရီးစဉ် မှတ်တမ်း

သီတဂူဆရာတော်ဘုရားကြီးသည် ၁၃-၀၇-၂၀၀၉နေ့တွင် ညနေပိုင် ၅-နာရီခွဲ၌ အမေရိကန်ပြည်ထောင်စု၊ တက္ကဆက်ပြည်နယ်၊ အော်စတင်မြို့ရှိ သီတဂူဗုဒ္ဓ၀ိဟာရကျောင်းတိုက်သို့ ရောက်ရှိခဲ့ပါသည်။ ရောက်လျှင် ရောက်ခြင်းပင် (၁၅-၀၇-၂၀၀၉)နေ့တွင် ကျင်းပမည့် ရွှေစည်းခုံစေတီတော်ကြီး ပနက်တင်မင်္ဂလာအခမ်းအနား အတွက် စီစဉ် တော်မူသည်။ မနားမနေ အလုပ်ကိုကြိုးစား စိတ်နစ်၍ ပြုလုပ်သော ကျေးဇူးဆရာတော်ဘုရား ကြီး၏ ကြည်နူးပျော်ရွှင်နေသော မျက်နှာတော်သည် သာသနာတော်နှင့် အမိမြေအတွက် ပေးဆပ်ထားသောသူ၏ စေတနာ၊ မေတ္တာအရောင်များဖြစ်သည်ဟု မနက်ဖြန်စိတ်တွင် ခံစားမိပါသည်။

တက္ကဆက်ပြည်နယ်၊ အော်စတင်မြို့ရှိ သီတဂူဗုဒ္ဓ၀ိဟာရကျောင်းတော်ကြီးကို 1994-ခုနှစ်တွင် တည်ထောင် တော်မူခဲ့သည်။ ကျောင်းတိုက်၏သက်တမ်းသည် (၁၅)နှစ်ခရီးသို့ဆိုက်ရောက်ခဲ့လေပြီ။ ကျောင်းတိုက်အတွင်း၌ ဒေါ်လာတစ်သိန်းကုန်ကျသည့် City Water ရရှိအောင်မြင်ပြီး ဒေါ်လာငါးထောင်ကုန်ကြသည့် ကမ္မဋ္ဌာန်းကျောင်း
ပေါင်း၁၀-လုံးနှင့် ဒေါ်လာရှစ်သောင်းကျော်ကုန်ကျသည့် ယောဂီပုဂ္ဂိုလ်များ ရေချိုးသန့်စင်နိုင်ရင် ရေချိုးခန်း အိမ်သာအဆောင်ကြီးတခုတို့ကို တည်ဆောက်ပြီးစီးခဲ့သည်။

ကျောင်းဝင်း၏ အေရိယာအကျယ်ဝန်းသည် (၁၆) ဧကရှိပါသည်။ သားသမင်များပေါများ၍ တောအုပ်များ ထူထပ်သည့် လူသူများနှင့်မနီးမဝေးသောနေရာတွင် တည်ရှိသည်။ ယခုအခါတွင် အမိမြေ ပုဂံ (ပျူဂံ)တွင် တည်ထားရှိသည့် ရွှေစည်ခုံပုံစံတူ စေတီတော်ကြီးကို တည်ဆောက်တော့မည်ဖြစ်ပါသည်။ အမိရင်ခွင်မှ အဝေး ရောက်မြန်မာပြည်ဖွား ကိုရွှေသူကိုရွှေသားတို့အတွက် အထူးဝမ်းမြောက်စရာသတင်းလည်းဖြစ်သလို အမေရိ ကန်ပြည်ထောင်စုတွင် သာသနာတော်၏ အလင်းရောင် အလင်းတန်းများ တိုးပွါးထွန်းလင်းလာသည့် သင်္ကေတ တစ်ခုဖြစ်ပါသည်။ ထို့ကြောင့်ရွှေစည်းခုံစေတီတော်ကြီးအတွက် စေတနာ သဒ္ဓါတရားနည်းများမဆို အုဋ္ဌ်တစ်ချပ် သဲတပွင့် ပါဝင်လိုသူများ သီတဂူဗုဒ္ဓ၀ိဟာရကျောင်းတိုက်တွင် လာရောက်၍ဖြစ်စေ၊ အဝေးရောက် အလှူရှင် များအတွက် Online Donationနဲ့ဖြစ်စေ၊ လှူဒါန်းပါဝင်နိုင်ပါကြောင်း သတင်းကောင်းပါးအပ်ပါသည်။

သီတဂူဗုဒ္ဓ၀ိဟာရကျောင်းတိုက်၌ သီတင်းသုံးတော်မူစဉ် တရားတော်များဟောကြားမည်ဖြစ်ပါသည်။ အွန်လိုင်း တရားနာလိုသူများအတွက် အဖြူရောင်သံစဉ်တွင် တိုက်ရိုက်ထုတ်လွင့်ပေးနိုင်ရန် DJ ကိုစိတ်ကလေးမှ စီစဉ် ဆောင်ရွက်ပေးမည်ဖြစ်၍ အဖြူရောင်သံစဉ်မှ နာယူနိုင်ကြောင်းကို အသိပေးအပ်ပါသည်။

(JULY / 21/ 2009/ Tuesday) ညတရားပွဲကို ဖလော်ရီဒါပြည်နယ်ရှိ၊ ဓမ္မာလောကကျောင်းတိုက်တွင်ခမ်းနား ကြီးကျယ်စွာ ကျင်းပမည်ဖြစ်ပါသည်။ အွန်လိုင်းတရားနာလိုသူများအတွက် ရုပ်သံတိုက်ရိုက် (ကလစ်ပါ) ထုတ်လွင့် ပေးမည် ဖြစ်ပါကြောင်းကိုလည်း အသိပေးအပ်ပါသည်။ တရားပွဲသည်ဖလော်ရီဒါ စံတော်ချိန် (ည-၈နာရီ)ဖြစ်ပါသည်။

သီတဂူဆရာတော် ဘုရားကြီးအား လေဆိပ်တွင် သွားကြိုစဉ် လေဆိပ်တွင်


မနက်အာရုံဆွမ်း ဘုဉ်းပေးစဉ်



သီတဂူဗုဒ္ဓ၀ိဟာရကျောင်းဝင်းအတွင်း ရွှေစည်းခုံစေတီတော်တည်မည့်နေရာ


သီတဂူဆရာတော်နှင့် အရှင်မဟောသဓပဏ္ဍိတ (စစ်ကိုင်းမင်းရှိန်)



ထိုင်းဆရာတော် အရှင်ဓမ္မဇောတိကလည်း သာသနာအလံလွှင့်


ပနက်တင်မင်္ဂလာပွဲအတွက် ပြင်ဆင်ကြ



စစ်ကိုင်းမင်းရှိန်က လမ်းညွှန်


ကျောင်းအမများကလည်း အင်နဲ့အား



ဖလော်ရီဒါ ဓမ္မာလောကကျောင်းဆရာတော် ဒေါက်တာကိုပညာကလည်း ရေအေးအေးနဲ့ချွေးသိပ်


တယောက်တလက် ကျောင်းသားလက်


ဖုန်းတလုံးနဲ့ အလုပ်များနေတဲ့ မနက်ဖြန်


အားအကိုးရဆုံး ကပ္ပိယမ (အမေရိကန်သူ) Windyကလည်း ဖုန်မထဖို့အရေး


ကျောင်းသား မောင်ကိုကိုရဲ့ ကုသိုလ်လည်းရ ဗိုက်လည်းကား